越南語角

營業中

休息中

黎開PCCW Tower做運動，諗住求其喺附近食啲嘢，經過越南語角，發現餐廳由越南人主理，感覺正宗地道，於是入嚟一試。叫咗香茅豬扒飯（$58），以及椰汁三色冰（$20），食完覺得味道唔錯，下次可以過嚟再試。香茅豬扒煎蛋飯豬扒煎得非常好，外皮酥脆，內裡保持著豬肉的嫩度和汁味，香茅的味道也非常明顯，讓整個菜式更加香氣四溢。煎蛋煎得恰到好處，蛋黃微微流動，與豬扒和米飯搭配得非常好。而米飯做得也非常好，每一粒都鬆散分明，口感一流。蘸上一點醬汁，頗為美味。椰汁三色冰有紅豆、綠豆，以及班蘭葉和綠豆粉製成粉條三種不同口感的配料，配搭椰漿及椰糖。 粉條軟滑、椰漿香甜，確實是消暑良伴，非常適合夏天飲，口感清新，值得一試。越南語角 (鰂魚涌)地址：鰂魚涌海堤街10號龍景大廈地下3B號舖

喺太古坊返工，其實個胃真係好幸福！附近除咗太古城之外，鰂魚涌一帶仲有好多隱世餐廳，唔國國家嘅菜式，甚至平價之選都有。不過，大家同一時間放lunch，所以四圍都要等位，隻腳就唔多幸福喇！與期都要等位，咁就梗係等一間值得嘅，今次就食主打越南菜嘅越南語角。串燒牛肉牛肉嘅火喉都算控制得唔錯，口感唔會太韌，生熟度啱啱好，配上甜甜哋嘅特製醬汁，非常特別。軟殼蟹米紙卷另一款小食叫咗軟殼蟹米紙卷，薄薄嘅米紙包住爽脆菜絲、牛油果同軟殼蟹，加上蘸料，口感十分豐富又有層次，重點係夠晒fresh！生牛肉湯金邊粉生牛肉湯粉嘅精髓當然在於湯底，越南語角嘅湯底充滿香濃嘅牛肉香味，每啖粉都忍唔住要連湯一齊食。另外，金邊粉非常幼滑，而且掛湯，值得推介！不過，由於湯底非常之熱，所以牛肉好快就會全熟，所以想食半生熟就要快手食喇。雞絲撈檬怕熱嘅推介你食雞絲撈檬，材料非常豐富，雞絲、青瓜絲、紅蘿蔔絲、白蘿蔔絲，加上蒜片同酸酸甜甜嘅撈檬汁吊味，非常新鮮開胃。

星期六整個下午在鰂魚涌那邊工作，傍晚收工已累透了，在附近吃晚餐，補充一下體力和腦力是必須的。看見小巷裡這間越南餐廳便二話不說進去了。聽見鄰座的街坊和店主聊天，才知道店主是越南人。辛勞過後決定要吃豐富一點，所以點了個軟殼蟹套餐😁有椒鹽軟殼螌、馬拉盞炒時菜、一款小食、兩碗自選湯粉或飯和飲品。燒蝦木瓜沙律小食選了這個沙律，調味不錯，酸和辣味平衝得很好，是個很醒胃的前菜。椒鹽軟殼蟹外面吃軟殼蟹通常只是一開二，這裡則切成一小件，頗貼心👍🏼軟殼蟹肉厚肥美，加上炸蒜和椒鹽非常香口惹味。馬拉盞炒時菜通菜炒得嫩綠，味道比平常吃到的馬拉盞炒菜更清淡一些，不會過鹹。雞絲湯檬及香茅豬扒湯河以為兩碗湯粉的湯是一樣，原來也有少許分別。檬粉的配料是炸洋蔥和蔥；河粉的配料則是鮮洋蔥，還有九層塔，所以湯的味道也有少許不同。辛勞過後以正宗越南餐作結也不錯呢😌

