豚豚食堂

營業中

休息中

北角匯，已經是區內旺點，可惜場內食肆水平參差。星期日晚上8點仍要排隊，見店外有標示豚肉喜壽燒煱，就排了半小時。坐下點餐才告知全日不做煱物，這其實已經係違反商品説明條例，犯法的。無奈下點了黑蒜豚肉拉麵，起碼店是標榜豚肉。完全冇味嘅豚肉片，就如煲湯肉，湯底亦只是普通白湯加了浮沈的蒜油，就係冇味，仲貴幾蚊！最後，清潔阿姐拿住其他檯收返嚟人家食剩的碟過來收我們的碟，將人家嘅碟在我面前晃來晃去再叠在我張檯上，非常不衛生。好可怕的用餐體驗。

行北角滙商場，隨便找間食肆醫肚。公眾假期的下午一點多，人雖多但等候時間不算長，只等了約10分鐘。不過被安排坐門口位，比較熱。叫了兩個午餐。豚軟骨拉麵的豬骨湯幾香濃不咸，麵條爽滑。可惜豬軟骨只有三小塊，肉質比較柴。其中半邊糖芯蛋不新鮮。反而跟餐的小食吉列流心蛋豬肉餅最好食，外脆內軟。另一個午餐是吉列豬扒咖哩湯烏冬。豬扒粉漿炸得夠脆但豬扒較薄，冇曬肉汁；咖哩烏冬湯就不錯，不會杰撻撻，夠香濃。烏冬質素好。

今天我公主突然說要請吃飯，因她的上司調職太開心．哈．我們每次去北角匯都不會去這間，可能不是太吸印，但今次實在再吃其他，就試試這間吧．我們工５人，叫了個2 X２人餐，這個餐都幾抵食，主食兩個＋三個小吃，我地 LEE D 喜歡吃小吃多過吃主吃的就啱晒．價錢中等.這個芝士年糕很好吃, 皮很軟, 芝士拉絲,. 這個猪扒滑旦飯就...滑旦賣相很差, 實際口感都不好吃, 反而猪扒 ok . 肉身諗.這個炸雞有驚喜, 原本以為小吃一般啦, 沒什麼期望, 點知外脆內軟, 還有不少件. 抵吃. 這個吉列猪扒旦包飯就....咖哩汁一般日式啦, 好採不是太喊, 但件吉列猪扒就...an 都咬唔開, 咬到牙都軟埋. 不知何解, 可能隻小猪很懶, 不做運動.這個炸耗&炸蝦是我大上皇指定的, 他每次去吃日式飯是都必定叫的, 我們做細的, 明知這些是超一般的, 但都是要叫的. 果然好一般.這個猪軟骨拉麵都幾夠味 (不是大重味精), 軟骨都好諗身, 我太上皇都吃到.

下午茶時間北角匯好多食肆揀，係豚豚食堂門口見到都幾多人就揀佢試，下午茶餐一個飯或麵加一個小食價錢都ok吉列流心蛋豬肉餅一上菜賣相好吸引，蛋雖然流心但完全冇腥味但暖暖地，吉列唔油膩又脆口，但叫豬肉餅就食唔出肉味，跟小小椰菜沙律清清口腔舒服招牌牛油拉麵湯底夠濃我鐘意，牛油太小香味唔夠出唔到主題，义燒夠冧但有肥膏邊邊好肥，拉麵好彈牙冇鹼水味夾埋湯好好味總結:服務有禮貌同細心，但枱與枱之間太埋好似抗疫衛生有啲危險，下午茶好多配搭可以去試好多次都未重覆，期待下次去開北角可以食

係北角滙搵食，未必一定貴，其實都有啲比較平少少嘅食店，其中有一間叫豚豚食堂。我不太清楚豚豚食堂是否連所式的日式快餐店類別，不過見其裝修，就似日版茶餐廳(我見識少)。裝修係其次，食品味道先係重點。同友人各自叫咗個丼，友人話個咖喱味度似日式咖喱，即唔太辣有少許甜味，不過就唔係香咖喱味。我就食個滑蛋豬扒丼，先評個湯，飲落味道淡，感覺似水同料分開未煲埋一齊，所以都酌量夠了。主角係豬扒，咬落去鬆脆有肉汁，唔太油不過就淡味少少，豬扒厚度適中，炸皮唔可以話薄，不過就無甩出黎。滑蛋正常、洋蔥應可以炒香少少先出嚟。至於配菜，簡單一個芝麻醬加粟米，已經幾醒胃。埋單二位都係百幾蚊，算係北角滙內平價食店，所以用正常心態去食，會滿足的。

