農耕記 湖南土菜 (好運中心)

營業中

休息中

一行3人週日正午12點前入座，不用等位。可能仲未返晒工，入餐廳時無日式嘅歡迎儀式😄。餐廳唔係好大間，只有2人/4人枱，大概二十幾張枱，隔離枱5人都係加圓櫈坐走廊。成間餐廳嘅員工似乎都係外勞，聽倒佢地之間用普通話溝通。而且坐附近嗰幾枱都係移咗民嚟香港嘅家庭，感覺好似返咗大陸咁😄。講返啲嘢食。我地叫咗5樣。1) 招牌蝴蝶魚(少油、走辣，$98)份量都幾多，仲有啲紅蘿蔔薄岸同青瓜薄片一齊炒。但味道就無乜特別，好似屋企餸咁。成碟嘢好咗好多蒜頭炒，我自己就麻麻地。2) 鮮炒黃牛肉(少油、少辣，$138)用咗土豆絲(薯仔絲)炒，味道唔錯，但好油。牛肉嘅味道係似返大陸食火鍋嗰種肉味，不過有啲韌，而且好多牛肉都切到碎濕濕，好難夾。3) 魚湯滑豆腐($58)魚湯清清地，同豆腐應該係夾嘅。豆腐好滑，似百福豆腐，不過唔知點解豆腐好似係甜嘅。4) 香辣刁子魚($38)似上海菜嘅薰魚，但呢碟魚係辣嘅，而且亦無咁好味。魚嘅質地似硬咗嘅豆豉鯪魚，魚皮仲硬，唔啱口味。5) 老麵花卷($29)花卷好鬆軟，甜甜地，但我食唔倒麵粉味。整體質素麻麻地，但價錢確係比一般餐廳平少少，會再幫襯嘅，不過唔會好熱切咁囉。

今日已經是第二次踏入此餐廳，那次我同媽媽叫了糖醋酥肉和魚湯白豆腐，糖醋酥肉好惹味，但我特別喜歡他們的魚湯白豆腐。今次特地帶爸爸來試食，當然一定有魚湯白豆腐，還叫了招牌湖蝶魚，我們的是走辣，好好味，不消數分鐘已經食清了，來不及拍照😝而果木脆皮烤雞還可以，不太喜歡辣的我竟然喜歡他們放在烤雞旁的辣粉，好香但不太辣，真的可以為了他們的辣粉叫半隻雞來一試🥰順帶一提，他們的茶水好香，飲下一啖覺得很舒服。我們已經約定下次來試鄉里蒸扣肉。

下午6點鐘在GuLu 攞咗飛，半小時後到門口，不用等10分鐘就可以就座。太幸福了。雖然湖南菜有辛辣，但有很多菜式可以選不辣，老幼皆宜。兩個人點了如下菜式：。招牌湖蝶魚 （爽）。乾鍋酸菜肥腸 （可以少油，好食）。果木脆皮烤雞 （可以半隻或全隻，卜卜脆）。鹹蛋黃燒賣 （yummy 😋）。香水檸檬茶 1 L （好大杯，開心又滿足）

酸菜魚$158：無酸味，正常辣無辣味（平時譚仔食開10少辣），魚有骨。真係未食過咁難食既酸菜魚呀！太二，楊記好過佢好多鮮炒黃牛肉$138：份量少，牛肉碎濕濕，已經叫少油，但好似油浸咁。總結：唔會有下次

味道比國內差，有店員只會説普通話！食物大力放在桌面，另外，食飯途中兩次叫我們起身要拿東西。整體感覺不好！叫了小炒肉和油豆腐，小炒肉還可以，但油豆腐沒有風味，下次不會再光顧！

第一次黎到好運中心的農耕記…服務態度不錯..食物夠辣上菜快..就是冷氣不夠涷…裝修不錯.會派氣球給小朋友…等候時間都不會怕小朋友不耐煩餐廳放著農村歌.雖然聽唔明但好有在農村的感覺

