越萊 (福榮街)

營業中

休息中

本人食過都算多間越南河 我覺得呢一間算係我食過最好食嘅 中午時段同同事兩人一齊嚟食越南河 我叫咗$56 有3個餸 牛骨湯底河粉 牛腩，牛筋腩生牛肉 等咗大概8分鐘有得食 湯底夠濃 配菜夠多 辣椒仔芽菜同埋配菜都好足夠 仲有炸蒜 牛筋腩食落好林好入味 生牛肉 熟度啱啱好 牛腩好大塊 午餐時段仲會送熱柑桔蜜 我覺得性價比好高 同埋好好味 同事食完都大讚 環境坐得舒服 有啲特色裝修 仲有驚喜係 佢有越南嘅甜醬同埋辣椒醬俾你點生牛肉 我覺得咁樣撈埋啲生牛肉食 會令牛肉昇華 高度推薦呢一間越南河 可以比較吓睇，我其他越南河嘅食評

去完黃金經過越萊見好有人氣，於是就入內食晚餐。飯麵小食選擇麵多，我就最聚焦係小食度，樣樣小食都好吸引，好在佢有小食拼盤可以滿足選擇困難嘅食客。見餐牌嘅小食拼盤大大份好吸引，有懷疑過會圖片只供參考，結果實物出到嚟同餐牌一樣咁豐富，實至名歸係超值拼盤拼盤包括蝦仁米紙卷、酸辣鳳爪、牛油雞翼、炭燒豬頸肉、潘良帶子明蝦配茄子、雞湯蘿蔔，雖然價錢超值味道一啲都唔馬虎，全部都好好食，值得為咗呢個小食拼盤再嚟越萊好多次蝦仁米紙卷米紙卷好有層次感，外皮好煙韌內面嘅蝦同粉好爽彈。炭燒豬頸肉豬頸肉燒得夠香，邊有濃邊叉燒嘅味道，內夠juice夠嫩滑。牛油雞翼雞翼外脆內滑，外皮香脆有牛油同蒜頭嘅咸香潘良帶子明蝦配茄子最特別係帶子蝦茄子，呢個小食我係第一次見嘅，用料十足，蝦同帶子都大大粒，兩者味道都鮮甜爽口彈牙，唔知茄子落咗咩醬汁味道好特別，有特別嘅香味，冇諗過蝦帶子加茄子效果會咁好食。撈檬揀咗個有三款小食嘅撈檬，紮肉味道不過不失，朋友喜歡食紮肉食得好滋味；而我就好中意個豬串，豬食嘅油香同香料味道好香口好好食；蝦餅夠脆口彈牙，放到最後凍咗都仲係好脆。

見openrice 評價唔錯，一試，的確有道理，大件扺食叫左個牛萊了，另外一個係豬頸肉豬扒牛肉撈檬牛個個咩都有，半生熟牛，牛腩牛筋牛𦟌牛丸，好鬼大碗！最緊要係好味、係我想要個隻湯底味道，配左啲辣椒牙菜自己落！但今日胃口太細，另外碗撈檬真係食唔哂，個酸汁唔夠酸，炸物算唔錯，但比牛略有失色叫左小粉，但可能唔記得，真係好大碗！我係麻甩佬，真係食唔哂凍咖啡都好味！下次要再食！要試小食同法包！地點又易搵，服務都爽手！

今日放工約咗一個好耐冇見既朋友去深水埗搵食，突然心血來潮想食越南粉，網上搵左間越南餐廳-越萊，有兩間分店，餐廳門口都幾多人等位，不過都算等得快而家午市11:30-6仲做緊優惠，惠顧任何主食，可享用小食買一送一，好似又幾抵等朋友等到好肚餓，我就叫咗個越萊超值小食拼盤，包羅萬有，好似好正拼盤有牛油雞翼、蝦仁米紙卷、炭燒豬頸肉、酸辣無骨鳳爪、雞湯浸蘿蔔，帶子明蝦配茄子，酸辣鳳爪好開胃，唔太辣，雞翼炸得鬆脆入味，豬頸肉烤得幾香口，米紙卷幾煙靭另外我點咗個牛萊了湯河，有牛筋牛丸生牛肉牛腩同牛展，全部都係牛好足料，個湯又幾濃牛味朋友就揀咗個雞扒撈檬，雞扒份量好大份，啖啖肉，燒得幾香口juicy套餐包埋餐飲，兩個人食其實份量都好多，最後都食唔晒，而且價錢又唔貴幾抵食，下次再幫襯過

