農圃飯店

營業中

休息中

疫症快啲走，可以再去食我最愛嘅中餐廳農圃啦！之前冇得堂食，唯有食住佢岀嘅罐頭鮑魚同蘿蔔糕頂住當先，好味道每次都要食佢嘅招牌糯米飯釀雞翼，咁多年都保持到咁好水準，皮脆肉滑糯米飯有口感，好吃這個烏雞金華火腿手肘翅，啲魚翅非常粗份量多，湯底濃而不鹹，食過返尋味再來個蜜汁煎金蠔，外脆內軟，甘香撲鼻，甜甜地很開胃這個辣炒包片真係不得了，用完隻超大九孔鮑切片，辣椒肉碎葱一起炒，很香口惹味，送飯一流南乳燒雞冇得輸，雞皮脆卜卜，雞肉超嫩滑，很入味，不油膩最後，整個上湯豬潤浸枸杞，豬潤很滑冇異味，湯底味濃，同埋個菜一齊食，好滋味次次黎樣樣都想食，停唔到口，咁多年水準都保持得咁好會一路幫襯

我第一次來到這間餐廳是，大約是我八歲左右，估唔到一食就食左二十幾年。基本上我每隔一個週末，就會與家人來到這間餐廳食午飯。直接進入主題，lunchtime時其中一個特色是點心是一件一件點的。比如說，如果燒賣你寫入（1），就只會有一件。所以縱然你只有一、兩個同事陪同，也可以試到很多不同種類的點心。因為響其他中式餐廳有陣時一籠點心來到就已經有三、四件，好快就撐飽晒。另外，我通常都只會午餐時候來，因為午餐點心的價錢都唔算太貴。而晚餐menu上的餸菜都幾好豪華下，我無咁多budget。如果有budget的朋友，不妨試試他們晚市的鮑參翅肚！餐廳的管理人是非常熱情招待客人的。唔係因為我你得多才熱情，就算新的客人來到，他們也是非常熱情。人情味很濃厚，基本上所有的職員在近十年都是同一班的，有些更加已工作超過30年！食物方面，基本上都是超水準的。我個人最喜愛點的是魚蓉湯米線。不過真是acquired taste。有些朋友未必頂得順魚湯，就可能唔鍾意食。但是我個人非常喜愛，所以食左20幾年都會點。湯非常鮮甜，而米線則煮得剛剛好，不會太硬也不會太軟，與魚湯的配搭相當合襯。其次要講講是他們的鮑汁鳳爪。雞腳入口即

從前一到年尾，例必很多年夜飯，今年由於疫情關係，很多人已改送禮或者將晚餐改為午餐，午餐吃得精彩，對筆者來說，更有更充足時間消化⋯⋯二人限聚令，將中菜轉化為西餐做法，每位上，又另有一番滋味。前菜醃青瓜和牛筋，青瓜配白酒，牛筋配紅酒，相當夾檔。鳳眼帶子餃、鮮蝦燒賣、笋尖鮮蝦餃~午餐當然唔少得點心坐陣，每樣一粒，做得皮薄，很喜歡那蝦餃，笋尖味道很爽口。農圃古法釀雞翼~端上枱時熱騰騰已覺吸引，錫紙包住，用手吃唔使煩，筆者一向認為，用手吃，味道會更提升。除了用糯米外，更加入蝦米、肉碎、還有絲絲的蟹肉緊扣著雞翼，配當日帶來的白酒，更帶出那白酒花香的神韻。焗蟹蓋~點點葡色風格，很喜歡那洋蔥的甜香味道和蟹蓋是好朋友。原個南瓜海皇鮑翅~一個人將整個南瓜KO 確係唔野少。南瓜翅感覺上健康咗，但一個人將整個翅幹掉，老實說，吃完已經相當滿足。用料絕不馬虎，海皇翅有質感。鮑魚汁炆伊麵~陳皮紅豆沙湯圓~嚟到甜品時間，筆者已飽得滿滿⋯⋯湯丸唔算太甜，恰到好處，但筆者最欣賞的，反而是忘記拍照的脆麻花，薄脆唔會太漏喉。香港人因疫情下不斷改變，無論食店和食客，也因為疫情，也不斷磨合政府的政策。二人的限聚令原來可以嚟得這樣

