越風味地道越南料理

營業中

休息中

眾所周知旺角多野食，有時想食清少少搵下啲粉面食，所以越南粉就係唔錯嘅選擇。咁岩比我發現係旺角砵蘭街個頭有間食越南野嘅餐廳，選擇多又唔貴。最抵食係下午茶添呀，不過今次我係lunch去食嘅😂同朋友一共叫左2個餐，一份係珍寶火車頭湯檬配鮮榨牛油果沙冰，另一份係生熟牛肉湯粉配滴漏咖啡。湯底係好濃嘅牛骨湯味，要一讚佢嘅牛油果沙冰，食得出係新鮮牛油果，又健康又好飲。另外好少餐廳會有滴漏咖啡，所以都好surprise到我哋，品質真係唔錯👍🏻另外，懶係健康嘅我哋仲叫左一份越式素沙律，又大份又開胃。今餐食得十分滿足

今早剛好經過依間越式小店，諗起好耐都未食過越南野，所以下就便訂枱食個下午茶。我哋二人點了兩個下午茶餐，一個雞絲撈檬$42，番茄蟹扎肉湯檬$52，另加小食一個炸軟殼蟹和墨魚餅。番茄蟹扎肉湯檬岀色👍🏻湯底鮮甜有蟹味下龍灣墨魚餅🦑爽口彈牙軟殼蟹唔知用乜煮，好有牛油香味👍🏻另外，職員有主動有禮，下單時亦會主動推介食物。總括依然：食物質素不錯，款式多，價錢實惠。職員親切，是一間會再來食嘅越南餐廳。

近排經常食日餐西餐，今次打算改試亞洲菜，係旺角路經見到老闆係門口介紹，就一於試試越南菜😍🥑牛油果軟殼蟹米紙卷 $68🙋🏻‍♂️好鐘意食米紙卷，呢個米紙卷大大舊，好足料，可惜個軟殼蟹食得出係預先炸定，食落去軟殼蟹硬谷谷，有啲失望🫠🦀鮮茄蟹肉湯"Banh Da" 粉 $82我哋見到呢個" Banh Da"粉第一次見就試一試，但係感覺上似河粉，湯底食得出係鮮茄湯蟹肉湯，不錯。有食客見到我哋嗌呢個粉，仲大聲同店員落order :「 我只係食依個餸！」🐄牛肉丸湯河 $58牛肉肉丸湯河就冇特別，湯底較鹹。🎋馬拉炒通菜 $68明火炒通菜，果然有鑊氣。🥥自家煲椰汁三色冰 $26椰汁香味十分平衡，十分開胃🥥自家煲椰汁珍多冰 $22後記：最後老細請我哋食咗一份豬頸肉，多汁嫩滑，有啲後悔冇叫，不過下次可以再去食，值得回頭。

今日黎到旺角食野 越風味地道越南料理 起門口睇睇餐牌 啲相都吸引🤩 就入左去嚕～ 再仔細睇餐牌 真係勁多選擇 好多野都想食😬 越風味咖啡沙冰 $38沙冰打得好細滑 甜度要左少甜 岩岩好😌 越風味滴漏咖啡 $28好香既咖啡味🤩 睇住佢慢慢滴真係好治癒❤️‍🩹 咖啡味超濃 最底佢加左少少煉奶 真係好有越南咖啡既感覺😋 生牛熟牛湯河 $62熱辣辣湯河🥰 生牛浸左熱湯真係岩岩好 熟牛又好濃牛味 河粉滑身 加埋個湯真係好正宗越南河既感覺😋 芝士蝦多士 $45食越南菜必點小食😬 唔會炸得好油膩 蝦滑彈牙 加埋熱辣辣熔左既芝士夾左起中間 好正🤩 一定要襯熱食！ 牛油果軟殼蟹米紙卷 $68軟殼蟹香脆 牛油果新鮮 加埋啲蔬菜同粉 好食😋 好想念越南可以自己包嘅米紙卷呀😆 越式雞扒法包 $56去越南真係每日都要食法包🥖🤣 法包烤得香脆 雞扒滑身入味 好好食😋 仲好貼心咁切開左兩件方便我哋食😊 香茅豬頸肉撈檬 $68豬頸肉好香好好食👍🏻 檬粉加埋佢撈檬既汁 酸酸甜甜勁開胃😋 整體來講 呢間 越風味地道越南料理 環境舒適 老闆人好nice又會推薦我哋食咩好🤣 食物質素不錯 價錢親民👍🏻 一定會再黎食😌

