道生麵館

營業中

休息中

原本以為不外如是，結果嚇咗一跳。同朋友嚟食，叫了一碗牛腩河，一碗牛小排的蕃茄米線。兩者的牛肉牛味也十分出眾。特別是牛小扒，肉汁幾乎要流出來。分量方面，尚算足夠成年男性午餐份量。裝修都比普通牛腩麵店為美觀。枱面貼有土耳其花磚，非常適合拍食物照片。美中不足之處有二，首先的是牛腩沒有牛筋，如果有一定更加出色。第二，要添加飲品比較貴，差不多10多元才有一杯普通的凍檸茶，飲品性價比比較低。雖然如此，總結來說一定會嚟再食。

坑腩墨丸撈粗，坑腩牛味濃郁油香滿滿，肉質爽口唔黐牙，清湯鲜甜有肉味，飲左冇口渴，墨丸相對平凡但勝在咸味適中(唔知點解而家周圍d墨丸成日好咸，太咸)，咬落爽爽地，好大碟，好多坑腩，份量十足，食完會好飽好飽，似食完大塊牛扒咁，環境舒服乾淨，性價比高，值得支持。

第一次黎呢間係健威坊既麵鋪店內裝修一般，座位唔算多但衛生整潔重點在於食物有心機食完成碗蕃茄牛小排河粉，一啲都唔口渴，食得出係無落味精，健康之選同啲大集團好唔同，太肚餓食咗幾塊牛小排先記得影相🤣熱奶茶好飲，有特色牛小排牛味濃，正第一次食湯河係會食得哂啲配料精神！值錢亦都算公道好難得開係港島既店鋪但都無收取天價宜家好多店鋪都係比大集團食哂，難得仲有一間咁特色既店鋪仔係一間食完會令人記得想回頭既店值得支持既小店😆😆

香港的良心企業食店，因崩沙腩，坑腩和清湯腩同一價錢，抵食價錢合理，清湯腩和坑腩等是有質數而且飽肚，沒味精，湯底和牛腩不油膩，吃麵可以連湯也飲埋，尤其坑腩肥瘦適中，牛小排也是不錯之選。態度很好，對客人招呼周到，老闆善談，員工友善，香港的有質數的良心企業食店，喜歡吃牛腩的必試食店之一。

最近同港式粉麵好有緣，好多新開嘅港式粉麵都相當有水準😎👍🏻繼上次西環有特色鵝腸撈外，今次黎到北角嘅「道生麵館」就以牛腩取勝！最令人嘆為觀止嘅係佢地不論牛腩、坑腩定崩沙腩都係同樣價錢😍 認真抵食🤤《 清湯坑腩牛筋河 》 $65 4.5 / 5 淨係睇到賣相都流晒口水😍 估唔到份量咁多👍🏻 坑腩仲要肥瘦適中，牛嘅紋路好靚～ 食落入口得黎亦唔會太咸，反而牛嘅鮮味頗濃郁🤤 而牛筋亦有另一個要𝘏𝘪𝘨𝘩𝘭𝘪𝘨𝘩𝘵嘅細心位，除左白雪雪事前清洗工夫做得好足之外，食落亦乾淨無毛無太多油脂包住👍🏻 所以食得好放心😋整體店舖雖小未算坐得好舒服，其餘單點時菜亦較貴，不過腩肉的確出色而且份量都多😎 係北角區又多個好選擇👍🏻———————————————🏠環境舒適度：💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛———————————————

lunch打算買個外賣快食，於是就外賣左個紫菜四寶河🥣首先間鋪頭俾漏左紫菜俾我，其次我拎外賣時再三確認有冇擺辣椒油，店員確定係有擺，結果拎到返去係冇辣椒油既🥲🥲食呢d魚蛋粉類既 對我黎講 辣椒油可以話係靈魂 彤寶今日係好想食紫菜，但係兩樣都冇😵😵我廢事再行番出去蒲頭到所以照食啦…四寶=牛丸，白魚蛋，魚片頭同埋墨丸其中牛丸同魚片頭都OK，但係墨丸甚有腥味，而且口感比較鬆散，白魚蛋可以話係難食，好似食緊舊粉咁，湯底味道不過不失啦😳呢碗粉盛惠$55外賣+$2，性價比低😂

有位中同喺北角番工，介紹咗我食一間清湯腩話開咗冇耐，仲有蕃茄濃湯菜式，最近想食番港式食物，同佢去咗試又幾正。✿ 炸魚皮 $20食親港式粉麵總會想叫一份炸魚皮食，炸魚皮香脆可口，想冇咁熱氣多數會沾湯食，淋啲食又系另一番風味。✿ 香煎雞脾扒 $35雞脾同雞扒架吾中會食到，雞脾扒咁難得有真系要試試😆外皮燒得脆卜卜，雞肉好滑🐔用黎送麵食好正。✿ 淨清湯牛腩 $138餐廳崩沙腩原來好好賣，原來想叫崩沙腩，店員話賣曬😅有另一枱又有問。淨清湯牛腩我地就要求要肥啲，因為朋友食牛偏好肥啲。牛腩口感軟稔，做到偏肥效果，牛肉味ok。✿ 清湯牛腩撈麵 $65撈麵啲牛腩牛肉味更濃，啖啖有嚼勁，搭配撈麵充滿港式風味。✿ 香煎牛小排鮮茄濃湯米線 $58好新穎嘅菜式，可以喺粉麵店食到真夠特色🤓牛小排每片偏薄，香煎方式使得油脂更豐富🐮有入口即溶感覺🤩蕃茄濃湯加米線頗入味，食牛小排同樣食到濃厚蕃茄味❤️

