賢記甜品世家 (爹核士街)

營業中

休息中

甜品係第二個胃😄朋友聚會黎堅尼地城呢邊食晚飯，網上搵到呢間附近嘅甜品店，地點都算易搵。餐牌上嘅甜品名字都幾有心思😍款款都好吸引✨綠野仙蹤綠豆沙、仙草凍、水晶、珍珠～估唔到普普通通嘅綠豆沙，加上其他配料，即刻感覺升level，似台式食品，仙草凍爽滑，令整個甜品入口好有層次👍🏻✨小紅帽紅豆沙、仙草凍、愛玉、小丸子～紅豆補血，怕涼嘅可以選擇呢一款，紅豆煲得起沙，夠綿，入口甘甘地，不會太甜，配合其他配料，立即變得不平凡。✨芒芒天空楊枝甘露、愛玉、芒果、水晶、小丸子～滿滿嘅果肉夠哂足料，透明嘅愛玉唔會太甜，感覺透心涼，每一啖都係果蓉，性價比極高。✨美顏牛奶浴蛋白燉鮮奶 桃膠 雪燕 芋圓 椰汁～呢款我選擇左熱食，超級香濃嘅椰汁味，全部配料都係養顏聖品，啖啖都充滿膠原，燉鮮奶好滑溜，上邊嘅椰汁唔加任何糖水，店家話同甜絲絲嘅燉奶一齊食，就會啱啱好👍🏻激讚！

呢間賢記甜品世家位於爹核士街，奶油色既裝修風格令人感覺好舒服！係一間遠睇已經覺得好吸引既甜品店😋💠始創金銀燉鮮奶 $33店員推介呢款燉鮮奶係好值得一試，平時我都好鍾意係甜品鋪食燉鮮奶，因為我自己唔識整，而呢間舖頭整嘅燉鮮奶奶香味十足，食落口都好嫩滑，奶味好濃郁。而始創金銀嘅意思就係中間有啲好似奶皇包咁嘅流心，食落好夾同埋創新，推介大家如果黎開附近都可以黎試下😍💠特濃抹茶雪山冰冰 🍧$68 呢個係新推出嘅甜品，用咗日本小山園抹茶🍵，一見到個刨冰嘅時候都好震撼，真係成座山咁！抹茶味好濃，如果係抹茶控嘅朋友一定會超Like！而刨冰嘅表面同裏面都滿佈抹茶液，完全唔會話食食吓變得好淡。刨冰底有合桃碎同燉鮮奶，好好味既組合👍🏻👍🏻💠芒芒天空 $43 呢個我會稱為係豐盛版嘅楊枝甘露！楊枝甘露入面有愛玉、芒果、水晶同埋小丸子，餡料超級豐富，啖啖都有不同既配料一齊食。而愛玉仲要係好大舊，唔會好甜，好彈牙，食落好清爽；而小丸子好煙韌，好有𡁻勁！ 芒果俾嘅份量都好多，一啲都唔孤寒，同埋芒果都好新鮮好甜，真係好好味😋❤️📍 賢記甜品世家 (西環)西環堅尼地城爹核士街11號地下4號舖

平時食開士美菲路 某間糖水舖質素既芒芋揶芋越嚟越差 而且電話落單之後去到，仲未開始整仲要再等15 min 好耐決定走出去搵吓其他俾我搵到 賢記結果體驗不錯用 panda 買仲折左20元👍👍而且佢係足料加好食😋會再幫襯！希望佢質素keep住啦

呢排日日都三十幾度咁，出街行到熱辣辣就梗係要搵返間甜品店冰冰佢😝咁見到呢間賢記有得食大大杯既雪山冰冰，仲要係特濃抹茶😆就即刻入去試吓咁佢一出嚟都非常之咁大杯，真係堆到山咁高仲有滿滿抹茶粉，用咗日本小山園抹茶既冰冰真係超級濃厚，完全唔會有食冰食食下得返冰水既問題👍🏻食到下面仲有驚喜，下層係滑滑既燉奶加一啲曲奇餅咁樣，食落同個冰勁夾，有心思😝👍🏻另外仲試咗佢啲傳統甜品，呢個話係首創既金銀燉奶超有驚喜，金黃色部分就係濃香既流心蛋黃咁樣，同一般燉奶超大分別！有驚喜👍🏻最後仲有薑汁桃膠小丸子雪燕，非常清潤😍好滿足！

😋 夏日炎炎行街行到身水身汗，緊係食碗糖水舒服下～今日同朋友嚟咗呢間糖水舖，店面好闊落，又係開放式廚房，見到曬糖水製作過程，食得好放心！🍨美顏牛奶浴 $37朋友話佢平日好鍾意食呢隻，所以我又食小小試下先！淨睇個配料已經覺得好啱女仔食：蛋白燉鮮奶、桃膠、雪燕、芋圓同椰汁。第一啖食落已經好濃椰汁味🥥，芋圓都整得好煙韌，女仔食真係啱曬～🍨黑糖波波池 $37呢隻糖水裡面有仙草凍、紅豆、椰果、珍珠、小丸子同黑糖。而我哋係可以額外再揀加多份仙草/愛玉，今次就揀咗愛玉喇！首先要讚佢哋黑糖係比得好足，我呢啲黑糖fans真係大滿足，而佢哋嘅小丸子好彈牙，成份糖水好優秀！🍨 薑汁燉鮮奶（熱）$29食落奶味濃厚，又有絲絲薑味，好暖肚。💰$103