Intro: 越萊喺香港只有兩間分店，佢報主力越式嘅料理，餐牌仲有唔少撈檬同湯檬嘅選擇，午市價錢大約$60內；而呢次就想試下佢地嘅撈檬，佢地出餐好快而份量都幾多， 唔知味道係點呢？___________________🍽 豬扒/豬頸肉撈檬 💰 48，50（包熱柑桔）⭐️8/10✍🏻 豬頸肉同配菜嘅份量都有好多，但要加一半酸汁先覺得夠味；✍🏻 檬粉同配料夠新鮮同清新，加埋花生真係好夾，而乾蔥一啲都唔臭；✍🏻 豬扒炸得/豬頸肉燒得好香脆，但就無咁有咬口同失去左肉汁嘅味道；✍🏻 熱柑桔甜度岩岩好，好潤喉，仲有少少果肉食。___________________🏠 越萊📍 深水埗福榮街124號地舖⭐️ 8/10___________________

第一次去這店，餐牌上有牛肉湯河亦有豬扒蒙，我告訴店員要「豬扒湯河」，店員話沒有這個！只能叫餐牌上寫上的！真的白痴，我估廚房裏面都係機械人做嘢，所以只是少少改變都唔識做！結果我改變叫了炸雞翼及越南春卷，炸雞翼外面的粉非常硬，而那個越南春卷比我手指尾還要幼細‼️ 簡直不知所謂‼️比我的感覺就是搵快錢‼️一定唔會再幫襯‼️

今日本來去深水埗l買兩面黃麵，但覺得無特別，所以周圍走搵，都系好似同車仔麵差不多的鋪頭，最後決定食哩間越南野。收銀的靚女雖然未至于無禮貌，但答問題真系幾硬；外賣就9折，咁就性價比幾吾錯叫外賣等左10分鐘左右至有。外包裝都幾靚仔。照燒雞趴撈濛（$58）3分- 雞趴好厚，但無照燒味或者照燒汁，好在吾硬，都幾有雞味。厚燒豬扒蝦餅撈濛（$58）3分- 豬扒就吾覺得系厚，正正常常，- 蝦餅就幾厚，都幾好味。檬粉就正常，酸汁多比D 就更好。

星期五晚既深水埗見到最多人排既車仔麵真係諗唔明返工都攰到爆點解仲會肯排長龍去食一餐好快食完既晚餐於是我地繼續周圍搵俾我地揾到有得walk in坐得舒服既餐廳😏▫️Menu選擇唔多岩哂我呢d選擇困難症既人我地二人行叫左▫️▶️雞扒豬頸肉撈檬▶️牛萊了▶️蝦餅▫️份量幾多 肉亦唔少牛萊了偏貴係值既 湯底好好飲而雞扒豬頸肉就唔知點解變左豬扒豬頸肉😂我都係睇相先知當時太肚餓 一見到碗野就食😋蝦餅正常發揮～▫️會再黎😌

今日去深水埗行完黃金，附近不嬲都多野食，發現左呢間整體價錢超親民既越南餐廳。入到店內，已經見到有不同顏色的越南斗笠裝飾，有種身置於越南的感覺，別有風味。我哋兩個人首先要左份泰式小食拼盤，真係非常抵食，有牛油雞翼，酸辣無骨鳳爪，雞湯浸蘿蔔，鮮蝦仁米紙卷，炭燒豬頸肉，蝦配茄子，啱晒一啲選擇困難症嘅朋友，可以一次過試晒所有特色小食，啱晒三四個人一齊分享！另外每款主食都只係$100內仲要係超級大碗，份量好多，岩哂大食人士，要左牛萊了，有生牛肉，牛筋，牛展，牛丸2粒，仲有白蘿蔔，白蘿蔔要讚下好甜好食，湯底都好正！牛筋亦10分彈牙，份量大大碗。另外我哋仲要咗個炭燒雞扒撈檬，價錢超級平，唔使$50一碗又係大大碗，超抵食雞扒厚切嫩滑，平民高質晚餐推介，仲要免+1包埋嘢飲，真係好抵！

