賞茶 (奧海城二期)

營業中

休息中

平時通常嗌珍珠奶茶今日忽然心情靚，想試吓其他嘢飲嗌咗粉果桂花檸檬，果然冇失望粉果十分之煙韌 又易入口用紙飲筒都飲唔到，唔會話卡住有濃濃嘅桂花香味係第二間試唔到嘅味道唔會話太甜 雖然淨係嗌咗少甜就算怕肥都可以成日飲嗌咗粉果桂花檸檬，果然冇失望預設嘅size都夠大杯幾抵佢包裝都幾文青，十分之養眼喺IKEA隔離位置都10分方便就腳有得用OpenRice外賣自取嗌定先下次介紹朋友試吓呢一間真心同其他嗰啲有分別

星期一絕對需要一杯廢水來踢走Monday blue 😵 午飯後約1:45pm買，輪候時間大約10分鐘。🥤蜂蜜307茶王之前喺天仁茗茶order 常溫 ，杯嘢係凍嘅，十分失望。今次就試吓喺賞茶叫常溫，溫度啱啱好，易入口，抵讚👍🏻少糖嘅甜度剛好，飲到茶嘅苦澀味，又飲到一絲絲嘅蜂蜜甜味。🥤白桃烏龍雖然叫咗半糖，但係都甜得滯，不過感覺清新。另外，見到好多人評價店員服務態度差，幸好今次幫襯未有任何不愉快經驗，服務態度還好。

經過發現呢間分店有炸物賣，套餐$49有杯波霸珍珠奶茶+鹽酥雞配地瓜條，呢個組合超吸引，所以買黎試下炸物質素有驚喜，即叫即炸大約等10分鐘。地瓜條外脆內軟，味道香甜。鹽酥雞炸到皮脆但肉仲係好Juicy！整體完全唔油膩，令人忍唔住一啖接一啖但波霸珍珠奶茶味道一般，冇茶香又唔夠奶香 勝在珍珠夠煙韌有咬口挽回分數，但飲品調配需要進步… 值得一提係碗同杯既插圖都好靚總結：炸物值得多次回購 如果個套餐可以自由選擇配咩飲品就好啦！

最愛的珍珠奶茶店 品質保證🧋每次經過奧海城都要買😛✨.推薦極品波霸賞奶茶 值得一試！珍珠入味又咬口奶茶有茶味唔會太甜❤️.見好多人話服務唔掂 我幫襯過咁多次都唔覺有咩問題🤣

Order了盐酥鸡➕波霸奶茶套餐，下单时没有说为“台北”套餐，便自动默认按非套餐收费；台北套餐49元，非套餐58。所以台北两字值9元，无法评价这个价值….又order了黑糖奶盖绿茶（26），被算为奶绿+黑糖奶盖（24+14）….请问商家是诈骗犯出身吗？

夜晚想飲珍珠奶茶但又驚訓唔著，記得賞茶有無咖啡因茶底嘅珍珠奶茶，當然要去買。順便買咗d台式小食邊飲邊食。小時候波霸奶茶 ($24)茶底係不含咖啡因，但仍然好芳香甘醇，仲帶d堅果香味，岩哂小朋友或者好似我呢d容易受咖啡因影響冇覺好訓嘅人，唔會對身體構成負擔而影響睡眠質素。波霸軟熟而且煙靭有咬口，又唔會黐埋晒一嚿。奶蓋烏龍 ($28)朋友飲嘅奶蓋系列，烏龍茶底茶味 香濃，奶蓋幼滑細膩，濃厚帶鹹香奶蓋同 烏龍茶底非常配搭。鹽酥一口雞&鹽酥花枝丸 (@$24)叫咗兩款台式小食，有台灣地道夜市嘅味道。鹽酥雞炸得香脆，雞肉唔乾身。至於花枝丸好彈牙，面頭仲灑咗少少鹽酥粉。。。賞茶 @anicegift 。。#賞茶 #珍珠奶茶 #台式飲品

賞茶幫襯過好多次啦，奧海城店同荃灣店我都成日會買來飲。我好鍾意食奶蓋，又好鍾意飲珍珠奶茶，所以黎賞茶我差唔多次次都係叫芝士奶蓋賞紅茶加波霸，有時會轉下烏龍, 呢個組合都係$31咋，比起好多茶飲店都平好多，所以我先咁放肆一次過滿足珍珠同埋奶蓋呢兩個願望。最怕珍珠就係煲到林晒冇晒口感，但想賞茶嘅珍珠就唔會，依然係夠煙韌。而芝士奶蓋就係近乎冇咩甜味，主要係鹹味，其實甜同埋鹹我都好鍾意，奶蓋嘅鹹味配埋珍珠嘅甜味呢個組合我真係覺得非常之夾呀。

