越南餐廳·河·飯

營業中

休息中

星期日放假出咗屯門新墟走走，然後食番個下午茶。今日又去試了新店，今次試咗呢間正宗越南美食。點解咁講？因為目測呢間小店的店員全部是越南人。新店開業約只有2個多月，餐廳簡約小店特色，整體衞生企理。正想著食乜嘢嘅時候，店員主動推介《越式鮮蝦米子卷》（$45），就一於試下。首先賣相係唔錯嘅，米子卷有大大隻鮮蝦，生菜包著扎肉，米粉條，及香脆蒜片，的確係好味道。加上佢哋個醋汁，更加香濃惹味。呢個汁一定要試，跟其他港式越南餐廳真的有很大分別，十分好味所以忍唔住用了很多。再加多一份小食《香茅豬扒》（$36），切好碎上方便進食。豬扒醃製入味，濃濃香茅味道，上枱熱辣辣，入口軟香而且肉汁豐富，非常好味。《越式椰汁咖啡》（$32），咖啡香濃，面舖上椰汁沙冰，好睇又好飲！最後臨走忍唔住還買了個《越式烤肉法包》（$40），今晚返屋企當晚餐。法包都冇令人失望，入面超多料，雖然凍咗都一樣好好味！餐廳有多款招牌湯河、檬粉，今次第一次食相當滿意，下次要再來試佢嘅湯粉。食物出品好味嘅小店值得支持，推薦大家嚟一試，一定會令你有驚喜。

越南餐廳·河·飯 (屯門)屯門屯門鄉事會路94-110號康利中心地下17A號舖要搵美食，不一定要再大商場，在橫街小巷裏面有可以找到有特色的小食店，這次特意來到屯門一個小巷裏面，找那一間有越南人主理的越南餐廳。要食最正宗的越南菜，當然是由越南人主理的餐廳。這間小店不在大街裏，所以要找要深入小巷裏。海防炸魚湯檬$58湯頭清甜可口，吃得出來是自家熬製清湯，而且帶有酸酸甜甜的蕃茄味，很開胃。炸魚大大嚿，炸魚炸得脆卜卜，連魚骨也是酥脆的。除了有酥炸魚肉，還有酥炸魚餅，魚餅簿得來有咬口。湯檬吸收了湯頭，每條麵條多吸收了湯的精華，入口爽口彈牙，比起米粉要粗一點的盼望，更能夠吸收湯頭原味。河內特色炸腍肉$42這個其實即是炸豬肉條，外層揸得酥脆，內裏是原汁原味的豬肉，加上特色調味，非常美味。炸豬肉條，其實是肉碎卷成的豬肉條，所以入口酥化。牛油果沙冰$22這杯誠意推介，用料充足，入口細滑，吃得出來有原隻牛油果，加上濃濃的椰香味，和大有少少的甜味，但又不會太甜。熱柑橘$10清潔潤喉，紓解喉嚨裏的干結感。

位於新墟街市小巷新開一間越南餐廳店名好得意😎河．飯 慕名而來地方小店應該是越南人開的，店內充滿越南話，應該夠地道吧😂老闆娘好親切介紹我哋食越南法包 ，點咗烤豬肉口味仲有烤牛雞豬扒等等果然賣相吸引，熱辣辣法包脆卜卜，裏面餡料好Fresh ，除咗有蔬菜紅白蘿蔔絲之外,還有魚鬆，冇咁好豐富果然冇介紹錯！烤豬肉非常香口😍綜合粉亦是他們的另一signature之一，牛湯底，濃、香 牛肉清香每一口粉伴半口湯頭，非常之地道😍😍牛肉牛丸亦都係高質貨，香濃有牛味仲有大量配菜🥰香茅雞翼亦愛，好重香茅味，嫩！當然要飲返杯越咖啡啦，好香濃thats my coffee🥰🥰好有特色，比起大集團都要出色繼續支持！

正宗越南人主理，而且服務態度仲好好，好親切友善雞翼撈檬 $ 48 （可轉粉線）雞翼炸得好香脆，上面鋪了大量炸蒜，炸花生，香脆好味，今次轉了食粉線，粉線份量多而且唔會碎濕濕招牌生牛肉湯河 $60用上新鮮牛肉，牛肉份量好多而且湯底好香濃，河粉煮得剛剛好，唔會太淋，大大碗好夠食如果想食濃味些，可加自家醃製香醋，加入蒜片辣椒，酸酸辣辣越式下龍灣炸墨魚餅（4件) $56採用新鮮墨魚，食到一粒粒原粒墨魚新鮮爽脆，外面炸得香脆，內裏軟滑，真材實料凍越南柑桔茶 +$8凍百香果梳打 + $8

放工後來到這間新開越南河飯店，位置係行仔入面，隔離有越南東南亞雜貨小店 ，所以會行入去買野街坊都會順道食下野。店主帶有越南口音，為人熱情，會主動推薦小店美食，更同一個結帳客說她們是用心去整野食。枱面有幾樽越南醬料，可供客人自行添加。海防蟹膏湯檬：小碟有辣椒仔粒同青檸，可自行加入湯檬中。表面有蔥白段，入面有芽菜、蕃茄、豬紅、蝦肉、扎肉等。配料中我最愛嫰滑豬紅、索晒湯汁豆卜同蟹膏做成的蟹膏蛋餅。蝦隻算大，已經剝殼方便進食。店員話用蟹膏煲湯，飲落的確清甜鮮味。檬粉幼淋身，同印象中之前食既撈檬爽彈勁道不同，呢種檬粉同豆卜同樣吸晒湯汁 。越南柑桔茶：酸甜度適中，更可以在不小心食到辣椒仔粒時可以解辣。