車站豆腐花

營業中

休息中

豆腐花係我最喜歡食既甜品之一，入到大澳，二話不說，未食午餐都要食豆腐花先! 豆腐花我會揀食original taste, 雖然鋪頭有芝麻糊豆腐花，杏仁糊豆腐花，但花心既我都係鍾意原汁原味! 同埋豆腐花係要熱食先yummy, 所以我叫左碗熱既，老公就叫左碗凍既! 之後老公話佢果碗係硬的，而我果碗就滑溜非常喇! Hehe~ 記住喇! 豆腐花要熱食的呀! ：）

兩年沒來大澳，每次都有新的發現，新的體會。今日天氣不太好，天空飄着毛毛雨，但我的心情卻很好。從巴士站一路走來，沿路很多店子都掛着香滑豆腐花的牌子。從巴士站轉入一直向前走，不用過橋，便會見到在「車站豆腐花」的牌子下有位婆婆在叫賣。她還跟途人說，「唔食都入黎坐下避下雨啦﹗」店內的豆腐花，冷熱同樣是$8，除此之外，還有其他雙拼和小食。叫了一碗熱豆腐花，樣子白滑，入口很燙，質地軟綿綿，豆香四溢。一向喜歡加薑糖和黃糖，同時又習慣順着它一片一片吃到底，不捨得把它弄碎。它的滑，或許比不上之前在澳門嚐過的頤德行。不過它的味道，卻比較純粹，因為沒有加淡奶來修飾，完完全全是兒時嚐過的味道。它令我想起小時候買豆腐花的情形，那時候我們都是拿自家的漱口盅和飯壺來盛載帶走的。堂食的話，就是用這種藍邊瓷碗。在這種又潮又冷的天氣，能吃這樣一碗豆腐花，真的非常幸福。

全因Openrice的食評推介先會走入來食豆腐花。其實只係普通的豆腐花，無甚特別，味道同平時在市區行過街邊所食的分別不大。當然都係幾好食，但唔會令我專誠來食。另叫了燒賣，都OK。臨走要了一枝豆漿，完全唔掂，無豆味。

車站豆腐花，顧名思義，豆腐花是主打。除了豆腐花，此店亦售賣芝麻糊、合桃糊、杏仁糊等。若果認為只吃豆腐花太過單調，可選擇雙拼。我們四人總共點了三碗涷豆腐花拼芝麻糊(又名太極)跟一碗純涷豆腐花。原整、平滑的豆花片賣相吸引。豆腐花口感不錯、很細滑，略嫌豆味較淡並且沒有豆香，可能是因為涷食的關係。至於芝麻糊很香挺甜。雖然它沒有豆腐花滑，不過跟平滑的豆花片一齊享用，口感相當豐富，亦中和了芝麻糊的甜味。吃到尾段，芝麻糊的味道被豆腐花伴隨的水份沖稀了。若果有人同行分享，可以選擇散叫豆腐花與芝麻糊。服務態度友善，環境整潔，家庭式小店營造的溫暖，令食客舒服又自在。

來到車站豆腐花，當然必試豆腐花！除了豆腐花外，店內亦供應芝麻糊、合桃糊及杏仁糊。可惜到訪當日只有豆腐花及芝麻糊同時供應熱及凍食；而合桃糊及杏仁糊則只有凍食，吸引度即時大減！除可以單點外，亦可作雙併，亦只是$11~13！由於可能剛下車不久 (有點暈車浪~~~)，個人不想吃太多，而且之後有更加多款美食需要品嘗，便二人來一碗豆腐花過下口癮好了。熱豆花 $8豆腐花外貌相當不俗，一大片一大片的十分討好，不會碎濕濕的減低外觀兼口感！豆腐花入口溫度剛好，不會熱得燙口，而且非常非常滑溜！！但略嫌口感有點不實在、一陣風的豆花 (哈哈，男友不認同此點，他覺得豆花口感還不錯、沒像一陣風呢~~~ 是我太嘴饞吧？！)；另，雖吃得出豆花有豆味，但豆味偏淡。上桌的豆花並未有加糖水，店員告知可自行加入桌上的紅糖或薑糖水以調配甜度，甚為喜歡有紅糖提供，熱食豆花加紅糖才有風味呢~~~，不喜歡坊間貪方便而只提供單一的液態糖水。紅糖甜度適中亦算幼細，易於融於豆腐花中。環境：店內環境十分整潔，桌上的配套亦十分齊全，桌上紅糖放於玻璃小樽，內裡卻相當乾爽沒有被潮。唯一較失望的是，店內只供應膠匙羹，不太環保。而店內牆身貼滿 (應該是

