貴川風味館 (已搬遷) 新店位置

⭐️👉🏻評分: 8/10————————————————————一句：估唔到係元朗會揾得到咁高質嘅豬軟骨！仲要啲侍應好nice🥺————————————————————🔹 豬軟骨菜飯餐($48) 連凍飲.一上枱，哇。呢個份量比起坐忘更大，長碟一端堆放著數舊豬軟骨，呢一端則疊放著炒椰菜。撩開軟骨，還是噴煙的。每舊都有3顆麻雀大，夾起不會散開。咬開肉很鮮嫩，似扣肉，瘦肉的部分不是柴的。軟骨的部分漿住嘴巴，膠質黏而不膩，像豬手又不如豬皮般肥。秘製的醃醬，吃起來是炸醬醃料的味道，多了一份茶記碟頭飯的感覺。對啊，豬軟骨本來就是平價的食材，只是烹調的方法很考究。底部的肉稍鹹，也積了一層醬油（像魚香茄子那種），撈著飯吃反而津津有味。菜飯是簡而難精的東西，尤難於食店覓得好吃的。大部分食店為了節省成本，早早把白菜棠菜拌好在熱飯中，用大蒸鍋熱著。所以菜往往是黃的，飯粒黏成一團。但這裡的飯粒干身、菜粒翠綠脆身，白綠相間，菜的份量很慷慨。————————————————可能有些朋友會覺得底部很油，但我覺得還可以接受～

呢次係第二次黎食，再encore係因為唔知食乜好，同埋呢間食落唔錯，想再食多次。廢話唔多講，晚市既入座率非常之高，我地只能夠坐卡位既一側（坐落又唔算迫既）。我依舊點金湯米線（小小辣），韭菜、豬扒、雞絲……韭菜：同其他店鋪差唔多，我幾中意韭菜既咬口。豬扒：本身業得都好入味，加上再炭燒、辣既湯底，非常惹味！強烈建議點。雞絲：太乾，無咬口，成碗米線扣得最多分係呢個配料，不建議點呢個餸。付款：唔單止收現金，仲可以用支付寶俾錢，唔洗成褲袋散銀。

有一排無去食呢間米線，就朝聖下先兩個人叫左一碗豆卜沙嗲米線🍜同埋一碗豬頸肉酸麻辣米線（中小辣）兩碗都叫走肉碎，因為佢啲肉碎都幾肥沙嗲湯底係唔嗜辣人士嘅首選唔洗好似清湯咁清淡。而我果碗豬頸肉就炸得香口，肉質又淋，好味道不過豬頸肉份量就少左啲，得幾條肉絲咁而個辣湯底就中少辣已經辣度十足鍾意佢多酸菜同芽菜不過會叫少油，因為本身湯底幾多油總括黎講碗米線好味好味同好味題外話，店內冷氣嚴重不足，人又多，食到出晒汗，要改善下冷氣系統呢

有點不舒服，胃口不算是十分好，同時我只想吃一些容易吞嚥的東西，所以特意選擇到「貴川風味館」吃米線。這裏的環境只屬一般，裝潢與一般的茶餐廳相似，但是座位尚算舒適，感覺還可以的!原本非常想吃酸辣小窩米線的我也為了早日康復的原因而選了清湯小窩米線，另外還加了韮菜餃。清湯小窩米線 (另加韮菜餃)清湯小窩米線份量十足，內裏早已配有鮮肉碎、韮菜、芽菜、莞茜和蔥花。未吃米線之前，我先呷一口湯頭，味道相當清甜，加上清湯小窩米線內有不少莞茜，所以湯頭都散發出陣陣的莞茜香氣，相當不錯! 米線方面亦相當幼滑，又不易變腍，只是韮菜餃較為失色。韮菜餃雖有頗為香濃的韮菜味，可是餃子皮都是腍腍的，口感相當不討好，所以整體上整碗麵只屬於不過不失!青蘋果紅茶相反青蘋果紅茶相當不錯，它有着香濃的青蘋果味道，味道清新又討好，只是略為甜了一點，但是大致上也不錯!這裏環境和服務只屬一般，食物也算是不過不失，但是價位合理，所以整體上還算是可以的!

