豐源餐廳小廚

營業中

休息中

之前已經試過無數次這間小廚的咕嚕肉，椒鹽豆腐等小菜。雖然價錢略貴，但味道一流小菜很有鑊氣，而且份量十足，每次屋企叫外賣都會諗起這間小店，好想每樣餸菜都試👍今日第一次試食外賣午餐，好有驚喜🤗$50一個lunch set, 又熱辣辣嘅蓮藕湯再加大大盒嘅飯。雞扒好嫩滑，煎魚仔脆卜卜，真係有圖有真相。小廚位置較偏僻，大部份人都會去堡壘街食飯，但只要行上一條街，去到建華街街口，就會看見這間隱世小廚。極力推薦👍

在年廿九和家人晚上到“丰源”品嘗了美味的豉汁蒸白鳝、咕噜肉、啫啫生菜煲和椒盐鲜鱿。 本想尽快执笔但接着忙于拜年及新年节目终于等到今天才有时间坐下来写这个食评。家庭式的经营，餐厅面积不大，但小店简单及整洁，加上店主热情好客和充满镬气的食物，我所点的菜式都保持了广东的味道，想不到在北角偏僻的一隅，有如此高水准的食肆👍👍👍可能周邊住了不少的北方人，歺牌上亦有很多北方菜式，下次要來试试他们的剁椒鱼头和酸菜鱼

第二次幫襯，今晚家裡4人共點5道菜，分別為：1. 咕嚕龍鳳球2. 酸菜魚3. 蒜蓉粉絲蒸茄子4. 椒鹽九肚魚5. 金涼瓜整體而言，5道都好味道，5道菜感覺都有鑊氣或廚師用心烹煮。金莎涼瓜，又脆又入口有啖啖蛋黃沙，成餐最有驚喜既菜式。椒鹽九肚魚，魚肉夠滑，又炸得夠脆。咕嚕龍鳳球D汁夠味，所謂龍鳳球係雞mix蝦。雞口感有少少偏硬，但可接受。而蝦就好彈牙，口感又爽又Q，令人食過返尋味。至於，酸菜魚，鱸魚夠滑，配埋啲QQ口感既水晶粉，個湯唔太油，同帶有微微酸辣味。相對其他主打酸菜魚、水煮魚既食店，佢味道偏淡，但唔係唔好食。各店有各店既風味，濃與唔濃味，我覺得整體好食比較重要。怕辣又想試酸菜魚既，佢會啱你。蒜蓉蒸粉絲，相對味道比較普通，茄子不太濃味，但粉絲有好濃烈蒜香味，但整體合格。是次4人共食$591。我覺得晚市來講，價錢合理。雖然店舖位置要行長斜，但相對比較靜，方便家人傾計。不過，個個人對食要求唔同，還是大家試過先知啱唔唔口味。

中午做快餐入去問佢拿餐牌佢話唔係固定所以曰曰誤同被張手寫字被我而後周圍都係地盤佬係非常熱鬧有點嘈餐為45至65一個包湯一曰有5至6個人餐選可選小菜但真的有些慢有時都我一整條魚食有些驚喜以問道還不錯你問佢飯＆湯都可以不加比你個老板較親切會同吹水關心下你。 晚上我去就有時可能因為店小會坐爆人有失望因為間鋪系斜波上面上去真幾累去左幾次同老板熟左就請啤酒有七八種以我開車就問我飲唔飲茶但可能人手少好似有時得二三個人買單時還收整數打個折頭老板人較好味道不錯出餐慢及上去累較嘈

颱風嗰晚我同仔仔女女落街摷嘢食本人住得近平時返放工路過都有見到生意唔錯嘅餐廳竟然有開門我就抱住試一試嘅態度去食入到去發現老闆娘好親切詳細問過先知原來今日佢同老闆廚師返咗嚟開工想搏下睇下有冇生意結果係爆曬棚得返一張枱坐低之後老闆娘都忙前忙後我哋叫咗碟泰式蠔仔餅老闆廚藝果然好好送出嚟嘅時候熱辣辣香噴噴小朋友都流曬口水仲有一個魚香茄子煲啲茄子真係好新鮮好好味建議大家一定要試下後來小朋友話想飲湯就叫咗一個八珍豆腐湯上到嚟發現超大一兜根本飲唔曬要打包返去做宵夜順帶一提佢哋而家仲有送啤酒可惜本人唔飲

