農米莊 (豉油街)

營業中

休息中

【#思思賢美食推介】必試推介！農米莊$58椰子雞湯米線抵食又好味星期日享受Me time，過海一站式整指甲同做facial扮靚💅💆🏻‍♀️。扮靚前梗係要醫下個肚先啦！😋 今次揀咗去農米莊食佢哋嘅椰子雞湯米線🥥🐔！講真，每次得自己一個食嘢嘅時候，我都一定會揀米線！一嚟方便快捷，二嚟配料豐富，一個人食都唔會覺得悶！今次叫咗個$58嘅椰子雞湯米線，真心好食！😍 湯底奶白色，聞落去已經好香椰子味，飲落啖啖都充滿椰子嘅清甜，同雞湯嘅鮮味完美融合，一啲都唔油膩，而且仲有啲椰絲添香，令成個湯底更加有層次！ 雞件方面，份量都幾多，而且肉質嫩滑，唔會鞋口！👍🏻 配料方面都非常豐富，有冬菇、枝竹、生菜等等，冬菇炆得好入味，枝竹爽口，生菜新鮮，整體配搭均衡，令人好滿足！🤩除咗椰子雞湯，農米莊仲有其他雞湯同埋酸辣、麻辣湯底選擇，啱哂唔同口味嘅朋友！

成日叫濃米莊外賣椰子味湯底真係好濃而且食椰子雞湯米線 佢啲雞永遠都比好多舊配料都好豐富 又有雲耳 腐竹 生菜等而且個米線好滑 就算外賣送到嚟都唔會林晒仲保持到口感真係好正再加一個豬軟骨勁滿足食落酸酸甜甜 軟骨又煮得夠淋

呢度主打健康無添加，佢哋嘅湯底真係好鮮甜，唔覺有落味精，每次都可以飲晒咁滯，椰子雞好香椰味，米線又唔會煮到過腍，啲餸亦都好足料！而佢哋嘅營業時間都好夜，係宵夜嘅一個好選擇！

大家好，今日中午來到旺角出名吃雞湯米線的農米莊，這間主打健康無添加跟可以一口喝完湯底大概12點入座，幾乎是沒有空位，需要跟別人拼座，我叫了一個藥膳雞湯米線加腩肉，喝凍奶茶因為是繁忙時間，大概十分鐘才上菜，第一口當然是喝湯，淡淡藥材的香味不會太重清清的，湯面上有紅棗、蟲草花、枸杞等藥材，嘗了一下雞塊，是偏淡的吃出雞肉香味的，米線細儒可口，值得一提額外加的腩肉十分出色，是咸香的粗切腩肉片；飲品方面也是偏奶多的甜味重，普通港式奶茶總體而言這間餐廳是一個既健康又好吃的選擇，價錢也不是很貴，中間水平，值得一試

因為屋企人都幾鍾意食藥膳米線，所以成日都會試唔同餐廳，睇吓邊間嘅藥膳米線好食。今日同屋企人行開呢頭，就試吓呢間睇好唔好食。叫咗藥膳雞湯米線，配嘅雞件都算幾多，有齊雞髀同雞胸位，所以都啖啖肉，唔會淨係食雞骨骨。但係啲雞偏嚡，同埋冇乜雞味，主要都係食到藥膳湯底嘅味道。湯底就正常發揮，唔會覺得味精太重。米線就煮得偏腍，唔夠爽彈，我就唔係咁鍾意。近期食到嘅養生米線都麻麻哋，一係就湯底唔得，一係就雞件唔得。

今次想介紹暫時喺香港搵到最出色嘅椰子雞湯米線作為椰子雞湯 係應該要有椰子嘅甜味 如果唔係只會係好普通嘅雞湯農米莊嘅椰子雞湯係冇味精 有好香嘅椰子甜味 飲哂湯係冇難度每次食我都可以飲哂啲湯至於米線嘅話我覺得唔同分店食會有質素嘅分別 有時會煮得太唸 但今次嘅米線煮得啱啱好仲有啲咬口 所以相信唔同分店都會有參差雞肉都俾到5-6舊 肉質都幾唸 不過多數都係骨多過肉 所以咬幾啖就好快食完啲肉overall呢間嘅椰子雞湯米線真係做得好出色 之前下午茶時間去仲要得40幾蚊 超抵食超級推薦!!抵食：🌟🌟🌟🌟🌟回頭率：🌟🌟🌟🌟🌟環境: 🌟🌟🌟🌟🌟

一粒星都冇，麻辣豬耳煮到腍撚晒，明明正常係爽口，仲要四十幾蚊一份，唔緊要，當我冇睇清楚就叫，之後叫個可樂冰底，冰就得三份一杯，之後個可樂要唔凍嘅，倒完落去冰都溶唒，飲毛咩，個麻辣雞湯米線 一啲雞味一啲麻辣味都冇，仲要有陣洗潔精味，仲要有頭髪，真係白痴叫三樣嘢冇樣嘢好食，仲要坐個位冷氣滴水。

