豪宴1號

營業中

休息中

今早同母親大大嚟到啟德飲早茶，呢間茶樓好近地鐵站，環境一般，沒有特別的潢裝，傳統舊式酒樓格調，整體食物都幾好食。醒晨孖寶：鳳爪排骨飯：上枱熱辣辣，但個煲係迷你版，排骨有肉汁，鳳爪都幾好食。黃金糕：好鬆軟，微甜帶椰汁香，煙煙韌韌口感。蟹籽燒賣：蝦肉爽滑彈牙，有鮮味，口感豐富。鮮蝦菜苗餃：菜苗餃嘅蝦肉比較小，無嘜鮮味，粉皮都算薄身。茗茶$9/位🔎豪宴1號 (九龍城)📍九龍城啟德沐寧街2號啟德1號(I) 1樓

今個weekend同屋企人去啟德豪宴一號飲茶，一上到二樓就俾佢個裝修嚇親——水晶燈閃到盲，紅地氈仲誇張過酒店，阿媽即刻拎部手機出嚟狂影相！ 點知一打開menu真係笑唔出😱。平日$8一籠嘅蝦餃，假日竟然要成$2x？燒賣兩粒就收十幾蚊，貴過茶記常餐成個set！伙記仲要同我講：「假日用料高級啲㗎～」望住碟$90黑椒牛河真係呆咗——啲牛肉同樓下新釗記有咩分別？雖然炒得幾有鑊氣，但$90係咪包埋維景view先？係邊啊？不過都有幾樣真心正： 👍 蝦餃皮薄餡靚，蝦肉彈牙到識跳舞 👍 炸雲吞脆到啪啪聲，點甜辣醬無得輸 👍 金錢肚滷得超入味，連底個蘿蔔都俾人清晒 👍 灌湯餃個湯鮮到呢...飲完想encore 【真心建議】 1️⃣ 假日嚟真係要帶多幾張金牛，唔係一陣埋單嚇親 2️⃣ 強烈推薦平日嚟掃$8點心，抵食到喊 3️⃣ 黑椒牛河fans可以skip，留quota食多籠蝦餃更實際

因為有老人家行動不便所以選擇附近豪宴一號！ 預早一星期前訂位當時有位女士邊聽電話邊確實我資料！ 直到今天食飯日子家人到達職員居然話冇資料留枱！！仲問我有冇打錯電話當下聽到真係火都嚟！我係用open rice 資料直接聯絡 點會打錯電話 ?加上我核實紀錄電話係冇錯！ 職員聽完電話居然可以冇落簿之後仲可以屈客人打錯電話！咁態度點叫客人放心喺度食飯呢?適逢星期六家人一行十人最後冇枱比我地!好彩最後附近酒家有位避免狼狽!將來就算冇選擇我都唔會再光臨呢間酒家! 環境迫坐得唔舒服食物又唔算特別！

本來曾經諗過唔寫任何評論，只要以後不再幫襯就可以，但諗吓諗吓又想用評論嚟勸喻這間茶樓的老闆去反思一下，為何去到今日這個年代都仲有咁嘅服務，咁差出品，咁差的茶樓存在？真係對於一啲有心做飲食，有心提供優質食品而由抵不住經濟環境非常差而倒閉的餐廳，非常不公平。昨日專程約爸爸媽媽到屋企附近飲茶，咁啱經過豪宴1號，所以邀請兩老去飲下午茶，不過這個經驗實在太差了，紅燒乳鴿到最後只是表面上看似滷水乳鴿，實質是可能出品已經有一段時間的乳鴿，沉沉的顏色，琳琳的肉質，另一個更加從賣相開始已經接受唔到啦，冬菇炆伊麵，全碟伊麵都是碎碎的，冬菇冇味道，菜心亦非常之老，我都不明白廚房嘅師傅可以忍心照推出這種質素呢？我不是故意寫到咁差，所以亦都唯一可以讚的是蝦餃和燒賣是可以合乎預期，不過怎樣都好，希望老闆可以反思下

從未試過去一間酒樓半個鐘頭都冇嘢食，仲要不停催促咗三次都話嚟緊嚟緊嚟緊，這間咁嘅垃圾酒樓不也吧！雖然有三個房係擺酒席，但係都係得一間啱啱係開席，唔明點能夠可以等半個鐘頭係一碟餸都冇！😡😡😡😡😡😡😡😡😡😡

