越北牛肉粉專門店

營業中

休息中

💖 越北牛肉粉專門店 (紅磡)✨紅磡寶其利街73號東禧閣地下B號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️話說生完BB之後我都會好想食越南嘢，因為好想再食到嗰啲酸味味嘅醬汁，但係通常都係食通粉先可以加，食飯就唔可以😵。搵咗好耐邊度有自己執嘅餐廳，最後俾我搵到呢一間！酸醬汁就擺喺枱面鍾意就加嚟食😆-燒豬頸肉飯🐖 $72燒豬頸肉飯絕對是我唧最愛❤️，豬頸肉外皮香脆，肉質鮮嫩多汁，飯邊仲加入咗啲蘿蔔絲，另外再加埋枱上嘅酸汁，增添左唔少，成個飯食落好清新，味道好豐富🫶🏻。-越北三寶湯河粉🍲 $79三寶分別有炸雞翼、炸豬扒同埋扎肉，河粉嘅湯濃郁🤤。炸雞翼同埋炸豬扒香脆可口，扎肉就好有越南風味🤭-馬拉盞灼通菜🥬$22平時馬拉盞通菜都係用炒嘅，第一次食灼嘅味道都幾特別，比平時嘅馬拉盞冇咁濃味，適合唔鍾意食太濃嘅朋友仔👍🏻-凍滴漏咖啡☕️ +$12估唔到有得叫滴漏咖啡，咖啡香濃且唔苦👍🏻-水晶芒果沙冰🥭 +$8沙冰口感好滑順，芒果味道濃郁，清爽可口😝想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

今日喺黃埔放工搵野食見到有間食越南粉嘅餐廳叫越北牛肉粉專門店啱哂最近鐘意食越南粉嘅我就入去試吓啦✨越北招牌手切牛柳湯粉🍜🐮每日限量供應👍🏻上菜時見到仲係鮮紅色嘅生牛肉🥩好快就俾啲熱辣辣嘅湯淥熟🔥湯粉要河粉，而且仲好大碗面頭有好多䓤🧅🥬湯粉會伴隨一小碟辣椒🌶️生牛柳份量好多👍🏻全部都係好嫩冇肥膏嘅牛肉畢竟牛柳都係牛比較稀有嘅部位🤟🏻食落好香牛肉味湯底鮮甜，飲落唔會鹹食完碗麵都唔會口渴😋✨越式酸辣鳳爪🦴🌶️鳳爪有八隻仲有好多沙律菜伴碟而且份量都幾多沙律菜好掛汁成碟菜酸酸辣辣咁好開胃👍🏻鳳爪冇骨，食落爽脆唔霉✨凍檸檬茶走甜🍋☕️🧊（+3）真係有走到淡淡紅茶配以檸檬酸味最喜愛呢個配搭杯茶好大杯，飲完都一肚水👍🏻餐廳環境整潔企理枱面同埋櫈都好乾淨通風亦好充足💨💨食碗熱辣辣嘅生牛柳湯河都冇流過一滴汗侍應態度親切有禮🥳對客人要求亦有求必應

今日黎到紅磡搵到間食東南亞美食，店舖裝修都好優雅，服務員熱情既招待好快就入左去坐。首先我地點左兩個套餐加多20蚊配小食，第一款小食係越北炸春卷（兩件），賣相金黃，外脆內軟，再點咪醬汁食都係幾唔錯既選擇。另一款小食係香茅雞翼，呢款都唔錯，雞翼好入味，味道好，值得一試。主食方面就選左生牛肉河粉，呢款係必食之選，湯底好香濃可口，牛肉岩岩熟非常有口感，入口即溶。好新鮮。牛肉份量真係好多，有成8片，真係好抵食另一款主食係香茅豬扒配米飯，豬扒份量十足，而且好好味😋，口感一流。世界級享受😎。跟餐加8蚊可轉特飲，第一杯係椰汁仙沙冰，呢個唔會好甜，淡淡既椰子味要慢慢品嘗回味。另一杯係我既最愛水晶芒果沙冰，呢個會較香濃些，芒果味好出，冰凍🥶透心涼，會甜過上一杯，但好好飲。非常喜愛。

香茅牛肉撈檬牛肉份量好多，香茅的香氣為整體增添左層次感。撈檬的口感滑順，再配上特製嘅醬汁，搭配牛肉和各種配菜，令人忍不住多吃幾口越式四寶配米飯四寶裏面當中包括有香茅豬扒，香茅雞翼，扎肉，蛋餅，米飯嘅搭配使整體更為豐富，豬扒炸得好鬆軟，扎肉好清身，整體嘅份量都好多，食完之後好飽啊豬頸肉（半份）豬頸肉肉質嫩滑，油脂分佈均勻，烤製出來的香氣令人垂涎。半份分量剛好，能讓人細細品味這道美味。炸蝦餅（細）蝦肉的鮮味充分釋放，口感非常好。搭配泰式辣醬，更能提升其風味水晶芒果沙冰沙冰清爽可口，芒果的天然甜味與冰沙的細膩口感完美結合，適合在炎熱的天氣享用，讓人感受到夏日的清涼。越南椰汁冰咖啡將越南咖啡的濃郁與椰汁的香甜結合，口感獨特， prefect match 😚