每個星期都會去鰂魚涌上話劇班，上完堂必定周圍搵食，今次行過少少到北角 試咗道生麵館。😋道生麵館的清湯牛三寶河是招牌菜之一，湯頭清鮮，牛腩、牛筋和牛肚燉煮得非常入味，口感嫩滑，且有著濃郁的牛肉香氣，口感讓人回味無窮。😋另外，我們還試了香煎雞髀扒鮮茄濃湯米線。鮮茄濃湯的味道非常鮮美，而且湯底非常濃郁。雞髀的部分煎得金黃酥脆，肉質鮮嫩多汁，與湯頭搭配得非常好，讓米線更加美味。😋配埋支裝可樂和雪碧，完全係炎夏絕配。😆

位於北角英皇道呢間⍟道生麵館⍟招牌用字相當特別，裝修比一般粉麵店企理乾淨，枱面用上唔同花花圖案做裝飾，感覺好有生氣，座位都算寬敞座得舒服，店員好有禮貌，上餐速度都好快清湯牛三寶米(牛腩，牛筋，牛肚）份量超多超足料，湯底清而夠味，牛腩炆得入味腍滑👍🏻半肥瘦好重油脂香，牛筋同牛肚大大舊惠顧$39以上粉麵可以半價配飲品一柸，油菜一律$20碟，熱檸檬水用上新鮮檸檬👍🏻飲落一啲苦澀味都冇，菜心好新鮮

家住東區，平日一得閒就會同屋企人過去北角搵食，貪嗰邊選擇多，價錢又夠大眾化。最近留意到健威坊新開咗間「道生麵館」，餐廳主打清湯腩，店內地方不大，舖面細細，座位不多，但裝修得頗骨子，環境乾淨企理。餐廳以清湯腩為賣點，所以一坐低就即刻點客淨清湯牛腩 ($138)  試下。先嚐一口牛骨清湯，味道非常清甜，濃而不濁，帶啖啖牛香，喝得出很足料。牛腩炆得好入味，鬆化不韌，脂肪比例亦啱啱好，入口油香滿溢，連帶筋嘅位置都好爽口，充滿骨膠原，絕對值得一吃。 四寶鮮茄濃湯烏冬 ($58)  湯底真材實料，以大量豬骨、新鮮蕃茄、洋蔥及多款香料熬製而成，味道天然，酸甜有致。四寶有魚蛋、片頭、牛丸和墨魚丸。魚蛋白滑輕盈，有魚味又唔油膩。片頭切成三角，邊位香，中間魚肉爽滑。牛丸同墨魚丸都好彈牙。烏冬煙韌富彈性，配濃味嘅蕃茄湯一流！另外仲點咗炸魚皮 ($20) 同 香煎雞髀扒 ($35)，魚皮大塊又薄片，食落超脆超鬆化。雞髀扒大大件，佔滿成隻碟咁滯，雞皮酥脆，雞肉嫩滑不韌，吸睛又邪惡。飲品點了最愛嘅凍檸茶 (+$9) 同 凍奶茶 (+$9)  檸茶甜度恰好，奶茶香濃順滑，味道甚佳。

喺呢邊行街，發掘下呢度嘅美食。我搵到一間牛腩既粉面。清湯崩沙腩「角」河店員有禮地推介左崩沙牛腩角河，限量售賣。每日只有兩碗售賣！非常罕有！牛味香濃嘅崩沙牛腩，白色位置富有彈性的骨膠原，絕對不是肥膏，非常美味！店員話這個部位煮的時間 火喉要拿捏得非常準確，要不然會老了變硬，不好吃。這幾塊都煮得非常有彈性，有啲似牛根的質地，但很有牛香 非常張口唔，是女士們的恩物。😍而且河粉不會容易斷香，亦都會掛湯。凍檸茶凍檸茶的茶底香濃，配上新鮮的檸檬，非常好飲，解喝。並沒有苦澀的味道。油菜：菜心 蠔油廚師細心地將菜心的根部及葉分開，用滾水灼過的菜心亦都非常嫩，配上蠔油，好好味😋推介指數：⭐️⭐️⭐️⭐️⭐️

