貓之眼

營業中

休息中

招牌蛋包飯同佢地店名一樣👁好似一隻貓🐱既眼咁望住你👀XD有好多唔同既combination 豬牛雞都有🤤想追加個大份量仲可以叫埋漢堡扒(´▽｀)🍛咖哩豬肉配濃茄牛肉三色蛋包飯 HKD88🍛咖哩豬肉配燴牛肉汁蛋包飯 HKD 92濃茄牛肉🍅係招牌菜食到紅酒味唔知係咪錯覺XD茄汁偏甜唔酸😋8小時慢煮既牛筋肉好軟腍 一咬就化開了日式咖喱唔辣 淡淡地甜甜地 肉既份量正常而燴牛肉汁用左薄牛肉片慢煮都幾好味重點係個蛋好滑都重蛋香味🥚而飯就係日本珍珠白飯🍚無炒底但我覺得配埋兩款汁撈埋食剛剛好✨

.📍Cats' Eye Bistro📍#饅頭去灣仔 #饅頭食日本菜------------------------------1️⃣ 咖哩豬肉＋濃茄牛肉＋和牛漢堡蛋包飯 ($114)呢度嘅咖哩豬肉令小編略有失望，因為咖哩質地太稀，辛香料味道偏淡🧐，只感受到甜味，而且豬肉得2-3片，切得偏碎，口感少乾；好在紅蘿蔔同洋蔥煮得夠軟腍，容易入囗。至於濃茄牛肉就做得唔錯，食到有唔少茄蓉，唔係坊間嗰種齋得酸味，味道甜甜哋，有啲似紅酒燴牛膝😆，牛肉煮得軟腍入味，份量相對豬肉多，建議有興趣嚟食嘅朋友仔嗌呢個醬汁。呢度嘅蛋包飯同和牛漢堡反而令我有啲驚喜，雞蛋炒出嚟嘅皺褶紋理幾靚😍，固體中帶有足夠嘅蛋汁，口感夠滑，蛋香同奶味互相平衡，加埋醬汁，送飯一流。 牛漢堡足足有一個拳頭咁大，表面煎得好靚，帶有焦香，牛肉鮮嫩，味道非常之濃郁🐮，亦鎖住到少少牛肉汁，整體口感就比平時食嘅美式漢堡鬆散軟腍，重點係佢哋嘅紅酒燒汁都調得好香濃，配呢個日式和牛漢堡啱啱好唔會過油。整體而言，佢哋嘅醬汁味道就比較普通，但係和牛同蛋包飯就喺水準之上，加上食物夠大份，所以我都願意畀一個高少少嘅分數。◾評分：7.8/10-----------

🐷灣仔必食 @cats_eye_official已經係第四次回頭今次叫咗四款口味試試1️⃣燴牛肉汁味道濃郁 用料十足啖啖都食到牛肉片同洋蔥2️⃣濃茄和牛食落似平時紅酒燴牛膝牛肉粒多 但略嫌乾身3️⃣漢堡基本上係每次都一定會叫牛味濃 煎到剛剛好配以日式燒汁4️⃣咖哩豬肉略嫌失望咖哩太稀 淡而無味肉片只有三數塊大推燴牛肉汁同濃茄和牛🤤🤤#wwh必食之選#wwh食勻灣仔✨#foodie #hkfoodie #852foodie #eatwithwwh #hkcafe #好西 #劣食中伏師 #黃店 #香港美食 #打卡 #打卡美食 #ufoodphoto #ufood #foodiehk #灣仔美食 #灣仔黃店 #灣仔 #灣仔必食

黑框光頭佬態度極差由開頭叫人排隊已經態度好差另外女員工都唔好得去邊，當住成間舖好大聲吆喝我都算，仲係個客面前同光頭佬講佢對個客嘅不滿（我只係自己企左起身想去加水，個女員工發緊呆我咪自己去）野食係好食嘅，但條氣真係唔順！冇下次成間店啲人都係用同一種好差嘅語氣講「唔好意思呀小姐」「你咁遲黎漢堡係冇哂嫁啦，唔好意思呀下」「小姐，你唔可以自己加水嫁，你要叫我嫁！」其實咁樣對客人真係好？每個人都知你運作嫁咩我食澳牛都未試過咁差態度見係黃店先撐下，但點知

心血來潮想食個蛋包飯搵到呢間位於灣仔嘅日式西餐蛋包飯專門店叫咗個咖哩豬肉+和牛漢堡扒蛋包飯和牛漢堡扒鬆軟配埋濃汁幾好食咖哩豬肉就正常冇乜特別個人偏向喜歡食日式整體嚟來都唔錯 一人晚餐唔錯嘅選擇

