農米莊 (豉油街)

營業中

休息中

平時行過都無留意到，呢度有間米線鋪。原來呢間農米莊係有兩間分店。一講米線，多數都會講譚仔、南記或者魚米家。依家呢間，都係第一次食。呢間鋪頭除左米線，仲有幾款飯同小食。相比平時食開既譚仔、南記或者魚米家就少啲嘢揀。沙嗲雞湯米線（$37）呢碗米線超多配菜，配菜包括豆卜、雲耳、芥蘭頭同生菜。呢個真係少見，多數都係得啲芽菜、䓤，最多有埋芫荽。D雞，肉質超嫩。個配菜，好好味，真係估佢唔到。個湯底清左D，無乜沙嗲味，反而食到雞湯味，呢個配搭有D怪。雖然加左沙嗲，但個麵都唔算好油。米線煮得岩岩好 彈牙有咬口。份量比譚仔少既。午市同晚市都係差$10左右，可以接受。