連文記冰室

今日午餐去左連文記，這湯飯餐廳就聽得多，但今次第一次幫襯。一睇餐牌，以為這些雞湯類只能跟米線，而湯飯就只有冬瓜，但原來雞湯都可以轉飯嫁，所以就叫左「竹笙雲吞雞湯飯」$60幾蚊嘅午餐還跟飲品🥤，都算抵食。先試湯底，甜，有雞味，清清地又唔好油雲吞有三粒，有蝦有肉，不錯。竹笙都有五六片，份量都不少。驟眼睇雞件也很多，每一件的雞肉都很滑，一點都唔嚡。我同事叫左花膠花菇飯，佢請我食左一片花膠，花膠都算大片且口感都幾厚，所以這款價錢會貴一點。…查看更多

因身體虛弱，時不時就要飲吓雞湯補一補，所以有❤️同事幫手搵咗公司附近嘅雞湯米線俾我，有得飲又有得食。連文記就係其中一間，今日去試吓先。連文記位於樓上一樓，要行一小段樓梯。店內座位約30個，唔會好迫，坐得舒服。如果平日lunch 嚟，最好12:45前入座，遲咗就要等位喇。今日一心想試吓雞湯米線，所以叫咗最貴嘅花膠雞，並加以分析比較。招牌花膠雞米線（$75 包熱飲，凍飲+$3）雞湯雞湯底唔係最濃嘅雞白湯。雞味都濃，但俾金華火腿嘅味道蓋過咗啲，飲落似雲吞雞湯。好在冇味精，飲落去好舒服，雖然唔係我嘅理想型。😁花膠花膠厚身又煲到好淋，起晒膠咁，仲有4-5嚿。雞雞有雞味，雞肉仲好滑，份量有4嚿（今日有雞脾）👍。米線Q彈爽口，唔好煮過火，滑嘟嘟好入味。連文記除咗雞湯米線，佢嘅碟頭飯都好受歡迎，下次可以試吓。…查看更多

食過九龍灣果間連文記已經覺得好食，估唔到荔枝角都有，仲要地鐵站一出就係好方便，餐廳座位闊落又有電視睇👍✦ 招牌花膠雞米線招牌菜之一(可選擇泡飯或米線)！最大嗰舊花膠有半隻手掌咁大，配多幾舊雞塊真係好足料，仲有成隻雞脾🍗添！值得回味係個鮮雞濃湯底，入味得黎又完全唔咸👍見隔離左右多數都係叫依個，絕對係必食推介！✦ 蕃茄濃湯牛肉米線 唔想食雞既人可以選擇依款，一碗面起碼有10幾塊牛肉，好幾大塊下，又有菜！配埋個蕃茄湯底好開胃，米線軟度岩岩好易入口，同埋都幾大碗架，加埋野飲實飽阿🙌✦ 紅豆冰＆紅豆奶茶跟餐熱飲唔洗加錢既，凍飲加＄3特飲就加＄8好抵👍🏻咁熱天氣梗係飲紅豆冰啦，仲有奶茶或咖啡嘅選擇，而且紅豆份量又多，推介！…查看更多

🇭🇰隱世雞湯麵MTR出來見到間樓上鋪麵店，即刻同朋友仔來試下先～上到來見到都好闊落 好乾淨～就試咗佢哋嘅招牌米線😋胡椒豬肚雞米線🍜今日有小小落雨☔️ 胡椒豬肚雞湯真係飲落好舒服😌花椒雞米線🍜好大塊花膠 同埋超大隻雞髀🍗！雞湯好濃郁 好味😋瑞士雞翼🐔超入味！睇落去就好好食 我一個人可以食四隻😂 唔想同friend share哈哈哈哈哈跟餐嘅阿華田同埋奶茶都唔錯👍估唔到上樓會有間佈置有自己style 嘢又好食嘅店😇有下次！…查看更多

嚟！去食花膠雞湯米線荔枝角呢個餐廳集中地揀左間樓上冰室食米線純粹係被花膠雞湯吸引奶白色嘅湯底爽滑米線滋補花膠加上嫩滑雞脾結合成呢一碗簡單美味而滋潤濃郁嘅雞湯米線雞湯飲得出無加味精！花膠大件又有豐富膠質另一碗係雲吞雞湯米線湯底比起來多少少鮮味雲吞唔算大粒勝在足料凍奶茶有驚喜茶味香濃飲過一啲係完全無茶味好似一杯有味嘅凍水咁但佢茶味香濃甜度適中唯一驚係飲完牙有茶漬🤣—————————————————————🔸 招牌花膠雞米線 $75🔸 竹笙雲吞雞米線 $69🔸 轉雞脾 +$10…查看更多