呢晚屋企冇煮飯，去左深水埗覓食😙見到間乾淨企理嘅越南餐廳，之前經過都未食過，今晚試下😙我哋兩個人 於是叫咗兩個主食加一啲小食見到隔籬枱嘅豬頸肉好吸引，我哋就叫咗一個炭燒豬頸肉煎蛋飯，一個豬頸肉撈㩚炭燒豬頸肉煎蛋飯 $56豬頸肉撈㩚 $50豬頸肉有六片左右，塊塊都厚切啖啖肉炭燒味道好香，豬頸肉爽口彈牙配飯加煎蛋一流配搭！而想開胃啲就揀配撈㩚㩚粉嘅份量係超多！！多到食唔晒😳好抵食😳小食份量分為四件同埋兩件，所以我哋可以每樣叫兩件試多幾款😜我哋叫咗幾款:越萊自製手工春卷 2件 $26越南手工春卷一向都係我去越南餐廳食嘅必要小食😎香脆嘅春卷皮包住紅蘿蔔絲、木耳絲、粉絲等等海防炸蝦餅 2件 $30炸蝦餅細細件 炸得金黃食落惹味 點埋隔籬嗰個醬汁重正😋越萊串燒 2串 $28串燒可以自選豬肉或雞肉我哋要咗兩串雞肉雞肉唔鞋口點埋沙嗲醬幾夾小小地食兩串過下癮都唔錯🤭Lunchtime 好似重抵食，下次再黎😙

餐廳位於深水埗，裝修簡潔明亮，以木材為主要元素，營造出舒適和自然的用餐環境。小食拼盤包含了多種美味的泰式小食，讓人一次品嚐多種風味。泰式炸蝦餅外酥內嫩，加上甜辣的泰式醬汁，味道絕佳。燒豬頸肉經過炭火烤制後，口感嫩滑多汁，搭配泰式辣椒醬，非常開胃。清湯蘿蔔湯清爽可口，讓人感受到清新的味道。米紙蝦卷和春卷外皮酥脆，內裡填滿了新鮮的蔬菜和蝦仁，非常健康美味。整個拼盤的風味豐富，非常適合和朋友一起分享。紅酒會牛尾是經過長時間燉煮，肉質變得非常嫩軟，入口即化。加上豐富的香料和紅酒的香氣，讓味道更加豐富。這道菜式最啱係寒冷的天氣享用，讓人感受到溫暖的味道。咖啡沙冰口感絲滑，咖啡香氣濃郁，喝起來既解渴又提神。總括而言，用餐體驗好唔錯👍🏼👍🏼

今日約咗個朋友嚟睇game 佢就乘機敲我下午茶當係專業諮詢費。喺呢度附近揀咗間越南餐廳嘅下午茶。朋友就點咗個越萊小火車頭河粉，我就要咗個越式豬肝醬扎肉法包配網春捲。飲品我哋分別揀咗凍檸樂同埋青檸梳打。朋友個火車頭河粉非常大碗亦都好足料，有生牛肉，牛腩，牛筋，牛丸，扎肉，豬軟骨同豆卜等等。牛腩牛筋豬軟骨煮得夠淋，牛丸出奇地好味，豆卜吸晒湯汁又好味，真係好多料而且個湯底非常之好，清得嚟但係又好香甜，就好似牛清湯咁，食完之後又唔會口渴。呢個價錢真係超值，完全唔止下午茶份量！至於我個法包亦都非常唔錯，個包烘得非常之脆，麵包內夾住嘅食材非常豐富，滿滿豬肝醬再加扎肉，再搭配青瓜，白蘿蔔絲，紅蘿蔔絲，芫荽同少少黑胡椒提升味道同香味，好味道。炸網春捲有兩條作為下午茶少少熱氣嘢就啱啱好，飲埋杯凍檸樂同埋青檸梳打，清爽醒神，好滿足，食飽就有力揀game啦🤣

