連文記冰室

營業中

休息中

今晚用一個「臭」字講晒。兩個人去叫咗兩碗米線。第一碗送上嚟已經一陣臭味，於是仔細搵吓味道點嚟。一開始聞吓隻碗，已經聞到一陣臭味，之後聞埋隻匙羹，又一陣臭味，嗰種臭味似係一塊濕布放入櫃桶兩日嘅噏味。之後佢話佢d 湯係咁嘅味，唔關其他嘢事，如果介意就轉飯，唔好要米線。唔緊要，轉飯。第二碗送上嚟，碗米線好似無事，但都係一陣味，於是同佢反映係餐具有陣噏味，要求提供外賣餐具，安安樂樂食埋就算。佢開始賴係環境問題，話樓下間舖頭賣滷水嘢，搞到間舖有陣味，最後側側膊行開咗。如果大家想體驗臭餐具臭環境，歡迎試吓。

過嚟食嘢成日要睇老闆娘面色，你試吓唔小心倒瀉嘢飲佢塊面黑過你😂😂😂🤣😂又串又冇禮貌啲夥計又冇禮貌，一d笑容都冇，仲要淨係得比現金，而家咩時代呀，電子世代，吾想交稅？衛生程度簡直差，所有員工對手套黃黚黚，執碗抹枱同送餐上枱又係用呢對手套，墊完骨抹完枱，之後見佢拎飲筒放入杯凍檸茶度，再送俾人飲，嘔心程度真係拎滿分🤣🤮仲要食成日都會有蚊滋仔，上次仲有隻曱甴，荔枝角大把選擇，d 雞又鞋又冇味，真係諗唔明憑咩格收$80,未連野飲

位於荔枝角工廠大廈1樓，環境小小逼唔算太舒服。招牌花膠雞米線 $75★★★★☆叫左兩碗都係雞脾肉，雞肉有雞味，唔係超級嫩滑但唔算鞋口。湯底清甜濃郁，飲完無口乾。花膠有幾塊，大件又厚身，食落有口感，冇腥味。米線算順滑入味，但淋身左小小。胡椒豬肚雞米線 $69★★★★☆湯底夠哂辛辣濃郁，個胡椒味好出，加埋啲酸菜好惹味，但又唔會太咸！雞肉基本上係一樣，份量多，有幾件雞胸肉同埋一件雞全翼。豬肚比起雞肉份量更小，乾淨淋身唔算太入味。🌟總括：價錢可以反映係花膠質素，同其他薄薄一塊好大差別。湯底冇味精，飲左好多都唔見口渴。養身揀花膠，惹味揀胡椒湯。

我一直鐘意飲胡椒豬肚湯,呢一間岩哂我口味.一個人既浪漫.唔洗一班人就我叫一大窩.平月下午1：45到,都八成滿座.好有目標地叫一碗胡椒豬肚雞米線.好大碗,米線分量好足料,湯好夠味,重口味,重胡椒亦飲到雞湯,湯亦夠濃厚,好正.亦感覺唔重味精加$10轉雞脾,分量重唔少,好過食雞中翼；雞肉大部分都嫩滑,無overcook.豬肚都算乾淨,無異味,夠爽口湯清哂,結果米線都食唔曬,剩1/3.熱奶茶就正正常常la.好飽,滿足,都無咩可以挑剔.我一定會成日返來食,因為我鐘意胡椒豬肚湯,所以可能有 bias

今日第一次去食啲嘢食好難食，個面同啲配料喊到不得了，杯嘢飲又冇乜味，溝水咁樣。最緊要係裏面有一大浸煙味，唔知邊個食煙呢到唔食煙嘅人入去食真係好難頂。最後就係，啲侍應同員工態度好差，我哋嚟幫襯你㗎嘛，比錢你唔好食仲要態度唔好。咦唔好態度嗰個係老闆娘老闆黎，ok再見👋🏼不再幫襯

網上見到的食評唔錯，一於中午食飯時間去試下佢！去到門口都幾多人等緊位，不過可能之前的人等咗好耐走了，所以我哋都唔係等得太耐。有午市套餐，我叫了一個胡椒豬肚雞米線，另叫了一個蔥油豬扒飯，凍鴛鴦少甜、凍檸茶走甜！出品都好快，飲品味道唔錯！主要目標是胡椒豬肚雞米線，味道有啲辣，胡椒味很重，好正，同豬肚及雞味道很夾。雞的份量不少，味道都很有雞味，不是一般的雪雞味道！蔥油豬扒都算唔錯，不過當然比不上胡椒豬肚雞的味道！非常好，滿足的一餐，價錢都合理！

喺荔枝角返工放lunch雖然有好多嘢揀，但間間都爆滿🤯今次一個人出去食，就嚟試一試長期要等位嘅連文記🙌🏻1️⃣胡椒豬肚雞米線（$69）跟餐飲一嚟到當然即刻試一啖湯，湯底濃郁但唔鹹👍🏻好夠胡椒味，又唔會攻鼻同好辣，超正🤤配料方面，有三舊雞塊，雞肋🤣雞胸🥰雞翼尖🥲不過雞胸都大舊～而主角之一嘅豬肚洗得好乾淨💕無異味！平時唔食豬肚嘅我都好食得落口💃🏻另外我嗌咗少米線🍜但原身個底多紹菜，好夾之餘亦好飽肚😆食完覺得自己好健康🤓📍總結：-附近返工嘅，絕對要一試呀😚-真係一間多人嘅餐廳，一人就唔使等位，但二人之上都要攞籌等下㗎🥲

