越好

營業中

休息中

連城廣場近來大翻新，餐廳都轉了不少，呢間越好算係新開不久，早排同朋友心血來潮講起好耐無食過越南菜，於是就近近地去越好一試。餐廳嘅裝修都幾新派，鮮黃色做主題令餐廳更為顯眼，不過餐廳嘅菜色都幾傳統。我地二人主菜分別叫了越南豬扒撈檬 ($56) 同生牛肉湯河 ($58)，撈檬嘅豬扒大件而薄切，食落肉質嫩冧，而生牛河嘅牛肉片份量都算偏多，牛肉亦相當鮮味，兩款主菜嘅水準都無令人失望。至於小食方面，我地叫左越南炸春卷 ($36) 及炸蝦餅 ($38)，春卷皮炸得鬆脆，而且食落唔覺得油膩，另外炸蝦餅件件厚身彈牙，亦食到蝦嘅鮮味。最後我仲叫左呢杯邪惡嘅恐龍美祿 ($25)，太耐無機會飲就容許自己難得放肆下！面頭嘅cream加上美祿粉實在令一杯平凡嘅美祿大大昇華，就久唔久當獎勵自己啦！

以前成日都會去沙田連城廣場搵食，但過去有成年時間無上去啦，咁啱朋友約食飯，就去連城廣場睇下，原來好多店舖已經轉咗，就同朋友試下越好的越南菜。 餐廳細細間一眼睇晒，座位唔算好多，夜晚食飯時間都幾多人，等咗一間先有位入坐，疫情關係設有隔板，食得比較安心，我地叫咗2個主食、2個小食和2杯飲品，等咗一陣就上菜！ 生牛肉湯河 $58餐牌寫住招牌湯河日賣超過1000碗，試下係咪真係咁正先！先試湯頭味道好濃的牛骨味，熬出牛骨的精髓，配以美國牛胸腹肉，嫩滑得來又有濃郁的牛肉香味，睇返資料原來每日只賣250碗，唔怪得有鎮店之寶的美譽！ 越好湯河配豬扒 $65除咗招牌生牛肉湯河之外，我地仲試咗越南豬扒，豬扒好香的香茅味，醃得入味之餘亦好淋，滋味無窮。 炸蝦餅 $36蝦肉彈牙可口，炸得剛剛好，食落又唔會太油膩。 蝦醬雞中翼 $38頗特別以蝦醬醃製雞中翼，香濃的蝦醬非常入味，炸得外脆內軟保留雞翼的肉汁。 青檸梳打 $22食過咁多炸物，飲返啖酸酸甜甜的青檸梳打以解熱氣感覺。 越南香茅茶 $22之前去越南都好鍾意飲香茅茶，清香的香茅茶加冰飲特別順喉解膩。

越好四寶湯河：招牌菜式之一，四保包括有牛腩、牛展、生牛肉和牛丸。首先，牛腩肥瘦均勻，瘦的部份軟林林而且牛味濃郁夾雜少少肥，入口牛味慢慢滲出一流。牛展博博的，柔軟度高很好吃。生牛肉半生熟而且軟綿綿，令人食完仲要添。牛丸爽口多汁，吃到自家製的與別不同。重點就是河粉，河粉非常滑溜，吸收濃郁的特製湯汁，好吃指數爆燈！建議加入小紅椒和青檸汁混合河粉後，完美配搭，品嚐越式風味！炸蝦餅：一碟有四件炸蝦餅，圓轆轆賣相吸引，外脆內彈。建議沾上酸甜汁更加惹味。蝦醬雞翼：雞翼一定是重點菜式，四隻雞翼都脹卜卜，雖然經過生炸，但是雞翼依然多汁，咬下去吃到濃郁的蝦醬味，蝦醬控一定要點這個小食。美祿恐龍：美祿解喝非常，加上忌廉和可可米，入口非常豐富，推介這款特色飲品。

