農米莊 (豉油街)

營業中

休息中

天氣凍凍地, 最岩就緊係食返D熱辣辣既野...又想食米線, 又想飲湯, 行過呢間有D特色湯底米線既農米莊又唔使等位, 就入去試下啦墨魚餅, 新鮮炸出黎熱辣辣又脆卜卜...咬落去仲有粒粒墨魚, 配埋個甜酸汁,,唔錯唔錯最怕叫藥膳個湯淡到好似水咁...呢個藥膳湯藥材味做得岩岩好,,,飲落去唔會好似食中藥咁..仲有冬菇, 雲耳, 杞子,,仲有蟲草花做配菜..成個藥膳湯有藥材味得黎又帶點甜,,值得推介椰子雞湯米線裡面仲有冬菇, 雲耳, 豆卜, 支竹做配菜值得一讚既係佢唔係用鮮冬菇, 而係用乾既冬菇, 所以好香冬菇味碗米線一到緊係要試個湯先啦..個椰子雞湯飲落去同想像中有少少唔同因為飲開既椰子雞湯會有好清既椰子水味, 但呢個就飲落去有D椰槳既味道,,但整體都唔差既, 雞件都多肉同埋新鮮, 唔會有雪味, 同埋都幾滑意外發現心形冬菇

主打雞湯米線既#農米莊 有好多唔同款既養生湯底可以揀🤤---------------------------椰子雞湯米線 $58椰子雞湯呈奶白色 味道清甜💁🏽‍♀️不過就唔太飲到椰子味 同埋唔知係我果碗既問題定本身個湯底係咁 飲落有啲喇沙味 仲有少少辣 好在唔太濃味 飲完都唔會好口渴😌湯底都幾足料 有豆卜、腐竹、冬菇、雲耳、生菜 雞肉有五大舊 即使係雞胸都好嫩滑 另外要讚一讚啲米線好滑 稍嫌煮得過淋無乜咬勁🙈.總括黎講無論湯底同米線都整得唔錯 推介！重點係開到凌晨3點 宵夜唔錯👌🏻評分：8.5/10

仲記得我第一次黎食既時候係因為網上見到一個post話係連湯都飲哂既米線個陣我心諗 邊有咁誇呀？？！然後我食過一次之後就踏上左農米莊呢條無盡旅途了我有時會食下黑蒜雞湯米線但講到all time favourite一定係椰子雞湯米線個湯真係好creamy好鮮甜好好味一聞到就忍唔住要擺落口食左一啖忍唔住要一啖接一啖咁食食完d麵同餸都不哂d湯黎飲到無先可以停！所以黎親呢度食飯我都會同朋友講定 我係唔會等埋你個碗黎先開始架又或者係佢個碗黎先我就會逼佢開動唔會咁殘忍要佢等埋我個碗先食我真係等唔切啦朋友食到一半我已經literally食清光了PS: 餐廳既playlist好跳脫好random但我中意好岩90後聽haha

今日同friend放工做完gym，已經差唔多十一點了，呢個時間原來旺角好多餐廳都關左門，餓餓地唯有周圍到處逛，睇下有咩食！行到波鞋街，離遠見到有幾間餐廳仲未關，而其中一間就係「農米莊」，開到凌晨三點，就算同friend傾到夜一夜都唔怕！另外，呢間餐廳主打藥膳雞湯米線，製作不添加任何味精，聽講仲有養顏養生功效添！Menu內有多款湯底可以選擇，最後我點了椰子雞湯米線($58)，而朋友鍾意食辣，點了麻辣雞湯米線($49)！到左約五分鐘，椰子雞湯米線送上了！由於湯底用鮮椰子特製，所以係奶白色的，而湯底內亦有椰絲，成個湯飲落去清清地，甜甜地，但唔會感覺過甜，而且無味精，就算成碗飲晒都無問題！至於雞肉既肉質好嫩滑，再加上椰子湯既甜味，配搭一流！而朋友食完麻辣雞湯米線後，都說辣味同雞既配搭恰到好處，值得推介！

呢間米線 標榜健康養生 好似幾出名咁 一入到去已經見到貼左好多雜誌訪問 本身想食清淡d 但都係忍唔住叫左酸辣雞湯米線 上菜都快 除左雞仲有d菜同雲耳 d雞不過不失咁啦 但我慊佢唔夠酸… 下次試下藥膳 可能會好食d

