豐鍋雞煲 (荔枝角道) (已結業)

食過一次之後應該唔會再食了..味道算普通,冇乜特別  ，啲野食好細份 價錢又貴 ，一啲都唔抵食..蝦滑差唔多要$70，但份量系一般正常份量嘅三份之一，落得幾粒已經冇哂，啲牛都唔算新鮮，除左鍋底系特別之外，冇乜過人之處... 深水埗尼講，算系高價嘅邊爐了 

疫情之下外賣返屋企慢慢Enjoy都要搞搞新意思，皆因食咗一個星期茶記炒粉麵飯都食到有D悶悶地，忽然今日又心癢癢想食雞煲，於是決定外賣個雞煲返屋企食。因為落大雨唔想喺條街度等，所以預先打電話去Order定，6點鐘準時去到，等咗唔夠5分鐘就有得拎，方便快捷，返到屋企轉返落個鍋翻一翻熱就有得食，開心晒。因為我自己鍾意食而且好食得辣，所以就好大膽咁叫咗大辣。食落好惹味好正，大辣勉強頂得住(真係辣得好過癮)，幅相的份量係半隻雞，兩個人啱啱好，食到中段落個烏冬，吸返晒D辣汁，堅正﹗開埋罐啤酒真係無得彈。

今日去深水埗附近購物，行到肚餓，就去咗荔枝角道附近嘅火鍋店豐鍋打邊爐。一打開餐牌，知道佢哋主打雞煲，再見到有很多不同類型的東西叫，一於每一樣都叫一些吧。麻辣雞煲BB辣份量不少，有半只雞咁多，再加上不同類型的配料，味道辣辣香香的，加埋鮮雞味，成為一個完美的雞煲。正！豬皮爽脆既豬皮再配以雞煲既味汁，當然成為了特色的配搭的。頂級雪花肥牛味道非常之香口，肉質食得出系貴野嚟㗎，雪花紋理非常之清晰，夠晒厚切同重牛味讚好！自創爆芝紫菜響鈴特色之選，配合得很好。香濃既芝士配在紫菜同響鈴上，食落有層次，有口感，最重要系一啲都唔肥。再配埋兩杯解渴特飲，成就了豐盛的一餐。

我同老公一直非常喜歡打邊爐，自從上年搬咗去深水埗，因為近屋企幫襯左豐鍋好多好多次，疫情時間我哋都照樣去支持！平時我哋都係散叫，但之前試過一次佢哋嘅$298/人的海鮮餐，今日坐低睇完Menu同老公商量後，決定今日再食多一次海鮮餐！今次個海鮮餐比之前差左，元貝唔新鮮，隻蟹都冇乜肉，嗰餐食完都唔係太飽，不過都冇阻我倆飲咗三支大藍妹餐廳今日人多，唔想阻人做生意，唔使個半鐘我哋就自動交枱！埋單check單竟然變咗$328/人，喺枱的menu 明明$298/人，佢話改漏咗我張枱的menu, 話其他海報已經改咗，我話如果$328/人，我地唔會叫呢個餐，我會叫返散叫。佢話改咗一星期啦！又講到好似我錯咁，依家乜都加價，我唔俾佢要自己「銀」！但做生意，錯就要認啦！仲要俾說話客人聽！最後係毫半不情願下收返我menu價，但我要聽咗好多哽耳的說話，我真係唔會再幫襯！究竟佢明唔明乜嘢係商品說明條例？我係熟客，仲同我講啲咁哽耳既說話，唔係比唔起，但算啦！唔好意思，真係冇下次！