最近天口㷫想吃點開胃的菜式，上網發現這家越好好像不錯就去試試。餐廳裝潢以黃色為主調，十分型格醒目，感覺摩登時尚，座位亦寬敞舒適。餐廳是來自馬來西亞的過江龍越南餐廳，一看餐牌已經知道十分對辦，提供不少正宗地道的越南菜式，小食、飯、粉麵、特飲均有提供。越南炸春卷先來一客越南炸春卷作為前菜，炸得香酥鬆化的春卷，入口爽脆而味道輕怡，油而不膩，配撘特製醬汁酸甜微辣，十分開胃。蝦醬雞中翼雞翼炸得外層焦香酥脆而內裡嫩滑，雞肉肉質軟嫩不乾澀，味道鹹鮮，刺激味蕾，十分惹味。越好花腩飯一看已經十分對辨，肥瘦均勻而又厚切的五花腩肉，肉汁豐盈，甘腴可口，配上秘製的醬汁，椰香濃郁，有味道上的驚喜，同時又可減低五花腩的油膩感。生牛肉湯河最後少不了一碗Pho，先淺嚐一口湯底，味道豐厚濃香，令人食指大動。牛肉的份量絕不簡單，生熟程度恰到好處，軟腍入味，同時牛味濃郁，水準之作。蜂蜜柚子茶/恐龍美祿蜂蜜柚子茶純粹天然果酸果香，蜜味比一般的糖醋美妙得多，酸甜適口，腴而不膩，另一杯馬拉國民飲品恐龍美祿，滑膩柔美，味道香甜可喜，是夏日佳饌。

沙田搵食，想經濟D、又快D、又好味嘅話，我推薦呢間。位於連城廣場的越南餐廳，平平凡凡食碗牛河都食出滿足感，殊不簡單。二人套餐 $168，已包兩碗湯河或飯、兩款小食及兩杯飲品。套餐唔包的款式，補差價就ok ! 生牛肉湯河靚仔生牛肉鋪滿成碗，大大片嫩滑緊致，湯底好夠熱，牛肉上枱時是我最愛的七成熟，好味！湯頭鮮甜，香葉又新鮮。河粉係傳統越南果款，比較幼身唔肥膩，冇中式咁滑但相對健康啲。每碗粉都跟一小片青檸及紅尖椒，可以按個人口味加入。份量多，但絕對唔捨得食剩，真心好食。越好四寶湯河同生牛河水準相約，呢碗除咗牛肉之外仲有牛𦟌、牛腩片及牛丸，是為四寶。牛𦟌幾香亦唔會韌，牛腩片是最靚的半肥瘦，牛丸都彈牙。一次過食晒四寶，多重口感都幾滿足。越南炸春卷新鮮、熱辣、鬆脆，師傅炸春卷真係有一手，唔油膩，好好味泡菜仙爪咪睇佢唔太紅但其實好鬼辣，鳳爪好爽口入味，又係必食！咸檸7普通檸檬 mix 咸檸，酸甜咸之混合體。菊花姜蜜菊花味濃，反而冇乜姜味。

喺沙田除左去新城市廣場搵食其實仲可以去連城廣場都係同新城市痴埋既商場黎相對上會有更多平價啲既選擇💁‍♀️喺果頭諗唔到食咩可以試下晚市叫左二人套餐 $168唔洗加一～包左主食x2+小食x2+飲品x2👉🏻生牛肉湯河(二人餐主食)份量都幾多牛肉又五大塊食落幾嫩滑 牛味都重又唔會太薄 啲牛肉堅係唔錯！湯底幾清甜唔會油膩 亦都好越式河粉下面有好多芽菜 都淋晒索晒汁～👉🏻炸蝦餅份量都ok 有4舊蝦餅食落都幾彈牙同結實👉🏻炸春卷呢個有6舊 比想像中多都炸得香口入面配料有粉絲、雞肉、木耳...食落都幾豐富！🥤自制香茅茶呢個飲落唔會太濃 清清地又唔會過甜香茅味都幾重 唔錯🥤鹹檸7平時呢個係要加錢既嘢飲🤣都係正常水準～有汽就是爽啊！Btw cover張相影唔到牛肉🤣佢上菜既原貌黎🥴禾稈冚珍珠啊🥺😋：7/10🦖🦖🦖🦖🦖越好💸價錢：人均$100內(dinner)📍地點：沙田沙田車站圍1號連城廣場1樓109號舖