今日兩大一細去食，當然兩大試吓湯米線，小朋友想食出前一丁，所以改左一碗丁麵，丁麵嚟到～我問服務員點解個湯係白色應該唔係出前一丁？佢話冇落錯單喎，我再問問啦，我即刻話其實錯左唔緊要，唔洗換費時浪費，幫我扣返加丁麵嘅錢啦，之後一男一女服務員過嚟話係出前一丁，不過用左雞湯，我話小朋友就係想食出前一丁麵同調味嘅湯，佢話個麵已經用左出前一丁嘅麵，所以唔可以扣返錢⋯再講左一陣，我就費時同佢再講⋯一間不能再去的店⋯

我係藥膳愛好者，聽到朋友介紹呢間食藥膳雞米線幾正，就二話不說星期６下午茶時間黎食！下午茶時段一碗米線連熱飲HK$48, 都算抵食!呢度既主打係健康好味既雞湯米線，冇味精強調湯都可以飲哂！我叫左懷舊藥膳雞湯米線，黎到見到湯底幾清徹, 唔會好多油, 同埋加埋生菜落去 夠健康!試飲下湯底, 藥膳味好濃郁回甘,應該落左好多川芎，飲落 冇味精，真材實料。 農米雞肉都好滑唔會煲到老哂, 同埋比左雞翼同雞脾我, 加分最後我食唔哂Ｄ米線，但湯已經比我飲哂平時番工係街食茶餐廳既野咁油膩，呢度真係一個唔錯既選擇。

平時行過都無留意到，呢度有間米線鋪。原來呢間農米莊係有兩間分店。一講米線，多數都會講譚仔、南記或者魚米家。依家呢間，都係第一次食。呢間鋪頭除左米線，仲有幾款飯同小食。相比平時食開既譚仔、南記或者魚米家就少啲嘢揀。沙嗲雞湯米線（$37）呢碗米線超多配菜，配菜包括豆卜、雲耳、芥蘭頭同生菜。呢個真係少見，多數都係得啲芽菜、䓤，最多有埋芫荽。D雞，肉質超嫩。個配菜，好好味，真係估佢唔到。個湯底清左D，無乜沙嗲味，反而食到雞湯味，呢個配搭有D怪。雖然加左沙嗲，但個麵都唔算好油。米線煮得岩岩好 彈牙有咬口。份量比譚仔少既。午市同晚市都係差$10左右，可以接受。

之前食過呢間野既黑蒜雞米線好味，今次經過帶埋朋友再試。今次試自選米線。$30包一味$6-$8餸，我叫左勿演同農場雞，朋友叫左黑椒海膽丸加農場雞。無錯，雞，全部都係雞。因為佢既雞係真係好有雞味!!唔係都唔會因為佢再黎幫襯啦~好多配料朋友對個黑椒海膽丸有d失望，因為黑椒消失左，同埋佢地貌似黎自佳寶..不過最後俾個農場雞拉返分，總算冇失望。不過提提大家，佢場地座位比較迫，所以拖住大件細件既朋友就下次再去啦..總結，佢既雞件一定要試~~~佢仲有好多款湯底，黑蒜食過係正既，經過既食家可以去會一會佢啦!~

廢話沒興趣說太多，先評店面服務，整體上挺好，店員上菜及落單速度快，而且態度亦好好，這值得一讚！身成一個熱愛飲雞湯既人，一直未有機會黎試呢度最出名既雞湯米線，但試完後真係好失望！一入到去我地睇到餐牌，依…價錢有點貴啵，心諗可能值我一試呢，咁我地就各自揀O左 椰子雞湯米線 + 懷舊藥膳雞湯米線 呢兩款，我就食懷舊藥膳雞湯米線，即叫轉頭就有，超快…間店推薦一次要飲湯，咁我開始食O既時候，一見到個幾舊雞，完全係海南雞，第二飲湯時，湯完全唔係咩嘢藥膳湯，只不過，可能冬菇只用肉骨茶煮一煮，令到個湯有點味，完全好失望!

