豆漿大王

營業中

休息中

已經講咗話淨係落豉油，最後係一滴都唔會俾你，服務態度差，已經又唔係多客，寫兩個外賣都可以亂咁嚟，雞翼超乾，白飯超硬，完全冇用心聆聽顧客嘅電話外賣，要光顧的，真係要諗一諗

豆漿大王曾經攞過米芝蓮街頭小食推介，佢嘅鹹粢飯同鹹豆漿都幾出名，其他地方亦都好少見，豆漿同粢飯都有鹹甜可以選擇🤗🤗😆鹹豆漿 $19鹹豆漿嘅配料都幾多，有蔥花，榨菜同埋油炸鬼。鹹豆漿個湯底都食到輕微嘅豆味，湯底唔會好鹹，同配料嘅味道好夾，唔會完全蓋過配料嘅味道，而配料都係比較爽口，增添唔少口感☺️☺️👍🏻鹹粢飯 $18粢飯即係糯米飯啦，咁入面嘅配料有肉鬆，榨菜同埋油炸鬼。四樣唔同食材夾埋，口感好豐富而且，每一條鹹粢飯都唔會太大條，可以一口咁樣包含所有配料一齊咬落去✨✨🥳🥳

以前都買過幾次外賣早餐，平均都要等10-15分鐘，所以今日提早30分鐘電話下單，打算不用等，怎料去到還是沒有，連 單都未落。。。即叫即做啫，唔係而家先煲飯下？。。。最後只有放棄！奉勸大家 好有時間 才去食呢間，不過我平日都比較趕時間，應該幫趁唔到了！食物質素是可以的，但服務是 垃圾級！

之前附近返工成日黎食，今日難得黎新蒲崗，就黎食粢飯，點知叫完黎個粢飯細都已經唔係問題，層飯少到頭尾都見到油條無包到，而且油條仲要淋。之前黎食都唔係咁，姜汁豆漿無姜味，要再叫加姜汁先好d，唔知係咪因lunch 時間所以品質差左😅

上次幫襯已是大半年前，襯今日重陽節朝早得閒，特登過來整個粢飯加豆漿做傳統早餐。由鑽石山地鐵站行過去大概15分鐘，可能因為今日係紅日關係，來到唔使等位，直入，正！熱豆漿水準依舊，豆味濃，口感順滑。但粢飯差咗好多。雖然油炸鬼香脆依嚿，但食落好鹹。唔知係唔係包粢飯既姐姐重手左落多咗鹹菜，定係冇將鹹菜過水。侍應姐姐態度麻麻，漏單又唔認，亦唔會主動睇吓客人有咩需要。如果再冇改善，都未必值得特登來同埋慢慢排隊等。

粢飯呢個足足等左我地40mins咩都上食完都仲未上到已經等到吾想等未出到我地諗住cancel 佢就上桌煎餃子(4件)韮菜餃菜的比例多如果餃子皮再薄點更加好熱豆漿吾甜（因為糖係按自己喜愛加）我係吾加糖ps:問左幾次個粢飯幾時上到姐姐就話按單出但我地見出晒外賣單堂食都仲未上d服務態度又差（其中一個姐姐）再問另一個佢話幫我地睇睇（個時已經等左40mins)趕時間真係吾好叫粢飯不過都吾會再黎

【平民高質上海菜🤪有多間分店就好啦😇】/////小編上個月係附近體育館打完比賽 就同一班波友去食呢間主打上海菜嘅餐廳😝拎得米芝蓮級嘅平民小店 食物味道果然冇失望 特别推介粢飯同鹹豆漿 保留到傳統風味(´･Д･)」.👉🏻鹹豆漿 ($19)小編成日飲甜豆漿 見到鹹豆漿就膽粗粗試下～豆漿有蝦米、油炸鬼、炸菜同葱花配料 質感香滑 炸菜同蝦米嘅味道比較突出 鹹甜呢個組合又幾特别喎🤣.👉🏻煎餃子 ($25)餃子皮煎得香脆 裏面有香濃嘅韭菜味 好多肉汁😽.👉🏻鹹粢飯 ($18)香軟糯米包住大量炸菜、肉鬆同油炸鬼 細細個但好足料 飽肚又暖胃🤘🏻.👉🏻肉鬆奶脆多 ($20)多士有滿滿煉奶同肉鬆 甜絲絲 邪惡之選😈.👉🏻炸銀絲卷 ($23)表面油炸至脆身金黃色 配上香甜煉奶 熱辣辣食最出色！.👉🏻上海排骨 ($23)排骨口感酥脆 稍嫌炸粉較厚 勝在肉嫩唔會太油膩☺️——-📍豆漿大王 (新蒲崗)新蒲崗大有街34號新科技廣場地下9號舖

