豆漿大王

營業中

休息中

🐑凍豆漿，唔係太甜，好似幾好；但係無糖熱豆漿就試出真功夫：冇豆味，唔夠厚身。呢個係因為黃豆冇經過充足浸泡(甚至我懷疑冇浸過)，再急急攞去快速攪拌(而非慢磨)得出嚟嘅結果。自詡為豆漿大王，可能想自己拆招牌。🐑煎釀豆腐，同豆漿一樣，豆腐係冇乜豆味；肉好少得嗰一細粒，而且好乾柴；味道方面，唔靠點豆瓣醬，實在食唔到落去。🐑酸辣雲吞：酸辣湯有筍絲、木耳、豬皮、豬紅、豆腐樣樣都齊，但作為一個酸辣湯，唔酸又唔辣就係罪。師傅推獻功夫欠奉，竟然有3細嚿獻粉未融得晒一嚿嚿𢳂到出嚟！獻粉用咗馬蹄粉而非豆粉，湯羹因此而變得混濁，欠缺以豆粉打獻嘅晶瑩感。🐑炸排骨，炸得幾香，夠脆，醃味都夠，唯一炸得比較乾爭爭。🐑擔擔麵用中粗度嘅上海麵做麵底，唔啱數，味道亦麻麻。結論係，咁多人攞飛等位，而且要等大概一個鐘，佢嘅食物出品，完全唔值得咁樣等法。

平日食飯時段或星期六日 人流一樣好多十分受歡迎餐牌都多選擇牛肉麵份量非常多味道正常 牛肉質感軟硬適中雖然湯底啡色 但其實偏淡味韭菜餃子（6隻）餃子皮偏厚比較煙靭餡係多韭菜，但係十分之鹹及多味精完全食唔落口，只係食咗一隻就無食非常失望 絕對唔會再食煎釀豆腐豆腐味，非常濃郁而且煎得剛剛好 唔會一夾就散不過嚿魚肉，其實就係一啖都冇感覺偷工減料 只可以說推介豆腐唔好期望魚肉最推介係豆漿豆漿選擇非常多，但需要內部看餐牌而且好大碗豆味濃郁依碗係薑汁豆漿係值得飲

在這家餐廳用餐的經歷令我十分失望。服務員態度差，冷漠，對我的詢問表現出不耐煩。菜品上桌後也未及時檢查，導致食物溫度偏低。更糟的是，結賬時還出現了錯誤，服務員態度依然不改，毫無歉意。食物普通，這樣的服務讓我無法再光顧，實在不推薦。

是次光顧, 本來打算只吃鹹粢飯和鹹豆漿, 怎知吃畢尚感空虛, 遂追加了一碗酸辣淨雲吞, 飽腹感滿滿。1) 鹹粢飯 (炸菜, 油條, 肉鬆) $202) 鹹豆漿 (熱) $263) 酸辣淨雲吞 (白菜豬肉) $44鹹粢飯材料滿滿, 薄薄一層飯包裹著肉鬆, 炸菜和油條, 口感豐富。客人可預先揀選把粢飯1開2, 1開3或整個上, 十分貼心。送來時粢飯是熱呼呼的, 油條十分脆口, 一口有齊所有材料, 十分滋味。唯吃畢整個粢飯仍感空虛, 下次或可加錢加大飯和配料的份量。鹹豆漿有大量油炸鬼, 配以蝦米, 炸菜和蔥花, 賣相不俗。首次品嚐, 鹹豆漿豆味雖濃, 味道亦不錯, 但我更喜歡甜豆漿。酸辣淨雲吞有雲吞4大粒, 白菜豬肉餡料, 啖啖肉, 略嫌接口位略厚。酸辣湯酸辣適中, 用料豐富, 有豆腐, 木耳, 豬皮, 豬紅等, 令人回味。

早上日十點在新城市附近搵早餐食，去到好運中心，想著應該價格相宜些，經過見有粢飯食，是即叫即做HK$20，店內不大座位不多，但有相當多的食客，與友人就直入。服務一般，環境簡潔，乾淨衛生，早餐價格可以。內心掙扎，又想試上海麵，最後想著先來一碗麵，如果唔夠飽就叫粢飯😅，魚翅飯是沒有早餐套餐的。這裏嘅無糖熱豆漿單叫是HK$12，都幾大碗，最喜愛的是自己加糖，豆味濃，我與友人都十分喜愛。兩碗麵都有加雪菜或者榨菜，都係事先用一啲肉絲一齊炒過，我就覺偏甜，朋友就話覺得幾好，湯底唔鹹，個上海麵就好有咬口，面底份量足，的確不錯，所以粢飯要留待下次有緣再來。韭菜豬肉餃子只係得兩粒，而且餡料少，餃子皮夠薄也十分清，餃子上海麵早餐$38。雞扒是即叫即炸的，但頗為焦燶，是大件的厚身的，食落也有肉汁。雞扒早餐就是$42。整體食材質量佳，味道不錯，下次有機會再試粢飯🤨