今日經過深水埗唔知食咩好，咁岩又已經差唔多半年冇食過雞煲，誤打誤撞之下就嚟到豐鍋雞煲。兩個女仔比較細食，所以只帶咗半份雞煲，另外加咗份小食同埋嗌咗幾款配料打邊爐。落單之後，店員好快就送上雞煲，店員會喺現場炒雞件，炒完就食得。雞煲嘅醬汁質地濃厚，牢牢咁依附係每一件雞件上，食落都幾濃郁。因為叫咗BB辣嘅關係，辣味唔算重，不過越煮就會越辣，越食越惹味。雞件嘅肉質都幾香滑，用料新鮮。值得一讚嘅仲有魚皮，每一塊魚皮都大大件，脆卜卜得黎味道仲好香，同雞煲好夾。鮮蝦木耳雲吞份量飽滿，係店舖自家製，不錯。另外再點左牛柳粒同油麥菜，食到超級飽。玫瑰梳打唔會過甜，玫瑰味唔會太「假」，而水蜜桃梳打都好香濃水蜜桃味。

上網睇到有人介紹呢間火鍋雞煲店，今次經過就入嚟試吓， 當然要試吓佢哋最出名嘅麻辣雞煲，我哋兩個人只係叫咗半隻小辣，另外仲叫咗啲火鍋配料。有自助調味區，當然建議去混醬時帶返個口罩會比較安心。麻辣雞煲配左香芹莞茜，食落好香，半隻份量都幾多，唔會有好多骨，食落惹味，下次可以叫中辣或以上。食到咁上下就開始加湯打邊爐，特別推介嘅係呢度嘅手工即炸魚皮，同出面食落唔同，呢度嘅魚皮係原塊即炸，面頭嘅鹽同胡椒唔會話好多，唔太重口味，不過就好厚身，好新鮮。仲有打邊爐會叫嘅唐生菜、牛柏葉。打邊爐點少得肥牛！呢碟頂級雪花肥牛份量多，每塊都切得厚身，有咬口，雖然脂肪唔算好多，但肉味就幾濃。水蜜桃梳打同鹹檸七，夠晒大杯，好消暑！

之前有聽人講過依間雞煲，原來佢深水埗都有開店。6點幾鐘去到人少少，點知一台枱嘅客人慢慢入座七時多便已經坐滿。大部份客人都係預訂左，好多都係大枱。佢呢間分店有個海皇餐，似乎都幾多人食。我今日都係想食雞煲，食完再加肥牛打個簡單嘅邊爐。我本身食唔到大辣，叫咗個細麻辣，麻味重好過癮。雞本身幾新鮮幾滑，半隻雞兩個人食，食完已經半飽，加湯打邊爐，唔點咁多嘢。食麻辣嘢一定要有飲品，美國肥牛大大片，幾新鮮。佢依塊原片魚皮，好厚身，同平時炸魚皮口感好唔同。冰豆腐係我好鍾意嘅打邊爐良伴，健唔健康我唔理但係佢好食咁多油嘅湯底，最啱淥油麥菜。價錢唔算好平，但幾好食，服務亦唔錯，唔怪得知有咁多街坊捧場。

今晚同朋友一齊嚟到深水埗買嘢 咁行過呢一間火鍋店覺得好肚餓同埋有啲想食雞煲咁我同朋友就試下呢一間火鍋店。 入到去我覺得 都幾企理， 另外坐得都寬敞，咁我哋就叫咗以下食品：豐鍋招牌麻辣雞煲：我叫左半隻雞小辣， 咁大概煮咗十分鐘左右就可以食 ，要讚嘅就係佢個麻辣醬真係幾辣，味道我亦都幾濃味， 最主要就係個主角，隻雞幾嫩滑 ，就算我煮耐咗少少，雞都保持嫩滑。 我建議大家叫多碗白飯嚟送呢一個雞煲，咁我覺得都幾好，因為我覺得佢啲飯都幾香。頂級雪花肥牛： 呢個肥牛其實大家可以睇到我幅相，個肥牛都唔使講啲乜嘢， 新鮮同埋好有牛味， 其實自己覺得食火鍋最緊要就係配料新鮮 ，同埋佢啲肥牛肥瘦都balance到所以自己覺得係靚嘢嚟嘅。手工即炸魚皮: 呢個魚皮大家又可以見到我幅相，佢呢一個真係好似喺魚刮咗層皮出嚟再炸咁樣，自己食落去覺得個魚皮都幾脆， 另外佢唔似係街出面叫嗰啲咁行貨。麻辣雲吞： 呢個雲吞你食落去個餡料都足夠， 以佢最神奇之處就係放咗少少辣椒落去所以食落去我自己覺得都幾辣，再加埋頭先食麻辣雞煲嗰種麻辣，條脷都已經麻痺曬啦哈哈。最後如果大家鍾意食雞煲同魚皮，我建議大家可以試下深水埗呢一間火鍋店

