越北牛肉粉專門店

營業中

休息中

今日瞓晏左同媽咪落街去左食越南湯河。自從黃埔花園果間冇左之後就好小食越南河了。呢間啲河粉量岩女士食，湯味道基本。但湯料甚多，我叫左生牛，牛腩片。生牛起碼有5-6片，比我夜晚喺大家樂食一人一鍋好好多！媽咪就食豬扒，我對豬扒要求比較高，佢係脆口嘅，但稍嫌薄身同有點乾。媽咪加$6叫左杯特飲-椰汁紅豆冰，估唔到係椰汁沙冰加紅豆。飲品唔算甜，紅豆中等，唔爛唔硬。佢地有個男侍應態度很好！好有禮貌值得加獎👍🏻所以食物質素同服務黎講整體都算唔錯。

見到呢間係越式既牛肉麵店，黎到就試下佢個招牌啦。呢個生牛肉麵又唔錯wor，個湯底唔會好醎好重味，河粉又夠滑，牛肉都好食。見到其他人食撈檬個賣相都唔錯，但係我唔鐘意食檬粉，所以就冇簡到啦。另外再叫左個軟殻蟹卷，呢個好清新，成個卷好爽口，加埋軟殻蟹脆脆地，點埋鋪頭既汁好好食👍🏻但係食得好麻煩，咬左一啖就散開晒。最後我地都叫左個椰青，好清甜好飲，食完野慢慢一邊係到不椰子肉一邊傾計😂不左好耐先食完，食完飲完個椰青後，超級飽！

朋友介紹話這間不錯，我就去試試，點知真的很好食。大多數店會因不懂掌握溫度，令牛腩很硬，但這間反而軟軟的，容易咬碎，真不怪得是牛肉粉專門店。不過，除了牛腩，還有很多不錯的選擇，下次我要嚐試下其他餐。

過了一整天的工作，非常疲倦，沒有心機煑晚飯丶又太夜到九時許。出去吃飯算了。想了不久，都想試試很久都沒有去的越南河粉。可能太夜了，我和太太即入即坐，有窗邊卡位，ok!叫了茄汁牛腩湯粉，炸越南春卷和清湯牛腩粉。等了大約十分鐘到左右丶兩碗湯粉來先，我一看我的茄汁牛腩湯粉，當場目定口呆！原來佢地叫茄汁牛腩湯是簿簿一層浮在面上的茄油加一塊番茄咁大把，和其他越南餐廳的全碗煲出來的茄湯有很大的差異，但價錢又卻不平宜。非常失望！不好味都唯有照吃，更甚湯都有味精，不是牛骨㷛出來的。(是關我係對味精有敏感，所以之後我皮膚痕癢，萬試萬靈）吃了不久，我很期待的越南美食之一，炸春卷，終於來了放在抬上。我們當然立刻把生菜去將它捲起，放入口中品嚐。但可惜非常強差人意，個春卷皮很厚，又勒。一D都不碎，真的不好吃。就次經驗如此，都會覺得食物不對版！吃這般食品和好些的水準，紅磡區多的是，為何要自己活受沒有誠意的食品呢！所以我們不會再來了！希望佢地自己知道和改進吧！

紅磡一向多好野食，今次同朋友揀左食呢間越南粉。因為系閒日既緣故，我地唔洗等位直接入去。入到去有個靚仔侍應笑笑口甘招呼我地，即刻加曬分。入到去睇menu，又系以二人，四人套餐為主。但我同fd加埋得三個人。結果我既fd一齊嗌一個二人餐，我一個人散嗌一碗$46既生牛肉河粉。（被世界遺棄不可怕）我碗牛河d牛望落幾新鮮，同埋切得幾薄。先試下個湯底，又幾清甜，香料味唔算重。同埋個份量都幾多。當我以為自己個碗已經好多既時候，我既fd嗌既套餐上左。佢地個份系一碗二人份量既特大size既河粉。入面有牛柏葉，牛丸，生牛肉，仲有d我唔記得左既配料。真系好大一兜，我兩個fd都食唔曬。碗野百幾蚊，每人五六十蚊黎講，的確幾抵食。

想同個朋友食越南嘢，附近最近紅磡，周圍都有好嘢食，不過最後都係食返呢間。2個人叫了一個香茅牛肉湯檬，一個蝦粉卷，一個香茅牛肉生菜包。牛肉湯底好有味，加上越式香草，梗好，不過d牛肉弱咗d，份量好似少咗d。不過蝦粉卷有4件大大件，入面d青菜青瓜新鮮，入口好fresh!最後係生菜包，感覺一般，d料少咗d，同埋冇乜味，卷埋d生菜食好似淨係食緊生菜咁～

最近看到好多越南餐廳開業, 但名字都差不多.不知道這幾間有沒有關連的呢? 有南越, 北越, 仲有我今日食既越北雖然係中午12點, 店內已經坐滿7成, 同埋大部份都係學生. 估唔到佢地都咁早食飯.我叫左香茅豬扒撈檬($45, 無加一)包熱飲上枱既時候, 第一眼覺得都幾豐富, 撈檬需要有的配料都有齊. 食撈檬緊係要加酸汁啦.但呢度既酸汁有少少甜, 香茅豬扒唔夠香茅味, 反而有點甜, 應該係醃豬扒時糖重手左少少吧.食到尾既時候會覺得膩豬扒好似好多, 係幻覺, 因為佢切到非常細, 感覺似豬肉條多些有些咬下去就只係皮, 其實可以正正經經切返好一條長條型既豬扒.切到咁細好小家檬粉份量夠食, 唔算太少. 女生食得飽, 男生食檬粉應該都仲係差少少.未必夠飽不過$45包野飲又坐得舒服, 都算不錯既選擇