等位等咗差唔多一個鍾 但慳咗返上大陸過關嘅時間 都值嘅 之前喺尖沙咀都有見過佢嘅分店 已經好想試一試 可惜等候時間太長 最後放棄咗 沙田這個位置就更加適合沙田友 等待時候可以去附近商場行

星期六，下午五點幾已經差不多坐滿咗，見新開試吓。安排佐坐卡位，之後用QR code落單，過咗一陣就嚟咗一碟酸甜豬柳，我哋叫仲咗絲瓜，但嚟咗碟炒蛋，見到碟絲瓜去咗後邊張枱，告知店員之後，店員拿走佐炒蛋，繼續無黎個絲瓜，一直都未嚟，到差不多食完，就跟店員說取消，店員卻馬上入去叫廚房整，然後出來同我哋講而家整緊，我哋話唔要，佢就話廚房而家整，咁無奈接受…但再坐咗一陣，佢都仲未嚟，再叫個甜品，食完都冇嚟到，個絲瓜又係去咗其他枱。個店員又再走過來，她說啲菜上齊了，同佢講嗰絲瓜都係冇嚟，我們不要啦，你不要整，佢面露不悅行走佐。見到其他都有催食物，話啲食物冇嚟到，見佢好多人喺度做嘢，但安排很混亂，d菜亂咁派，所以好多台等極都無黎。講返食物，叫了個土雞$158，覺得雞的質素就一般，味道只係香濃辣味，和大陸啲土雞不一樣。叫了個燒賣，原來入邊係糯米飯加蛋黃，有啲怪，因為好似一隻糭，但又冇咁好食。然後叫了個桂花冰粉，個冰粉都係無內地食過冰粉咁好食，無桂花香，而且配料少得可憐，就收$32。最後食了$322兩個人總括而言，試一次就算。

菜式挺美味的，很好吃。服務態度也很好，挺喜歡這種菜式的。很有家鄉菜的風味，湖南士菜很好吃。小孩喜歡吃炒黃牛肉，蒜蓉蝦仁也不錯，酸菜魚的味道比之前的更好吃。推薦大家去試試

招牌菜牛肉炒芹菜，酸辣雞雜，鮮肉米粉，茶樹土雞，還有小孩很愛吃的甜品，每次來都是必須點的菜品，當然，他們家還有比較出名的招牌鮑魚小炒肉，很好吃，下次還會來，也會點小孩喜歡的甜品🍮😄

好食有熱爐等牛唔凍細心招牌沒有用預製賽都是新鮮熱炒菜品不滿意嘅話可以才又可以換同平時香港食嘅餐廳好唔同文化有好大分別應該做得幾好同埋香港食越南菜嘅的確好似可以揀有辣用嗎

沙田新開的湖南菜餐廳，門口大排長龍，等左好耐終於入座。叫左尖椒炒雞蛋，豆腐湯，燒雞呢三個菜。嘢食有D遲黎，但味道不錯，豆腐好有豆腐香。居然冇咩科技味🤣所以冇咩大陸嘢食feel

今天的用餐體驗非常愉快，菜餚新鮮美味，價格也很合理。特別喜歡他們的招牌菜，值得一試！餐廳氣氛不錯，音樂、燈光都恰到好處。菜餚口感細膩，服務周到，是難忘的用餐體驗。

這家餐廳以「農耕記」為主題,強調食材的新鮮和原始滋味。米飯粒粒分明,米香四溢。整體用餐體驗良好,讓人感受到大自然的饗宴。不過價位略高,可能會影響一些顧客的接受度。總的來說,這家餐廳值得一試。

無五常米食有啲失望。但整體味道很好味。有少油選項，感覺好像健康了點。希望有更多不辣的菜可以選擇，咁就更加老少咸宜。推薦可以試食糖醋肉，同油豆腐燜拆骨肉。下次再黎👍