無野做，四圍搵食。好少去堡壘街區，就上去八卦。天降失魂雨，求其見單茶餐廳光光猛猛就閃咗入去。點知悟出 -- 開餐廳唔需要廚藝，最緊要係有勇氣。點咗兩味：泰式蠔餅；另一味佢話冇黃鱔,就推介必試鐵板牛仔骨。泰式蠔餅見圖，成碟一粒粒波黎嘅！？餅？邊度有餅？邊度能夠成之為一個餅？恕我見識少，真係冇見識過蠔餅，可以變成散收收一粒粒，成碟粒粒雪糕咁。百思不得其解，望望前邊嗰枱，啱啱上咗一味椒鹽九肚魚。咁我斷估應該係佢兩樣一齊整，用椒鹽九肚魚漿，求其炸咗啲蠔仔粒，就當蠔餅上枱。味道同椒鹽九肚魚九成九相似，雖不中亦不遠矣。跟住店主推介嘅鐵板牛仔骨一上枱，我立即喝停佢唔要白飯，厲行止蝕。一睇個芡，就知佢完全唔識煮餸，應該係求其搵啲牛仔骨，炒啲菜頭菜尾（啲韌到起曬筋嘅西芹,加啲切到不成型嘅甜椒），最尾成碗生粉水就咁倒落去，先至做到呢一個咁核突嘅效果。牛仔骨仲要夾硬解凍，雪味濃郁，韌到抽筋。埋單承惠260兩個小菜，可謂「負性價比」。味道同價錢完全係伏過九伏天嘅一餐晚飯，起碼有五六年冇伏到咁盡。略分一筆講餐廳環境，絕對有置身福建嘅異鄉感覺。中間一台大大聲用福建話猜枚，店內食客連講普通話嘅都少，差不多聲一色係講

睇呢個app咁多年，第一次寫食評，一家人夜晚去食飯，食六點半，竟然叫炒蜆冇炒蜆，叫九肚魚冇九肚魚，叫勝瓜冇勝瓜，話勝瓜冇入貨，但食食下隔離枱叫九吐魚個侍應竟然話有，都唔緊要反正都叫咗嘢食。個咕嚕雞球粉多過肉，滑蛋蝦仁的蝦乸到透曬明，水煮牛應該要有嘅配料冇擺足，牛肉偏硬，小炒王先最經典，竟然係用芹菜，仲要係濕炒，正常唔應該有芹菜，基本要落嘅蝦乾都冇，換曬魚乾。蒸鱔除左味唔夠之外都冇乜問題，黃金炸蠔都冇問題。叫碗白飯先好笑，一拎出嚟冇煙已經覺得奇怪，成碗隔夜飯咁，第一啖食落去竟然係凍冰冰，超級無誠意。仲有傳菜嗰位哥哥仔嘅行為，上菜嘅時候連佢自己送餐個託盤都擺埋上臺，本人真係O曬嘴，之後上水煮牛嘅時候，枱面有兩粒腰果，佢竟然照擺喺兩粒腰果嘅上邊，跟住成碗水煮牛係打斜咗咁放咗喺張枱度，真係搞唔掂，喇喇聲食完走人出去食宵夜。。。。。

因為近我屋企，所以多多支持。附近無咩食店，以前食飯要落斜路之後再行返上黍，宜家唔駛啦。附近都係車房、學校、教堂、洗衣店.所以平日幫襯都係車房工人同裝修工人。午飯快餐$45 有蒸肉餅飯、炒烏冬等，包老火湯。坐位不算舒服，大家都係快食快走。佢似乎想做晚市小菜，夜晚經過都成日見到一班人夜晚喺度食飯。小菜大概$70-110@始終新開有，好多嘢都未有，而且選擇比較少，同埋只可以現金俾錢。希望之後進步下。

見網上有人推介，又幾近我屋企，所以去試吓。老細推介了他們的魚鍋，果然足料魚肉鮮味，還附送什菜、響鈴和肥牛。老細另推介了2款椒鹽食物。泰式炸蠔仔、椒鹽九肚拼豆腐，後來記得有人讚生炒骨好食，於是又點了。個海鮮鍋，足料好味，椒鹽食物也好出色，個生炒骨上枱時仍脆脆地。新張期間，點魚鍋送2支大藍妹，單點啤酒也有買二送一的優惠。我們6人，全部食清光，但其實點少一個餸都夠食😜。埋單1千鬆啲。👍😄會再來啊！😄✌️