豪華小食

營業中

休息中

下午茶時間見到有間好靚嘅小食店，買咗幾款小食同屋企人食。先食一份細蘿蔔牛雜。蘿蔔牛雜都炆得好入味，吸晒甜甜地嘅細汁。牛雜彈牙好味。我仲試咗魚蛋同燒賣。每串$5好抵食。估唔到燒賣唔單止大粒飽滿，而且彈牙仲好有魚味。食得出真材實料。仲有咖喱水魷魚同咖喱鮮魷魚都好好味。要讚佢地嘅咖喱汁辣得嚟又夠香，頗具層次感。水魷魚好爽口！咖喱鮮魷魚$22，但煙韌得來好鮮甜，而且份量仲好多呢！煎釀三寶$20有4件，但每件都好大件，仲有好多彈牙嘅魚肉。