豪華小食

營業中

休息中

Feeling slightly hungry, we walked past this street food stall and decided to buy some skewers to fill our stomach. 豪華小食 was located at Prat Avenue, couple of minutes walk from Tsim Sha Tsui MTR.Even though it was just a take-away stall, they served a wide range of HK style street food, such as beef offals, soup, curry, fishball, siu mai, five treasures, satay, fried items, braised food and drinks etc. All ingredients and skewers were displayed clearly behind the glass window so we were able to

⭐️豪華小食⭐️📍:尖沙咀寶勒巷1號地舖呢間位於尖沙咀嘅街頭小食 行過路過都聞到佢香噴噴 難得今日經過 就買左幾款反屋企做宵夜！呢到裝修比較新式同乾淨 因為開左唔系好耐😍佢哋呢度亦都有中英對照😂真係好方便外國遊客！小店除咗牛雜之外 仲有串燒、炸物、小食、滷味凍食等 即叫即整 等候既時間都唔會好長 大約5分鐘就齊晒！🍲大碗蘿蔔牛雜裏面有牛肚、牛蒡、大腸、牛肺同蘿蔔 蘿蔔好清甜入味 牛肚好淋好爽口 我最鍾意食牛肺 軟嫩濃味！🦑椒鹽魷魚酥一串有好多蘇 熱辣辣滿佈椒鹽 唔會好乾 好煙韌有咬口 如果冇咁鹹就好啦🙈🍆煎釀五寶$20可以用任選五款 有得揀青椒、茄子、尖椒、豆腐呢啲常見款式之外 仲有韭菜餃、腸仔、雲吞皮、魚皮餃、豆卜、蟹籽丸、紅腸、海膽丸、腐皮魚腐、芝心丸等 熱辣辣 上面仲灑滿左椒鹽！

裝修較為新因為佢哋都唔係開咗好耐。全部都冇得坐側邊一兩個紙皮箱同埋發泡膠盒都喺垃圾桶月。佢哋有一個較為特別嘅選擇叫做五樣煎寶。有得揀炸魚蛋炸茄子炸青椒炸紅腸同埋二十幾種選擇嘅炸物。在喺裏面揀五樣。出食物嘅速度好快幾分鐘就有得拎。雖然佢哋好忙但係佢哋個收銀都好有禮貌好有耐性好咁樣講解竹。價格喺尖沙咀同行平大約一成左右而佢哋嘅選擇亦比同行差唔多。串燒一吋大約十幾蚊左右牛雜嘅價錢就係三十幾蚊細四十點大嘅。

🌟燒賣關注組推介 — 豪華小食▫️喺尖沙咀嘅寶勒巷嗰度一向都多美食，見到燒賣關注組推介，就嚟到呢間豪華小食試下～▫️$10@5粒燒賣都幾煙韌紮實，皮都幾薄，不過就一啲魚肉味都冇，而且豉油就唔太夠味，整體一般般。▫️地址：豪華小食 (尖沙咀)尖沙咀寶勒巷1號地舖▫️#goeat燒賣#goeat尖沙咀#燒賣關注組#香港燒賣關注組#駿業士多#駿業里#駿業街#觀塘美食#魚肉燒賣#30Store#叁拾士多#觀塘工廈#觀塘美食#尖沙咀街頭小食#香港美食#香港街頭小食#尖沙咀地道小食#魚肉燒賣#豬肉燒賣#豪華小食#尖沙咀美食

行過寶勒巷，見到有間好靚仔嘅小食店，睇戲好肚餓 一於幫襯下先🤩原來勁多野食，有炸既，有串燒，有滷味，有牛雜既👅👅👅嗌咗我最鍾意食嘅炸雞脾，呢個雞髀好得意㗎有少少橙色，一問之下原來係平時滷水嗰隻橙色，渣得啱啱好，個皮好脆口，肉質依然可以鎖住🤪椒鹽燒賣皮好薄呀，外層炸到脆卜卜，魚肉味道夠香，唔會好粉，配埋椒鹽好惹味呀😜椒鹽雞腎口感勁爽口，加埋啲椒鹽點綴😙炸牛丸粒粒都好大粒呀❤️仲嗌左幾串串燒，燒豬腩肉同燒牛舌，睇住老闆親手燒，感覺特別好，豬腩肉一直落去咇哂啲肉汁出嚟🙋🏻‍♀️鹽燒牛舌亦都好有口感🤩