花膠雞湯米線上桌時，湯面浮著一層琥珀色的油光，那是膠質與時間交融的印記。湯汁濃稠得恰到好處，舀起時能拉出細絲，入口卻是意外的清爽。花膠早已燉至半透明，在齒間留下黏唇的觸感米線吸飽了湯汁，每一根都裹著濃郁的雞鮮，卻仍保持著彈性。最驚豔的是那若有若無的酒香，巧妙地平衡了膠質的厚重。新鮮的芫荽，為這碗奢華的湯品添了一筆樸實的註腳。雞髀肉嫩口，很容易便撕開Order了秘製的鹹檸七，有驚喜，天氣熱　喝起來比較解渴。…查看更多

最近造訪了連文記冰室，品嚐了他們的招牌花膠雞米線和胡椒豬肚雞米線。花膠雞米線花膠雞米線的湯底清澈，帶有淡淡的雞香，喝上一口令人感到十分舒適，花膠的口感滑嫩，米線吸收了湯汁的精華，彈牙的口感也讓人驚喜。加上$10轉雞髀肉後，雞髀肉的肉質更加細膩，增添了飽腹感，讓整碗米線變得更加豐富。胡椒豬肚雞米線胡椒豬肚雞米線則展現了另一種風味。湯底濃郁，胡椒的香氣四溢，給人一種溫暖的感覺。豬肚的口感脆爽，與雞肉的鮮嫩形成對比，米線同樣吸收了湯汁的精華，搭配上胡椒的微辣，使得整體味道更加立體。這道米線在寒冷的天氣中一定特別讓人感到暖心。我點的凍奶茶非常清爽，茶香濃郁，奶味適中，完美地平衡了甜度。而紅豆奶茶則稍微偏甜，紅豆的香甜與奶茶的濃郁融合，每一口都十分滿足。淨雲吞另外還點了一碗淨雲吞，外皮薄透，餡料新鮮，肉質鮮嫩。…查看更多

今日去左荔枝角搵食，黎到D1出口上地面，隨即見到主打花膠雞米線的「連文記冰室」，環境簡單舒服，光猛明亮，適合朋友聚會🎈。招牌花膠雞米線：湯底濃郁，用上豬骨雞熬製而成湯，呷一口湯頭，清甜雞香帶豬骨咸味，不含味精飲落非常安心，不會口渴。花膠厚切又大塊，食落非常有口感，補一補骨膠原。米線彈牙有咬口，完美吸收雞鮮味，非常順口。胡椒豬肚雞米線：湯底辛辣夠胡椒香味，胡椒香氣十足，暖身一流，加埋毫不吝嗇的酸菜、好惹味，雞肉非常嫩滑，仲要用上雞髀肉，啖啖肉好爽，仲有雞全翼，豬肚爽彈充滿胡椒香，寫得乾淨，又夠入味，真不錯。總結：簡簡單單一碗滋補花膠雞米線🍜湯頭濃郁清甜 雞肉夠嫩滑…查看更多

今天下午，我去咗招牌雞湯米線連文記冰室，位於荔枝角長義街10號昌隆工業大廈1樓A號舖。呢間冰室真係好出名，環境簡單又舒服，適合同朋友聚餐。我點咗花膠雞米線，湯底係用豬骨鮮雞熬製，味道濃郁，唔含味精，喝落去好安心。米線吸咗湯汁，口感滑順，真係好好味。仲有，我加咗個沙嗲牛肉包，包入面嘅牛肉嫩滑，加上沙嗲醬更添風味，實在唔可以錯過。飲品方面，我叫咗凍紅豆奶茶同凍紅豆咖啡，兩者都好清涼，尤其係凍紅豆奶茶，甜度適中，啖啖都想飲多一口。總括嚟講，呢次用餐體驗非常開心，下次一定會再來！#連文記冰室 #荔枝角長義街10號昌隆工業大廈1樓A號舖…查看更多