今日收工打算去city super 買飲品同其他小食，之後在沙田行陣街就去左揾野食，見到有間好似未食過的越南菜就同女友去左試試。有二人套餐，超正😬有兩個主食+ 兩個小食 + 兩杯飲品 剛好滿足晒2個人越南牛楠湯河女友點的湯河，佢叫我試下，個湯幾好味，而且分量都唔太少，我女友最後仲叫我幫佢食d湯河🤤炸春卷我起初以為只得2件左右，跟餐的小食來說都幾抵，有5件，當然味道都好好味，如果叫小食的話可以一點。炸蝦餅雖然無春卷咁多件，但比較大件，味道方面我個人鍾意沾少少醬去食，好味好多恐龍美祿佢在餐牌上寫上，當然要試試，係我細個去舊式茶餐廳有飲過飲品，佢有cream 再加上一些朱古力脆脆在面，味道不俗唔係好記得個名但係有雞扒同豬扒的雙扒飯最適合我呢種食肉獸，不過佢如果多飯少少會更好，因為我食晒飯後仲有好多餸未食，還是佢太多餸，我都唔知，不過係幾多料的在沙田行行見到超可愛🤗味道同性價比都很好👍有機會的話大家可以一試

忙咗成個禮拜，終於有時間出去食晚餐啦，好耐無食越南菜啦，今晚等我帶大家食越南菜啦😋真係好掛住越南嘅生牛肉湯河😭😭。我哋叫咗個生牛肉湯河，一黎到當然試咗個湯先啦😋，湯頭好濃郁鮮甜，一塊塊嘅生牛肉，分量十足👍🏻，而且配上香葉，非常正宗，河粉好大碗❤️。另外叫咗個豬扒撈檬，配菜好豐富，作為主角嘅豬扒非常之嫩，而且好夠味😋，再加上越南特製酸辣汁，淋上去撈勻黎食，酸醒甜甜好開胃，食到停吾到口😆。。而小食分別叫左蝦醬炸雞中翼同炸春卷，雞翼外皮炸得好酥脆，不過略嫌蝦醬味唔夠重，如果再重啲就更好食啦👍🏻。而炸春卷亦都非常酥脆香口，配上酸甜汁，越食越開胃🙈💕。另外，依家只要上網預訂越好Phovietz $50現金券及「味遊越南」二人套餐禮券可享最抵74折優惠

收工甘岩去沙田行街，想搵間東南亞菜食下，見到呢間有唔少好平就去試下！由於疫情，入去餐廳之前記得要量體溫同留低個人資料呀！有入去見到啲裝飾同枱嘅擺設都有少少越南既感覺，尤其係啲不銹鋼枱，猶如置身於當地甘。見到餐牌既價錢都好貼地，大眾化。我哋嗌左兩個主食，兩個小食同兩杯飲料。主食分別係生牛肉湯河同沙爹串燒撈檬。生牛肉湯河（HK$58)牛肉非常嫩滑，有啲都唔鞋，而湯底都好濃縮，飲得出係用左好多材料熬出嚟嘅，而湯粉煮得岩岩好，好爽口。整體都唔錯！沙爹串燒撈檬（HK$56)沙爹係牛肉串，味道偏甜小小，係馬拉既風味，撈檬配上醬汁，整體感覺唔會好乾，如果中意食酸酸甜甜既檬粉呢個係一個唔錯既選擇！另外小食我哋嗌左一個越南炸春卷同炸蝦餅。越南炸春卷（HK$36) & 炸蝦餅（HK$38)呢兩款真係一定要嗌，佢炸得岩岩好，春卷炸得好酥脆，入面有牛肉粒。而蝦餅彈牙，好夠味。最後兩杯飲料分別係青檸梳打同恐龍美祿。如果你中意甜既野飲，美祿一定岩曬你，但如果中意特色飲嘢既你一定要揀青檸梳打黎試下。

今日經過沙田，就諗住去沙田連城廣場睇吓有乜嘢食，見到呢間越南野好似唔錯，睇到Menu下午茶餐牌都幾吸引同幾實惠，咁就入去食喇。叫咗一個豬扒撈檬粉($44)同咖央多($30),下午茶套餐每年一杯飲品，咁就叫咗美祿。先來咖央多，一碟有兩塊，麵包有烤過，中間會有一層牛油同咖央醬，但食落層牛油好似有啲雪味。豬扒撈檬粉同配一碗酸辣汁，豬扒就普普通通啦，撈檬粉會有啲青瓜絲同生菜碎，配住啲酸辣汁食都幾好味嘅！！！