香滑豆腐花 係33度之下..凍既豆腐花的確係一隹品..比起之前食豆味己沒那香了...但入口仍然滑我很..$8仍屬便宜...要一提的當店的員工很親切..亦好樂意讓你食過東西還可休息一下..老公點的杏仁糊反而有淡淡的杏香..加上豆腐花配合得好,,冑點點幻味..入口不膩..的確一讚

炎炎夏日, 食返一碗冰凍既豆腐花, 覺得特別好味。車站豆腐花 ($8):喺豆腐花上面撒一些黃糖, 粗粒既黃糖加又香又滑既豆腐花, 係一個絕佳既配搭 。份量都俾得好足, 大大一碗, 而且價錢幾合理, 抵食。

好耐無打食評~上個月頭一家四口入大澳~ 空氣好好!一落船身心舒暢買蝦醬係其次~ 首先去車站豆腐花嘆返個豆腐花先!好彩有openrice,如果唔係都咩有乜好食(認真)爸爸媽媽同細佬見我話呢間好食呀! 就一齊入左去~鋪頭唔係好大, 已經有好多人食緊拉 老闆娘(?)好忙咁穿梭係人群之間牆上面有好多小朋友既相同畫, 好溫馨><!!叫左兩個凍豆腐花,兩個芝麻糊,果然名不虛傳!係咁熱既天氣食一碗真係正.但由於係凍,唔係好食得出豆味.不過真係好滑, 芝麻糊較稠,芝麻好香水準高過豆腐花可能係熱既關係啦!魚蛋燒賣嗌左三份,超正! (全家都喜歡食淋的魚蛋同燒賣)大滿足!!! 整體都滿意 : )

由朝食到晚 , 食完咸又食甜 , 飲完野又食糕點 ...大澳似乎仲多野食過長洲 ... 定還是我地第一次黎先會好似好新鮮咁樣樣都要試 ? haaa ..其實呢一日都仲有好多野係行過見到想食而又無肚再食有 d 就買左但都係唔食住喇 ... 拎返屋企先食啦 xd亦即係話 ... 我地都己經宣佈投降喇 , 食夠喇 ...最後o既行程 , 本黎就係打算搭完船仔睇海豚 , 跟住就排隊搭車返東涌 , 不過結果 ... 海豚見唔到 搭完船成頭汗 , 坐左一陣個肚又好似騰返少少位出黎喇喎落船後行兩行又咁 arm 見到呢間車站豆腐花 , 唯在再食過 xdxd入到店內聽到o既第一句 .. 就係 " 得返豆腐花賣咋 "無緊要 , 我地都只係食得落豆腐花之嘛 .. haha我一向要食凍o既 , 鍾意佢落左黃糖都唔會溶晒 , 保留返少少砂o既口感 , 呢度 d 黃糖好似比平時食開o既粗粒正合我意 , 幼滑冰凍o既豆花 , 自由落任食o既黃糖 , 鍾意幾甜都得另外妳叫左一碗熱既 , 熱o既就更重豆味更加滑 , 一人一豌食完捧住個肚走 , 大滿足 !! ## 可能因為食親豆腐花 , 都係搵一啲最左名香滑o既黎食所以

由梅窩塔車去大澳，塔到有點暈車浪。落左車行左一會就滿頭大汗，經過見到「車站豆腐花」正！立即行入去！牆上有好多相，應該係老闆娘仔女的照片啦成間鋪頭都好像係屋企，有電視櫃，有好多櫃放不同的野我地叫左個凍豆腐花，超正斗～夠哂消暑，正！我落左好多黃糖我同男友都覺得豆腐花好滑但無豆味，可惜＞。＜之後仲叫左支凍豆漿，老闆娘俾左支有冰的豆漿，正！不過出面甘熱，好快溶曬啦～豆漿覺得太甜，豆味正常

5月12日同屋企人去了大澳，即刻去食碗豆腐花先，熱食先夠滑，每人一碗，真的好滑喎，加少少糖水，入口即溶呀!好正，雖然貴左，不過都真的是好難食到咁滑的豆腐花，還叫左一碗芝麻糊，都係熱的，好香好滑，我地次次嚟都會來這裏的！今次叫了燒賣及魚蛋，不過麻麻地，魚蛋唔夠彈牙，燒賣都好淋呀!

