貴川風味館 (已搬遷) 新店位置

之前食過旺角分店覺得唔錯，竟然俾我發現呢頭都開左間，鐘意食米線既我，梗係唔會抗拒喇星期日下午一點多來到，好在不用等位餐牌上有7款湯底選擇，有辣有唔辣，有米線亦有红薯粉，每碗湯底都有5,6種配料，如果有咩唔食可以落單時叫店員幫你寫低自選配搭種類都幾多，仲有晒圖片睇雖然係買米線，但原來呢度有台式飲品俾大家選擇凍檸檬茶茶味夠，有檸檬味，唔會太淡香芋珍珠奶茶珍珠沉晒底，香芋味濃，就算唔係專賣台式飲品都做到果個效果我揀左金湯麻辣小鍋米線小辣對我來講唔算好辣我揀左生菜，豬腸，韮菜餃豬腸洗得乾淨，唔會有陣腥臭味，煮得夠腍又入味韮菜餃餡用豬肉+韮菜，韮菜味濃，$8/3粒，抵食朋友叫了招牌酸麻辣紅薯粉餸要左豬肚，炸魚片，豬軟骨，羅漢齋豬肚無異味，夠爽身炸魚片切薄後，有一面炸左，好有心機豬軟骨煮得好入味，軟骨都煮到腍晒，可以一咬就斷呢個湯底較為濃味，唯一美中不足係紅薯粉煮耐左，過腍，一夾就斷

是日與同事試新野，呢間店上手係生龍，之前返兼職的日子總會間中光顧，沒想到隔了不足四年就轉了新店，我們當中有同事愛吃辣兼愛周圍食，所以今次到此午餐~~~呢度的座位都不錯~~~我就點咗豬腸，唔鍾意食蔥的我就來個走全青，個豬腸不錯，個湯清清地唔太咸~~~有同事跟我同樣食豬腸小鍋米線但冇走青~~~跟我同樣怕辣的同事點了熱拌米線，賣相不錯，但佢萬料不到原來呢碗麵有微辣，所以食了七成要投降唯一愛辣的同事點了招牌酸麻辣紅薯粉~~~在拍照時發生小插曲，就係我唔小心倒瀉咗大半杯凍檸水的水，好在服務員沒有罵我，反而好友善咁裝返杯滿俾我=]同事點的香芋珍珠奶茶顏色幾靚吓~~~我們點米線可以加12至16蚊配小食，所以加了涼拌豬耳和椒鹽豆腐，我們更點了服務員推介的蘸水雞翼，個脆皮面雖然有微辣，但雞翼裡而唔辣又好食~~~同事點的荔枝紅茶，個人覺得椒鹽豆腐外脆內軟又熱辣辣，真係好好食~~~

今晚好夜收工，和同事在元朗附近搵嘢食，見到成十點都仲開門嘅呢間貴川風味館，太好啦！食碗米線同小食，可以快手食完返屋企瞓覺！位於教育路最當眼嘅十字路口，一望就望到，裏面地方大，座位闊落，雖然係食完碗米線就走，不過都覺得坐得舒服，食都食得開心啲。價錢大眾化，一碗米線$32 ,可選一款$5 嘅餸，或者$35 ,可選一款$8 嘅餸。小食都好多選擇，有辣有唔辣，有涼拌，有煎炸。同事點的沙嗲湯底米線，不辣的，加$2 配豬扒($35米線加$2可配豬扒)。同事說明不吃辣，所以職員介紹佢食沙嗲湯底，真係好正喎！食到好香濃嘅花生味湯底，略帶甜味的沙嗲，真的唔辣，米線浸在湯裏也沒有變淋，吸收了沙嗲湯底後好香，有啲似日式拉麵湯的感覺，無介紹錯！豬扒炸得好靚喎！金黃色，灑上少許黑椒，好香好惹味！豬肉新鮮爽口，豬扒都算大塊，不會令人失望，$37豬扒米線真係街坊價，食得又夠飽，收銀姐姐見我哋食得咁猴擒，知我哋夜收工，一定好肚餓，問候下，真係覺得好感動。我喜歡的小食，拍黃瓜$21， 可選涼拌，香辣，麻醬，我揀咗香辣味。 不過香辣味其實又係唔辣嘅，如果食得辣，記得要落單時同職員講要，辣度增加幾多。 除咗辣油之外，仲有香

