影片
以上資料只供參考, 請與餐廳確認詳情
招牌菜
今日去「越欣」 餐牌有好多選擇第一次食咖哩吉列豬扒煎蛋飯, 煎蛋啱啱好唔會燶 , 即炸金黃色豬扒脆口鬆化內JUICY👍🏻唔會太油膩, 送飯一流! 第一啖咬落去超級脆 咖哩汁有層次, 色香味俱全見到即刻想食 跟餐熱奶茶, 茶味濃,豬扒成塊碟咁大, 食完好飽都係$46蚊, 地方乾淨,上菜快, 性價比好高 老闆有禮親切 值得推薦！ 會再去食. 同區茶餐廳起碼都要$50蚊 重要試過唔好食, 下次可以試肉骨茶飯, 係區內少. 越式炸春卷都好吸引
繼續閱讀
第一次入「越欣」堂食, 之前去附近金椰林茶餐廳食沙爹牛肉麵好激氣! 完全冇醃製, 加塊超薄午餐肉都要$38. 「越欣」今日食沙爹牛肉煎蛋公仔麵, 沙爹牛肉有醃製過味道好唔鞋口, 煎蛋啱啱好唔會太燶，另外加一碟越南香茅豬扒(小) , 豬扒炸得鬆化唔會太肥膩, 唔燶, 公仔麵裏面有驚喜食食下有舊青檸仔 跟餐熱奶茶食得好飽都係$44蚊, 地方整潔, 上菜快靚正. 座位雖然唔太多, 小店嚟講佢算係有誠意, 職員有禮貌食物做得好之後一定會再幫襯！
繼續閱讀
今日係石蔭路食下午茶，選了越欣，之前食越南河粉會去馬會那邊，今次試新嘢。旁邊見到有人食海南雞飯，好似幾靚，下次可試，今次只叫咗$48 的生牛肉湯河包飲品，可加小食，一個人冇加。上餐快，湯幾清，唔油膩, 上菜時也見到牛肉生上，試過在寶星下面泰國菜館食生牛肉湯但上菜時牛肉全熟兼過熟，同泰國菜館反應佢都唔啋你，所以已經唔會再去。越欣的牛肉質素普通，比較靱，但此價錢可接受。餐飲選了奶茶，都可以。下午茶都差唔多full house.
繼續閱讀
媽咪腳痛唔方便落樓，叫外賣自取返屋企一齊食，由落單到拎外賣只係15分鐘内，超級快！🥢越南扎肉雞絲 配河粉·牛骨湯意料之外咁大碗😳三塊帶有黑胡椒粒嘅扎肉，厚薄適中，食時有陣黑椒香味。雞絲撕成幼條，連埋少許芽菜、洋蔥、河粉一齊食口感唔錯，咬到索索聲。🥢呢碗係媽咪嘅香茅雞扒 配湯檬·清雞湯
繼續閱讀
根本唔係越南野，難食到爆。。今日食晏，見隔離米線好多人，於是轉陣呢間，我叫左海南雞飯$48，同事叫左生牛河$40，嘢食好快到，但真係唔知自己食緊乜個海南雞飯根本唔係海南雞飯雞雪藏雞唔緊要，個樣好似煲湯湯渣咁，又鞋，又無乜雞味，仲要斬到一岩一慚，成碟碎骨，仲有，無啦啦整啲葱油落去，食海南雞飯係配葱油架咩？飯啲飯唔係油飯，佢俾黃薑飯，係無乜飯香，但我覺得唔算差，收貨嘅醬我諗好多人都會同意海南雞飯醬汁係好重要一環，佢俾左兩隻醬我，一個。。係麥當奴嘅泰式辣醬，係，你無睇錯，另一個，我見顏色似樣，一撩落去，稀dum dum,再試，下？...老抽黎嘅，係咪玩野吖我同事就話個生牛河無味總括黎講，我覺得廚房唔單止求其，係連對個樣食物嘅基本知識同基本功都缺乏
繼續閱讀
您可能會有興趣的...