越北牛肉粉專門店

營業中

休息中

新一年好多餐廳都加咗價當然越北都唔例外 但係問題係佢河粉嘅份量真係少事先聲明我係一個女仔 平時食量唔叫大 叫做適中不嬲都可以自己食晒一碗麵 但係今次食完係直情覺得只係飽咗一半我不嬲鍾意食越北嘅原因係因為佢配菜幾多但係無奈個份量真係越來越少最唔能夠接受嘅就係佢嘅牛肉得我影嘅咁多跟住真係有啲唔滿意 但可能因為我係午餐時候食 人太多所以質素都有參差要比$50去食呢碗食唔飽人嘅份量我真係唔係太滿意或者下次下午茶先去食會比較好

晏晝食得好飽, 夜晚就想食碗湯粉, 搜尋下 附近有咩食, 見到呢間越北都好似唔錯就試呢間啦～其實每次食越南野都會第一時間睇下餐牌有無蟹檬, 好食既蟹檬係令人掛住佢架。🔸番茄蟹膏蝦丸扎肉湯檬粉 ($62)🔸其實同我平時食開預想既樣子有點出入, 首先湯底係好多湯但唔屬於濃郁, 蟹膏味唔太出, 番茄有一舊但唔係煮到好淋好入味嗰隻, 兩粒蝦丸加三塊扎肉。 味道一般。🔸咖哩牛腩飯 ($56)🔸一大碗咖哩牛腩配一碗仔白飯, 咖喱味唔算好辣, 唔食辣既絕對無問題, 牛腩炆到勁淋👍🔸牛湯浸蘿蔔($18)🔸清甜無渣🔸香茅牛肉撈檬 ($58)🔸有紅白蘿蔔絲, 面有炸蒜難生碎, 菜絲, 香茅牛肉好淋同入味, 加埋魚露同青檸汁好清爽醒神。🔸越北三寶湯河粉 ($62)🔸香茅豬扒, 香茅雞翼, 扎肉, 好豐富~ 湯底好清甜, 香茅豬扒同雞翼夠香口入味。

今日行完街經過這一間越南餐廳，見幾多人食去試下。等左大約四分鐘左左有位安排入坐。坐底左每人各自叫了一碗越南河粉。我們點了綜合牛肉湯河粉同埋生牛肉牛丸湯河粉。牛肉分量來講足料十分抵食.... 配料辣椒青檸檬同湯好夾，牛丸唔算大粒不過味道都OK，牛腩都好諗唔會好油膩😋😋😋👍🏻。兩個人有凍飲都是一百元左右，價格十分親民坐得舒服。整體來講環境、味道價格都算很不錯。下次黎可以再食過！！👍🏻👍🏻

因為住喺附近，而呢間餐廳嘅下午茶又大份又平又有嘢飲，所以好多時候都會選擇你呢間餐廳食。大部份朋友包括我自己都鍾意嗌呢個豬扒撈檬，豬扒煎炸得啱啱好，外脆內軟，很好味！

生牛肉牛腩湯河$56同生牛肉河$50比 果6蚊都還可以既其實牛腩就得兩塊生牛肉係有三塊湯底不嬲係我中意越北既原因好過食傳統牛腩河咁解姐👍🏻👍🏻👍🏻👍🏻👍🏻👍🏻👍🏻

又黎到紅磡搵朋友搵嘢食，其實紅磡唔係比較遠同埋無乜嘢行，係一個搵嘢食幾好嘅地方。環境都唔錯，不過我地就坐正係一條大柱旁嘅卡位，其他人行過都會易撞到。嘢食同飲品都算多選擇，我地4個人都叫得幾多下。生牛肉湯河粉，正常，牛肉小肥，怕太生浸耐小小個湯就ok，湯頭尚可接受，我自己係幾鍾意。蕃茄蟹膏蝦丸札肉湯檬，蕃薯味唔算出，配料味道正常，檬唔會太林，可以接受。蝦丸撈檬，蝦丸好大粒，有咬感。最重點係魚露，不過呢間魚露好似淡味啲，撈落似普通湯，呢個令我有啲失望（可能有期望）。南瓜椰香豬肋骨飯，汁係夠甜嘅，不過個人覺得同豬肋骨唔係好夾。。。牛油雞翼，皮過厚，亦太油，食落口係油溢味重。加12元有杯滴漏咖啡，味道還可以。