G01小食拼盤$108（春卷4件，炸蝦餅2件，香茅豬扒1件，🐤香茅雞翼2件，米紙卷2件）拼盤非常豐富，有特色的越南春捲吃起來很香脆，🦐而且蝦餅口感彈牙，🔥一點也不膩。HO6越式燒牛肉法包 ＄55超級喜歡特色的法包，🍞厚厚的麵包夾著香濃的燒牛肉，🐮牛肉非常多汁。 D13大勒扎肉湯河 ＄52湯哥味道香濃，🍜湯底也很鮮甜，河粉爽口，非常滿足。#quarrybay #鰂魚涌 #northpoint #越南菜

鰂魚涌真係好多好嘢食，尤其是係海光街、海堤街一帶，食店林立，選擇多不勝數。今日約咗人嚟太古坊食 Tea，揀咗朋友推薦嘅呢間「越南語角」。餐廳地方不大，但佈置得頗有特色，牆上有多款手繪越南斗笠，再配上室內掛畫和天花吊燈，裝潢充滿越南風情。點咗幾個下午茶餐，火車頭 ($62)  用料好豐富，有生牛肉、牛腩片、扎肉、牛丸、牛柏葉、芽菜和金不換等，牛腩軟熟不韌、牛肉上檯仍見粉紅，肉質鬆化有牛香。湯底味道好香濃，入口帶香料回甘，很有層次。河粉薄而滑，食到尾段仍未斷，帶少少煙韌。越式燒豬頸肉法包 ($45)  法包烘得好脆口，入面夾著醃蘿蔔絲、生菜、豬肝醬、青瓜和芫茜等，再輔以具嚼勁嘅豬頸肉，食落外香內軟，味道豐富又唔油膩。至於另一款越式扎肉法包 ($38)  同樣係即叫即焗，上檯時仍然熱辣辣，外皮食落很鬆脆，扎肉爽滑彈牙，加上甜酸蘿蔔及青瓜等配料，令人食得津津有味。追加小食及飲品：越式炸春卷 ($16)、越式手打墨魚餅 ($26)、椰汁紅豆冰 (+$8)、越式奶茶 (+$2)。春卷係餐廳自家包嘅，內有甘筍、肉碎、粉絲、木耳等，材料切得夠幼細，好食。墨魚餅真材實料，入面有粒粒墨魚，食落爽脆彈牙。紅

🍴生牛肉牛腩片湯河 $55 (8/10)生牛肉$52咋，不過試多個餸叫左牛腩！份量勁多，牛肉同河粉好足料！個湯好清香，唔油膩，有少少牛嘅香味，上網見到話係用牛骨去煲，有青檸辣椒洋蔥香菜，河粉好滑好腍，牛肉片浸到9成熟，有牛味，幾滑幾軟腍，但牛腩鞋口啲比較瘦，淨叫生牛肉會比較好，呢個價錢同質素好👍🏻🍴越式炸春卷 $18 (7.8/10)好薄嘅炸皮，咬落似米紙，入面有粉絲蘿蔔肉碎，幾香，不過比較淡味。🍴越式手打墨魚餅 $28 (7.5/10)有墨魚粒，幾香口，有墨魚味，不過份量好少🤣🍴三色冰 +$8 (9/10)有紅豆綠豆綠色粉條，紅豆綠豆好腍，粉條似爽口嘅啫喱，椰汁好香唔甜，有少少斑爛嘅椰香味？幾好飲，可以加錢叫！推薦指數: 8/10午市價錢唔貴，五十幾蚊好足料好飽，嘢食頂好食，椰汁冰好飲，推薦！

最近睇咗一套旅遊特輯，介紹越南，風景美之餘，越南食物都好吸引！令我萌生要去食越南菜，剛好公司附近有一間越南菜館，開完會一於齊齊去食番一個下午茶。生牛肉湯河🐂🍲湯頭好鮮甜，用心餚製。牛肉熟度剛剛好，軟腍。最喜歡有大量配菜，增加口感豐富。四十多元一碗，真係好抵食！酸辣鳳爪🧆酸酸辣辣勁惹味，有嚼口，鳳爪骨膠原爆燈。越南滴漏咖啡☕️跟精品咖啡大大不同。越南咖啡採用嘅係煉奶，味道偏甜一點。咖啡味濃厚。