朋友喜歡吃🇻🇳越南菜，經過旺角發現這家餐廳🍴 性價比chao高‼️‼️ 環境很乾淨👍🏻，價格划算，份量多‼️我們點了以下幾款都不踩雷✅-💙越風味珍寶火車頭湯河一碗粉就可以嘗到好幾款的配菜·（有扎肉，牛丸，牛肉，牛腩）湯底很清甜，配上河粉，擠上青檸汁🍋和小米辣🌶️，吃的飽飽的🤤-💙小食拼盤手打蝦餅🦐/扎肉/炸春捲/蒸粉包/墨魚餅➿每一款都滿滿的料，都是手工製作的，食材新鮮👍🏻 每款都很喜歡😍-💙酸辣無骨鳳爪大口吃雞爪，不用吐骨頭🦴，不要太贊 味道調制的剛剛好，很開胃✅-💙越式豬頸肉炸的外脆里嫩，肉質不會柴，蘸上醬料一起吃，絕絕子👍🏻-💙牛油果🥑奶昔這個很好喝，真材實料打出來，有種吃雪糕的感覺！！不會有很多冰🧊冰沙沙的感覺✅-老闆很好人，熱情‼️還有午市套餐都很划算

越風味位於旺角砵蘭街108號地舖雖然踏入10月，天氣都係相當熱近32度天氣熱到人無咩食欲所以黎到鄰近油麻地站的越風味餐廳由越南人做廚師，保證地道牆壁有好多越南的照片雖然我未曾去過，令我有機會了解當地街道和風景天氣熱先黎飲杯足料沙冰沙冰可以選擇芒果，牛油果，菠蘿同越南咖啡沙冰我點左牛油果沙冰牛油果係superfood非常清爽又消暑😋我喜歡食撈檬所以點左豬頸肉撈檬檬粉有少少蔥油非常香豬頸肉燒得好靚淋上魚露，非常開胃米紙係越南出名的小食我點左芒果軟殼蟹米紙卷非常大卷有甜的芒果軟殼蟹炸得好香脆米紙非常煙靭夾住好多蔬果，同埋有當地的鵝蒂帶一點苦呢頓美食令我在炎炎夏日帶一點涼快😋

同朋友係旺角睇完戲，餓餓地隨意搵間餐廳醫下肚，見到間食越南菜盡一試。店舖乾淨企理，坐得舒適，店員態度友善。先黎一個小食拼盤，有墨魚餅、蝦餅、春卷、蒸粉包及扎肉，份量剛好，二個人已經好夠食，個人認為最好味嘅係墨魚餅，咬入口粒粒墨魚肉好煙韌。芒果蟹米紙卷嘅芒果唔算太甜，淡淡芒果香味配清菜，再加炸到香脆嘅軟殼蟹，幾開胃。主菜海鮮炒飯賣相唔算，尤其大蝦及蠔仔同魷魚，份量唔少，而且蟹膏醬炒出來令飯粒的味道更香濃。牛柳粒反而是驚喜之作，因為牛肉肉質超軟嫩，而且好入味，配飯食一流。自家煲香茅薑茶同紅豆冰都唔錯，紅豆大粒得嚟又軟腍易起沙。

約左朋友去旺角食飯，想食越南菜，所以揀左油麻地地鐵站附近呢間越風味地道越南料理。 餐廳食物選擇好多，有唔同種類嘅小食、粉面飯、越式法包、飲品等等，全部菜式價錢都唔貴，真係好難選擇。最後叫左2碗粉一、小食拼盤同飲品。 越風味珍寶火車頭湯檬 ($88)，有牛肉、牛腩、扎肉、牛丸同白蘿蔔，非常足料，牛味唔錯，白蘿蔔都好入味，食一碗已經好滿足，唔錯! 香芧雞扒撈檬 ($56)，夏天最鍾意係食撈檬，凍凍地再加酸汁一齊食好清爽。檬粉份量好多，食落都滑，雞扒都大件，煎得好香，食落唔鞋。 另外仲叫左個越風味小食拼盤 ($118)，有春卷、蒸粉包、蝦餅、墨魚餅同扎肉，呢個價性有咁多樣野真係好抵食。越南春卷外皮好脆，個餡好多，包住木耳、紅蘿蔔、粉絲同肉碎。蒸粉包個皮都幾滑，都係包住紅蘿蔔同木耳，可以加埋個酸汁一齊食。蝦餅炸同墨魚餅都炸到好香口，墨魚餅有一粒粒墨魚，有驚喜。扎肉應該加左豬耳喺入面，同一般食開嘅扎肉唔同，非常有口感。 椰青 ($38)，椰青好大個，好甜，忍唔住食埋D果肉，今餐好滿足!