今日同朋友又食雞煲🐔，因為要去深水埗買嘢，所以呢我哋就搵咗呢間雞煲試試🤪，因為聽人講係高質雞煲，唔試點得呢😂？我同朋友大概七點鐘就嚟到，坐低我哋叫咗個中辣嘅雞煲🍲，一份牛柳粒🐂、一份油麥菜🥬、一份爆芝紫菜響鈴🧀，同埋一份牛柏葉，嚟到個雞煲已經好香！店員仲好有心機咁幫我哋炒過雞煲，重建議我哋唔好落咁多水😍，同埋食咗啲乜嘢先，真係好貼心👍，我哋食完啲雞之後，即刻落咗牛柏葉，牛柏葉吸到啲汁，食落去好惹味😋，店員亦都週不時過嚟睇一睇我哋有冇，黐底仲不停咁幫我哋炒同埋每次加少少水🥺，另外我哋嚴重推薦，一定要試嘅係爆芝紫菜響鈴，因為真係非常非常之好食🤩🤩，試問你嚟到點可以錯過🤤

一直以來兩公婆也想食雞煲，今天終於到了朋友介紹，位於深水埗荔枝角道的豐鍋吃麻辣雞煲。食店相當大，一入店要量體溫，坐低服務員先拿一大碗熱水給我們洗餐具。我們點了招牌麻辣雞煲半隻，可選擇辣度，服務員會幫手拌勻材料，香氣四溢，紫洋蔥非常好味，雞件嫩滑有咬口，味道麻香加點辣，剌激味蕾！吃完加湯火鍋，我們點了頂級雪花肥牛、蜂巢豆腐、爆芝紫菜響鈴及娃娃菜。芝士紫菜響鈴新鮮製作，芝士及紫菜口味豐富好味，吸了麻辣火鍋精華相當好味；第一次吃蜂巢豆腐，很喜歡它的口感，充滿湯汁。頂級雪花肥牛大大片，有牛香味，有咬口唔韌，我同老公極速吃光！特別一提特飲烏梅汁非常好味，消暑解渴，是必點飲品之一。8點後愈來愈多人到店用餐，可知餐廳食物有相當吸引力。

好耐到無食過大餐啦，今日帶埋朋友去深水埗搵食，最後簡左依間雞煲店，食完雞煲仲可以打埋邊爐門口有個天使打卡位我地2個人叫左半隻雞，再加幾樣既火鍋料雞煲有大中細辣可以簡，我地叫左小辣雞煲很快就上桌，店員會再幫你加熱再攪拌一下開蓋終於食得啦，雞汁全都出哂黎，乾花椒麻香撲鼻，配搭醬汁非常滋味，啖啖雞肉都掛滿醬汁，味道非常惹味食完雞，可叫侍應再加清雞湯入煲內然後就可以打邊爐 除了雞好味外，其他打邊爐的配料(如和牛粒、嚮鈴) 都夠新鮮，吃得飽飽的，都只是百多元，好好味！識食一定要 配料加雞醬炒埋一煲 先搞好食！醬料位有沙茶醬同麻辣醬如果嫌雞煲嘅小辣唔夠辣加埋啲麻辣醬一齊食會更加香口！飲品方面揀咗酸梅汁 同桃味梳打水解辣！

入面嗰個女侍應如果睇你唔順眼去就如果你兩個人一定畀咗門口位你坐咗仲要畀咗好細好細嘅枱你你連食嘢都食唔到 好窄好逼 我連續兩次兩次都係咁真係一肚氣 打電話去訂枱我已經同佢講咗我畫唔坐門口位但我一去到去就要迫我坐門口位 一次又係咁兩次又係咁就算幾好食都唔會再去