食物質素一般，鐘意滑蛋的好無聊都可以呢試一次，其他食服如咖喱豬肉，和牛漢堡就好一般，凈係食到味精味。食野環境都好唔舒適，好有澳牛感牛feel其他客人都係食完急急腳走，無chill time 體驗好差。店員服務態度超級浮誇和裝作友善。想問佢有無menu睇，佢就話唔使問，晏d會拎比你睇。明明好簡單直接的一句話 佢會用好唔舒服的話表達出來，例如比完錢提你拎番張單呢句說話，佢會話，記住拎番張單，可以睇番餘額，心諗做咩呀！做多哂！

永遠都咁多人嘅貓之眼蛋包飯，賣曬會提早收工，有時太好生意要停外賣。主打雞豬牛三款combination簡兩個，有忌廉雞肉、咖喱豬肉、濃茄牛肉，仲有和牛漢堡扒之前試過覺得都幾好食。-🐮濃茄牛肉+燴牛肉汁蛋包飯 $92忌廉雞肉冇乜興趣未試過，咖喱豬肉就覺得普普通通正常發揮，最鍾意係濃茄牛肉所以次次都係呢個做膽再簡多款。因為漢堡扒其實都幾大嚿幾heavy今日唔太餓就簡左燴牛肉汁試下。燴牛肉汁嘅牛係牛肉片嗰種，似唔肥嘅肥牛，醬汁配上洋蔥煮到入曬味，唔錯不過未到好鍾意好想再食。濃茄牛肉嘅牛係煮到淋曬嘅牛肋肉，配上蘿蔔同茄醬送飯一流，一如既往地好食🥹-總結：通常都係突然心癢癢想食先幫襯，對我嚟講係幾好食不過唔會成日掛住，可以接受排一陣隊但係要排半個鐘以上就唔會考慮。

呢間黃店出名多人，今次同同事特登早啲出去排，大約20分鐘左右入得。舖頭裝修走日式懷舊小店風，木系設計好warm，食食下覺得有少少似去左日本旅行咁🇯🇵。舖頭大概都係坐得15個人，同埋好似無限離座時間，難怪要等耐啲。不過上菜快手得黎都夠熱🖖🏻，唔錯。🔅咖哩豬肉+和牛漢堡蛋包飯 ($102)呢間既蛋包飯係放滑蛋喺白飯上嗰隻，食落蛋都夠滑。咖哩就典型日式咖哩味，蘿蔔粒夠晒腍，豬肉就被咖哩味掩蓋晒。漢堡聽聞係必食item所以叫左，同拳頭差唔多大，厚身但完全唔乾，肉質都嫩又唔鬆散，口感唔錯。🔅咖哩豬肉+忌廉雞肉 ($88)忌廉幾香奶味，有蔬菜，雞份量唔算多但都算滑。💬食物方面整體普通，咖哩都係一般日式咖哩，價錢都唔平，又要經常排長龍(幸好呢次係限2人堂食期間試，應該比平時條隊短)。不過份量都唔小，少飯左都仲有剩。同埋店員好nice，每組客人都會提示先點單，入座再寫枱號就可以，值得讚賞👍🏻。

-門口排咗15分鐘左右 店員會提前俾張點菜紙你 入到去填枱號就交得 加快進度👍🏻 -咖喱味道不錯 偏濃味 豬肉味道基本上俾咖哩蓋過咗 唔係好食得出佢本來嘅味道 -蕃茄牛肉非常好味 牛肉味濃 蕃茄醬汁帶點芝士味 十分融洽 值得一試 -和牛漢堡味道偏鹹 個人不太喜歡 內有大塊洋蔥-白汁雞肉 雞肉滑 不會柴 但味道較為普通 -蛋包飯 雞蛋很滑 但是不算厚 裏面是普通白飯 日本米有咬口 不錯的 整體來講表現是不錯的 👍🏻服務態度都幾好 如果唔使排太耐都值得入嚟試 因為大家都食得好快 門口有三四個人係可以排嘅 但係如果好長龍 我覺得可以等下次你見到冇咁多人嘅時候先食

最大賣點係蛋整得好，夠滑。其他咖哩同濃茄汁都一般，正常味。和牛漢堡可以唔駛叫，唔係咁好食。1點到去到，排左4個字。天氣未算熱，所以都仲ok。天然氣熱既話可能就唔係咁值。整體正常，唔好expect 咁高。

《咖喱豬肉x和牛漢堡蛋包飯》HK$96 🍛為食妹認為係呢度嘅必試item！拳頭咁大個嘅日式和牛漢堡絕對係真材實料！👊🏻食落幾香牛味之餘，亦都鎖住咗少少牛肉汁💦，令成個漢堡唔會太乾身，而口感上會比起一般美式漢堡較為鬆軟或者腍身。重點係個紅酒汁調得非常香濃🍷，配合日式漢堡扒，令牛味更突出，直接令成道菜昇華到另一個層次！🥰*而日式甜咖哩亦都好唔錯！🤤 對於非常鍾意食咖哩嘅為食妹嚟講，咖哩嘅主角永遠都唔係啲肉，而係大量又腍又入味嘅洋蔥🧅同紅蘿蔔🥕（如果有埋薯仔會更好啦！🥺）當然豬肉片都處理得唔錯，幾嫩口！😋