見到menu寫住"日賣一千碗"，又有"推薦"icon,就試下叫湯河。。結果，我明點解佢可以賣到咁多碗！第一，個湯真係好好飲！堅係牛骨湯，咸甜味岩岩好，飲完好舒服！牛肉靚又多，五十幾蚊大大碗真係無得彈！好過個d叫小xx既鋪頭，改名改得好好，d野食既份量又真係少！

同朋友嚟食晚餐 我哋都鍾意食撈檬 但佢嘅套餐全部都冇撈檬揀所以冇計啦就單叫，但老老實實單叫再加嘢飲真係唔抵 所以嘢飲有機會先再試啦我叫係雞肉撈檬朋友叫雞翼撈檬，佢嘅魚露醬汁係隨餐少量配埋，以前去一啲越式餐廳就會擺喺度俾你任倒嘅，但之後睇咗啲資料發現倒太多呢啲撈都唔太健康，所以而家瞓喇我覺得都可以嘅，限量就唔會倒太多個人覺得正常味個撈檬，都有啲配菜如甜酸蘿蔔青瓜，雞肉我覺得都可以嘅，魚露醬汁就唔係好酸嗰啲，而係比較清甜偏淡。不過朋友就對撈檬有要求，對比佢平時食開另一間越式餐廳，佢表示呢間醬汁「有啲奇怪」，同埋總體都唔夠好味。我念食開有要求嘅話可能係會覺得普通大路口味。環境方面就比較細 不過都ok因平日比較少人 如果繁忙多人嘅話會感覺比較逼 但香港地租金大家都明嘅

坐位迫，湯底味道一般較淡，魚餅及春卷還可以，啲店員發夢似的...而且未上手，不停自己傾計。套餐選擇不多，只有指定3-4款...，但包小食，不食豬不食牛既粉就一定要散叫。總括好食過(越好)既大把

而家少咗出街食飯，一出街就真係要搵間好食嘅。好在今晚都不負所托，我搵咗一間又就腳，路由器嘅餐廳。叫咗個聲牛肉湯河，食越南野必點。淨係睇已經覺得好味，因為湯嘅顏色夠深色，一眼就睇到呈現啡色嘅湯底，再加上粉紅色嘅牛肉，兩者配合得好好。配料足，唔似部份餐廳，放啲河粉同埋未熟嘅牛肉就叫自己做生牛肉湯河...另外再叫多個腩仔飯，肉質夠稔，唔會好似食刷膠咁～最正係嗰醬，其實淨係啲醬已經夠我食一碗飯。以上兩味都值得一試。雞翼就中規中矩，不過不失，如果再入味啲就會更加好喇～整體嚟講，今晚成餐都係簡單快手得嚟又滿足嘅一餐，又唔算太貴～

好多人都話過咗2020年2021年一定會越嚟越好呢間位於沙田連城廣場嘅越好主攻越南菜 款式唔多但樣樣夠精👍🏻越好生牛肉河🥰好鍾意食生牛肉河 佢哋嘅功力可以睇得出一間店嘅水準 呢碗係我食過頭10位最好食佢熱到十足而且牛肉薄片 最正最正係有好多香蔥同香葉 nice到爆越好四寶湯河🥰 啲牛丸真係不得了全部切開一半 夠晒彈牙連埋個湯一路食 味道相當唔錯酥炸牛油雞翅膀🥰雖然得兩隻 但已經好回味 上面有香蔥姜肉咬落去好香脆 煎得剛剛好越南炸春卷🥰總共有四件 裏面有豐富餡料 仲有甜酸醬 食落去冇咁熱氣😜飲品方面叫左自製香茅茶同青檸梳打兩款飲品味道都唔錯 唔會太甜香茅茶好香 每一啖有清香嘅香茅味而且仲有塊檸檬🍋 令人心曠神怡青檸梳打非常有氣 青檸味道同梳打好夾