一入去已經聽到老闆同職員嘅越南口音，見到咁正宗對食物都抱住幾高期望🇻🇳✨生牛肉牛丸湯河（$55）湯口清甜，飲落去好順口完全冇飲完味精湯喉嚨唔舒服嘅感覺💕河粉煮得啱啱好爽口，生牛肉同牛丸新鮮都幾足料下。同出面比青檸吾同，佢上碟時配左柑桔同辣椒，柑桔汁放入去吊起左湯底既鮮味🐮同入面既香料葉一齊食好快就食曬一碗。老闆買單講話個湯用咗好多個鐘熬完全冇加味精，所以先會甘鮮甜🤤✨海防燒豬頸肉米紙卷（$48）好大份，一件要分幾啖食。有酸蘿蔔絲伴碟🥕米卷皮好煙韌，入面包住好多米粉同燒豬頸肉粒，半塊生菜夾左入去十分足料，加埋秘製嘅自調醬汁酸酸甜甜好開胃，如果減肥又想食得開心就必叫呢個☁️感覺健康又飽肚！

小店地方不大，但精𡟹，老闆及員工大多是越南人，老闆說的廣東話很有越南口音😅坐下來看看餐牌，價格超實惠，比連鎖快餐店平宜得多。越南菜一向都是清爽，少油，用魚露，新鮮香草，蔬菜，水果為主，很適合女生，多吃也不怕胖。軟殼蟹米紙卷$48一碟4塊米紙卷，米紙的size 比其他地方大和扎實，裏面除了炸得又酥又香的主角軟殼蟹外，還有米粉，紅蘿蔔絲、青瓜絲和生菜，蘸餐廳特製的水露汁，非常滿足好食😋香茅豬頸肉撈檬$58可能是街方生意，餐廳食物的size 相對其他越南餐廳大很多，不單是檬粉多，就連豬頸肉也有很多片，而且豬頸肉用香茅醃製過，特別香，爽，而且還有很多配料增香，小店確實用心。最後一題的是老闆用新鮮斑蘭葉煲的茶，特別的香和好飲👍🏻

今日去左鰂魚涌同我朋友食Lunch，求其入左黎呢間食越南菜，裝修都幾越南風～環境寬敞，張凳坐得好舒服，返工放Lunch都係想搵間坐得舒服啲既舖頭食飯，呢間岩哂🥰落單時發現原來佢地全店都係越南人，夠正宗！👏🏻-火車頭$63、綜合牛肉湯河 $50佢地都一樣有生牛肉牛腩片牛丸火車頭就多左牛柏葉札肉湯頭比坊間其他店更濃郁牛肉香味～河粉份量岩岩好👍🏻好驚果啲勁多粉食到一半已經發漲哂呢度份量味道都拿捏得好好☺️扎肉口感札實好鮮味牛丸彈牙重牛肉汁味牛腩都夠淋一樣重牛肉汁味牛柏葉爽脆😋-酸辣鳳爪 $26鳳爪酸酸甜甜好開胃彈牙爽脆👍🏻-手打墨魚餅 $26墨魚餅真材實料！有驚喜😳濃郁既墨魚香味啖啖墨魚肉好似冇撈粉咁🤤好重料👏🏻-滴漏咖啡 $18凍同熱都係差一杯冰其實原理都一樣會送上滴漏咖啡係你面前慢慢等佢滴出黎好香又濃郁既咖啡香味如果唔習慣飲齋啡可以加煉奶😊-店員會每枱都送上越南斑斕葉茶好中意呢種味道係越南餐廳既特色💚

有位同事住鰂魚涌，最近推介一間新開越南菜比我，由越南人主理，味道確實好正宗👍🏼好中意越南菜好平就食到好飽。✿ 越式炸春卷 $42職員推介呢道菜式，傳統越式炸春卷有雲耳🖤紅蘿蔔🥕生菜🥬豬肉🐷餡料豐富，外皮爽脆，作為餐前小食系十分不錯。✿ 越式燒牛肉法包 $55法包系越南菜當中佔一席位，有紅蘿蔔🥕生菜🥬青瓜🥒牛肉🐮 法包新鮮脆卜卜，牛肉真係燒得好香！牛肉味好濃！連埋其他餡料一齊食非常豐富😋✿ 順化香茅豬扒湯河 $58喺出面好多間越南餐廳食香茅豬扒個香茅味都吾重，呢度香茅味好勁！豬扒好有口感🐷湯底吾太鹹幾好。✿ 河内綜合牛肉湯河 $60綜合牛肉有生牛肉、牛腩片、牛丸，生牛肉口感軟稔，向來系越南菜必食之一。牛丸爽口彈牙，牛腩片爽滑。

