贊和豆品

營業中

休息中

每次到荃灣都一定要吃的豆腐花雖然一定要排隊，但也不可以錯過$3 一碗 ,還是雙拼的有不同配料選，也是$3叫了一碗芝麻糊配豆腐花 另一碗叫了薏仁配豆腐花不要覺得便宜就沒什麼料吃一碗已經夠飽了芝麻糊很香 , 很滑而糖有桂花、薑和黃糖因應自己喜歡加配😄薏仁豆腐花裏面還有白果，真的蠻足料推薦這家芝麻糊😄

窮遊香港-最平3蚊有碗豆腐花.今日講番全港最平豆腐花⭐️先講價錢 大家都一樣贊和3蚊 亞玉3蚊 一碗 雙拼都係同價‼️雖然平 但絕對冇偷工減料所以我路過一定去試番一碗.⭐️論味道贊和滑d 豆味一般亞玉冇咁滑 豆味較重芝麻糊味道大家差唔多.⭐️論份量贊和個碗大d 經本小編不準確目測後得出結論贊和大過亞玉1.2倍？.基本上 同上次黎評價一樣😂唔知大家鐘意邊間呢？又對呢2間店有咩意見呢？得閒既都要去支持下2間小店啦.地址：荃灣荃興徑6號昌泰大廈地下5A舖.⭐️評分：味道：3/5環境：-/5 企係街邊食服務：-/5 抵食：5/5 比5分 什至6分應該冇人會反對？.

荃灣兩間豆腐花賣得平出哂名，每次經過就算唔肚餓都會叫返碗食下，3蚊雞又食到豆腐花又可以揀雙拼食埋中式糖水，仲要有咁多款俾你揀，真係抵到爛！黎親都要排隊，不過今日可能時間尚早，得5、6個人排，幾分鐘就搞掂。今次揀凍食綠豆沙豆腐花......綠豆沙依舊足料，綠豆都煮化哂，口感滿分，但豆腐花凍食反而冇左豆香味。唔知綠豆沙本身係咪都冇落糖，成碗成落去冇甜味又冇豆味，不過3蚊雞既話都冇得輸，當係冰品下下火都好。

brought a lot of friends from other countries to try this smooth icy tofu, not so surgery, superb!we had pure tofu, sesame mixed and also creamy condensed milk mixed.VERY CHEAP IN PRICE: HKD 3!!

每次嚟到荃灣都一定會嚟呢到食翻一碗豆腐花~因爲真係又平又好食😋口味配撘亦都有好多選擇😙每次嚟到都會見到好多人排隊㗎~無論係單拼定雙拼都只係$3😚今次我就揀咗綠豆沙配豆腐花🥰綠豆沙煮得好綿，甜度亦都啱啱好😊豆腐花滑嘟嘟，配埋綠豆沙食真係好好味🤩除咗豆腐花之外，仲有一啲傳統糖水供應，有興趣可以試下㗎🙆🏼‍♀️要留意嘅係呢到買完想即刻食嘅話，就要企係店附近嘅位置食啦~因爲店舖係無提供仼何位置堂食🙊但係咁樣食都有另一翻風味㗎🤗

每次去荃灣，都一定會食贊和豆品的豆腐花，總是大排長龍，每次排隊5~8分鐘就排到，都ok啦。我最鍾意係薑汁豆腐花，好熱，熱到燙口嗰種，$3一碗 ，真係冇得輸，同時一定會叫兩碗外賣，加1元外賣膠盒費用，阿仔最鍾意食凍的黑芝麻豆腐花雙拼，都係三$3 咋， 冷熱同價，不過我試過其他味道，好似薏米、綠豆、紅豆雙拼豆腐花等等，我就覺得太杰身，唔啱我口味。 小店經營，冇櫈冇檯坐， 如果夏天，好曬，排隊企喺度食，都有啲辛苦，話雖如此，真係太低啦， 又驚佢好快會加價變番原價㗎，就算大熱天時，我都會食，仲要食兩碗熱辣辣的薑汁豆腐花呢， 哈哈。

$3雙拼豆腐花去邊搵？！？荃灣真係美食天堂，好彩儘管賣曬廣告後都無加價，依舊好平好正前面排隊都有十幾個人頭，但唔洗十分鐘就排到啦，唔算等好耐芝麻糊豆腐花豆花好滑，雖然豆味唔濃，但質量絕對對得起個價錢！芝麻糊味道濃郁，淨食芝麻糊可能有點甜。配上豆腐花後，兩者互相配合，味道岩岩好。白果薏米豆腐花足料白果及薏米，時間煲得足夠，夠熟及夠淰。只需加小小糖水就足夠。拎完之後企響一面，大家都企曬係隔離，邊食邊傾計，好地道好有風味👍🏻