埋單埋錯，當下已經提醒佢，仲要話我哋冇睇。大聲辱罵。由始至終沒有為自己嘅錯誤道歉，反而將錯誤怪責在我身上。服務差劣，使錢買罪受。好心你啦，服務態度做好先有生意㗎嘛。

見豆漿大王於好運中心開了分店, 內心是歡喜的。一來可隨時品嚐到越來越少見的粢飯和鹹豆漿, 二來可吃到我喜歡的酸辣湯。小店以橙黃色作主調, 予人光鮮明亮之感, 唯店舖始終不大, 放置餐桌和卡座後予人壓迫感, 堂食需有搭枱的心理準備。Lunch Set 選擇不少, 格價相宜, 且供應至晚上6時, 是親民之選。唯當中沒有粢飯和鹹豆漿的選項, 想吃便得散叫。是次先吃酸辣湯, 粢飯和鹹豆漿留待下次才品嚐。Lunch Set1) 脆香雞扒麵 $47 + $6 轉酸辣湯底2) 凍豆漿脆香雞扒麵原為清湯豬骨湯底, 特意加錢轉了酸辣湯底。酸辣湯用料豐富, 有豬皮, 木耳, 豬紅, 豆腐等, 酸辣味道平衡, 不會太酸太辣。上海麵肥嘟嘟的, 雖然掛湯, 但不吸味。脆香雞扒與麵分開盛著, 是細心位。雞扒炸得香脆, 肉質不乾不柴, 醃過, 味道不錯。凍豆漿豆味明顯, 甜度適中。

每次光顧豆漿大王的必點餐單都是鹹粢飯和肉鬆奶脆多，但細看餐牌後，發現原來有許多菜式我都未曾試過。這次一於狠下心腸，放棄必吃餐點，騰出胃容量來試試其他菜式。———————————————————————拼盤包括豬肋骨、雞蛋、雞腎、牛展、豆腐和雞翼。所有食材都滷得相當入味，但滷水味道偏甜，令人容易厭膩。酸辣湯材料豐富，木耳絲、筍絲、豆漿都份量十足，整體調味蒜香味濃，酸和辣的程度都較為溫和，不會太重口味至令人吃不消。雲吞皮不算太厚，白菜豬肉餡菜肉比例適中，有肉香得來也吃到白菜的清甜。醬汁不算太辣，而抄手與酸辣湯雲吞一樣，是白菜豬肉餃，頗為掛汁，但整體味道偏淡，未夠香口。

第一次食呢一間嘢。喺沙田搵食一係就食煎炸嘢，一係就燒肉一係就冰室一係就生冷嘅壽司，所以想食啲暖暖哋溫和啲嘅嘢食，所以今日就試吓食呢一間。我今日禮拜日嘅大約2:30pm嚟到就冇套餐優惠。喺門口睇餐牌嗰陣時都有啲難揀嘅。因為其實單獨睇每樣嘢廿零卅十，有啲六十幾七十。佢賣返啲類似街市嘅嘢，但係佢個價錢mark up一倍。我本身都肚餓嘅，都諗住嗌飯或者麵，但係我睇佢嗰啲飯麵款式好普通。最後落單嗌咗：一籠小籠包一碟炸豆腐同埋一碗雲吞同埋嗌多兩杯飲品（我嗌咗凍豆漿）食完整體都係失望嘅，呢度埋單都$126。同埋地方座位都逼夾。兩個人食都同另外兩個人坐卡位。對到正同埋枱面都唔大。總之迫啦，好侷促啦。小籠包食落就好預製品嘅。雲吞又普通，啲餡個調味極之普通囉講唔上好味。跟住個炸豆腐，我諗住佢係有釀魚肉落去嘅，點知我食到一半都冇肉嘅。原來成舊剩係炸豆腐，一啲肉都唔肯俾。咁樣收$24 ／4舊囉。街市$20都有八舊煎釀三寶啦。最後個凍豆漿都係普通，所以全部嘢都普通囉。個豆漿唔重豆味，但又唔會話難飲，普通。$12一杯，但係份量都係足嘅，所以呢個都冇乜怨言嘅，份量方面。下次都唔會幫襯呢間，寧願行入瀝源食雲吞麵嗰間。