呢間店嘅衛生極差。碗麵到咗之後，就聞到有一陣發霉、噏臭腳嘅臭味。本身以為係碗湯嘅問題，所以就請老闆換過碗湯，佢就話全湯都係一樣味道，所以就俾咗碗飯我。但係一路食飯都仲一路有呢陣味，最後發現原來係啲餐具包括匙羹、碗等等發出嘅臭味。於是就向老闆反映，希望佢可以俾啲外賣餐具我算，但係佢完全冇去了解，就話係樓下間滷味店傳上嚟嘅味道。但係我聞過幾次，都幾肯定啲味道喺啲餐具度傳出嚟，餐飯真係食唔落。呢間店嘅衛生程度強差人意，老闆嘅態度更加令人汗顏。陣味真係諗起都想嘔🤮…查看更多

今晚用一個「臭」字講晒。兩個人去叫咗兩碗米線。第一碗送上嚟已經一陣臭味，於是仔細搵吓味道點嚟。一開始聞吓隻碗，已經聞到一陣臭味，之後聞埋隻匙羹，又一陣臭味，嗰種臭味似係一塊濕布放入櫃桶兩日嘅噏味。之後佢話佢d 湯係咁嘅味，唔關其他嘢事，如果介意就轉飯，唔好要米線。唔緊要，轉飯。第二碗送上嚟，碗米線好似無事，但都係一陣味，於是同佢反映係餐具有陣噏味，要求提供外賣餐具，安安樂樂食埋就算。佢開始賴係環境問題，話樓下間舖頭賣滷水嘢，搞到間舖有陣味，最後側側膊行開咗。如果大家想體驗臭餐具臭環境，歡迎試吓。…查看更多

過嚟食嘢成日要睇老闆娘面色，你試吓唔小心倒瀉嘢飲佢塊面黑過你😂😂😂🤣😂又串又冇禮貌啲夥計又冇禮貌，一d笑容都冇，仲要淨係得比現金，而家咩時代呀，電子世代，吾想交稅？衛生程度簡直差，所有員工對手套黃黚黚，執碗抹枱同送餐上枱又係用呢對手套，墊完骨抹完枱，之後見佢拎飲筒放入杯凍檸茶度，再送俾人飲，嘔心程度真係拎滿分🤣🤮仲要食成日都會有蚊滋仔，上次仲有隻曱甴，荔枝角大把選擇，d 雞又鞋又冇味，真係諗唔明憑咩格收$80,未連野飲…查看更多

位於荔枝角工廠大廈1樓，環境小小逼唔算太舒服。招牌花膠雞米線 $75★★★★☆叫左兩碗都係雞脾肉，雞肉有雞味，唔係超級嫩滑但唔算鞋口。湯底清甜濃郁，飲完無口乾。花膠有幾塊，大件又厚身，食落有口感，冇腥味。米線算順滑入味，但淋身左小小。胡椒豬肚雞米線 $69★★★★☆湯底夠哂辛辣濃郁，個胡椒味好出，加埋啲酸菜好惹味，但又唔會太咸！雞肉基本上係一樣，份量多，有幾件雞胸肉同埋一件雞全翼。豬肚比起雞肉份量更小，乾淨淋身唔算太入味。🌟總括：價錢可以反映係花膠質素，同其他薄薄一塊好大差別。湯底冇味精，飲左好多都唔見口渴。養身揀花膠，惹味揀胡椒湯。…查看更多

我一直鐘意飲胡椒豬肚湯,呢一間岩哂我口味.一個人既浪漫.唔洗一班人就我叫一大窩.平月下午1：45到,都八成滿座.好有目標地叫一碗胡椒豬肚雞米線.好大碗,米線分量好足料,湯好夠味,重口味,重胡椒亦飲到雞湯,湯亦夠濃厚,好正.亦感覺唔重味精加$10轉雞脾,分量重唔少,好過食雞中翼；雞肉大部分都嫩滑,無overcook.豬肚都算乾淨,無異味,夠爽口湯清哂,結果米線都食唔曬,剩1/3.熱奶茶就正正常常la.好飽,滿足,都無咩可以挑剔.我一定會成日返來食,因為我鐘意胡椒豬肚湯,所以可能有 bias…查看更多

今日第一次去食啲嘢食好難食，個面同啲配料喊到不得了，杯嘢飲又冇乜味，溝水咁樣。最緊要係裏面有一大浸煙味，唔知邊個食煙呢到唔食煙嘅人入去食真係好難頂。最後就係，啲侍應同員工態度好差，我哋嚟幫襯你㗎嘛，比錢你唔好食仲要態度唔好。咦唔好態度嗰個係老闆娘老闆黎，ok再見👋🏼不再幫襯…查看更多