收工近近地就係北角匯個商場食飯️，見到meun套餐好掋食就入去試下，平日夜晚去到都坐滿人好彩都唔使等位☺️♥滑蛋吉列豬扒飯吉列豬扒炸得啱啱好唔會好厚粉 好有口感啲豬排唔會太靭 滑蛋撈飯可以食到一粒飯都冇淨😋♥白豚拉麵豬骨湯底 唔算好濃 叉燒好入味 個人嫌麵底有啲太淋🙈 鍾意食硬身少少♥芝士年糕呢個真係超好食😍😍😍 外脆內流心 應該係點咗芝士粉先再炸 超濃芝士🧀😋😋😋♥燒雞軟骨同燒雞翼 (各2串)燒得啱啱好 又唔會太咸 熱辣辣食先係最好味😋♥蒜蓉炒魷魚鬚 炒得好惹味 份量都唔少♡ 以上係自選二人套餐$228，任選兩碗拉麵/ 飯➕ 任選三款小食 夜晚抵食之選😋😋😋價錢唔貴 味道都可以☺️*佢仲有印花卡儲咖，滿$50有一個印花 可以換現金卷 一至四平日仲有三倍印花添❣

每次經過豚豚食堂，外面總是大排長龍，店內環境舒適之餘，食物款式繁多😯晚市亦有提供一人及二人套餐，除了有主食之外，仲有多款小食，價錢完全唔貴。豚肉壽喜燒定食$73，加$5改配了讚岐烏冬👍👍👍👍👍壽喜燒湯底味道帶甜，鍋内有娃娃菜、大蔥、金菇、豆腐及豚肉片，非常豐富。炸雞塊咖喱烏冬$75👍👍👍雞塊炸到卜卜脆，雞肉肉質嫩滑有肉汁，食完唔覺得油膩，加少少檸檬汁更為滋味燒雞翼及燒雞軟骨$45👍👍👍👍每款各有兩串，燒雞翼燒得香口，雞軟骨香脆又有嚼勁，簡單灑上少少七味粉更惹味。雖然是比不上高級日式餐廳，但這個價錢有這麼快靚正的質素，上菜速度迅速，店員態度友善，根本是完全無法挑剔的抵食之選😍😍😍

下班後決定在家附近吃一個簡便晚餐再回家，挑了一家坐得比較舒服的日式輕食餐廳店外的餐牌圖文並茂，有定食、拉麵、烏冬、鍋物、丼物、弁當、咖哩飯、意粉、扒類等，選擇繁多店內裝潢以淺色木系為主，牆上掛上不少以日本裝飾靠近門口位置的座位還有櫻花樹作伴，充滿日系感覺每次光顧必點牛肉咖喱烏冬，烏冬麵質香滑煙韌，咖喱味香濃主角網燒雪花牛扒定食均配味噌湯、是日前菜粟米沙律、半隻熟滷蛋及白飯！牛扒肉嫩肥美，加上照燒汁配飯一流凡惠顧一款主菜，可以半價購買飲品！熱奶茶只須$8每日限量小食燒油甘魚鮫配上檸檬汁，魚皮燒得香脆，魚肉甘香嫩滑

13號的中午，我們兩位顧客拿到B36號的票，時間係1:00前取的，但差不多1:40分才獲得安排入座，一共等待了超過40分鐘。理解取票排隊有分1位（A票），2位（B票），或3-4位（C票），可是等候時間並不是平等，先到先得的！據理解，係B臺有座位，就安排B票入場，一張C票就等於兩張B票。非常不明白，接待不停的安排C票入座，就算係1:30分後取票的，也較我們B票先入座。這個不是先到得的機制，非常不理想，也達不到公平！看到的弊病：1）一些用手機去票的，過了10分鐘才到，食堂也會給他們補票，導致現場等位的要繼續乾巴巴的等！沒有設計好等候時限，剔除過早取票的食客。2）A，B，C臺不均衡的布配，導致較多B票的食客等候時間，與C票的不均衡。3）入座必須人齊才可以入座，看到有客戶不是人齊，也給安排了入座。4）入座有1小時的時限，但不是所有食客也有這個限制，12:00入座的沒有，13:00入座的就有？

來到新開張嘅北角薈唔好以為剩係得貴價食物選擇呢間團團食堂價錢都幾相宜一個晚市日式便當餐都係七八十蚊所以就去咗試試炸雞塊咖喱烏冬 $75份量都算充足 炸雞有成三至四大嚿外皮炸得香脆 入面仍然嫩滑仲有沙律醬同檸檬汁點黎食烏冬亦非常彈牙 湯汁方面略嫌淡咗少少吉列豬扒燒鰻魚便當 $92另外叫咗個雙拼便當來試試一次滿足兩個願望 就係鰻魚同吉列豬扒分量亦唔差有成塊豬扒 同半條鰻魚亦有椰菜絲提供配搭吉列豬扒豬扒香脆入面鬆軟$100左右來講 都叫做收貨另外定當餐 亦有麵豉湯 非常圓滿喺呢啲新商場內 樣樣野食都好貴呢間餐廳提供左一個較平嘅選擇 唔錯

