豪宴1號

營業中

休息中

下午三點幾2位入座啱啱開始食就叫我地埋單先，跟住就熄燈熄冷氣熄電視仲有服務員掃地收碗碟，我問服務員先知4點關門，咪問服務員攞外賣盒，個外賣盒要收2蚊，我地身上冇帶現金，諗住落街飲茶帶張卡就算，結果比經理鬧2蚊都冇咁都要碌卡，又話唔會每個客人都會講收幾點，我想同經理講，明白既，2點入座當然唔洗講，你收4點我3點10分先入座，難道經理應為可以一個鐘內一定食得完走人？定係經理想我地夏日炎炎之時係一個冇燈冇冷氣嘅地方繼續飲茶#同埋知道你地要落場休息所以先打包食物#我都想一次過埋單不用為2蚊再比卡#只好唔再幫襯，落街飲茶變飲一肚氣

今日諗住慶祝吓，七點到咗，然後嗌嘢食，8:30先上菜，等咗成個鐘先上菜，嘢食又唔係特別好食。成個場得幾個人做嘢，要員工完全睇唔到你，吹咗五次都完全無理您，無下次！

好久不見的老表相約到豪宴1號喝茶不用等位，馬上就有4人位置，環境不錯，乾淨舒服，雖在1樓，因都是無敵大玻璃，陽光充沛，非常寫意！醬汁金錢肚～醬汁味道濃郁～有嚼勁山竹牛肉球～牛肉味重及入口有陳皮香味及有彈性，值得推薦香煎蘿蔔糕～好濃蘿蔔～愛吃蟹籽燒賣～我個人口味較清淡，感覺味濃了點，其他感覺都非常好！老表們都說環境衛生都不錯，性價比也高，時日共消費263元，非常划算！

二人同行，半隻吊燒鷄，一條生猛沙巴躉加一碗白飯，埋單唔使二佰。1）吊燒雞，皮好脆，肉質嫩滑，一啲都唔‘鞋‘，熱辣辣即燒即食！2）條魚出乎意料之外，魚肉剛好蒸熟，好滑，好新鮮，豉油葱絲一定有，但仲加了些芫茜，好香，送碗白飯一流，估唔到白飯都咁好食，飯粒軟糯，甘香！第二日再來，行完山，點都要返來光顧吓午餐：3）黑松露蝦仁炒河，滑蛋浸入了黑松露更加特顯蛋味濃稠，蝦仁又爽口，河粉炒到剛好，冇一舊舊，好考功夫呀！唔係咁容易炒得好呀！4）日式海藻脆皮腸，好多謝服務員提示，豉油另上蝶，食時先點些進口，果然好好食，腸粉皮內是鬆化炸醬包著鮮蝦粒，口感豐富，外軟內脆有層次感！Yummy! 飯後點了兩個甜品：5）香芋紫米露好咪，咁太甜，芋粒好粉，又夠熱。6）芒果布甸，是有新鮮芒果肉的，布甸實咗少少，味道可以的！呢個布甸五分滿分給三分半啦！

無服務可言，侍應十問九唔應，招手又無人理？要自己行到去電腦前叫侍應落單。侍應親手接過張單。等咗30分鐘後，才發現係漏單。單都唔見得？二人由入座到最後有食物上枱，需時50分鐘，要重新入第二次單先可以有食物點心上枱。仲要係暖，不是熱的。蒸點心都可以係唔熱？利害！腸粉暖嘅，鮑汁鳳爪暖嘅。熱水又唔斟，乜都要自己行出去收錢處問才有。侍應完全可以當你透明。但隔離枱遲過我枱入坐嘅食飽走，我都未有得食？難道我去咗平行時空？唔明點解咁嘅服務質素仲可生存到今時今日？一定唔會再有下次。

有家人生日所以就決定試下屋企附近的一間新開的酒樓。佢地宜家有新春菜，不過我地人地，試唔到圍餐。晚飯book 左7pm, 星期日黎講算係唔多人，成個場唔算大，要搭lift 或行樓梯上一樓。坐低左就主下餐牌，有套餐同散叫，略略望望套餐，我地最後都係決定散叫（雖然感覺上無咁抵）環境唔算大，但因為新開，乾淨企理，不錯！叫左一個孖寶優惠：蒸白鱔+聖子，侍應之後同我地講無晒聖子轉帶子，我地就無所謂，然後叫km個芥蘭炒臘味，半隻炸子燒雞，一鍋螺頭湯，芝士焗波士頓龍蝦伊麵。上菜都算好快，不過我覺得整體唔夠熱，但都可以接受，食物質素都幾好，炸子雞既皮好脆好滑，湯就好夠熱又足料，其他的都屬於中上。埋單5位食左1千蚊左右，唔算好貴。

聽聞啟德新開咗間酒樓，一於去試下，「豪宴一號」個名就"娘"咗d, 酒樓唔大，一眼望得哂。新開d 嘢真係好新，碗碟，枱布，地毯都感覺好乾淨。有兩間房仔，侍應話可以唱K, 食飯當晚就有人book 咗房，d 人出出入入開門時聽到佢地叫韓文歌🙈😂，又幾國際化喎。講返食先，天寒地凍，嗌咗個$288羊腩煲，龍蝦粉絲煲，炒豆苗。羊腩煲又煮得幾好喎，抵讚，d 肉夠林，唔會香口膠咁，又夠入味，配料有一碟菜，煲入面有馬蹄，蓮藕，支竹，都幾大煲，質素都對得住個價錢。至於龍蝦粉絲煲呢，得個幾條粉絲，差d 以為粉絲係貴價貨，好罕有，龍蝦係薑蔥味，唔講以為食緊薑蔥炒蟹。而蒜蓉炒豆苗就普通，無乜特別，無大排檔嘅鑊氣，但好食過茶餐廳。侍應都好熱情，好傾得，唔會四目交投然後扮見你唔到，可能新開，想儲一班熟客仔。總括黎講，食物係唔錯嘅，會想試埋點心質素如何。就晚市黎講，已經好過佢附近間潮家多多聲，如果點心都唔差，貴少少都寧願食豪宴一號，皆因潮家真係完全唔想放入口，想打大佬即管去試下。

中伏了！本身諗住新開試吓先，下午茶時段三點幾去，個經理話你入去坐啦仲拎埋點心紙俾我哋，點知點完之後有一半嘅點心都冇，個蘿蔔糕係凍嘅，蝦餃皮好厚，最鍾意食嘅鳳爪及豉汁排骨都冇。小籠包味道奇怪。下午茶時段都唔係特別平。佢唯一OK嘅係燒賣

這幾年整個啟德，酒樓乏善足陳，只因附近新屋苑豪宅陸續入伙，終於有多一間酒樓選擇，不用捱屋邨商場潮X酒家臭面的服務態度、每況愈下的食物水準。雖名豪宴，裝潢不算毫，還是走街坊路線，整濟企理那樣，有一邊的4人桌可望落地玻璃景，附設電梯方便輪椅人士出入。新開張數天，所以晨早八點幾就到場，已坐滿大半場人。點心類選擇也是穩打穩紥的款，所以叫的也不另類：鳳爪排骨煲仔飯，排骨4件加1對爪，澆了豉油，味夠料足；魚茸煎釀雙寶，味道和別處吃沒兩樣；豪宴蝦餃王+潮州蒸粉果，粉果比較像菜苗餃；百花蒸釀魚肚，幾個特價點心來說以這個最好吃，魚肚沒腥味。大概還是蜜月期，店內職員還是堆滿笑容，加茶水也快。區內飲茶多個好去處。