叫了一碟豉椒鵝腸，硬到根本一件也不能吃。向侍應反映，不能改也不能換，原因只是因為已吃了兩件青紅椒的緣故，侍應拒絕任何跟進。向收銀反映，同樣地支吾以對。乳鴿亦燒得太久，乾得不能再乾。這樣的食物質素，加上這樣的服務態度，令食客很難過也很沮喪。原本預備一試，再考慮預訂壽宴，這樣絕對也不會再去了。The quality of the food is bad, the service is even worse. No one is willing to address and take responsibility, it is one of the worst dinner experiences I have had in Hong Kong. Very upsetting and disturbing to visit this restaurant and I do not recommend anyone to give it a try.

生日飯喜氣洋洋來到啟德豪宴1號酒家。餐廳環境典雅,餐桌上一道道地道佳餚陸續上,讓我們飽嗝透額。鴻運乳豬嫩滑香嫩,入口即化;翠綠的翠芹炒蚌,清新可口;瑤柱甫大大的金黃的,富有點賀歲意味;杏香百花球花香滿溢。 然後燕窩羹湧入喉頭,澳門滋潤的感覺;紅燒雞絲生翅美不勝收;鮑魚扣掌入味精緻;龍躉肉質嫩滑如絲;脆皮雞外酥里嫩是我偏愛。飯後點心更是意猶未盡,紅豆沙可口,賀壽的大。蟠桃壽包超巨大,橙子清新撫慰舌尖。這間酒家美饌琳瑯,讓生日派對無限驚喜。

啟德少有高質中菜大家都知道啟德一向都是美食沙漠Airside開幕後都要多等一陣子餐廳才全部開張呢～這家的中菜我已翻桌兩次沒有味精感，上菜速度快食材新鮮，正宗煮法，已跑贏不少酒樓！！！咕嚕肉好有穫氣醬汁酸酸甜甜的多吃也不膩～炸子雞皮脆肉嫩皮不會離開肉調味剛好很下飯～海皇豆腐羹滿滿海鮮粒，沒有急凍味很有咬口，豆腐豆味香濃～冬天喝肯定暖暖的～另外上菜奇快！必須一讚！可以減少跟親戚的無謂寒暄(笑)總言之是值得推介的中菜！

住咗響啟德8年，呢間酒樓真係唯一一間飲茶點心係可以放入口嘅酒樓，雖然食物質素都未係真係好出色，但係都算係合格。服務質素就真係好一般，可能因為人客多，樓面十問九唔應，舉咗手扮睇你唔倒，叫咗啲嘢食原來缺貨唔會話你知，洗完碗嘅茶盤可以放到你走都未收走🙂嚟呢度最常叫嘅係蝦餃拼粉果，味道同個皮都正常ok，蝦餃隻蝦夠大隻👍🏻燒賣就撞彩數，有時好難食，今次係難食版😂牛柏葉合格，略嫌靭咗少少🤏🏻小籠包🤔好耐以前食過覺得好難食，一路無再order過，今次又再試吓，個皮厚咗少少，但味道同口感今次又算ok～最搞笑嘅係佢俾紅醋我哋沾點小籠包食翅嗰啲醋… 我問阿姐想要返啡色嗰種（鎮江醋呢），阿姐話小籠包係點紅醋㗎喎！🤣🤣🤣 不過佢都無再講太多，淨係好懷疑嘅眼神咁走去酙返碟鎮江醋俾我🤣🤣🤣如果附近有其他選擇其實就會捨棄呢間😂 快啲改進吓啲食物質素～～

4月16日揾食肥華和靚媽，因要到此新開發區，轉巴士往啟德遊輪碼頭，探太陽伯伯及吹海風唞大氣，所以就選擇到此間位於，港鐵站附近嘅酒楼飲早茶，大約早上7：45到達此酒楼，見到巳有八九成入座率，埸面熱鬧，肥華獲侍應姐姐安排坐非搭枱區坐位，真係滿心歡喜，而今早所點嘅點心食物，最高水準係個炸雲吞，有A++評分，而蝦餃及燒賣，亦係水準之作，亦值A+評價，而個南瓜粟米瘦肉粥及鳳爪排骨飯，加埋個潮洲粉菓，味道偏淡，唔係肥華杯茶，都係C級評分食品，反而此酒楼侍應員工，對客態度及奉客的茶葉卻相當好，值得俾👍👍佢