中秋夜，一家人到越北食越南菜。👉🏼無骨海南雞飯海南雞味道口感都一般，油飯都有油飯香，整體味道一般。👉🏼生牛肉湯河粉牛肉湯味道濃郁，牛肉唔夠淋，河粉還可。👉🏼綜合牛肉湯河有牛肉、牛丸、牛腩，牛丸細粒但幾彈牙，牛腩唔夠淋，比較難咬，但湯粉入味。👉🏼蕃茄蟹膏蝦丸扎肉湯檬蕃茄湯味濃，真係食到蟹膏，蝦丸彈牙，扎肉一般，湯檬好入味，呢個湯檬唔錯。👉🏼金邊扎肉米紙卷賣相唔錯，材料有扎肉、青瓜絲、蘿蔔絲、檬粉、生菜，本身冇乜味，點吓魚露就好味啲，係比青淡嘅小菜。👉🏼魚露生菜好咸，可能係魚露煮嘅關係，浸吓湯粉啲湯食會好啲，菜本身都爽甜，唔會太淋。總結，呢餐不過不失，可以一試。

前幾日同老婆去紅磡黃埔行街，想買一點玩具給朋友嘅BB,行完買完都差不多九點半了，行到唔記得食晚飯，唔想食得咁飽，老婆建議食下越南菜，我覺得都唔錯丫，於是我地就去到這間-越北牛肉粉專門店。 這裡地方企理，環境乾淨，座位卡位寬敞，由於胃口麻麻，於是我揀咗一款順化香茅牛肉撈檬，老婆揀左生牛肉牛腩片湯粉配金邊粉，叫任何食物加$12就可以配特飲，我叫左個椰汁三色冰，老婆就叫左個熱情果梳打特飲。香茅牛肉撈檬一碗上，份量十足，檯面有提供白醋，可自由淋在撈檬，十分方便，檬粉份量幾多，食落口感幾爽滑，香茅牛肉上有花生碎，牛肉上檯還有熱度，可見新鮮即製，入口鬆軟，咬落口感好淋，食落香味十足，牛肉味濃，咸度適中，我本人十分喜歡這度菜。老婆碗生牛肉牛腩片湯粉，生牛肉幾多，湯味幾濃，金邊粉幾滑。最後講講兩杯特飲，椰汁三色冰，幾足料，三色有紅豆、去皮綠豆(黃色)、綠色菜糕，椰汁磨成冰幾解渴啊！熱情果梳打特飲都可以的，整體埋單$140,十分抵食有質素，可以推介俾開飯brother!

佢招牌大大隻字寫 “牛骨三碗湯” , 諗住湯底會好濃郁,叫咗個大雜燴,有牛腩片,扎肉,牛丸 可以一次過試曬😋另外叫咗魚露浸時菜，健康啲呀嘛🤣但唔知係咪我大食呢？ 食完唔係好飽😣湯底並唔係佢講到咁濃，仲有啲淡🤔 至於是個菜, 魚露都有少少鮮味嘅，但啲菜就唔係好新鮮，爛爛地😣

同女朋友行完黃埔,佢聽人講越北牛肉粉D豬排撈檬好食,話好想去試,晚上6點幾去到,非常好,唔使等位,仲要有卡位坐,坐得舒服.一場來到,梗係要叫佢朋友推介既香茅豬扒撈檬啦.香茅豬扒撈檬, 自己先加上撈檬嘅汁,再將檬粉搞勻,先試檬粉,非常爽口,酸酸辣辣咁,非常開胃,再試下個豬扒,果然無令我失望,豬扒唔會乾,好有肉汁,另外香茅味也幾特出,幾好味.魚餅撈檬, 檬粉一貫爽口,但食左啖魚餅,完全唔覺自已係度食緊魚餅,無魚味,同好乾,仲好辣.個人覺得不值得試.咁辣就要即刻飲椰汁三色冰,又再次令我失望,仲要加$12,無椰香味,同底部的紅豆比軟硬身,很一般.