今日突然間又好想食越南嘢，所以近近地去咗呢間餐廳，最鍾意呢度新裝修之後都係坐得好舒服，地方又乾淨企理，店員嘅態度都好好。今日叫咗兩樣嘢都覺得好正，第一樣就係個一人順化蝦頭膏牛肉鍋，要咗越北牛湯湯底，加埋本身其實都好豐富，有牛肉片，五香牛腱，越南扎肉、蝦丸同埋唔同種類嘅蔬菜，加埋檬粉，真係好夠飽，湯底都俾我哋飲晒。而另外一樣就係每日限量發售嘅越北招牌手切牛柳湯粉，湯底好好味，牛柳完全唔會鞋，真係食得出手切嘅特色！

難得早到 梗係食佢哋嘅下午茶 非常之抵食 下午茶價錢但係正價嘅份量！🥰會安雞絲扎肉撈檬🥰 檬粉好掛汁 雞絲都幾嫩滑 扎肉如果可以再厚切啲 口感就會更加正😆招牌傳統法包🥰餡料有 鴨肝醬 扎肉 扎蹄 酸菜絲 芫荽 辣椒粒 法包外層香脆 咬落去入邊好鬆軟，如果可以再大件啲就更滿足香茅牛肉法包🥰餡料有 鴨肝醬 香茅牛肉 酸菜絲 辣椒粒 鍾意食牛肉嘅話必點！牛肉真係食落好新鮮惹味香茅雞翼🥰 香脆可口唔油膩熱咸柑桔水🥰解膩一流河內炸春卷🥰 卜卜脆脆

呢間越南餐廳裝修完之後靚咗好多，餐牌亦都轉左，真係覺得好吸引，今日我就要咗河內烤豬肉撈檬，其實就係我最愛嘅obama buncha，飲品就要咗椰汁鮮沙冰。雖然唔係好大碟，但係都食到好飽，而且加埋啲酸瓜，真係好清新。另外就要咗一個一人順化蝦頭糕牛肉鍋，本身已經配有牛肉鍋片、五香牛展，越南扎肉、蝦丸、金菇、生菜、南瓜片、檬粉，而我哋酒家多咗一份生菜，感覺食多啲菜會健康啲。我地特登要咗河內酸湯，真係覺得好開胃！最尾真係連啲湯都飲晒！

今日工作來到黃埔，晚上在寶其利街的「越北牛肉粉專門店」晚飯，老闆熱情好客，殷勤地介紹我們餐牌上的特色越南菜，款式很多呢！《越北火車頭河粉》$78招牌菜之一的火車頭，有生牛、牛展、牛肉丸，喜歡牛的朋友不能錯過，湯底清甜，牛丸彈牙，正。《豬扒湯河粉》$65豬扒雖然浸在湯內，但仍然是外脆內軟，河粉份量也恰到好處。《芝士蝦多士》$58蝦多士夾著芝士，還有滿滿的芝麻香味。《椰汁紅豆冰》$13《凍檸茶》$9紅豆冰足料豐富

差唔多有一年冇去幫襯新裝修轉咗菜單，環境好咗 乾淨咗服務態度依然親切！越南打邊爐真係第一次有酸湯揀都幾好味😋而且經濟又實惠兩個人加個餐簡簡單單又一餐今次試飲埋越式薑茶 唔錯！

我今日放假，約同好友去黃埔行街，順道去位於紅磡寶其利街73號東禧閣地下8號舖的越北牛肉粉專門店食下午茶餐，環境舒適，坐得舒服。我點左個 越北四寶配米飯 $72，小食係 魚露灼通菜 $22，餐飲係 椰汁紅豆冰 $8（跟餐）；好友點左個 越北火車頭湯檬粉 $68，小食係 峴港炸蝦餅（細） $28，餐飲係 熱越南老薑蜜（跟餐）。越北四寶配米飯係我至愛的越式菜餚，有齊雞翼、扎肉、蛋餅和豬扒，而且炸得香口，皮脆肉嫩，好好味道；火車頭湯檬粉有生牛肉、牛肉丸和牛展，湯底微辣好惹味；炸蝦餅香口好味；通菜青綠鮮甜；越南老薑蜜好潤喉，椰汁紅豆冰好食。