平時係賞茶都係飲珍珠奶茶多.. 今日經過見到佢新出左白桃系列所以買左杯黎試下~白桃烏龍 $24問左店員除左加白桃果漿仲有冇加其他糖漿.. 佢地話唔再加糖都有甜味所以決定走糖..第一啖飲落去好香烏龍味.. 但嗒多兩嗒.. 咦!冇乜白桃味既!!成杯既感覺就係普通有糖烏龍茶………………OMG!!!🙄🙄🙄飲極都飲唔到白桃味!!! 🤦🏻‍♀️🤦🏻‍♀️🤦🏻‍♀️係我印象中其他茶飲店既白桃味有機會好淡但都飲到有白桃香味~ 但賞茶竟然咩味都冇!!! 香都唔香下…

雖然而家越嚟越多台式飲品店，但係可以維持到質素嘅都唔係好多，依家賞茶係少有可以keep到質素嘅一間。次次經過都有好多人排隊等緊，佢哋除咗有飲品之外，仲有甜品同埋鹽酥雞嗰啲小食。我自己就申請咗佢哋嘅會員，可以喺app度落單，用Credit card俾咗錢，就唔使去到嗰度排隊等咁耐。之前會鍾意飲佢嘅波霸奶茶，但係減肥就唔可以成日飲，所以揀啲健康少少嘅嘢飲，依家會揀佢地嘅冬瓜茶加蘆薈，唔會好甜，仲有台灣嘅味道，去唔到旅行唯有去賞茶飲住先。

早兩日放工行經奧海城，又想解渴、又想飲珍珠奶茶就黎左賞茶呢度止一下癮呢度都幫襯左好幾次了，服務都叫唔錯，服務員又有禮貌今次叫左杯黑糖奶蓋波霸奶茶，等候時間大約5mins 左右la＊奶蓋 - 芝士味香濃、奶蓋口感係又厚又滑既有小小咸＊奶茶 - 就冇乜特別都係台式既味道，不過配合岩奶蓋既小小咸，可以話係中和左本身奶茶既過甜＊珍珠唔本話煮過龍 or 太硬，適中＊總括而言，真係要支持一下💛要大家一齊支持，而味道、食物方面都唔會話差得去邊，有一定既水準如果大家行經又口渴既可以支持一下

《紅豆芋圓仙草凍》想試好耐嘅賞茶紅豆芋圓仙草凍，今日終於唔買佢嘅飲品買咗佢嘅甜品😋 個人不嬲都唔鍾意食芋圓，會去唔同舖頭食芋圓，呢間算係中規中矩，勝在夠平，唔算好大碗，但要來做飯後甜品份量啱啱好，甜到甜咗少少不過都OK！可以配珍珠，不過個人鍾意配紅豆多啲，芋圓夠煙韌，推介👍🏻🤤💕

<支持下黃店飲品>好熱要飲凍飲揀左奥海城既黃店 賞茶 其實冇乜睇過 menu我淨係想要解渴既野飲 我點左 🍴檸檬翡翠26 蚊🍋有手指公應該唔差 不過自己 on居 檸檬野點左少甜 飲落都幾酸😂 等 d冰溶甘 d就好 d 🧊感覺有 d綠茶既茶底 帶 d甘味 跟住就係檸檬汁既酸甜香味 夠冰凍夠開胃 十分唔錯 正👍🏻Score 平均分 <7.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#賞茶大角咀海庭道18 號奥海城二期 g 樓g07 號鋪~~~~~~~~~~~~=====================

咁岩好熱又口渴，經過賞茶 即買番杯珍珠奶茶，支持黃店！極品波霸賞奶茶$24.Jo選的係少甜少冰，甜到剛剛好茶味都算濃， 奶味都算香滑，珍珠好多同好彈牙，好大杯jo飲不完，好好飲又未算不用排隊又唔算貴，好口渴咁岩有杯野飲不錯啦.好味指數：😋😋😋😋

黃店既手搖飲品店要支持下既👍👍💛呢間係奧海城地面果層 位置方便 職員手腳快 唔洗等好耐🤣 standardized 既處理所以味道達標！波霸加蘆薈賞奶茶真係正🤣🤣一定要自己add on 埋蘆薈啊😍

打完羽毛球，出完身汗，就想飲返杯珍珠奶茶降下温。經過見到賞茶，又見佢咁平，就叫左杯波霸奶茶。珍珠好有彈性，咬落好爽，味道都唔差。但我朋友叫芋圓仙草凍個陣，明明有8折，但個staff收正價，好彩我frd發現到！