又同舊同事研究元朗有咩新野食，今次決定食米線（岩曬唔中意食米飯既我）好多種特色飲品供選擇，抵讚！呢碗麵色香味俱全，正喺睇顏色已經好吸引，未食就聞到勁香炸醬味，我喺自選配搭入面揀左紅腸，同諗嘅一樣，紅腸同炸醬非常夾，加上炸醬帶有微辣，又唔會太鹹，令到成碗麵好惹味，再加上有花生同芽菜，額外增添咗啲層次感。呢碗麵都幾辣吓，就算走咗好多配料都好得。啲豆腐豆香味好濃，食到唔停得口。食落無豬騷味，值得再試～杯香芋珍珠奶茶嘅芋頭味好濃，珍珠又有嚼勁！呢杯睇落似啤酒，實質喺荔枝紅茶，荔枝香味幾重，紅茶唔算太濃，起到輔助嘅角色，下次一定再叫。仲有雞翼都好正，推薦推薦～

《貴川風味館》 #食在元朗📍元朗教育路44-50號兆明樓地下B號舖-呢間係旺角成日要排隊 我同朋友都成日食 仲會嗌佢做「旺角米線」😂😂 竟然有日比我發現佢係元朗開左分店 將會成為我嘅飯堂啦🔹經典雲南酸辣小鍋米線 跟一款$8配料 $35肉碎 韭菜 芽菜 蔥 芫荽今次嗌左腩肉、豬腸+$8、豬軟骨🔝+$10平時食開中辣 但覺得都唔夠 今次嗌左中大辣 我覺得岩岩好🌶🌶點解我咁鐘意呢間？佢有超多芫荽同芽菜呀 食完又唔會特別口乾 仲要佢夠辣🤭 除左檸茶檸水仲有珍珠奶茶果d飲 都幾多選擇 真係湯有幾款 清湯麻辣沙嗲酸辣 仲有熱拌米線 次次黎食唔同款都得呀如果唯一嘅缺點我覺得係d餸一般 但個豬軟骨幾夠味同夠淋 米線份量又多 男仔食都夠食呀🔹口水雞 $43可自選辣度 嗌左中辣 雞件嘅面有d醬 有小小麻辣嘅都幾經常會嗌口水雞 一黎係因為辣 二黎係口水雞肉質都會比較嫩 真係好難唔好味🔹炸雞翼 $36有6隻咁多 呢個價錢算係幾抵 同朋友share食就岩岩好啦； 炸得幾好 外皮脆入面d肉都好嫩 跟個甜酸醬 但我發現點辣椒油食仲好味呀😌🌶🔹凍檸茶+$6 其他台式飲品+$10餐廳仲要比旺角分店坐得鬆動d😂成日係旺角

系food panda度叫外賣要12蚊先有豬軟骨食 仲要得2舊 豆卜都要加十蚊🤢🤢🤢🤢好貴湯底好油.....無乜味 叫左紅薯粉 最後送黎都系米線🤢不過好在外賣唔洗特別提都系分左湯但系送到黎d湯都倒瀉晒

番工經過元朗,原來旺角老店開左分店過黎. 野食水準都仲KEEP到, 米線幾好食. 食食下原來老闆搵左周沖過黎拍片, 聽到話蘸水雞翼推介, 見平平地試下, 食落去第一隻幾好食, 唔多油味. 呢個可推介下. 係野飲一般般

原生龍清湯腩個舖位，見有新食店，一定會試下。點咗最基本嘅兩餸清湯米線。$38，正常價位。清湯正常，米線唔會太淋可惜，果幾塊腩肉嚡過拖鞋，根本咬唔入。魚皮餃是行貨，正常。