豆漿大王在新蒲崗的本店早已家喻戶曉，是不少街坊和遊客的愛店🫶🏻最近更在沙田開了分店。雖然有評論認為分店的味道不及本店😣但本人這次光顧卻未覺食物質素有太大分別，水準依然高企😃———————————————————————粢飯包得十分紮實，完全不會鬆散😎油炸鬼非常脆口，十分新鮮🤩肉鬆和榨菜份量稍少🤏🏻若果加多一點的話，內餡會更為豐富。但整體調味仍算足夠，本人覺得滿意👍🏻鹹豆漿材料豐富，調味恰到好處。蝦皮份量足夠，令豆漿充滿鹹鮮味☺️油炸鬼吸滿豆漿後變得軟爛，口感十分特別🙂不過可能整體調味太豐富，豆漿豆味欠奉😕有點失色。與其說是脆多士，我認為這四片更加像炸饅頭🥹饅頭炸得非常香脆，配合煉奶和巨量肉鬆，鹹甜混雜，特別得來又非常配合😋😋十分推薦！！肉碎份量十分之多，而且肉質有肥有瘦，口感十足😋調味方面醬汁濃淡適中，還加入了乾蔥碎令肉碎更添香氣。上海麵略粗帶有彈性，掛汁程度一流👍🏻———————————————————————沙田分店的食物質素不比新蒲崗本店的差，而且座位亦較本店舒適，我認為值得推薦👍🏻

我人生第一篇食評就送咗比你，沙田豆漿大王🙂 店員唔知做乜q的，可惜我落咗單比咗錢先上網search，發現呢間分店原來大有前科，奶曬野。嗌一碗鹹豆漿都咁伏…事情經過：1. 下單前已問店員外賣要多久能取，店員回覆「10分鐘內，10分鐘」，態度比我感覺係好快啦叫個外賣姐。好，咁我預10分鐘啦。2. 等等等，10分鐘都已經過咗，等到我後面5個號碼的外賣已取，仍未到我。我有向比外賣的嬸嬸查詢，我認得佢，佢至少執咗4轉外賣出門口比客人，我同佢講咗我張飛個號碼，遲過我嘅都拎曬，問佢幾時有，佢同我講等等。到佢再出黎，我望住佢，佢又無反應無交代。到下一次佢再出黎，又係咁。 姐係點？當人死？3. 已經16分鐘，唔知要等幾耐，唔知發生咩事，外賣嬸嬸無同我交代 係未煮好製作需時要耐啲？定還是漏單？ 大佬又話10分鐘內，咁快手又要人等咁耐？等唔係問題，你都要有個交代講清楚吖比人知個大概要幾耐，如果有排等，我去行下街做其他野坐下，唔洗戇居居企門口白等咁攰。4. 最後索性自己主動去收銀問，唔想再戇居居。個粉紅色頭長髮女職員出去廚房睇下咩事，分零鐘後就拎袋外賣返黎比我，一句說話都無講 連唔意思或者多謝光臨都無！亦無眼

同事介紹這間新開豆漿大王粢飯，大讚好好味，所以今日特登走去試吓。這間食店面積頗細，我買粢飯外賣，買票後要在食店外等10分鐘，服務員有禮貌。 回家即開始享受這粢飯，粢飯本身夠熱度，餡料多，油炸鬼大大件，脆的，但有少少硬，似番焗過，外面糯米軟硬度適中，但比較淡味，整體感覺這粢飯味道一般，$20一件抵食，但還是舊上海店的好味多。

我本身很喜歡吃粢飯，看到豆漿大王就試試佢地粢飯和豆漿。 結論是粢飯還可以，但沒有特別驚喜；而豆漿真的是讓人失望，完全冇豆味！另外點了上海排骨湯麵，排做得非常差，榛子咖啡更是不值得一提。總結來說，這次完全浪費自己的quota 試過就算了。

酸辣雲吞上海麵 。換完都是一堆這個樣子，其實檢查一下不難吧 。本來都只是想吃一頓簡單晚飯 。味道還好，沒有驚喜 。就說是重做，三分鐘就重上，亦都發現這個問題 。一堆這樣，怎麼吃 ？

夜晚趕住去上堂，係沙田嘅商場搵咗呢間豆漿大王食個啲嘢。平日6點鐘即刻入去都好快坐滿人，因為一個人食，所以要同人搭枱。佢呢度有好多唔同口味嘅豆漿，不過我叫咗最普通嘅凍甜豆漿，$12，豆味幾濃幾香，果然叫豆漿大王！另外叫咗煎釀豆腐湯麵，$45，豆腐有3舊，幾厚幾大舊，不過釀落豆腐嘅肉就細得有啲誇…就係相中見到豆腐表面深色嘅個一點，我初初以為係醬汁…上海麵份量就幾多，湯底有啲酸菜、豬肉碎。另外仲叫咗一份韭菜煎餃，$28，見餐牌寫住即叫即整就試吓，點知個皮好厚好硬，感覺一般…結論係最好味係杯豆漿，果然無改錯名😂😂