越男仔

營業中

休息中

《越男仔》雖然冇越南仔，但仍有我嘅至愛。我很鐘意食越南菜。今日嚟嗌左以下嘢食：✨️鎮店四鳥 配椰汁酸湯檬粉四鳥是指：脆雞皮手撕雞滑雞件香脆雞椰汁酸湯是招牌湯底。呢個湯底用雞骨熬製，再加入椰汁、酸子和醋等。有落椰汁，所以一望落去碗粉是白雪雪的。而酸度就和檸檬差不多。檬粉大大碗，滑雞件、香脆雞各兩大件，份量都幾足。✨️招牌去骨海南雞飯 配黃薑飯這是個套餐並附有兩款小食 ~ 牙車快沙律 和 手撕雞檬紙卷手撕雞比起係香港食開果 d 比較乾身和野味，香港果d一般有油浸，而呢款就冇。✨招牌軟殼蟹 配黃薑飯都係 set 配嘅小食和海南雞飯是一樣的。軟殼蟹非常脆，但較為硬身小小。黃薑飯十分香噴噴， 我齋食呢个飯冇餸都得。#越男仔️

係旺角唔知食咩，就會去廣華街食越南嘢~今次兩位就叫左份set，有3樣野食🫶🏼 $109前菜🥬  牙車快沙律 青瓜絲 手撕雞 柚子 蘿蔔 椰菜小食💫 素春卷好脆口，落埋個汁食，成件事又昇華咗😙🍅紅番茄湯檬有生牛 烤牛 猪頸肉 豬扒~ 分量都頗大碗🍜幾鍾意佢地個番茄湯底夠濃之外，同平常食開都唔太一樣，呢個係加埋好多洋蔥去煮🧅 好適合我鍾意食淋嘅洋蔥🙊 🍅冰鎮蜜糖蕃茄$39經過醃製，食落無青味係甜嘅😚好有驚喜！推薦大家去試下~總結，喺旺角想食有質素唔錯嘅越南菜，可以try try佢😜

平時甚少食越南菜,早幾日同朋友經過見到門口個menu好吸引,就入咗去食😋三文魚蓉拼海膽＋蝦餅+扎肉配撈金邊粉撈金邊粉醬汁味道酸酸甜甜😍, 三文魚蓉同海膽鮮味十足😋蝦餅外脆內軟😋牛+豬 Pho配紅蕃茄湯檬粉蕃茄湯底香濃😍牛+豬 Pho包括有生牛肉.燒牛肉. 豬頸肉同豬扒,非常豐富😍牛肉軟嫩,牛味好濃,豬扒鬆軟😋牙車快沙律（柚子＋手撕雞)+椒鹽脆蛋魚柳手撕雞配上柚子汁味道清新😍魚柳外脆內軟😋凍椰香漏漏啡椰子同咖啡味香濃😋拉茶紅豆冰拉茶茶味好濃😍加入紅豆,味道好夾😋

泰越菜，之前就同大家分別介紹過 泰玖、青花、泰Grill、雄泰、小越廚、金屋泰國菜館今次黎到旺角，同大家介紹一間我自己既私心推介名單 一 越男仔 @devietson🌟Set A 招牌無骨雞 配 黃薑飯 $92小食： (手撕雞沙律 x 手撕雞檬紙卷)餐湯：(牛骨湯)🌟手撕雞沙律 手撕雞、蔬菜絲加泰式酸辣汁好清爽好開胃🤤👍🏻🌟手撕雞檬紙卷 整體味道 黑胡椒調味過既手撕雞 x 檬紙卷包住蔬菜 x泰式酸辣汁，口感爽脆之餘帶清爽感🤤👍🏻🌟招牌無骨雞 配 黃薑飯 雞肉嫩滑，搭配秘制雞汁黃薑飯帶有椰漿香味 🤤👍🏻🌟沙嗲串燒拼盤 $102串燒拼盤有雞、牛、豬 各2，沙嗲汁香濃之餘帶有花生香，肉亦燒得吾錯🤤👍🏻🌟越式炸春卷(4件)x撈檬 $52春卷炸得金黃酥脆，內餡有粉絲、椰菜絲、木耳絲、紅蘿蔔絲等搭配埋撈檬，即刻清爽哂🤤👍🏻📍越男仔地址：旺角廣華街2-20號翠園大樓二期地下5號舖#旺角 #越男仔 #越菜 #撈檬 #海南雞 #黃薑飯 #留港消費 #支持小店 #覓食旺角 #食在旺角 #良心小店💛 #旺角食乜好 #為食關注組 #手撕雞沙律 #越式炸春卷 #招牌無骨雞 #越男仔快線 #越男仔料理 #沙嗲串燒