尖沙咀寶勒巷豪華小食， 已經 屹立咗喺度好幾十個寒暑， 正正喺 寶勒巷赫德道 三角位，無論有邊條街過嚟都好輕易搵到佢。小店經過裝修煥然一新， 地方乾淨咗食串魚蛋燒賣都安心啲， 而且仍然 提供各種香港人喜愛的小食，牛雜/煎釀三寶/車仔麵/ 碗仔翅 都應有盡有，行過路過， 吉返串魚蛋燒賣是常識吧。車仔麵 三餸都只是 36 元， 而且配料選擇豐富， 甚至可以揀隔離即炸的釀豆腐/雞翼等等， 而且又有牛腩牛肺可以揀， 仲有 各式餃子及丸類 生菜韭菜等等， 勁多選擇。 蘿蔔十分清甜， 釀豆腐外脆內嫩， 雞翼唔會炸得過乾， 仲有個款汁可以揀咖哩汁牛腩汁有辣有唔辣，抵食。生菜魚肉湯25 生菜魚肉湯 簡直是我最愛的港式小食，魚肉做得挺身， 食得出魚肉彈牙 唔會削。 而且一碗份量勁多， 加埋少少麻油同胡椒粉 ，香氣十足又彈牙。牛什32呢樣簡直係買少見少的港式小食， 下欄食物功夫多但係利潤不多， 見到就要買個食多碗了。 牛肚牛肺牛蒡牛腸 ，每樣份量都畀得足，牛雜的醬香味濃郁， 加埋滷得入味而有鮮甜的蘿蔔 ，的確讓人口齒留香。

好多時係尖沙咀食完飯，仲係想買宵夜回家吃，這間位於寶勒巷1號的小食店絕對可以幫到我!這間小食店有多款不同的港式小食，包括串燒、燒賣、魚蛋、煎釀三寶、滷味、碗仔翅等等地道港式小食!沙嗲串燒，沙嗲醬汁都幾辣但很惹味，黑椒牛丸有黑椒的辣味，牛丸口感爽實而且味道幾濃!墨魚丸爽口彈牙，加上沙嗲醬味道更美味!牛脷都幾厚切，一串都有6塊，口感不會太硬，也有牛脷獨有的味道!炸雞髀，雞髀都幾大隻而且炸得幾香口，雞皮脆口，雞肉嫩滑juicy，加上有落椒鹽，令炸雞髀的味道更出更惹味!椒鹽魷魚鬚，起初以為是一包包那種，不過原來這樣一串串也不錯，魷魚鬚上有不少椒鹽粉，很有咸香味，而魷魚鬚又不會太韌太乾，口感彈牙!

下午茶時間見到有間好靚嘅小食店，買咗幾款小食同屋企人食。先食一份細蘿蔔牛雜。蘿蔔牛雜都炆得好入味，吸晒甜甜地嘅細汁。牛雜彈牙好味。我仲試咗魚蛋同燒賣。每串$5好抵食。估唔到燒賣唔單止大粒飽滿，而且彈牙仲好有魚味。食得出真材實料。仲有咖喱水魷魚同咖喱鮮魷魚都好好味。要讚佢地嘅咖喱汁辣得嚟又夠香，頗具層次感。水魷魚好爽口！咖喱鮮魷魚$22，但煙韌得來好鮮甜，而且份量仲好多呢！煎釀三寶$20有4件，但每件都好大件，仲有好多彈牙嘅魚肉。