星期日又係一家人出去飲茶嘅時候。限聚令之下；枱要分兩張坐、茶都要開兩壺、點心兩件兩件上，唯一一樣係一齊嘅係張單🤣🤣🤣疫情開始時，農圃已經會將所有餐具放喺熱水到浸住。到客人坐低，侍應先會放D消毒過嘅碗筷喺枱上。我覺得農圃好貼心，唔使客人自已「浪」過熱水，搞到張枱一灘灘茶漬、水漬。農圃除咗食物水準同服務質素好之外，最吸引我個仔嘅係佢地有一個成幅牆咁大嘅魚缸。魚缸入面好多色彩繽紛嘅熱帶魚喺度游來游去，可以令小朋友淨係望住D魚而唔睇iPad 😂😂😂如果個仔問我：「今日去邊度食飯呀？」我答佢：「魚缸酒樓。」佢就會知道🐠🐡蝦餃燒賣叉燒包呢啲我就唔再介紹喇，因為每次都嗌，每次都熱辣辣，味道好👍🏻➡️帶子凰眼餃（$18/隻）賣相精緻，有完隻鮮蝦同少少芹菜做餡。蟹籽同紅蘿蔔碎佈喺面，真係亮晶晶。➡️馬拉盞炒腸粉（$68）平時通常會叫X.O.醬炒腸粉，不過今日試吓馬拉盞，換一換口味。馬拉盞好惹味，加埋椰菜絲同芽菜一齊炒，更加爽口。奶奶就覺得咸咗少少同辣咗少少，不過我鍾意重口味。➡️鮑魚絲燴蛇羮（$388/碗）雖然話係一碗，但係份量係一碗半。我自己冇試到，老爺話用料充足，鮑魚絲同蛇肉都好多，連配料嘅薄脆、菊花瓣同

盡量造訪及回訪各米其林餐廳，也嘗試準米其林及衝擊米其林的餐廳，以米其林給人的感受去品嚐。星級：不適用。訂位：透過電話。下單：重複菜式名字。上菜：重複菜式名字。用餐環境：舒適。 洗手間：還好。此店裝潢有中式時尚氣派，牆身有大魚缸，非常矚目，可能是風水魚。蟹粉小龍包，滿滿的蟹粉，嘴內散發馥郁，配上包內濃湯，足料肉餡，一流。鳯爪，炆煮入味，皮未夠滑但帶來粗獷口感。牛肉球，嫩滑，也有彈性， 沒有筋。燒鴿皇，香嫩皮少脆。豉汁蒸排骨、沙茶金錢肚，略鹹。作為《米芝蓮指南香港澳門2020》米芝蓮餐盤：供應美味菜餚的餐廳，應有其原因。此店感覺以鮑參翅肚為主，實際也有很多家常小炒小菜，下次要回訪晚餐。2人光顧，點餐如下：蟹粉小龍包 x2燒賣 x2牛肉球豉汁蒸排骨沙茶金錢肚燒鴿皇鳳爪小食茶水 x2XO醬加一後，合共HK$622。

每次來農圃都係乘興而來，敗興而歸！啲服務員對眼好似生係額頭，只會熱情招待熟客，我哋呢啲非熟客，見住服務員對隔離枱乜生乜太，熱情非常，免費糖水及水果主動上齊，而我哋兩個人中午飲茶叫埋鮑魚埋單過千，想食糖水，啲服務員只會遞上甜品紙要我哋自己叫。講真，農圃價格偏貴，食物味道中規中矩，我哋繼續來幫襯，因為我中意佢嘅蘿蔔糕，今年仲訂左六底添！三個星期前嘅星期六，先去囉三底糕送比人，11點半無人飲茶，所以我哋二人有得坐低食完先囉糕！兩個星期前嘅星期六再去囉另外三底糕，同樣時間同樣未有人，但遇到個黑面女服務員話，無位，全部枱訂曬！我話我哋45分鐘可以食完啦，佢堅持無枱比我哋！一個鐘頭後我哋附近食完野返來囉糕，佢都未坐滿客人，我哋就惗極唔明，點解佢哋會有生意都唔做呢？而囉返屋企的蘿蔔糕，雖然足料，但一切就散，食落好削，味道仲好強味精味，與平時堂食的，完全兩回事。