我已有幾年時間沒踩足大澳，想起大澳就自不然想到我愛的紫貝天葵。出發一星期前友人突然發訊息話周日去返轉，因為屯門碼頭有直船到大澳，那麼方便我點會不答應﹖繼而在出發一天加多妹妹和友人。在陽光極普照的今天，四人浩浩蕩蕩就衝入大澳去。屯門到大澳的船程約一小時十五分鐘，碼頭正正在大澳巴士站後方。所以下船後，我們先行最近的街道，永安街。這條街較為靜，不過短短的一條永安街已經有三間'車站豆腐花'那不如先吃豆腐花吧。但選哪一間好﹖我立即上開飯網看資料，最後找到一張是真正車站豆腐花的門口相，就著大家去排在最後的此店。店子只有兩位食客，我們選了門口張長枱而坐。見到店內有部電視加有組合櫃，前面放了張飯枱，感覺有如在家開飯。婆婆笑面迎迎地前來問我們想吃什麼了﹖諗了一陣，大家也要豆腐花，一熱三凍，每碗八元，抵吃。豆腐花隨即上枱，用上舊時家常的飯碗來裝，友人說"好耐無響出面食野見過呢D碗喇"。豆腐花很滑，一放入口就'SIR'落去喉嚨去了，所以我食豆腐花多數吃熱，因為熱力令豆腐花保持其嫩滑，之後我小試一口凍豆腐花，果然﹗滑度比我碗熱的是差了一點點呢。雖然黃糖和糖水均任加，不過我習慣什麼都不落，吃原味，仔細品嚐下，感

11月5日, 我地嘅122週月紀念一整日喺大澳食食食, 終於嚟到最後一站食甜品! 大澳唔似得長洲、南丫島咁有各式各樣糖水甜品店, 不過一踏進車站豆腐花, 就感覺到佢種濃濃家庭式風味.::: 豆腐花(凍) ::: $8豆花係連碗雪喺雪櫃嘅, 所以絕對夠晒凍. 同南丫島嘅呀婆豆腐花比一定唔夠滑、豆味亦唔夠濃, 只能夠講係好家庭式水準普通嘅豆花…::: 豆腐花拼芝麻糊(凍) ::: $10呀姐一聲太極, 哈哈真係好貼切, 不過嚟到個樣又冇太極feel… 將芝麻糊加上豆花度, 芝麻比豆花濃, 直情將豆味蓋住… 不過真係要讚芝麻糊好香, 夠甜又夠質地, 唔錯~ 豆花真係幾麻麻, 唔夠滑豆味都唔夠濃.一入舖就見到牆上貼滿d小朋友相同埋小朋友畫~ 親切程度就好似入咗人地屋企咁… 座位之間空間不多, 店入面又keep住人來人往, 所以成日要縮縮下咁讓人行過. 如此環境加普通食品, 唯有快食快閃~

老遠已經聽到老闆娘個仔叫賣, 叫啲人去食佢哋0既石磨豆腐花. 見佢叫得咁開心梗係嚟幫襯吓啦!間鋪頭唔係好大, 得幾張枱, 好住家式咁, 周圍擺滿晒啲家庭照, 牆上面仲貼滿晒小朋友畫0既畫添. 我哋成班七個人一入去就有位坐, 都咪話唔好彩!我本來想叫豆花加杏仁露, 點知佢哋冇晒杏仁, 於是我就改叫太極啦. 我哋一行七人, 叫咗六碗太極, 一碗豆花.芝麻糊嗰 part 超好食, 勁滑淨, 啲芝麻味又香. 豆花個 part 就差少少, 唔係太夠豆味, 不過加咗糖都 OK 0既.總括嚟講都幾好食, 又平, 值得推薦! 最衰佢哋冇晒杏仁, 如果唔係我一定會試!

在大澳走了一圈, 正打算乘車離去前, 文迪想找點喝的, 還是想到這裡吧. 既然來到, 又要碗豆腐花.凍豆腐花 $8: 5分, 上次來吃的時候, 豆腐花是不夠凍, 這次就雪得冰凍, 不過就無乜豆香, 也不夠滑, 結果兩次來吃豆腐花, 水準也是麻麻.凍豆漿 $8: 8分, 大大樽, 夠冰凍, 跟豆腐花相反, 豆漿就豆香濃郁. 作為解渴的項目, 是達成任務有餘.服務態度是幾好的, 加上支凍豆漿是相當抵飲, 還是給這裡一個笑面吧.