餐廳位置紅磡旺區之中，環境旺中帶靜，餐廳主打越式湯河，依家晚市有自選套餐，包埋飲品仲有得加配地道小食。蕃茄蟹肉扎肉蝦丸湯河粉湯底係牛肉湯作底，以蕃茄味作主調，配料有蟹肉、扎肉和蝦丸等，湯河有蟹肉比較稀有，一個價錢三種肉類享受，蟹肉有鮮味，扎肉和蝦丸口感容易咬開得黎同時有咬口。西貢咖哩牛腩配米飯越式咖哩做法，口味偏少辣，椰香味特別濃郁，適合重口味人士，牛腩份量算多，肥瘦適中，牛腩特別入味，煮得都幾腍下，咖哩汁確實拌飯一流。越北炸春卷春卷旁放置了生菜和香葉。可以以生菜包春卷方法食用，再加上魚露調味。又可以分開食用，春卷炸過更香口，餡料好多，有香菇、肉碎及豬肉等。清沅蒸粉包看似簡單，但內裏既味道和口感都十分豐富，外層有晶瑩透徹既粉皮，食落有淡淡既米香味，口感煙韌有彈性，內有豐富既肉粒和各種雜菜碎。熱咸吉水 / 熱老薹蜜

6點前落單都可以叫到佢地既下午茶，而且選擇非常之多，飯 撈檬 湯面 小食，樣樣都有齊哂，最緊要下午茶既價錢，但係正餐既份量!!!而且跟指定特色熱飲唔洗加錢，真係好抵，我地今次叫左下午茶傳統撈檬 河內烤豬肉撈檬❤ 豬肉肥瘦相間，入口微脆唔油膩，醬汁小酸微辣，檬粉煙UN彈牙，配菜既青瓜絲紅蘿蔔絲，撈埋一齊食，口感同味道都好豐富。越北四寶配米飯❤ 有香脆可口既香茅豬扒 惹味香茅雞翼 爽口既扎肉 同 厚實既蛋餅，佢地既蛋餅有粉絲 木耳絲等食材，食起黎口感好特別。當中我地最愛緊係香茅豬扒，大大塊，啖啖肉，一D都唔油膩。蕃茄蟹肉扎肉蝦丸湯檬😄 配料有彈牙蝦丸 爽口扎肉小量蟹肉同豬肉，蕃茄蓉湯底味濃，檬粉都好掛汁，如果份量再多D就更好喇!飲品方面我地叫左 薑味濃厚既越南老姜蜜❤ 正常發揮既檸檬水❤ 同醒胃越南鹹桔水❤

今日到紅磡開會，好耐冇食越北，咁encore啦。餐廳環境唔錯，晚市提供套餐，平平地已經有主食同埋飲品。熱越南老姜蜜，姜味溫和唔會好辛辣，成杯嘢唔會好甜。越南椰汁冰咖啡，咖啡豆係偏酸果款，落咗大量椰奶搭配，入口椰汁味好重又唔會強曬咖啡香味，balance得幾好。椰青水慢煮扣肉配米飯，配菜好豐富，有煎雞蛋，酸蘿蔔絲同沙律菜。扣肉大大件有4件，悶煮到軟爛，鮮甜鹹香唔肥膩，皮仲有少少Q彈TIM，搭配飯一流。會安雞絲紮肉湯粉，搭配埋青檸同辣椒。牛肉湯湯底濃郁，回味甘甜，河粉嗦曬湯底鮮味，食到停唔落口。越式烤豬頸肉（半份），豬頸肉烤得好香口，食落彈牙有韌性，伴有少少焦香味。蝦頭膏通菜，落咗大量蝦頭膏同通菜大火爆炒，通菜炒到啱啱斷生，脆口清甜又鮮味十足。

今次黎到黃埔食晚飯，揀咗食越南餐廳，晚餐時段好多人爆場，但好快就有位，餐廳侍應都多，service幾好，裝修整潔，有卡位越北生牛肉湯粉生牛肉軟熟，湯底夠滾亦都好重牛味，河粉份量都好多，飽曬順化香茅豬扒香茅豬扒炸得鬆軟，啲肉仲係白色嘅，醃得起好好，另外有配越南蛋餅，蛋餅入面夾雜咗好多越南香料，幾得意炸蝦餅 & 豬頸肉炸蝦餅裏面好似魚腐咁鬆軟，外脆內軟好好味豬頸肉煮得好惹味，半肥瘦好有口感越南老薑蜜兩杯都係越南老薑蜜一凍一熱，熱嘅飲落好暖胃，凍嘅飲落去喉嚨好快就感覺到好重薑味， 兩種感覺截然不同，兩杯都好重薑味好好飲

今日用外賣平台越南河粉 越北牛肉粉因為有折扣同免運費。。2碗牛肉粉加2杯野凍飲大約HKD170。。。。半個鍾到，都準時到達。未倒湯時的牛肉都真係生生地。望落好似係唔錯。。。。有個盒仔跟配料青檸，辣椒粒。。。。。當我想整青檸時。。。。。發現我同老公舊青檸都係干到一滴汁都冇👎👎當堂灰左。。個湯底又淡。野飲又冇跟紙飲管。。最大罪係青檸咁樣都比個客。。。。。。完全係‘’零‘’回頭率。。。。。。