今日同女朋友去北角呢邊staycation,我哋check in完之後就喺附近搵嘢食，呢邊個北角匯都唔錯嘅好多嘢食㗎~在我哋揀咗呢間因為呢間嘅性價比好似比較好，日式拉面60幾數落樓算係咁下次試埋佢間分店先

呢個商場越來越多食肆，喜歡吃的人有口福了🥰平日食午餐時間滿曬座，今日遲D食晏，去到剛剛下午茶時間，套餐款式選擇多，任你配搭👍———————————下午茶套餐：🟫叉燒飯定食配沙律🥗、麵豉湯，飲品：🔺麵豉湯：湯內配上的紫菜夠多，濃度和味道也適中🔺沙律🥗：番茄🍅粟米🌽配芝麻醬沙律、滋味😋🔺叉燒飯：足料每一啖飯入口都係豐富的叉燒，菜，粟米🌽粒、紅蘿蔔🥕粒及其他炒飯配料等等…….珍珠飯咬落有口感、炒得又不會乾👍🔺飲品：凍檸茶：不太甜又多檸檬🍋🥤飯後一杯凍檸茶🥳——————————🟧漢堡扒定食配沙律🥗、麵豉湯、白飯、飲品：🔺麵豉湯🔺沙律🥗🔺漢堡扒：漢堡扒軟熟、醬汁惹味、配在飯上吃就啱曬☺️———————————-🟥蟹肉棒沙律🥗：見到餐牌張相好吸引，就叫多個沙律🥗同朋友share一齊食，果然來到同圖片一樣咁吸引，好大條的蟹棒，沙律菜配芝麻醬🥗⋯⋯惹味爽口的蔬菜🥬🔺飲品：熱奶茶☕️：茶味濃、奶夠香滑————————————每天記下自己吃什麼留下美好食物的回憶———————————

豚豚食堂 - 親民日式食堂今日黎到北角一個新式的大型商場北角匯，這裡匯集了各式各樣的食店，今天午飯就選了豚豚食堂，食堂主打經濟的日本料理，款式多樣化，價錢亦親民，午餐就非岩心水。食堂裝潢日式風格，用上大量淺木色的元素，光線明亮充足，舒適簡約。吉列豬扒蒲燒鰻魚便當點了一款日式便當，用紅黑的經典便當盒盛普，吉列豬扒份量大，吉列皮尚算脆口，肉質嫩嫩；蒲燒鰻魚厚實啖啖肉，加上鰻魚汁十分惹味，便當還配有麵豉湯和沙律前菜。

係朋友公司附近搵野食，係門口見呢間提供好多款午市套餐而且價錢商宜，包括拉麵套餐、咖哩套餐、弁当套餐等等。見呢間客如流水就試一試啦。我叫左《吉列豬扒咖哩飯》($55)，呢個係一個定食SET包埋半隻熟蛋，麵豉湯同少少粟米同蕃茄仔。呢個SET可以加$5配熱飲或者加$8配凍飲。吉列豬扒炸到好香脆，豬扒肉質都幾鬆軟。咖哩汁唔辣都有咖哩味既。啲飯都好好味，粒粒彈牙煙韌。同朋友邊食邊傾計，唔覺唔覺食晒成碟，連汁都清埋！以呢個價錢同埋食物既質素，都係性價比高。

星期日同屋企人一齊去咗豚豚食堂食晏，可能因為係假日，所以都要排一陣隊。佢個拉麵套餐會跟一個細小食，我哋驚食唔晒，所以三個人叫咗兩個套餐：一個豚軟骨拉麵跟細燒肉飯，另一個叫咗咖喱吉列豬扒飯。因為店內有茶提供，所以我們沒有點飲品。🍜豚軟骨拉麵拉麵好快就嚟咗，個人覺得個湯都幾鹹，但屋企人試食覺得係偏濃味一點，口味濃淡真係好個人。🍽細燒肉飯燒肉飯不過不失，正常發揮。等咗一段時間，咖喱飯終於嚟到，普普通通，冇乜驚喜。🍽咖喱吉列豬扒飯豬扒炸到好酥脆～配上甜甜嘅咖喱最後我哋三個人差啲都食唔晒所有嘢食，細食嘅人可以考慮同人share。總括嚟講，豚豚食堂唔算太貴，價錢與食物水準相符，但假日比較多人，店員都很忙碌，服務一般。