係嘉頓山睇完個咸蛋黃，一路漫步落返深水埗旺角方向，係正路邊就會見到呢間主打正宗越南菜，網上又多好評既小店，淺藍色招牌夠光鮮唔難搵，入去裡面望下裝修，有啲心思，牆身沿用招牌藍色營造海既感覺，燈一律用竹籃罩住看似越南漁民既帽子，如果鍾意靜靜地自己一個人食，佢有吧檯式單向比自己嘆食，感覺唔錯。食物方面，我自己去過兩次越南慢遊，試過最地道正宗越南菜，呢度既味道適當地微調向香港人口味之餘亦維持到越南既風味，可以話帶比我回到越南既味道！越萊經典撈檬(香茅牛肉+燒豬扒+燒豬頸肉) $66豬扒同豬頸肉既醃料唔淨止留在外皮，個味道完全融入左肉裡面，咬落去肉質亦彈牙可口，牛肉亦有牛味，最怕食到啲肉係得醃料味冇肉既感同味道，呢個就值得推介了，至於個檬粉偏厚身，以為好少，但好快就有飽肚既感覺河內蝦仁米紙卷(兩件)$26新鮮蝦配合厚身米紙卷，細細啖男仔一啖可以一舊，咬落去爽口清新，屬不錯既餐前小食西貢馬拉盞炒通菜$28通菜出名炒出黎好多水，而呢度令佢收左水之餘仲配合左唔辣既馬拉盞去炒，有越南味道又可以換下味道，唔駛食親通菜都係撈腐乳魷魚沙律配醒胃柚子汁$38魷魚新鮮爽口，面頭淋左開胃既味粉類似炭燒風味，沙律底夠

今日行完深水埗黃金商場有啲肚餓，隨即到附近覓食！經過間越南嘢～越萊，即刻同老公入去試吓先！我哋點咗以下食物：越萊精選火車頭 $96 碗嘢嚟到，我同老公都O咗嘴，冇諗過咁大碗，入邊有生牛肉、牛腩、牛筋、牛丸、扎肉、豬軟骨、雞絲、豆卜、蘿蔔、仲有生菜，真係好豐富，牛湯汁好濃，鮮味十足，簡直是牛魔王的最愛豬扒蝦餅撈檬$56蝦餅、豬扒食得出係即炸，蝦餅熱辣辣，外皮好鬆脆，蝦肉彈牙，而豬扒好厚身，但一啲都唔＂鞋＂，肉質都幾juicy蝦仁米紙卷 2件 $12蝦仁好新鮮又大隻，粉皮好薄又滑嫩，入邊仲有生菜、檬粉，好清新可口自製手工春卷 2件 $26又係新鮮即炸，好脆口，伴生菜吃，一點也不油膩，大愛😍😍加配青檸梳打$10加配椰汁紅豆冰$10 整體而言，性價比非常高，食物好新鮮、熱辣辣，員工服務態度都不錯，下次一定會再來🥰🥰

❤️牛骨湯越式湯河 $50湯真係好濃好飲！河粉軟硬適中，清清地配生菜、手撕雞肉、蘿蔔3舊💯好足料，幾乎飲晒d湯! 上菜好快手！轉眼有得食🥳 ❤️豬扒蝦餅撈檬 $56豬扒好厚有咬口，份量又多，檬粉有咬口，汁可以按個人喜好加😆蝦餅都有2大舊 夠飽肚❤️自製手工春卷 $26好食！外皮薄、脆口，餡料豐富！👏🏼❤️山薑茶熱辣辣🔥🔥夠薑味！冬天飲暖笠笠🫶🏼❤️柑桔蜜食左蝦餅春卷少少熱氣 柑桔蜜潤下喉就岩晒🥳