道生麵館😘😘😘用心製作牛麵館北角健威坊、新開張廣東式麵館、店內裝修以灰系為主、簡約批盪灰牆、配特色餐桌、桌面以花系瓷磚拼貼、還有舒適灰仿皮靠背椅、既有特色又新穎😜店主透露、兒時曾在麵館幫手、情意結、追尋夢想！重新出發！承傳手藝......紫菜四寶湯$55....新鮮豬骨熬製嘅湯底、配上牛丸（香濃牛肉味）、魚蛋（爽口彈牙）、墨魚丸（有墨魚肉粒、有嚼口）、炸魚片頭、唔少得嘅主角紫菜、豐富鐵同鈣、最簡單就是原美道😘😘淨清湯牛三寶（牛腩、牛筋、金錢肚）$158⋯⋯每日新鮮牛、當日烹調四個鐘以上、調配出新鮮「鮮」味、牛腩清香甘甜的濃牛味、肉質坑紋清晰、入口溶化感、腍度剛好、金錢肚、爽囗彈口、有嚼口、夠入味、好味到不能用文字形容、帶出味蕾新感覺、牛筋爽滑入味、煙韌有嚼口、牛之三寶、店主用❤️製作、懂得欣賞品嚐、米芝蓮之作👍🏻👍🏻👍🏻香煎牛小排鲜茄濃湯烏冬$58....店主有心思、自家配製濃濃蕃茄湯底、每日新鮮、冇添加、牛小排微煎香、鋪🈵️蕃茄湯面、色彩艷麗、賣相吸睛、牛小排濃烈牛香味撲鼻、牛質肉嫩滑滑、夠juicy 、豐富口感、優質蛋白質、蕃茄抗氧化、十分健康配🈴️、必選菜單之一😋😋炸魚皮$20....

位於北角的港式粉麵店，主打清湯腩、牛肚、牛筋等等的湯粉麵；食物即點即製作，所以需時等候。餐廳地方不大，裝修簡單，枱十分精緻。鮮茄濃湯米線：香煎雞髀扒鮮茄濃湯米線整碗都是紅噹噹的，加入了新鮮番茄、洋蔥烹煮，每一羹都有番茄蓉，所以湯底也是很濃稠的，十分足料。湯底酸酸甜甜，很開胃。上面鋪上一大塊新鮮煎起的雞扒，雞皮煎得焦香，雞肉嫰口，鹹鹹香香。米線煮得較腍，掛滿番茄湯汁。粉麵可以半價優惠價點飲品。油菜：菜心有兩款菜選擇，菜心用清湯灼過，翠綠鮮甜，不用蠔油也夠味。

今日游走北角一帶路經健威坊(道生麵館)店舖Logo好特別，細問年輕店主有抱負幹勁大學生👍👍，店舖招牌承傳三代人創作🫶🫶💥💥溫馨提示想食崩砂腩記住早少少去食❣️清湯腩三寶~牛腩有店舖獨特配方，牛腩燜火候剛剛好，油脂甘香，肉質鬆軟，入口便知龍與鳳“新鮮牛腩”👍👍😋😋牛筋口感淡嫩不膩，質感好似貴價食材海參，真是最佳進補美食金錢肚無腥味，鮮香爽口，有彈性，入口回甘❣️四寶鮮茄濃湯濃香惹味鮮茄洋蔥湯底，配搭魚片頭、墨魚丸、牛丸和紫菜，爽口彈牙❣️香煎雞脾扒~外層焦香，具有特別清淡香味，肉質軟嫩，非常juicy😋😋❣️炸魚皮~炸魚皮酥脆可口，味道不會太咸，放湯又另一種風味

📍道生麵館(北角)北角英皇道580號健威坊LG樓L15號舖港島遊，去完HOKA開倉執到荀嘢就嚟到今日尾聲，長長英皇道，拎住戰利品行到咁上下肚餓就見到呢間麵館，呢度有別於一般粉麵店，佢個麵檔係入面，乾濕分離，環境舒服，啲嘢食食得出老問係用心煮出嚟🥰🥰🥰👉淨清湯牛三寶 💰$158😋😋😋😋.8/5有牛腩、牛肚、牛筋，全部都炆得好入味，好重五香味，個人覺得最出色係牛筋，好黏嘴，好重骨膠原，食完覺得皮膚即刻好咗啲(講笑)，但真係好食，值得一試🤤🤤🤤🤤👉腩汁蘿蔔💰 $18😋😋😋😋.8/5煮到又林又入味，唔係度度都係咁，腩汁唔會蓋過蘿蔔甜味，兩者都食到，又抵食😋😋😋👉炸魚皮 💰$20😋😋😋😋.6/5食粉麵又點小得炸魚皮份，好新鮮又脆，食到卜卜聲，隔離枱見我地食得咁好味，忍唔住都叫嚟食🥰👉油菜 💰$20😋😋😋😋.5/5有菜心同生菜揀，揀咗菜心，大條又夠甜，健康又好味🤤🤤👉魚片頭鮮茄濃湯烏冬 💰$42😋😋😋😋.5/5店舖自家熬製嘅蕃茄濃湯，好濃好重料，啱哂我最鐘意食蕃茄，用上手打烏冬，爽口彈牙，蕃茄濃湯掛滿係每條烏冬上，魚片頭新鮮又夠香口。夏天無乜胃口，呢個蕃茄湯酸酸甜甜，醒神開胃😋😋👉凍檸茶 💰跟餐+