早兩日行過旺角物色晚餐嘅時候，路過呢間越式餐廳停低望咗兩眼，老闆好熱情咁樣介紹佢哋嘅食物，我哋比吸引就入咗去🤣咁熱嘅天氣當然嗌咗嘢飲先，我就揀咗椰青，大大粒，消暑之餘仲有啖啖椰子肉食，解一解渴同埋饑餓🥹豬扒湯粉係分開上，咁啲豬扒就唔會浸到淋哂👍🏻湯底調味調得幾好，豬扒都軟硬適中，不過略嫌有啲唔夠入味，不過啖啖肉我喜歡🥺雞扒撈檬嘅肉份量就冇豬扒咁多，所以都係揀返豬扒湯粉食啦😆軟殼蟹炸得幾酥脆，有兩大隻，仲有啲蒜蓉牛油香🦀蒜蓉牛油雞翼有四大隻，一上枱嗰時見到有兩款唔同顏色，以為係呢一個炸燶啲，但係食落原來係一份蒜蓉味一款牛油味，幾特別😚因為已經好多日冇食菜，問吓老闆有咩菜好食，老闆就推薦左佢哋嘅炒通菜，話個蝦醬喺私家調製，食落去鹹鹹香香見到隔籬枱嗌咗個六人套餐，佢哋不斷話好抵食，下次我都要帶多啲人嚟試吓呢個餐先得🤣

今日同朋友喺旺角發現咗一間越式餐廳，味道唔錯，價錢合理，性價比幾好，值得推介👍🏻🫶🏻越式酸辣鳳爪鳳爪去咗骨，得返少少軟骨，食落口感爽脆，調味酸酸甜甜，少少辣，清新開胃，作為頭盤小食一流。🤡越風味珍寶火車頭湯河果然係珍寶，配料好多牛牛食😆牛肉、扎肉、牛腩丶牛丸同白蘿蔔，全部都好吃入味。揀左河粉底（傳統越南河會比較幼細)煮得剛剛好，有彈性。至於牛骨湯頭則鮮甜好飲，差唔多飲晒🤭👅鮮茄蟹肉扎肉湯檬賣相吸睛，湯底紅卜卜，蕃茄味濃烈，配料好多包括有軟殼蟹、扎肉、豆卜、丸、蝦、香葉肉卷同蕃茄切塊，不但豐富有誠意，味道都好好。配埋檬粉吸晒湯汁，好正！🎈下龍灣墨魚餅即叫即炸, 上台個陣熱辣辣，金黃色好吸引，吃落爽口彈牙，粒粒墨魚肉好足料，配埋泰式甜辣醬，停唔到口👍🏻值得一讚係店員好友善熱情，仲會主動介紹菜式，最後埋單個陣仲有提醒下次幫襯岀示返張收據可以免費送小食一份！值得encore 👍🏻📍 越風味地道越南料理📍 旺角砵蘭街108號地舖

唔知點解間唔中就會想食下越南菜尤其係夏天食D酸酸甜甜既食物會特別舒服特級手切生牛河牛肉肉質非常嫩滑甚至令人諗起潮汕牛!!河粉亦都做得好滑咖哩軟殼蟹飯真心十分推介佢既咖哩, 除左椰漿味同香料味仲有少少似沙嗲既味道軟殼蟹肥大,唔係得陣風由於個咖哩太香, 食完飯都唔夠仲叫左蒜蓉包黎沾埋D汁!!咖哩同蒜蓉包真係PERFECT MATCH小食併盤春卷/ 蒸粉包 / 蝦餅/ 墨魚餅/ 扎肉每款小食各有千秋, 但最有記憶點係蒸粉包 一個四方形粉包入面包左爆香左既配料同肉碎春卷又係好出色外皮又薄又脆又係爆晒餡, 炸完之後既蔬菜餡仲係好JUICY綠豆冰去皮綠豆加椰子汁, 消暑一流鹹檸7醒胃既飲品, 清爽解渴!食咁多人圴消費$179, 真係佛心價錢黎仲要食物質素咁高