夜晚媽咪話唔想煮飯，叫我買兩個飯盒返去屋企食。 我就嚟到位於灣仔嘅cats eye買咗兩個飯盒。 我點咗兩個蛋包飯， 一個配濃茄牛肉同忌廉雞肉 ，另一個配濃汁牛肉同埋咖哩豬肉。 濃茄牛肉食落個味道有少少似羅宋湯牛肉粒炆得非常之琳同入味。 忌廉雞肉裏面有啲西蘭花同蘿蔔 ，相對就比較普通。 濃汁牛肉係切咗做薄片嘅牛肉， 筋比較多，唔係好咬得開。 咖哩豬肉係經典嘅日式甜咖哩， 味道都唔錯。 蛋包飯嘅蛋非常之滑， 散發出陣陣蛋香味。 蛋包飯嘅味道係唔錯嘅 ，但係埋單要成180蚊， 同區嚟講，係一個性價比偏低嘅蛋包飯， 呢個價錢可以食到更好嘅蛋包飯。

需要你的支持喔🥺🙆🏻‍♀🐷💬每一篇食評都好認真打架—————————————————————📍貓之眼 #chuchu推介可能係全港最好食嘅蛋包飯 🍛 之前🐷係灣仔番工，點可以冇食過呢間呢😎lunch hour算早黎都等左10分鐘左右，排隊嗰陣店員會比定張紙你點餐，佢哋服務都好好，好有禮貌，係好食嘅💛店—————————————————————❣️咖哩豬肉+忌廉雞肉蛋包飯 ($82)賣相好靚，個飯嘅形狀真係勁似一隻眼🐷真係蛋控啲滑蛋好嫩， 咖喱係日式嗰種唔辣，淡淡地甜甜地，襯豬肉好夾💯忌廉汁好重奶味，配埋雞肉同蔬菜一齊食個感覺好夾，不過得兩三舊雞🥲❣ 咖喱豬肉+燴牛肉汁蛋包飯($89)咖喱豬肉就同上面一樣，另一邊就係燴牛肉汁，咸小小，有啲紅酒味，同蛋好夾，每一啖都有唔同味道好豐富😚份量好多🐷同朋友都食唔曬，不過唔夠食都可以免費添飯—————————————————————不專業評分👅好味指數:4.5/5💰性價比:4/5👍🏻推薦:5/5—————————————————————🏡地址: 貓之眼 (灣仔)灣仔汕頭街24號地舖—————————————————————#chuchu食在灣仔#c

______________________________🐱𝔐𝔦𝔰𝔰 𝔏𝔦𝔬𝔫𝔫🦋🦁評分：7.6/10 濃茄牛肉忌廉雞肉蛋包飯😻😻😻😻茄味濃，牛肉似牛腩粒，份量適中，另一邊係忌廉雞肉汁，有啲西蘭花同埋蔬菜，好健康，調味好好，唔會太咸，蛋煮得好滑👍🏻👍🏻咖哩豬肉和牛漢堡扒蛋包飯😻😻😻😻咖喱味好香，偏向日式咖喱，偏甜唔會辣，豬肉同和牛漢堡扒份量大，但太好食好快食哂！回頭率：75% 😸😽好好嘅蛋包飯，仲可以揀減少份量，可以自選自己喜愛同唔喜愛嘅野，雙拼外仲有三拼，啱哂大食嘅朋友👍🏻仲要係良心小店🍛💛______________________________

我喺大約兩年前幫襯過「貓之眼」，之後一直都想再去，但每次見到嗰條長長人龍嘅時候就掉頭走。今次再去碰碰運氣，見到唔洗等位就即刻入去。▫️燴牛肉汁、濃茄牛肉蛋包飯 (HKD92)▫️咖喱豬肉、漢堡扒蛋包飯 (HKD102)上次已經食過「燴牛肉汁、濃茄牛肉蛋包飯」。今次再encore，一次過試晒兩款口味+蛋包飯依然係我嘅首選😂😂一直有好多人讚賞嘅漢堡扒今次我終於食到啦！漢堡扒係用和牛整嘅，我覺得口感及味道都唔錯，唔怪得有時會咁快賣晒啦。店鋪人手唔夠，出餐時間會有少少慢。不過店員都好有禮貌咁同客人解釋同埋講唔好意思。疫情下有好多小店唔係暫時關門就係結業。繼續營業嘅小店真係值得我哋體諒同埋支持呀。⭐️免收加一