想試呢間越南餐廳好耐喇，今日就約埋一個朋友仔一齊去食，點知臨去到先話唔係好肚餓 😂 所以只係叫咗一個粉加兩個小食 💁🏻‍♀️🔸蒜蓉牛油雙蝦扎肉撈金邊粉碗粉一擺低就聞到超級香嘅蝦味 ❤️ 蝦頭炸到成個都食得，有啲蝦膏喺入面勁好食！而蝦肉唔係全熟，個蝦殼輕輕燒過，入面肉質保留返生蝦嘅口感，味道好鮮甜 😋 扎肉有好香嘅胡椒味，最驚喜係金邊粉！感覺同其他舖頭唔同，質感好好煙靭得嚟又滑 👍🏻🔸法式芝心蝦多士蝦肉內餡好爽口彈牙，同芝士味好夾，出面層麵包勁脆，好多芝麻好香口 🫶🏻🔸越式蝦餅超厚實嘅蝦餅，啖啖肉勁滿足 😆 好彈牙好有咬口！🔸自家煲秘製香茅薑蜜生薑味好濃，又甜甜哋，一飲成個人暖哂 🥰🔸自家煲龍眼花蜜茶同係泰國飲嘅龍眼冰一樣味 🧊 冰冰涼涼香香甜甜，仲有大大粒龍眼肉～雖然叫嘅嘢唔多，但係真係好飽 🤣🤣🤣

見好耐冇食越南菜，特登搵咗呢間位置偏僻隱蔽啲個Menu睇到人眼花撩亂😵‍💫太多選擇組合▶️ 3+2撈檬 ($76)有越式扎肉、烤脆豬肉、古法烤牛肉、豬頸肉絲、手撕雞第一次食咁多配料嘅撈檬😆全部都好有味夠鹹扎肉有黑椒味，烤脆豬肉炸到脆口🐷 古法烤牛肉有沙嗲醬，比較鹹但惹味，肉質韌少少🤏🏻手撕雞幾好食🐔不過份量比較少檬粉麵質正常，唔會斷晒，份量仲好多配料都豐富，紅蘿蔔絲、青瓜絲、生菜、醃蘿蔔絲等🥕撈檬醬汁酸酸甜甜，冇魚露味亦唔辣，然而本身肉類鹹，唔需要落太多醬汁，作用只係令麵冇咁乾身面頭仲有蔥油調味，但係就冇炸蒜或花生▶️ 火炙薄燒牛拼脆雞 配撈檬 ($92)火炙薄燒牛肉幾靚仔，似日式居酒屋食到嗰啲🐂脆雞ok，雞扒有返咁上下厚度，不過唔算香脆且炸皮較厚本身底有烤牛肉汁，所以都係唔需要落太多撈檬醬汁-味道唔錯嘅，肉類較重口味，配送撈檬就差唔多不過始終唔係正宗越南菜，差啲環境服務一般般價錢貴咗少少，冇套餐，加一後大約$100/麵可能係去完越南食過地道嘢之後有對比🫣難啲香港搵到好味嘅越南菜

3 Course DinnerStarter➕Main Course❣️牙車快沙律牙車快其實係越南嘅一種沙律，「牙」係越語的「雞」，「車快係指沙律； 配上洋蔥、椰菜絲和芽菜等，份量十足😋加埋酸酸甜甜嘅特色醬汁，味道不錯❣️手撕雞檬紙卷檬紙卷係越南菜特色小食之一，外皮十分煙靭，包住檬粉青瓜絲生菜絲等，面上鋪滿手撕雞👍一啖一個好滿足❣️牛➕豬pho生牛肉+烤牛肉+豬頸肉+豬扒配紅蕃茄湯檬粉啱晒食肉嘅朋友😆生牛肉薄薄一片，食落好夠肉味；炸豬扒和豬頸肉鮮嫩多汁，口感好嫩滑；蕃茄湯底用鮮蕃茄牛仔非常濃郁，酸酸甜甜勁開胃❣️鎮店四鳥檬粉脆雞皮+手撕雞+滑雞件+香脆雞配清雞湯檬粉今次試吓呢個招牌之一，面上鋪滿各種口味嘅雞，份量超級多🤩食晒一碗真係超級飽～脆雞件和雞皮炸得好香脆，一次過滿足鍾意食雞嘅朋友，我揀咗清雞湯，湯底清甜👍❣️小食拼盤拼盤有手撕雞檬子卷、黑糖鳳爪、沙律和春卷，份量夠晒幾個朋友仔share食，最鍾意黑糖鳳爪，爽口彈牙，店家已去骨食落好方便