跟客戶食飯，他超級推介這間中菜，因為是熟客，吃到的的確都是新鮮的食材，而且份量也很夠前菜是滷牛展，很入味，很林，個人覺得必試菜色，亦是整餐飯最好味的一道菜經理推介是日燉生魚湯，很入味，湯渣也足料，但由於留肚吃其他東西，所以沒試湯渣了客户很愛吃煎餅，新鮮脆口，不過不試無妨反而很欣賞經理推介的胡椒蝦，大隻新鮮鑊氣夠，每隻彈牙，而且不辣但野味豉油雞很入味，值得提的是會送上雞雜，整体不過不失外面少見的人工'連牛'餅，裡面夾有魚肉，爽脆，入味，但吃兩件就飽了甜品來了三款，有別於其他餐廳，送的不是水果，而是椰汁木瓜糕，新鮮木瓜很甜，很特別的甜點紅豆芒果涼粉，涼粉竟然彈牙，有驚喜蛋散反而無驚喜，略甜，可以不試整體來說，如果想找体面的中國菜，可以一試

Lunch: (1) 菠蘿叉燒包 (pineapple BBQ pork bun) - top of the bun was not crispy, the bun itself was a bit hard/stale, BBQ pork filling was okay; (2) 煎蘿蔔糕 (pan fried turnip cake) - tasty with a good amount of turnips vs flour; (3) XO醬煎腸粉 (pan fried noodle rolls w XO sauce) - bland but fried well; (4) 豬潤燒賣 (siu mai w pig's liver) - pretty decent...pork was steamed and seasoned well...the liver was very liver-y; (5) 喳咋 (cha cha dessert soup w green/red/soy/kidney/other beans and taro) - very hard to find

「農圃飯店」名字平實，帶點鄉郊味道。其實 「農圃飯店」以名貴食材作招徠，因此從來沒有光顧的衝動。最近到銅鑼灣飲茶已經沒有新意，終於想起 「農圃飯店」午市都有點心，相信點心價錢是筆者能力範圍內。甫入飯店牆上掛上不少名人光顧的照片，另外一邊則掛上得獎獎項。近入口處亦添置了存放海鮮的水缸，游水阿拉斯加蟹、鮮活鮑魚，非常吸引的活海鮮。十多呎的觀賞魚缸最矚目，吸引我家公主目不暇給。可惜魚缸跟客人用餐的枱實在太接近，唯有等客人離開後才能抱公主欣賞七彩繽紛的金魚。茶$20/位，小食$20，XO醬$20。未食首先消費$80，這就是中式飯店的習慣，不管客人接受與否。不過這裡茶及飯前小食對辨。茶壺用小洋燭保持温度，而且店員多次主動添茶。另外兩款的小食同樣惹味。《秘製牛筋牛展》這個冷盤非常出色，出色是因為它的醬汁，微帶香辣，非常惹味。《脆腰果》外層灑上黑、白芝麻，令腰果特別香。另外腰果表面加入了糖漿，增加了一點甜絲絲，非常香口惹味。另外，XO醬足料，有少許辣口，但非常香。即使不蘸食物單單凈食也絕對可以。點心紙非常簡單，一目了然。大部分點心價格以每隻為單位，要至少點兩隻。《農圃冬荀鮮蝦餃 $32》蝦餃是廣東飲

多年無去農圃, 今次食鮑翅海鮮套餐, 第一道菜選擇馳名古法釀雞翼, 外脆內軟, 雞肉嫩滑多汁, 釀入香味四溢嘅糯米飯, 配上喼汁立即油而不膩! 簡直有劃龍點睛之效! 呢道菜果然名不虛傳!第二道菜係原個小南瓜海鮮燴鮑翅, 海鮮及鮑翅份量略少, 還幸原隻小南瓜味道好甜, 瓜肉已經燉到綿綿的, 飲落好有質感! 如果有更多鮮蝦或蟹肉添加鮮味就更完美!第三道菜係原條遼參配北菇鵝掌(伴菜膽), 遼參肉厚肥壯! 用鮑汁扣, 味鮮肉爽, 鮑汁咸甜適中, 加上靈芝菇及北菇有少少靱度, 令人食得津津有味!第四道菜兩款都要咗, 有生炒臘味糯米飯及生拆大閘蟹粉小籠包, 不過已經太飽, 我地選擇打包生炒臘味糯米飯回家, 現場品嚐生拆大閘蟹粉小籠包, 小籠包充斥住蟹粉濃郁香味, 鮮中帶甘, 回味無窮!最後, 套餐包括兩款甜品, 緊係都要試喇! 第一款鮮磨杏汁官燕, 香滑微甜沒有杏仁苦澀味, 熱呼呼加上有大量官燕, 食完覺得好滋潤! 另一款係椰香官燕凍, 椰子味好重, 兼內有甜味十足嘅大大粒紅豆, 有啲似紅豆冰!最後再最後, 服務員特別免費送沾有糖漿脆麻花, 甜絲絲的! 另外仲有桂花糕木瓜凍同椰汁榚木瓜凍!