大大碗三蚊！三蚊 雙拼豆腐花依家高企嘅物價 三蚊高質量的豆腐花，真系良心企業好難得白天贊和豆品已經大排長龍 不過排隊時間也很短 大大碗黑芝麻及薏米 豆腐花 熱份量足夠 大都味道濃郁 口感滑 值得回頭再回頭嘅店

經常來荃灣行街及工作，一定有試過來路德圍搵野食，有一間經常都食，亦都食過好多次，但最近見到佢唔算太多人排隊，所以一定要支持，之前都曾經講過舖租好高，但因旁邊店舖，價錢有競爭，所以勁平，竟然是$3碗特式豆腐花，有多款口味俾你選擇，紅豆，綠豆，芝麻，白菓供你選擇，我就最愛食芝麻豆腐花，另外他還有黃糖，薑汁，花奶，任你落，所以真係好正，另外佢仲有即磨芝麻糊，比你買，都只是買$7，我都有試過，芝麻味好重，希望多點人支持,可以繼續落去。

荃灣路過見有十多人排隊，嘩、所有雙併都是$3。有紅豆、綠豆、意米、黑芝麻糊加白色豆腐花。即黑白配，超值抵食，我一連食左兩碗。豆腐花很滑，很有豆味、芝麻炒香之後才磨，真是很香。

黎到荃灣，雖然好多野食，但點都唔會漏左行呢條食街，點都會黎醫醫肚先安樂豆腐花的競爭，$3真係抵絕全城！薏米白果豆腐花好鍾意薏米同白果都好有口感，又唔會太甜，因為之前食過太多間都係甜都漏既，真係唔想放入口，但呢間唔會漏，食多幾碗都得！同埋豆腐花真係特別滑，即使有其他選擇都係會揀呢間～綠豆豆腐花綠豆比起薏米白果就無咩好特別，但都係正正常常，不過最緊要係個豆腐花底好就掂哂啦！大大碗先至$3咋！所以黎親荃灣必食呀真係

今日去食豆腐花啦！香港的豆腐花店有好多！好多都好好食！都是自家製！又香又滑，豆香濃郁！加上黃糖和薑糖水，有小小沙沙的口感一點都不單調！價錢又平幾蚊就有一碗。站在街邊食另有一番風味！👍🏻😘😘

贊和豆品📍荃灣荃興徑6號昌泰大廈地下5A鋪黎開荃灣緊係要試下$3一碗既豆腐花啦！薏米白果豆腐花$3雖然天氣好熱，但我堅持叫咗碗熱既，因為熱既豆腐花十分滑，配埋薏米白果，就算唔加糖都可以😋不過如果鍾意食甜啲既話，可以加少少蜜糖。綠豆沙豆腐花$3呢碗我地叫咗凍既，綠豆沙唔錯，係煲到起沙既，但豆花凍咗就會鞋啲，無咁滑總括黎講，熱豆花比凍豆花滑，但豆味唔重，不過$3一碗就已經可以謝物超所值，黎開荃灣呢頭，不防試一試👍

呢間小店已經好多年，我每次黎荃灣都一定會食佢，事關佢好近港鐵站，可以話係必經之路，而且佢既價錢一向都好街坊價，估唔到佢愈做愈平，以前五六蚊碗已經覺得好抵食，宜家就連雙拼豆腐花都只係3蚊，真係唔知佢要賣幾多碗先賺夠。 好在一直都唔少捧場客，人流不斷，店員面對咁多人，做唔停手但係都好有笑容，而且唔該前唔該後，超有禮貌，搞到只係俾3蚊既我都唔好意思，點都要寫返佢食評讚賞下。比起隔離果間我會推介呢間好多，雖然兩間味道差唔多，但呢間態度親切，真係加分勁多！！黑芝麻味道濃郁，配上豆腐花，食得健康又好味！難得佢仍然堅持用陶瓷碗同湯匙，夠哂環保，呢間老店，絕對值得支持，係真誠既香港味道！

已經唔係第一次幫襯贊和，以前未打減價戰時，$5 碗已經唔算貴了，依家直頭只賣 $3 碗，混料都一樣係 $3 碗。以今時今日香港既物價黎講，$3 真係去便利店買水都買唔到，依家 $3 仲要有優質既豆腐花食。真係抵到喊出黎。我多數都係食芝麻糊豆腐花 / 紅豆沙豆腐花。前者既芝麻味勁香濃，滑滑地，甜度適中，後者既陳皮味同埋紅豆味都好出。本身豆腐花份量唔算小，好足料，同我以前正價食既份量都係一樣。如果唔鍾意食豆腐花，仲可以單點芝麻糊 / 紅豆沙 / 綠豆沙！絕對係平價健康小食之選！