呢到食物款式好多，又特別，令到有選擇困難既我揀左好耐，同埋佢有唔多優惠，睇左好耐先揀到最想試既野食🙈🙈簡單啲講就係所有食物都係單點，但小食同埋飲品都有跟餐價會平啲；另外，佢有幾款係一個價錢包3樣食物，但飲品就要再加錢；又有得自選湯麵，好欣賞佢地可以有咁多配搭俾人揀👍🏻3 COURSE DINNER招牌去骨海南雞配黃薑飯 + 牙車快沙律 (柚子+手撕雞) + 椒鹽脆蛋魚柳 ($92)雞肉厚身多件😍 肉質滑身，唔會太油，黃薑飯比出面多左一份椰汁既香味，食落胃口大開！份量冇嘢好講。一個字：超級多！👍🏻牙車快沙律同椒鹽脆蛋魚柳係同一碟上，手撕雞沙律酸酸甜甜，可以自己落酸辣汁，我唔鍾意太酸，令到成個沙律得返個酸味，所以我落咗好少，幾啱我胃口，手撕雞正常發揮🤘🏻魚柳真係椒鹽既味道，差啲唔記得自己食緊越南嘢😂 魚柳濃味啲，同沙律嘅酸甜有對比，幾特別嘅配搭👍🏻少少可惜係佢比海南雞飯更遲上菜，冇得第一時間開胃先🙊鎮店四鳥 (脆雞皮+手撕雞+滑雞件+杏脆雞) 配椰汁酸湯檬粉 ($88)一個價錢食到4款雞，岩哂我呢啲眼闊肚窄既人！四款唔同嘅雞都好有特色，雞皮比薯片更加脆，但係又有一定嘅厚度同埋大大塊，好少喺

星期六晚約咗朋友喺旺角行街，經過呢間越男仔，朋友又鍾意食越南菜，所以就入去試下啦！😬💃1. 蒜蓉牛油雙蝦扎肉撈金邊粉，蝦🦐好新鮮，扎肉也好大件，好正！😋😬2. 招牌去骨海南雞配黃薑飯，海南雞好滑又肥美！😍😍😍黃薑飯充滿椰香味，撈埋秘製醬汁一齊食就perfect！👍3. 無骨黑糖鳳瓜沙律，微微的辣、好惹味！😊🙌4. 椒鹽脆蛋魚柳，炸得好香脆！😋😊5. 椰汁拉茶紅豆冰，甜道適中，紅豆份量十足！😎6. 熱龍眼蜜，好潤喉，好多龍眼！😍越男仔：旺角廣華街2-20號翠園大樓二期地下5號舖

最近想吃一些湯湯水水的食物，朋友推薦吃越男仔，剛好在旺角廣華街附近海南雞脾配椰汁酸湯🐔好大份量 海南雞色澤金黃 軟軟嫩嫩 椰汁酸湯搭配起來酸酸甜甜 好開胃🥰火車頭湯河也是好大份量 個人鍾意❤️ 有牛肉牛丸牛百葉等 湯頭鮮美 牛肉味十足 河粉勁道 不會軟爛 串燒沙爹拼盤雞牛豬各一串 好多沙爹醬汁 醬料味道十足 重口喜愛😆煙三文魚檬紙卷煙三文魚好似花花的造型 滿滿的蔬菜🥬和檬粉 配上酸甜撈檬汁 😋軟殼蟹剛好有做活動 性價比不錯 炸的好香 熱辣辣 酥脆好食🙌🏻水果茶 好多菠蘿🍍青瓜🥒在裏面 還有薄荷葉 水果味好清新 茶味都濃🫶🏻椰汁紅豆冰 經典飲品👍🏻#devietson #越男仔 #越南美食 #越男仔旺角店 #旺角美食