今晚決定要去做運動！吃左的肥野係時候要還野。。。所以晚餐要吃健康點！行行下就比’一碗可以連湯都飲曬的米線’的農米莊吸引左！起碼無味精物吖！店面細細間，有卡位，不過都要坐埋一邊！不過要支持便靚正小店，對坐位就不能太有要求啦！未坐底就已經見到好多介紹呀！更加有信心！估唔到湯底選擇都幾多喎！出名的雞湯都有9種變化！仲有其他餸的選擇，健康雞湯都可以加麻辣真係好想試下！不過因為今日要清淡，我們就試左椰子雞湯米線！個湯好香，好清，好濃，但絕對唔油，正！而且跟米線的雞仲好嫩滑！我們仲試埋黑茉雞湯米線🍜呢碗的湯相對濁點，味道更香濃，但一點都唔咸！厲害！

今日早上要到旺角，所以就在有很多美食選擇的旺角解決午餐!😃😃曾經朋友極力推介這間位於旺角豉油街的農米莊，非常美味，還說道不試過一定後悔，既然朋友極力推介，就不況一試吧!🤠看了餐牌，基本上接近每一款食物都配農米雞件，那必定是這間的主打食品了，如果點了份龍脷柳米線，豈不是如同到高級餐廳點白飯? 所以雞湯米線是必點的了!! 湯底都有很多種，真的很傷腦根，蕃茄蛋雞湯，椰子雞湯，懷舊藥膳雞湯，酸辣雞湯和麻辣雞湯都非常吸引😭😭爭扎了一段時間，最後選了麻辣雞湯米線跟農米雞件。大約等五分鐘，就可以開餐了。先聞一聞，有雞湯的香氣，但沒有麻辣對鼻子衝擊的氣味。再嚐一啖湯，麻味很重，雖然辣度只算輕微(可能本人比較愛吃辣)，但這微辣配上雞湯卻算是合適的辣度。麻辣不會蓋過雞湯的味道，反而更令湯底昇華了!!果然，農米雞件有雞味，非常滑溜，入口即溶的口感!! 還有生菜，豆泡，香菇，木耳配料，令整碗米線很豐富!! 這店聲稱無味精，是真的! 可以從湯底感受到出來的，吃飽後一點口渴的感覺也沒有!! 價錢又合理，真的值得推介!! 我一定會再來試其他湯底的!!

今日lunch要出旺角整D野, 之前已經幫襯過呢間餐廳一次, 覺得唔錯, 所以今日出旺角又再諗起佢啦!12:40左右去到, 無乜人等位我欣賞佢既米線, 所以無叫午市果D飯套餐而係都係叫返米線~我叫左一個椰子雞湯米線, 無加餸亦無加飲品個米線唔駛五分鐘到左, 勁快!! 一黎到就聞到淡淡既椰子香味, 面頭有D椰子粉~湯底偏清, 有少量雲耳,冬菇,腐竹, 生菜等既配菜, 同埋幾件雞~生菜爽口, 腐竹入味D雞件幾滑, 不過D雞皮就幾肥, 但味道似係新鮮雞~而米線份量唔算多, 軟硬度適中~一啖米線送一啖湯真係唔覺唔覺就食晒~以無味精黎講有呢個味道, 無得輸! 一定會再幫襯的! 

平時食厭左酸辣米線，今次諗住試下依間既椰子雞湯米線。個湯底好好味，好清甜既椰子味，忍唔住係咁飲佢既湯🤤🤤D雞都唔錯，幾滑，幾鐘意依間既米線，見到仲有其他養生湯底，下次可以試下！

與女友一直喜歡去農米莊食。份量充足，味道岩岩好，湯底每次都可以飲得晒有米線有飯選擇，個人特別喜歡湯飯。款式很多，亦都有不同的湯底。如有龍蝦雞湯，花膠雞湯。但最出名是椰子雞湯，懷舊藥膳雞湯和黑蒜湯。今次選擇藥膳湯底湯飯，味道一流，鹹淡適中，配合農米雞件，無得輸。晚上價錢成為七十。一直食開的黑蒜湯底，仍然出色，沒有變質。黑蒜味道非常濃郁，今次加了豆卜，豆卜將黑蒜汁吸收鎖住。食在口中的感覺很特別，大家可以試一試！湯底是熱辣辣的， 特別適合在秋冬季節食。冬天將到，是時候不斷出現在農米莊內。