今晚做完FACIAL，一個人食晚餐，元朗實在太多野食，今晚就試左教育路呢間貴川風味館，除左元朗分店，原來仲有旺角總店。價錢中等，2餸米線加飲品$48。除左米線，仲有飯食。而米線都有好多款式揀，有招牌酸辣、金湯麻辣、雲南酸辣同埋其他湯底，我揀左招牌酸麻辣米線，另外再追加兩款自選配料，配料選了韭菜餃同生菜，韭菜餃皮薄、多餡，生菜新鮮爽脆，小辣其實唔辣，而且酸辣味好香。最重要既係佢的份量非常之多，一個女仔應該食唔哂。

我其實真係好鍾意食酸辣米線可惜出黎做野之後成日食d酸辣米線都係伏今日就同同事試一試哩一間食米線黎到去講 哩間鋪既座位都安排得較寛闊 坐得幾舒服我就叫左個招牌酸辣米線叫左少少辣唔記得走芫茜添配料係豬扒酸辣既湯底帶些少甜味 好開胃係我鍾意既酸辣度豬扒香脆惹味 唔錯 同酸辣湯底都夾同同事share左個蘸味雞翼 原來係炸既叫左先知我就麻麻地炸野既 覺得一般皮完全係炸 好重香料味 我去左皮食 入面就冇咩味總結黎講 米線係唔錯既我會再食haha

10點幾收工同男朋友吾知食咩好經過依間鋪頭，老闆娘係門口熱情推介招牌菜式俾老闆娘既熱情吸引左，於是膽粗粗入去試下laMenu入面好多野都好吸引，樣樣都想試下。眼見隔離左右都食緊口水雞/蔥油雞，幾香咁，就諗著叫依兩款，點知老闆娘話賣哂😓唯有改豬頸肉菜飯同埋雞翼菜飯。♥️豬頸肉菜飯 (餓到濟冇影相)豬頸肉醃得入味，加埋泰式辣醬係面更惹味，配菜都好好味。♥️雞翼菜飯雞翼煎得太耐，個皮有啲硬同焦焦地。♥️朱古力珍珠朱古力味濃郁，略厭有啲珍珠太硬身。

突然一個CALL洛左元朗食米線.食個下午茶.由於唔太餓既閞係.只系2條女叫左幾款小食食叫左紅油抄手(香辣).炭燒雞串(5串)加多個脆皮芝士丸(6粒).個抄手種香辣味幾突出.又唔算辣得好勁.真系幾香甘樣LO. 炭燒雞串就普普通通.中規中距.叫做好食過便利店買個的.唔算太大驚喜.但系脆皮芝士丸有驚喜.入口系外脆內軟.食個下我都比粒丸D汁爆汁.爆到個口.成個口都系.D油脂滿滿甘系我個口度.D芝士味又夾埋系口度.可謂齒頰留香食3樣小食加2杯飲品.都醫得飽個肚.唔錯既一個選擇😊

元朗教育路由街頭去到街尾都有好多食肆，今日就揀👇食好西啦店內以柔和色調作主色設計，坐位都幾好坐，感覺舒服😌食物更多元化，除咗麵、飯、小食外，還有台式飲品，比較少見另外呢度以手機入單，減少錯漏情況出現👍👍雲南酸辣米線🍲(腩肉、羅漢齋)$42.00腩肉食咗咁多間未見過咁大件㗎湯底酸酸甜甜小辣羅漢齋唔夠腍索唔到湯汁川味黃金皮蛋$14.00份量都幾多㗎,但冇乜皮蛋味囉，蛋皮得個爽字，都係傳統嘅好食啲凍0茶$6.00茶色靚， 有茶味👩‍⚖抵食、多餸、超大份

夜晚唔知食咩好，行到邊都要等位。咁岩呢間有2個位，同男朋友入去試下。2個人一人叫左一碗面食，男朋友叫左經典貴川紅薯粉，我就清湯小鍋米線。我就要走蔥既，因為唔食蔥。我跟娃娃菜、雞翼、豬頸肉食。都只係32元再加10元(一個配菜加5元)都抵食，街坊價。男朋友就加個腩肉、豬腸(大辣)。平時食得好辣既佢今日居然嗌救命話辣，要叫多罐可樂，不過佢話辣得幾過癮。本身做廚房既佢都讚口不絕。整體黎講每樣野都算唔錯，起碼D野唔係凍既，已經好滿足到我。除此之外，D餸係好食既，成件事都算MATCH。有機既會再幫襯！