越男仔食過好幾次，間吾中都會再黎幫襯😁覺得佢價錢親民，份量足，味道好地道👍🏻餐廳設計富有越南色彩，有好多當地色彩的掛畫做裝飾。🥢晚餐menu 有散叫同三道菜晚餐，包左兩款小食同主菜。🐤招牌去骨海南雞配黃薑飯賣相好靚😆雞肉好滑，有層好靚的啫喱體👍🏻配左葱油同酸辣汁。黃薑飯有淡淡的椰香味，食得有營😋🐟椒鹽脆蛋魚柳🥗牙車快沙律魚柳好惹味，炸得香脆，炸粉好薄，啖啖魚肉👍🏻沙律份量幾多，手撕雞用了黑椒調味，加左酸甜汁，幾開胃。🍜三文魚蓉拼海膽蝦餅扎肉撈金邊粉賣相好浮誇！最上層有大大塊海膽，下面有一個拳頭大的三文魚蓉，味道鮮味😋另外仲有彈牙炸蝦餅，蔬菜量都十足，有青瓜絲，蘿蔔絲，香葱，生菜。最下面係幼身金邊粉，煙韌有口感。淋上魚露食，惹味開胃。🍹椰汁綠豆冰滿滿的椰香味，幾清甜。🍹水果茶幾特別，有菠蘿，青瓜，檸檬，青檬，酸甜解渴。🌟🌟總括嚟講，可以係越男仔食個輕鬆晚飯，質素好，價錢實惠。

今日接老公放工食晚餐 好鍾意食呢一間越南新派fusion菜 地舖位置都算方便 晚上都幾多人 證明呢間餐廳質素應該唔錯餐牌上面選擇好多 有唔同嘅湯粉 撈檬 小食等等今晚點個清清地嘅湯粉⭐沙嗲烤牛湯檬粉 牛肉嫩滑而且份量都好多 湯底好清甜 好好味⭐越式生牛肉牛骨湯檬粉牛肉量超多 湯底好清 牛肉味 配菜有勁多芽菜 好健康飲品點咗個呢度特飲⭐冰凍水果茶裏面有薄荷 檸檬 菠蘿 感覺好健康 又開胃小食 ⭐法式芝士蝦多士真係必食 分量又多芝士半溶狀態 好邪惡 同啲蝦肉好夾 好好味⭐串燒沙嗲 沙嗲味 好多沙爹汁 非常濃縮而且唔辣 價錢唔貴 大概100蚊一個人 就有嘢飲 小食同飲品 質素好好 值得一試🩷

下午茶想喳喳林填飽個肚，又想食啲開胃嘢，見到越南嘢就想檬粉！呢碗手撕雞扎肉椰汁酸湯檬粉份量啱啱好，湯底有椰汁好好飲，暖笠笠，最後飲晒成碗，手撕雞就普普通通，正常發揮。店主好熱心地附送越南三寶嘅配菜俾我哋自己加料。另外再加咗$5配個紅豆冰都好足料，抵食！朋友嗌嘅海南雞飯都話好滑溜，份量都OK。店主話做緊優惠加$10會有兩件牛油雞翼，不過海南雞飯已經有雞，所以冇再加！下次再來的話會試吓其他菜式，推介！

我今日去旺角辦事，順道約同好友去位於旺角廣華街2-20號翠園大樓2期地下5號舖的越男仔食午餐，環境舒適，坐得舒服。我點左個D10的鎮店四烏（脆雞皮＋手撕雞＋滑雞件＋香脆雞）配椰汁酸湯檬$88，好友點左個D17的蒜茸牛油海南雞脾撈金邊粉$98；餐飲係熱香茅蜜$13（跟餐），凍三檸七$15（跟餐）。海南雞脾啖啖肉，肉質嫩滑可口，金邊粉幼滑好食，配菜豐富又新鮮；鎮店四烏的脆雞皮香脆好味，另外三款雞各有風味，椰汁酸湯好好飲；熱飲好潤喉，凍飲好清涼。

旺角鬧市中有一間越男仔，今天嘗過真心覺得它的越式料理好好味，越式酸辣味真是正合我意！紅番茄湯檬 生牛+烤牛+猪頸肉+豬扒大大份，兩人share 都夠吃！番茄湯底濃郁而鮮美，散發著撲鼻的番茄香氣，檬粉口感豐富滑爽，帶有濃厚的酸甜味道。仲有甘多種不同質感和味道的肉:生牛+烤牛+猪頸肉+豬扒。生牛肉鮮嫩多汁，保留了它的柔軟口感。烤牛肉則帶有微微焦香，增添了深度和香氣。真是吃得好豐盛滿足！河內蔥油三味 配 黃薑飯 扎肉+豬扒+豬頸肉黃薑飯金黃色澤，微微辛香的風味。仲有扎肉+豬扒+豬頸肉，豬扒表皮酥脆，內部保持肉汁飽滿。豬頸肉經過烤煮後更加鮮美，呈現出豐富的口味和質感！手撕雞檬紙卷絕對是鮮嫩的手撕雞肉絲和酸甜味道完美結合！無骨鳳爪沙律酸酸甜甜的無骨鳳爪好有嚼劲，有黃瓜絲、胡蘿蔔絲，令人胃口大開！椰汁飲品跟餐半價，濃郁的椰香味！