最鍾意食街頭小食嘅人類，嚟到呢度真係好開心😍😍豪華小食好出名，經常都見到人哋喺IG講，今次終於嚟朝聖一下。有幾個朋友一齊黎，叫咗好多嘢食share，見到都開心🥰🥰魚蛋燒賣梗係唔少得，魚蛋辣汁幾好食，但唔會超級辣。燒賣口感唔錯，唔會有肥豬肉嘅口感同味道。另外仲食咗我最鍾意嘅生菜魚肉，魚肉好彈牙，口感厚實。個湯就有少少味精㗎啦，但係都好好食😋串燒小小貴，但醬汁超惹味！雖然好邪惡，都忍唔住叫返串豬大腸🤣🤣🤣

我一向都鍾意食港式小食，辣魚蛋、碗仔翅、雞蛋仔等等我都極為喜歡，知道尖沙咀寶勒巷有間新開嘅豪華小食就走入去試下。港式小食碗仔翅、咖哩魚蛋、魚肉燒賣係必食之選，所以我今次都揀咗依三樣嘢，另外揀咗牛柏葉、咖哩魷魚、司華力腸、咖哩牛脷同埋燒雞髀。碗仔翅超足料，加埋胡椒粉、紅醋食帶出唔同嘅層次，所有懷舊嘅回憶都返曬嚟。咖哩魚蛋就好彈牙。魚肉燒賣亦都好有鮮味，點埋秘製嘅豉油食，食到停唔到。牛柏葉、魷魚同埋牛脷都有咖哩汁嘅味道，因為係個汁嘅關係，食物嘅層次亦都提升。華力腸就燒得好香口，啖啖肉我最鍾意食。 燒雞髀一樣啖啖肉甘香可口，一口接一口咁食曬成隻雞髀。

呢日出咗尖沙咀做嘅，明明已經食咗lunch，但有同事call我話喺Office未食嘢好肚餓，叫我買啲嘢食返去俾佢，見到轉角位呢一間豪華小食，招牌五光十色，非常搶眼，就是旦執啲嘢食返去餵飼佢啦！呢間小食店真係有好多唔同嘅港式小食，雖然我已經食咗lunch，但見到又真係幾吸引，所以忍唔住買多少少等我返去都可以每樣試吓，又可以同同事開心share。呢度嘅三餸車仔麵都只係$36 ，仲平過深水埗超人氣車仔麵檔好多。咖哩串都好吸引，淨係賣相都充滿港式風味！煎釀五寶好多唔同款式，而且仲好大件。三餸車仔麵揀咗五香牛腩、雞中翼、白蘿蔔，米粉配咖喱汁，店員會將湯同雞翼另上，服務貼心。每款餸份量都算多，我尤其欣賞佢嘅清湯蘿蔔，大大件得嚟又夠入味！咖喱串串都好夠味😋牛柏葉($10)、牛脷($18)、水魷魚($10)、墨魚丸($18)、另外要咗串辣魚蛋($10)，個人覺得$10嘅牛柏葉同水魷魚CP價都好高，另外墨魚丸都好大粒同夠彈牙！炸嘢就揀咗椒鹽魷魚鬚($22)、椒鹽雞腎($15)、椒鹽燒賣($11)、黑椒牛丸($18)，加咗椒鹽特別惹味，我最鍾意雞腎夠爽口，燒賣有5粒都抵食！煎釀五寶就揀咗魚蛋、茄子、豆腐、

經過呢間小食好多次，佢嘅裝修好搶眼，而且排滿買小食嘅人龍😯。.嚟到小食店一定要食魚蛋、燒賣。魚蛋彈牙，燒賣有好香魚茸味。值得一提係佢哋嘅咖喱都唔錯。少少辣🌶，但好惹味，除咗魚蛋之外，配牛柏葉同鮮魷魚都好正。.牛柏葉夠彈牙。鮮魷魚好有鮮味，值得推薦👍🏻。.再嚟一份蘿白牛什（小）。買份細嘅都覺得份量唔少，可以裝滿成個兜😲。醬汁味道好香濃，各式牛雜都好入味，拎嚟餸飯都好正。.🥢豪華小食 尖沙咀寶勒巷1號地舖

