豪食一番

營業中

休息中

今日經過 見2樓開左好多間新野🤩揀左一間未試過 副相勁吸引嘅炸豆腐黎試下店員問需唔需要加粉絲 話配個醬好好吃 所以試下仲可以$12加一杯大杯野飲❗️❗️天氣熱揀左青爽青瓜檸檬茶少甜 仲要咁平！🤩好特別好解渴 等候時間唔耐 等緊時已經飲左一大杯野飲 唔記得影野飲相🤦🏾‍♀️即炸嘅豆腐外脆內軟 加埋啲汁好正唔鐘意食芫荽蔥嘅記得落單前要講 我唔記得左講😂見地有人叫蠔餅加左揚枝甘露都好吸可惜食左其他野食唔落🫠下次試下

加咗$10加蠔仔肉 完全食唔到蠔仔肉 唔知係炸燶咗定係冇 成碟嘢都係炸碎 食緊燶既炸粉咁 完全見唔到餅狀 其他咁樣都俾得人食 真係唔好開舖頭 有無d人性加咗$10要個飯得兩啖，仲要全部都係飯焦

去葵廣行街見到呢間幾吸引，就即刻試下炸豆腐：中size有10塊，比想像中大舊，加埋醬汁，好入味！下次加埋粉絲底試下先 芝士焗生蠔本身都驚伏，但發現都幾大隻，芝士又夠多，加埋粟米，好滿足 西瓜甘露加配價$12就有一大杯，入面有西米同柚子肉，西瓜味好濃，值得加錢買返杯

係葵廣買左兩隻芝士焗蠔試，個蠔殼好大，但實質蠔係勁細，一啖就食完，其他全部都只係芝士，收我$35 食2粒蠔仔，食完第二日肚痛同屙左成日。唔新鮮，呃錢，小心中伏👎🏻

是日到葵廣掃街，見到燒生蠔即刻心心眼，落單後等8至10分鐘可以取餐，見個賣相都唔錯，心諗應該唔會伏。先食芝士焗生蠔，用叉成隻撩起擺落口，入到口乜_都食唔到，只食到一埋芝士，最後先撩到一隻手指尾指甲咁大隻嘅蠔仔。以為係呢隻蠔偏細，食埋另一隻再落定論，WOW⋯原來一個蠔殼入邊有兩隻蠔仔，我以為自己睇錯餐牌，會唔會店家寫明係蠔殼？非也⋯大大隻字$35/2隻生蠔！再來食埋燒生蠔，蒜非常充足，只是蓋住成個蠔殼，3隻蠔殼有5隻蠔仔！是日消費$70，食咗3隻蠔仔🦪食完真心不推介，可一不可再！