公司附近都好多嘢食，但係就未嚟過呢一間連文記，聽同事講呢間米線雞湯好出名，所以就趁機去試吓。呢間平時都要排隊㗎，好彩嗰日我哋好早就去到唔使等位。由於天氣突然間涼咗，又唔想諗食乜，所以就接受咗同事嘅提議，試咗佢哋嘅招牌花膠雞米線。我見同枱嘅人都好多叫花膠雞米線實冇死落咗order唔係好耐，碗米線就好快送上嚟。果然係有午市特色，快靚正！ 碗米線大大碗，有兩塊好大嘅花膠，同埋都幾多雞件。湯底有陣陣雞湯香味，飲落口好滑好順唔錯唔錯。可能平時食開嗰啲都係酸辣米線，呢一碗我覺得非常清新又順口，好好味。花膠大大塊，充滿骨膠原，真係對女士嚟講冇得頂啦。雖然佢係雞湯，但係啲雞食落去係滑嘅一d都唔鞋！ 加分！

連文記冰室天氣好凍兩點幾去搵嘢食，朋友搵咗呢間食花膠湯米線未食過就去試吓。去到已經有下午茶餐 但為咗食米線而來所以叫咗兩碗米線。花膠雞湯米線 $75湯嚟到唔夠熱，花膠都幾多件，雞比咗雞髀位好滑，有三件大大件嘅雞，湯底清甜但個人比較淡，米線有跟芫荽，唔食記得要叫走芫荽。胡椒豬肚湯米線 $69呢碗嘅湯比花膠湯熱，豬肚好食，呢碗嘅雞胸肉比較鞋口，但雞一樣係大大件，胡椒味都好濃，兩碗米線份量適中，亦都唔會煮得太稔太碎，個人覺得胡椒湯比花膠湯好食。跟米線配熱飲免費。

今日叫左一碗招牌花膠鷄米線，好好味，花膠好大塊，雞都算多，另一碗叫做胡椒猪肚鷄米線轉左湯飯，啲湯飯就林咗少少，但味道依然好好味，我哋一個加咗熱奶茶，一個叫左菜蜜，環境糸一般，味道搭夠

之前食過已經唔想再食但同事係咁話比機會佢所以我先再比機會同一班同事食一次😡😠🤬🤬😡🤬😠一入到去呀姐態度已經好差明明有好多位 都要我地坐啲唔好坐既枱搭枱逼埋一堆去食講野語氣都好差好似佢先係客未食已經一肚氣叫左竹生雲吞雞米線啲雞又再退步左 好鞋 冇味雲吞都唔好食 唔知換左個廚定係點只係勝在碗麵夠大😣😣😣大家食完之後 真係齊齊講唔會再有下次我唔會再比機會嫁喇大家想練eq受氣就去食下啦🤢🤢🤢🤢

👤人數：2💰埋單：141🍽口味：標準🍽菜份量：標準劃重點！！💰💰CASH ONLY!!我哋兩個人都嗌咗招牌嘅花膠雞米線，一碗多粉（免費加），一碗正常粉，我覺得如果係女仔，正常分量已經好足夠，凍飲加3蚊，都算OK.環境唔算好大，可能工作日需要排下隊。🍜花膠雞米線，💰69首先係個湯底味道吾會好味精味都吾會太淡，我個人口味偏淡覺得剛好好，雞湯味道都算濃，飲完不會好口渴。啲花膠好腍，而且分量算係我見過花膠偏多嘅一間店，69蚊免加一都算係幾抵食，米線吾會軟，有彈性，重點雞係雞肶肉或者雞翼，幾滑吾會柴。整體感覺係唔錯，會成為回頭客😋😝

🙋🏻‍♂️餓底探員今日去咗荔枝角調查呢間米線同泡飯專門店，試吓佢個招牌花膠雞，🍗🍚招牌花膠雞泡飯 $69📸表示呢個花膠雞泡飯有幾嚿大花膠，嚿雞仲要係雞髀，好大碗又足料，睇見都流晒口水🙋🏻‍♂️表示個湯底係豬骨鮮雞上湯，飲落好鮮甜，花膠食落軟稔，雞肉嫩滑，個泡飯吸收哂個湯底嘅精華，食完好滿足⁡📈吃貨指數😋好味度 7/10🔙返啅度 7/10

離開荔枝角區已經幾年~偶然經過總有一些美食回憶想再去食.今日就去食呢一間~花膠雞湯米線/湯飯(店內主打).湯底:保留雞湯的精華米線：軟硬適中雞:仍舊是滑的雞髀,但不算太juicy.份量也好像少了.印象中以前1/4隻雞花膠:雖然仍有三塊但是口感不是太膠比較淋身(麻麻地)如果你們第一次去食,建議可試原味.如果唔怕薑味的辣,超推介食胡椒豬肚雞湯米線(冬天時食必點~驅寒保暖)另一冷門推介“蔥油豬扒飯”~勁多蔥油鋪滿成碟飯~可以一試

下午幾個同事黎食lunch一入去scan完要我地出返鋪出面等位等左陣有得入去入到去張枱到抹得好求其仲有啲殘渣係枱🤢🤮🤢🤮然後個呀嬸啲態度語氣又好差知你地老字號但講真我地其實都係黎食個飯姐唔洗受你氣呀麻？❓❓❓啲野再好食都冇用我地以後唔會再黎食😡😡食左個花膠雞 $69啲雞孩過之前個次😕未食完就走黎收碗收碟做咩姐 你好多客等緊咩？又唔係咁樣感覺真係好差👎👎😤😡仲有杯菜蜜飲到落底有粒核係到好嘔心