今日同FRIEND入元朗，行完嘉誠，見到對面有間新既米線食，入去試下！入到去坐既位都算舒服，一個人食都有卡位仔坐！不過我就坐係收銀位隔離，睇個Menu 見到有個幾特別既口味唔係周圍都有！不過我唔知食咩就問下靚姐，我有表到明自己唔食得辣，問姐姐有咩好推介～姐姐推介咗個有好輕微小小辣既沙嗲小鍋米線食本Menu 寫到明有咩配料喺入面，呢樣值得一讚嚟到已經聞到陣陣香味，試完更加覺得好難忘！沙嗲夾個豬頸肉，D汁好重味，我自己好喜歡！加左個特價小食，脆皮芝士丸(6粒)，佢得3粒，但食落滋味十足！

TODAY如常咁嚟食米線.如常咁坐同一個位.如常咁叫同一樣嘢食.對我嚟講.落樓一條馬路就有得食.雖然附近都有相類似嘅嘢.但試勻曬.都係鍾意呢度嘅湯底.平時係度食慣嘅我.同呢度嘅伙記算熟.佢地都好有人情味.見我自己一個孤家寡人嘅我吹下水.得閒吹2句時事.吹多2句.D嘢食就上喇.食個熱拌米線.佢呢度嘅熱拌米線唔係辣個隻撈撈.係個隻類似麻香醬嘅撈撈汁.佢寫明有花生撈.食落D花生似有炒過.MIX埋花生食有口感.D配料夠曬多.所以2個餸夠做.食幾粒丸丸加金姑就掂曬.因為佢D份量真系係可以話係好足夠.如果鍾意食米線.又係鍾意無湯嘅可以trytry佢.推介喔

Lunch time時間.望到D度幾爆人.應該唔差.入去住低.叫左個蔥油切雞飯.叫佢系因為見到佢寫學生可以減6蚊.作業一個精明消費者既我.好醒目仔咁簡佢食.唔知系米因為叫飯餐既關係.上得好快.唔使點樣等.本身諗住上得咁怏都應該唔會熱.BUT食洛又5差WO.1唔算話好辣口既熱.但食到系熱既.見到好大碟飯.先記得無叫佢小飯.用佢D蔥油撈飯系正既.但..我都系食唔哂..D雞其實幾滑溜.不過我又系食唔哂.好少有D平令正既地方.如果洛茶記食應該都要50.60不等.SOFAR黎講.系街坊之選.

今日係年初八， 指定動作先祝大家新年快樂， 日日有食神， 伏店好頭痕， 身型唔好肥騰騰😁今次想主要分享， 我遇到嘅經歷，有關外賣服務，之後會講小小食物方面真人真事發生喺我身上，案發當日: 15/12/2018案發時間: 下午 13:30受害人: 牛屎仔 (即係我自己)嗰日就致電佢哋嘅元朗店叫外賣，好啦，落哂order, 去到最後同佢講，我住既位置係匯 x 銀行附近，x x 大廈，8樓，E 室，林住搞店，等食點知個姐姐同我講，我地送外賣係唔送上樓囉，OK 無問題， 姐姐可能驚我係"番梘強"，我咪林住一人行一步，同姐姐講，我係樓下等係攞外賣嗱，姐姐俾我既回答係，"我地淨係送去地舖"...我輸1:0我身為地地道道嘅香港人，有獅子山下嘅精神，所以我再試第二次嘅外賣案發當日: 04/01/2019案發時間: 下午 12:15受害人: 都係牛屎仔 (即係我自己)嗰日我又致電佢哋嘅元朗店叫外賣，好啦，落哂order, 去到最後同佢講，我住既位置係匯 x 銀行附近(其實元朗得一間匯 x 銀行)，x x 大廈，8樓，E 室，又林住搞店，等食點知個姐姐同我講，我唔知邊度係匯 x 銀行喎，姐姐都好好心，係個

初三放假本身想食另一間川_，點知無開，行行下見有依間食酸辣米線開門做生意，諗住試下喇，果時已經兩點幾好肚餓，就同朋友快速叫野食，等左好耐先黎一碗朋友叫嘅麵，而我果碗就等左好耐都未有！前前後後問左樓面4、5次跟單 ，望一眼就算，完全無跟進，最後等到3點幾 我朋友都已經食完，我果碗仲未黎，最後頂唔順嬲到走左，認真失望，其實我見到中途樓面比我隔離搭枱果碗麵正正係我叫果碗，隔離又可以照食都搞笑，後尾樓面再拎一碗想比隔離搭枱果人，見佢食緊就好奇怪咁望佢張單望左兩三次，最搞笑係個樓面覺得奇怪 見到唔岩單 都唔理由得佢，仲要我已經問左幾次「唔該 我碗麵呢？ 」都唔跟下嘅