去到銅鑼灣，唔知食乜好，反正未試過農圃飯店，就地一試，試完果然有驚喜，而且服務員都好親切，感覺好！食物味道確實惹味，價錢亦相當貴，2人食了4碟餸，埋單$800，我選擇的菜式已經是較為普通價錢了！這是一間高級食府喔！

大年初二跟友人兩人先來個午餐吧新年最好的還是來個中菜做午餐前菜味道都不錯特別是豬𦟌炆得'林林'的而且味道濃得來剛剛好經理問要不要這個'風山水起'其實我們都不知道是甚麼來的只求取個意頭意頭這東西是有三文魚加其他配菜拌勻來吃的當然一點都不好吃釀雞翼雞翼裡的是糯米來的味道都可以葡汁釀蟹蓋及螺這兩個本身海鮮的味道都給葡汁完全遮蓋了只吃到葡汁味所以我不推介這兩款友人喜歡豬肺湯所以就點了這個不過這個湯是有杏汁味的我亦不太喜歡 至於我就點了翅這個我推介湯是帶點雞酒味不會太多....喜愛雖說是午餐但當然都不可少清蒸魚剛好這裡有蘇眉我們就點了肉質滑得很大愛炒飯味道沒甚麼特別甜品環節杏汁木瓜燉燕窩這個都可以

多數人認識農圃是因為這裡有名的糯米釀雞翼，其實這裡遠比雞翼出色的是黑胡椒蟹。農圃的黑胡椒蟹與別家的不同，炒得較乾身，黑胡椒的辛辣惹味滲入蟹肉，蟹肉是結實鮮甜的，蟹黃亦甘香，炒蟹的火候夠，熱辣辣。雞翼還可以，皮脆糯米香，不過味道偏淡，不仿弄得再惹味點，畢竟是香口菜色。豉油蝦便很出色，炒得很香，蝦肉也很結實美味。Smart bunny 與友善的侍應傾談，說起這裡黑胡椒蟹的由來，原來有一個來自星洲的客人帶了自家的胡椒找這裡的大廚煮蟹，效果當然是驚為天人，與本地黑胡椒截然不同的味道完全迷住了大家，然後農圃進一步把黑胡椒蟹發揚光大。感謝星洲客人的無私分享及農圃大廚的精湛手藝，以致smart bunny 可享用美味的南洋風炒蟹。農圃其他的食物也美味，但畢竟黑胡椒蟹太超班了，被搶了風頭。

這盒已經是今年的第4盒月餅. . .不過這盒是由一家位於銅鑼灣的「農圃飯店」出品的迷你腰果奶黃月餅，由於比較特別所以亦拿來一試月餅盒與傳統的不同，以紙製的長方形仿木盒子所盛載，十分環保，又不失大體，內裏放著4小包月餅，每包各有兩個每個腰果奶黃月上亦放上了一粒腰果作點綴，外皮焗至金黃色，賣相不錯，質感尚算結實，但切開時餅皮與奶黃餡分離，餅皮不夠鬆軟，比較濕潤，當中混入了少許腰果碎，但奶黃味完成遮蓋了腰果味，而奶黃餡味道沒想像中的香濃，比較粗糙，不夠幼滑，即使經微波爐叮過後，作用也不大. . .屬平庸之作

工展會現場有區域劃分為熟食區，讓大夥兒填滿肚子再戰鬥。到農圃吃飯，其中一款前菜為牛𦟌，每次都不夠吃。工展會上有售，三十元一碗。牛𦟌牛根分量夠二人分享，牛𦟌炆得淋身不黏牙，牛根火候稍欠一點。味道甜甜的，跟在店中吃的分別不大，如果多點麻油香則更好。