晚上要向麥花臣體育館聽音樂會就向附近揾野食突然想飲下湯見到門口寫住「湯底都可以飲」於是去試一下平時都有周圍試下食藥膳雞湯米線坐底見到有個芫茜皮蛋魚片湯底呢個要整得好食係都幾考功夫朋友穩陣派食藥膳雞湯味道清甜而我果碗製作要多一點時間黎到見到都幾大碗魚片份量都多皮蛋應該都有一隻料係足 湯既顏色都濃味道方面唔會太咸亦無黏口本人覺得唔腥 魚都唔係太多骨不過份量都幾大 我一個人食唔曬可能天氣較熱個湯唔會煮得太滾係屬於入口微温自己本人就相對鍾意熱啲既湯底會覺得好食啲

Openrice 落單自取有95折 不過一定要叫多杯嘢飲先可以落單 叫左椰子雞湯飯加咗杯熱柚子蜜 +$5 Total $71 雞件得好少 都係骨位，仲要好多肥膏，個湯好鹹 ，d咪煮得未夠熟 食咗幾啖就食唔到落去 好耐之前食過覺得OK…. 依家差到咁 🤦🏻‍♀️ 以後都唔會再幫襯

今天是一人晚餐，見到這間餐廳是主打雞湯米線，便決定進去試一試我選擇了他們的招牌之一 - 椰子雞湯米線米線賣相不錯，湯底的的椰子&雞湯份量配合得洽到好處，雞湯不會太多雞油，鮮甜可口，令人進食時不禁多喝幾口湯雞件數量略嫌偏少，不過勝在肉質夠嫩滑，另外米線亦跟了少許配菜，如：冬菇、雲耳、支竹、豆卜、時菜，豐富了整碗米線，如果不夠吃，亦可另加配料整體而言，米線的味道不錯，價錢亦算經濟實惠，但餐廳的環境衛生有待改善！

途經旺角 想食米線 所以揀咗呢間🙈唔係食佢最出名嘅雞件今次食柚子豬軟骨米線上嘢食嘅速度快到嚇親我😂😂賣相睇落都吸引嘅除咗米線同豬軟骨之外，仲有冬菇、豆卜、木耳、枝竹同埋生菜👍豬軟骨好腍同埋有淡淡柚子味加埋湯底酸酸甜甜咁好開胃😋如果可以濃味啲就更好而米線方面，個人覺得如果可以做到煙靭感多啲會好食啲今次有少少太腍，熟得制，接近入口即溶既感覺整體嚟講都可以接受50蚊lunch一碗大份量米線加杯嘢飲👍

第一次來到這間米線舖，人流十分多！最愛麻辣嫩鴨血雞湯米線，米線很好吃，湯底味道適中,鴨血很滑！喜歡吃辣人士石可以試試這碗米線🍜！黑蒜雞湯米線也挺好食，比較健康！這家店的米線湯底偏向健康、養生的，到旺角不妨試試這家米線😋！

好耐冇去農米莊，今次差唔多10年後再食，味道依舊好好味！-去到農米莊當然要食椰子雞湯米線，佢嘅湯底比起一般嘅更加清甜，每啖湯都有椰子嘅香同埋甜味。食到最後真係可以當湯咁飲晒佢。-最特別係佢加咗椰絲，但大大加咗椰香，而且仲增加咗米線嘅口感，一粒粒都幾有咬口。-啲雞好滑好嫩，肉質一啲都唔鞋，而且都多件數，一個人食都夠飽。-除此之外，佢仲有木耳、冬菇、枝竹同埋豆卜，感覺健康，豆卜同枝竹索咗啲湯嚟食，係有椰子甜香味。

『 旺角🍽️農米莊 』依排天氣時熱時凍好容易感冒😷我都吾好彩地病左🤧見好翻少少就去左食湯飯😙依間餐廳標榜『 一碗麵湯都可以飲嘅米線 』🤩湯底都已經有21款選擇😋藥膳雞湯好濃😋但又吾會有苦味😙椰子雞湯好清甜😋農米雞件份量幾多😍同埋好滑😋講起又想再食🤣🤣【 生滾椰子雞湯飯 $𝟲𝟵 】( 跟農米雞件 )+$8蜜糖腸+$8墨魚花枝丸【 生滾懷舊藥膳雞湯飯 $𝟲𝟵 】( 跟農米雞件 )+$12豬扒❥➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭🏢店名 : 農米莊🗺地點 : 𝐇𝐨𝐧𝐠 𝐊𝐨𝐧𝐠🇭🇰📍地址 : 旺角豉油街68號地舖⏰:𝟭𝟭:𝟬𝟬𝗔𝗠-𝟬𝟵:𝟯𝟬𝗣𝗠🚃交通 : 旺角站E2出口(步行6分鐘)➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭

事關我前幾日同老公去食農米莊、一入去嗰個侍應就唔理人、想知道坐邊都唔得、等咗好耐，佢終於先有反應、跟住個廁所又污糟、睇住啲廚房師傅喺條後巷準備食材、周圍又有小強、見到已經諗住走、但係叫咗嘢食就費事、結果杯熱奶茶係凍嘅又多茶渣😵‍💫😵‍💫 究竟發生緊啲咩事？ 跟住叫咗個豬頸肉飯、個老公就食米線、豬頸肉飯直程凍 叫樓面換、佢又唔肯、個肥肥地應該係經理、同佢講嘢完全冇反應又串 希望大家見到食評要小心啲、千萬不要中伏