晚上一個人食飯唔知食咩好，呢區其實好多食肆，屬於平民消費區，選擇比較多但未試過好似呢間咁伏，徘徊咗一陣終於行入去坐底，睇完本menu終於叫咗碗豬排湯檬，睇相好似份量比較足，再加杯薄荷青檸，上枱速度還可以，賣相還可以，豬排味道可以，試一啖湯底後咸過海水，一大碗湯深不見底，夾幾下檬粉已經見底，埋單70蚊找，心諗檬粉好貴咩，俾多少少成本都喺有限，結果返到屋企仲要煮麵食填肚，食水咁深難怪開到咁多分店，唔會再有下次囉! 利申:本人食量正常，一般牛腩粉+油菜已經填飽肚

🎐環境🎐試食當日係平日下午茶時段，餐廳座位好多，但該時段食容人數寥寥，因此座位任揀。全部都係梳化坐椅，坐得幾舒適，檯之間一啲都唔迫。🍞食物方面🍞當日試左【順化香矛豬扒飯】，下午茶黎講，份量足哂料，夠飽有餘。熱奶茶大大杯好抵飲，但味道當然好普通。講番豬扒飯，三塊大大塊豬扒，香料味一般，食落有啲黏口，口味始終似港式。但以此價錢而論水準、份量都算上乘。⛱⛱⛱⛱⛱⛱⛱⛱⛱⛱【順化香矛豬扒飯】連熱飲：$46⭐️⭐️⭐️⭐️環境：闊落、舒適⭐️⭐️⭐️⭐️衛生：普通⭐️⭐️⭐️服務：普通⭐️⭐️⭐️抵食：⭐️⭐️⭐️⭐️

又到了每天中午食乜好系列，這天同同事坐車去紅磡食越南野。Lunch都幾多款簡，價錢還可以。通常第一次去的店我都吃生牛肉湯河，因為由湯底及牛肉可以見真章。-越北生牛肉湯河 $48上桌見幾大一碗，賣相不錯，似乎穩陣了。湯底不是很濃牛味，但也算OK。洋蔥及九層塔的量下得足夠，有香味。牛肉厚薄剛好；太薄沒口感太易熟，這個不會。-珍多冰加6蚊可轉特飲，選了珍多冰。也是不錯，椰汁味濃。味道不驚喜，中規中矩，勝在環境算好坐企理，有機會還是可以翻兜。

一般牛肉粉是不能滿足我，要叫些特别啲嘅，就係大頭蝦湯粉，卒之中伏，懷疑未完全解凍就攞去炸和炸了太久，浪费，之前已吃了個香茅牛肉飯，啲牛肉好似腌了很久，一點肉嘅味道也没有，要點魚露食，滴漏咖啡，變了飲糖水，一點咖啡味也品嘗吾到。

位於紅館附近的<越北牛肉粉>, 跟朋友睇show之前去醫肚。香茅豬扒撈檬加入甜酸汁，豬扒香口惹味，配上花生，芫茜，生菜等配料， 清爽好味。越北綜合牛肉湯河粉（走青）湯頭好濃， 生牛肉嫩口牛油蒜蓉雞翼四件炸皮做得好香好入味， 好吃，雞翼嫩， 可惜雞翼入面唔夠味。椰汁三色冰 及 咸檸七跟以前飲的三色冰有點不同，用了不一樣的食材，口感更多。更多食物， 下次再試。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️