豐鍋雞煲 (荔枝角道) (已結業)

疫情之下外賣返屋企慢慢Enjoy都要搞搞新意思，皆因食咗一個星期茶記炒粉麵飯都食到有D悶悶地，忽然今日又心癢癢想食雞煲，於是決定外賣個雞煲返屋企食。因為落大雨唔想喺條街度等，所以預先打電話去Order定，6點鐘準時去到，等咗唔夠5分鐘就有得拎，方便快捷，返到屋企轉返落個鍋翻一翻熱就有得食，開心晒。因為我自己鍾意食而且好食得辣，所以就好大膽咁叫咗大辣。食落好惹味好正，大辣勉強頂得住(真係辣得好過癮)，幅相的份量係半隻雞，兩個人啱啱好，食到中段落個烏冬，吸返晒D辣汁，堅正﹗開埋罐啤酒真係無得彈。