今晚過來食百日宴，座無虛席，好彩訂左房每道餸菜呈上都熱辣辣，我最喜歡第一道菜系芝士焗龍蝦伊麵，好新鮮多肉，魚蒸得好滑，炸子雞就有少少偏咸，糖水香芋紫米露就太甜，整體都ok

食物差，態度差 ，安排差，環境差，又貴又唔好食，市場上咁多選擇唔係一定要食佢囉🙄🙄如果唔係附近得一間酒樓，基本上唔會食呢間田野～ 啲野食又耐唔上菜，啲人態度又衰，完全貼錢買難受 😣

兩碟餸都正常。白飯吹咗兩次。東星斑食晒啲飯50分鐘後先到（吹咗兩次）。全場都係半成人。因為要吹，食物又凍哂。服務基本上係冇人理。。由於比較貴，自己需要走去埋單。所以唔會比正平。平日也唔會建議。。

黑魚籽醬芋角(中點)睇賣相就幾靚仔, 但係食落就麻麻地, 黑魚籽鹹鹹地唔腥, 不過亦唔算新鮮, 芋角似隔夜炸定, 朝早”返叮”嗰隻, 好硬身, 亦唔太香芋頭味, 餡料比較咸黑松露鮮蝦帶子餃$26.8餃皮彈牙, 餡料有微微嘅黑松露味, 同時亦有香芹味, 鮮蝦及帶子都足料, 夠juicy豪宴蝦餃皇($14.8/2粒)蝦餃皮比較淋, 蝦肉爽彈, 有肉汁, 可惜調味太鹹蟹籽燒賣($23.8/2粒)整粒燒賣比較淋身, 冇咬口感, 不過冬菇味幾香, 味道適中北菇滑雞煲仔飯$18.8北菇香而軟滑, 雞肉爽彈冇雪味, 飯粒蒸得剛剛好, 粒粒爽口分明, 略嫌豉油比較淡口冇味醒神孖寶$39.8百花釀魚肚百花部分即係蝦膠部分, 鬆散及不爽不彈, 梅梅淋淋的, 冇蝦味之餘仲要非常之咸, 魚肚部分非常好食健康粗糧糕質地Q彈厚實, 味道有啲似白糖糕, 有少少微酸及甜甜地早茶茶位$8酒樓唔算大, 枱與枱之間比較密集魚堅總評性價比 3👍(以5👍為滿分)

這間酒樓很近住宅又近地鐵站真的很方便。但是星期六日酒樓真的很多人，排曬長龍甘濟。當天我和家人一起到酒樓，幸好等得不算太耐。半小時左右就已經可以入座。我最喜歡就是鳳爪😊，鳳爪味道算正宗，但是水准很難把握，因為我上次試過就沒有那麼好吃。可是這次又煮得入味些。👀所以真的要看廚師的心情。牛肉球我覺得牛肉球雖然有馬蹄的爽口，但是有一種冰凍煮熟的味道，🔥味道差了些。桂花糕桂花糕🐒☀卻出奇好吃，爽口⭐又有桂花清香，如果一個人吃一碟就有些過分了。蝦腸⚡每次我吃完腸粉回家都很難消化，但是我還是想吃，蝦腸皮算滑，算滿意。燒賣😊一籠有四粒，可以看得出來是自己弄的，這次沒有了上次的冰凍味道，知道是當天弄的，裡面的肉有彈性🤔，還算合格。排骨排骨雖然顏色色相一般般，但是調味方面還不錯，真的值得一試。不知道是加了生粉多還是怎麼的有滑溜溜的感覺，跟家裡弄的完全不一樣。還有一款是炸魷魚，大家一定要試試。我是為了吃這個才一再而再地去吃。😏😏😏🐮💆炸魷魚 外皮鬆脆口，不管沾上沙律醬還是醋都好吃。