🌚「擺明唔滿意」- 越北🌚其實我就好少開名話人間餐廳既，但一間餐廳你開得，就應該有相對應的服務。🙁可能有人覺得你唔中意咪唔好食囉，無人迫你。講呢啲野既人，我除左對你感到同情，已經無野可以同你講。因為當受到不公平對待，都可以硬食，你一定係食慣左啦。🤔事源係呢間野我第一次食，入到去，我就見到有3-4個卡位空左無人坐，老實說我覺得卡位係舒服既。我緊係想去坐卡位，然後個服務生話：卡位要3-4個人先可以坐，安排我坐另一個位（我地兩個人去食）。我心諗算，無所謂啦，食完未走，我又得兩個人。👫然後兩分鐘後，見到人地都係兩個人可以坐，我地就唔坐得，fine。我都算數！😢我一坐底左，我就見到有對情侶去左卡位坐，坐到我食完佢都係得兩個人。算！😢我坐底左之後個服務生仲要話：「呢到四個位都係你地坐哂，無人會坐，卡位個啲要搭台嫁！」好！我就睇你點安排，然後人開始多，開始有人要搭台，我走個一刻，8成卡位都係坐兩個人，搭台就搭我地個張先，搭都算，係係成張台拉走，然後推走我坐個張。咩道理？😩最後我叫個經理出黎，經理講左一句：「...下次見到你呢類比較大份既我都會安排卡位比你地先，我都係將心比己咁講，無心話你大份。加上我

今日同媽咪落街食lunch,見到哩間開左無耐既餐廳出面算少人排隊就試試！等左5分鐘就有位，可惜餐廳基本上無2人台，所以要搭台！一人叫左個set,我叫左個香茅豬頸肉河，加3蚊轉沙嗲湯，加6蚊要左杯三色冰。媽咪叫左個香茅豬排金邊粉，飲熱咸檸。三色冰入面料唔多，紅豆非常硬，硬到好似無煮過咁，椰汁味唔濃！媽咪個麵好快就到，金邊粉略硬，湯底夠味，香茅豬排唔夠熱，但係夠大件，味道夠惹味。點知我個餐等極唔黎，到我媽咪食哂，對面搭台客都食完埋單都未黎，催單之後都等左一排先黎，加上間餐廳俾太陽直射，曬到我火滾，食咩都唔好味啦！沙嗲味唔濃，似港式打邊爐湯底，偏咸，食完好口渴！豬頸肉份量多，但無乜香茅味，河粉好林，有d糊。食完已經出哂汗，如果趕時間真係唔好食！食物一般， 服務一般，臨走見到你都唔會講多謝光臨，咁好難有回頭客！

他們自道越北牛河必須要鵝帝金不換葱花青檸紅椒，仲加生洋蔥芫荽，白蘿蔔一大片我飲湯的能量除了那牛肉酥而無鮮味一絲不苟配碟餐後熱飲廚師放大量華田感動雖然生牛肉不太入流但其他誠意夠42元仍會再來

見佢新開，就㨂下午茶入去試下叫左個沙爹牛肉湯河，碗就好大個，但粉就得一半，可能是下午茶關係吧俾少啲錢就緊係細碗啲啦但啲牛肉就真係吾掂囉，用呢隻牛肉，散散碎碎咁，啲湯嘅味又重左啲，食完好口渴，好彩叫左個椰青飲下，先好啲！但下午茶都吾算抵，每人要$56,食晏都咁上下錢咋

紅磡開了一間越南餐館，名叫越北牛肉粉。話明叫得牛肉粉，我相信牛肉粉絕對係佢嘅招牌食品！雖然餐牌上有好多選擇，但首次光臨就絕對要試試個招牌牛肉粉啦！$42一碗生牛肉湯河粉絕對係合情合理，好中意佢個湯碗設計，夠大又夠深！可以見到牛肉係生的，香蔥尤其多，色彩美感上係會增加分數，另一就係滿足私心，因為極愛多蔥又多青！生嘅牛肉絕對係可以試出個湯底夠唔夠熱，只要將生牛肉往湯中浸兩浸，生牛即刻變熟牛！證明湯底絕對夠熱！而且緊熟嘅牛肉口感同味道上都好正！食得出肉味鮮甜，肉質夠淋，易入口而沒韌感，好味道！河粉條條分明，吸湯能力高，口感滑滑的！就係略嫌河粉份量少了點，就好似食一個出前一丁嘅份量！食完覺得好好味，但又唔夠喉的心癢感覺。湯底做得好好，好濃味，口感好清，配埋河粉一齊食，極滿意！除了個生牛肉湯河，仲試了個香茅豬肉蝦片，但味道上就普普通通，所以不評也罷了。生牛肉湯河係絕對推介的，至於小食就有待再試多兩款才有評價。餐廳衛生、環境上是合格的，服務上也可接受，但上菜的安排上便需要作出改善，在客人只有八成的安排下，第一道菜與第二道菜上的等候時間實在相差太遠，由於坐近上菜位附近，明明見到廚房員工已將食品放置在

新開的店，平時飯點都需等位，下午茶時段唔嗮等點了生牛肉湯粉和牛肉撈檬，撈檬更加好食，而且牛肉很多，抵食牛肉香甜 好味滴濾式咖啡是第一次嘗試，非常香濃，下次會再幫襯店堂裝修簡潔明快，還有股清新的檸檬草香味