_前幾日天氣返風涼涼地去左深水埗"豐鍋雞煲"食雞煲過下癮 😋入座前會量體溫同有酒精搓手液位置既間距都好大👍🏻_雞煲我地叫左半隻 叫左小辣岩岩好😍店員一開始會幫我地炒好個雞煲又會黎睇下會唔會燶底 好nice🙌🏻而且帶晒手套 感覺都好安心👍🏻講返雞煲 想講係d配料爆到好香 變左成個煲好濃好惹味 🤪半隻雞份量2個人都好夠🎶之後因為店員有介紹新推出小菜 🧆所以我地叫左個"萵筍炒豬頸肉"試下豬頸肉炒得唔錯 夠軟林都唔會話好韌😋-食完雞煲可以加水打邊爐🍲 因為叫左小菜所以無再叫肉叫咗小小配菜 油麥菜水魷魚同一個比較特別既" 爆芝紫菜響鈴"😯😯第一次食響鈴入邊係有芝士口感特別值得一試👍🏻👍🏻👍🏻_飲品🍹烏梅汁 : 呢個就係似酸梅湯既味道😂藍蝶雪梨 : 💕💕呢杯除左樣靚 雪梨仲感覺滋潤喉嚨 非常適合打邊爐_

其實肺炎當道出去食嘢係幾牙煙舖頭入邊會幫你量體溫啦 而且位置闊落每張枱相隔都超過1.5米 跟返安全標準揀咗無乜人嘅時段去吃 所以我哋都好放心招牌雞煲 加芹菜食雞煲就係要辣 膽粗粗嗌左中辣唔食得辣嘅朋友可以同店員溝通煲滾咗嘅雞煲香氣十足 食落口 辣得好香 好過癮 係舒服嘅辣 唔會令到你肚仔痛 我地叫左半隻雞 好多肉 有無乜嘢脂肪 令到你覺得每一啖都係肉 落啲芹菜 加上煲啲辣油 真係好過癮黃金炸魚皮我都係第一次見手臂咁長嘅炸魚皮炸得好爽脆 乾爽唔油 而且配上上面嘅椒鹽 真係天然嘅薯片椒鹽豬扒外皮都係唔油 豬扒就炸到好軟熟唔漏係一碟好出色嘅下酒菜 令人吃到上癮不知不覺就會吃曬 而且都係用椒鹽炒炸物陪椒鹽 真係無得彈 正正～咸檸七 酸梅汁飲品方面都係咁啦 夠凍 夠氣 夠爽 哈 如果唔係點吃辣雞煲啊係一次唔錯嘅雞煲體驗有下次 我都會同朋友推介豐窩

連續好多日係屋企食清淡住家飯，難得出開街去食下濃味野。.🔸豐鍋招牌麻辣雞煲(半隻) ($188)分數: (7.9/10)雞煲上桌後，店員協助把雞煲炒熟，熱騰騰，很多香料配料，炒得香濃，雞肉很滑。.🔸牛柏葉 ($60)分數: (7.5/10)吃完雞後，加少許湯煮汁，再落牛柏葉，能完全吸收雞煲汁，爽口又彈牙，不過切得較幼細。.🔸即炸爆芝紫菜響鈴 ($46)分數: (8/10)響鈴很特別，吃到夾著完整芝士塊和紫菜，響鈴只需淥幾秒，過程不足以令芝士溶化。.🔸娃娃菜 ($38)新鮮，爽甜。.🔸菜心炒牛仔肉 ($88)分數: (7.8/10)菜心幼嫩，炒牛仔肉軟熟，沒有難咬的問題。.🔸日本產珍珠米飯 ($14).🔸水蜜桃梳打 ($42)分數: (7.6/10)水蜜桃味很香，適合喜歡甜飲的朋友。.🔸烏梅汁 ($42)分數: ($7.8/10)酸酸甜甜，更開胃，適合喜歡梅酸的朋友。.🔸醬油收費$8/位，可到自助調味區調自己喜歡的調味。.🌈門外有一幅打卡牆，等位悶了，有娛樂了。