我和好友行經尖沙咀，發現寶勒巷地下有間叫「豪華小食」的小食店，裝潢美觀別緻的格調，環境相當不錯，好友話要進去見識下精美的美食。店入面裝潢很有格調，地方不算很大，環境舒適，乾淨整潔。我選擇外賣，晚上去時比較多食客購買。店內佈置優雅，美食的款式很多，周圍更添置充滿風情的藝術格調。食品價值已貼在外面，十分吸引途人的目光，客人可以方便留覽，選定食品才到店舖購買。食店是即叫即製，我點選了幾款食品，分別是燒牛柳肉、燒豬梅肉、炸龍蝦丸及椒鹽魷魚鬚等，帶回家中慢慢品嚐。燒牛柳肉熱燙燙的燒牛柳肉，非常惹味，咬落去啖啖肉，食落不會太過油膩，不會感到太鹹味，肉質超鮮，必食之選。燒豬梅肉燒豬梅肉鮮嫩彈牙，軟硬度適中，一口牛咬下去精髓來，實在爽口感覺，香氣四溢，味道可口，饞嘴的我很想Encore。炸龍蝦丸炸龍蝦丸好大粒新鮮，一口咬下去，食出很香味，容易入口，口感不錯，我十分愛食，有口感又煙韌。椒鹽魷魚鬚椒鹽魷魚鬚咀嚼後，第一個感覺是肉質有彈性，煙靱有咬口，同一般食到的不同，單單看樣子已經令人唾涎，讓人回味無窮。豪華小食（尖沙咀） 地址：尖沙咀寶勒巷1號地舖  

呢晚放工同朋友去咗尖沙咀買嘢，之後再買嘢食返去做晚餐。由於好想食肉🍖，我好快就諗起寶勒巷轉角嘅「豪華小食」。因為之前仲有晚市堂食時，我訂枱太晏食飯，搞到自己喺飢寒交迫下要搵嘢食🙈，好順手就食咗串好正嘅豪華沙爹，從此令我念念不忘。夜晚八點幾，小店喺云云食店中最高人氣，買嘢食甚至要排隊🙀。小店面積以同業嚟講，算超大。賣嘅小食種類亦都好多，出奇地佢喺呢個地段都無吊高嚟賣，加上望入廚房算幾乾淨，食得安心。由於我哋都咁大食，所以買咗OK多嘢做晚餐，人均消費$100左右，一次過食哂咁多，好滿足😍。可能買咁多嘅關係，有位女店員(定老闆娘?)好記得我哋張單，仲叫我哋去左邊個位等。期間有機會同佢傾計，我哋先至知原來小店唔係新開，而係進行咗全新裝修，將店舖升級，由「華記」改咗名做「豪華」，但其他方面照舊。我認為可算係「舊酒新瓶」，即係指用新嘅形式展現舊嘅內容。我朋友隨即仲話，佢以前飲酒唱K經開一定買，發現新大陸🤣。沙嗲串燒方面🍢，有十四款選擇，當中有啲得呢個系列獨有。沙嗲有得揀辣度🌶，由小辣至大辣。我哋要咗小辣，但對於食開BB辣嘅我嚟講，都有啲過火🔥，因為有唔少辣椒碎。我仲留意到串燒落咗唔少黑椒去醃。題外

這間剛翻新的小食店，原來歷史悠久，由牛雜車仔檔起家發展至現在，幾代人的心血。裝修後地方乾淨，還有角落可以立食。午市主要以車仔麵及小食為主，$36有三個餸。小食全部都即叫即翻炸，新鮮熱辣。煎釀五寶的豆腐及豆卜很香口又大件。椒鹽魷魚鬚彈牙爽脆。炸大腸外脆內軟，帶點咬口。當然必食招牌蘿蔔牛雜，牛膀、牛肚、腸等都炆得入味又夠腍，蘿蔔香甜無渣，超級入味。咖哩魚蛋及燒賣用了自家製的辣豉油，辣得惹味。最後叫了個車仔麵，沙嗲汁很香，豬手炆得入味又腍，牛栢葉爽脆。