又係出旺角搵食的一天！今日想食越南野🤤🤤一諗起就諗到越南法包，牛油雞翼，要即刻搵間止止條癮，專登行到過砵蘭街試下佢。------------------------------今日想有啲新意唔食pho，叫左牛油果軟殼蟹米紙卷越式雞扒法包、牛油雞翼咖喱虎頭蝦🦐兩個人食份量好夠！牛油果卷有四大件，紮實多料，超滿足😋虎頭蝦咖喱味好香濃， 送飯一流，蝦好大隻爽口彈牙！雞翼新鮮炸起，牛油味好香法包🥖都有誠意又足料，食完大滿足！

早排去左花墟買花, 行完之後落左油麻地附近搵餐廳食嘢呢度呢幾條街都有好多餐廳 我哋就睇中咗呢間越南嘢 呢度嘅格局好似茶餐廳咁 但係佢有好多個卡位座位 都坐得舒服芒果沙冰 & 青檸梳打芒果沙冰好好味 超級凍 而且好足料 有好香嘅芒果味! 夏天飲真係一流!至於青檸梳打都唔錯! 酸辣鳳爪呢碟酸辣鳳爪68蚊 但係佢嘅份量非常之足夠 而且仲有好多配菜 鳳爪嘅酸度辣度都啱啱好 唔會太辣 小食拼盤有墨魚餅蝦餅 春卷 蒸粉包同埋扎肉我覺得最好食嘅就係蝦餅同墨魚餅 兩個都炸得好香脆 而墨魚餅入面仲有粒粒墨魚肉添呀! 煙煙韌韌 好香口 越式芝士蝦多士一碟有四件 中間流出黎嘅係溶咗嘅芝士 好似流心咁樣而成個多士亦炸得都好香脆 係一個好味嘅小食串燒牛肉撈檬 牛肉串燒燒得啱啱好 而且好入味 一啲都唔韌 再加埋個撈檬 酸酸地好開胃呢間餐廳價錢合理 外賣仲有8折 而且款式都幾多 下次會再黎食!

旺角係美食天堂，面對林林總總嘅餐廳裡面，今次就揀咗越南菜：📍 越風味地道越南料理 (旺角)旺角砵蘭街108號地舖餐廳格局好闊落、光猛。餐牌選擇好多，只係撈檬就已經五花八門。而且仲要全日免+1 ，今時今日真係少見。🔻1. 豬頸肉沙律（$68）鋪滿生菜同蘿蔔真係好開胃，仲有豬頸肉點綴🔻2. 特級手切生牛河（轉湯檬）（$86）湯底好鮮甜，滲住牛骨香味，手切生牛肉亦好有牛肉香味🔻3. 豬頸肉撈檬（$68）豬頸肉都燒得好好，而撈檬俾人清新嘅感覺，仲可以隨自己個人口味加酸辣汁添🔻4. 蝦餅（$68）手打嘅蝦餅煎到金黃色，又有蝦味👍🏻🔻5. 椰青（$38）同朋友一人一個椰青水，一齊享受住陣陣清甜🌞🔻最開心嘅係佢全日唔收加一，認真抵食🤑

經過砵蘭街見到餐廳門口放咗幾個餐牌，食物種類選擇好多，價錢又唔太貴，一於坐低慢慢揀🤓📌晚市有二人至六人套餐，人多嚟到都好抵食。其他粉麵飯、小食嘅選擇都好多，有唔同口味揀，仲有特別標明素食菜式，素食者都啱食🔺香茅豬扒撈檬 ($58)檬粉份量好多，食落好滑👍香茅豬扒大約有5塊，厚薄適中🤩煎得好香，食落唔韌又唔鞋，配埋酸辣醬好好味🤤➡️ Lamlam脷指數 😋😋😋😋😋 (5/5)🔺特級手切生牛河 ($86)河粉都好大碗，滑身唔油膩😝牛肉偏薄同偏細塊，而湯底嘅牛骨味好濃👍➡️ Lamlam脷指數 😋😋😋😋 (4/5)🔺生菜包 ($88)香辣度剛剛好，豬肉有少少肥，不過加埋香料食味道酸酸辣辣，夠哂開胃👍➡️ Lamlam脷指數 😋😋😋😋 (4/5)🔻牛油果沙冰 ($38)新鮮嘅牛油果味🤤叫少甜就剛剛好➡️ Lamlam脷指數 😋😋😋😋😋 (5/5)➡️ 整體評價: 🥳食物同飲品份量都好多，性價比高🥰仲有好多款式選擇，一大班人嚟到仲可以試多幾款食物！➡️ Encore指數 ⭐️⭐️⭐️⭐️ (4/5)