今天來到鰂魚涌午餐，呢間越南語角門口見到有人等外賣同排隊，等左一陣可以入內。下單時聽到店員帶有越南口音，相信是越南人開，可以品嚐到相當正宗越南口味。點了火車頭轉檬粉$78（生牛肉、牛腩片、牛丸、牛柏葉），表面有香葉，牛肉湯底濃郁，檬粉索晒湯汁。調味碟有青檸、小辣椒，可以自行再增添風味。生牛肉嫰滑，牛柏葉爽口，牛腩片有嚼口。入面有越南芽菜，較為短同胖，咬落香甜爽脆。越南滴滴咖啡$18，越南咖啡獨特之處有煉奶，香甜可口。

星期日間唔中都會去側魚涌揾好嘢食, 今日見到有一間新開的越南菜館，一於入去試吓。店子裝修充滿傳統越南風味，牆上掛滿老闆手繪傳統越南斗笠，十分有特色。午市十分旺場，可能由於午市套餐價錢相宜，而食物質素不錯有關係。午市套餐共有31款之多，價錢由$52~$68不等。包括有飯，湯河，撈檬和法包，另外更可追加小食和飲品。生牛肉湯河$52~湯頭以牛骨熬煮至少16小時，所以牛味相當濃郁，再配上九層塔，洋葱，葱等配料，十分滋味。生牛肉浸入湯中兩分鐘即可，口感軟腍，牛味香濃，好美味。追加小食~越式炸春捲$18~春捲炸得很香脆， 餡料有木耳，紅蘿蔔，肉碎和椰菜，好味！海南雞飯$62~油飯有很重的香茅味，另外還有少許班蘭和蒜香，粒粒分明，一點也不油腻。海南雞口感十分滑嫩juicy，連雞胸位置也滑，很難得雞皮很薄，很美味！份量頗多，最後忍唔住買了一隻海南雞給爸媽品嚐。追加小食~越式手打墨魚餅(2隻)$28~口感彈牙爽口，食到粒粒墨魚，正！扎肉法包$48~法包十分鬆脆， 餡料有紅蘿蔔， 白蘿蔔絲， 自家製豬肝醬， 扎肉，生菜， 芫茜和青瓜，很滋味。椰汁綠豆冰(特飲+$8)~椰汁味很濃郁，有綠豆蓉在底部，和椰汁很

又到中午時間，鰂魚涌出名乜野食都有，行過見倒有2間越南餐廳，抽獎入左去越南語角。入到去個餐廳有D暗，入面D待應真係有D真係越南人黎，因為我係餐廳外已經睇左想食咩，好快叫完D野就黎左"三寶湯河"  $65#札肉係有2片野食好快就到左，但係份量有D失望，Total 係 豬扒3片，雞翼2隻，札肉2片。湯河個味係牛湯+少少味精，河湯煮得幾爽口。但係豬扒好乾，札肉份量極少，係得雞翼係好少少但都好油。另外個幼茶叫左少甜少冰，但落單個個可能唔識中文，甜到傻左。

鰂魚涌新開了越南餐廳都幾旺場幾多人幫襯，價錢幾抵食，menu幾多選擇，而且幾岩香港人口味。店員服務親切，由越南人親自打理。海南雞飯，賣相靚仔色澤油潤，油飯又香又好吃，就算只吃飯也滿足。飯粒不會太過油膩，你還會吃出飯粒嚐到蒜香，香茅，斑蘭香！減去雞飯可能帶來的油膩感。主角雞件肥美嫩滑，份量夠多，雞皮帶清爽感覺，再配上自家製既醬汁，味道更香濃又惹味。加8蚊就有青檸可樂，清新夠香。越南炸春卷，春卷內餡料放入蘿蔔絲，絞肉，蒜泥，蔥花，木耳等材料，口感層次好豐富，再用生菜包住食，再放上小塊九層塔，薄荷葉等香葉，味道更清香自然！唔會太油膩，越食越想食。整體感覺幾好，小店夠地道，用心製作！態度親切有禮。