平民飲食今次推薦：豆漿大王今個假期去行啟德新商場，途經新蒲崗，就試試呢間豆漿大王。入到去坐冇虛席，就知自己揀岩左。1️⃣甜栥飯💰18甜栥飯個飯軟硬適中，唔會太淋，脆卜卜既油炸鬼，側邊加小小白糖唔會太甜，未道岩岩好。2️⃣咸豆漿💰19足料咸豆漿，有油炸鬼，蝦米仔，次次食豆漿大王都必叫。水準可以維持到其他分店既水平。3️⃣薑汁豆花💰15好重豆味，豆腐花好滑，唔鞋，同埋唔會太甜，啲薑汁岩岩好又唔會搶豆既香味。4️⃣上海排骨麵💰38排骨麵表現不過不失，價錢對比其他店舖平，不過個排骨咸左少少。5️⃣甜豆漿💰9甜豆漿同一般豆漿水準差唔多，夏天行到熱可以叫黎飲下。總消費價錢2個人💰99 人均49.5結論（10分滿分）價錢：9/10味道：7.5/10環境：6.5/10 （因為冷氣唔夠凍，同埋位有啲逼）可以經常試食#hkfoodie #hkigers #hkblogger#chansfoodie

很想念咸豆漿&粢飯，就來這裡解解饞。先來酸辣湯麵配咸豆漿。麵食一般般，印象中有滿多的豆腐，方方的一塊。有一點點木耳及荀絲，麵條軟軟的，微辣微酸下吃出一頭汗來。咸豆漿沒有凝結，由此至終仍是滑滑的，只是有點咸。麵的份量不多，加上是我的brunch，所以追加才$ 18“廚師推薦”的粢飯。Size不大但熱呼呼的，是剛做出來吧。正中的油條很酥脆，配上帶點甜味的肉鬆及咸脆的炸菜粒，趁熱將它KO！旁邊點了肉鬆奶脆多，煎豆腐&煎餃子，好像好好味，下次試試。

食過無數次嘅豆漿大王，第一次為佢寫篇食評。講咗無數次就當然覺得佢好食先食。每次去開新蒲崗做嘢都會過去幫襯下。餐廳環境光明簡潔，沒太多多餘裝飾，實而不華。而座位算多但間隔較窄。用餐時間係平日中午十二點幾。餐廳已經開始要排隊，外賣單亦非常多。最後等咗大約十分鐘終於有位，尚算可以唔係等好耐。脆香雞扒麵⁴²雞扒炸得金黃香脆，肉質嫩滑。麵身軟硬適中，榨菜質地脆嫩，食落鹹鹹地酸酸地非常開胃。咸粢飯¹⁸香軟嘅糯米、自家制炸菜、香口嘅肉鬆，加埋我最愛嘅即炸油炸鬼，味道夠正宗，真係非常美味，係我食過最好食嘅粢飯。豆漿⁹豆味香濃，配粢飯一流。

早餐時間最鍾意幫襯呢一度嘅豆漿同埋粢飯，雖然市面上好似有好多同名或者係個名差唔多嘅豆漿舖，不過食嚟食去都覺得呢一間味道最好。每次食呢一度嘅粢飯都覺得好新鮮，入面嘅肉鬆、榨菜同埋油炸鬼都好好味，尤其是條油炸鬼，次次幫襯都係脆卜卜嘅。早餐時間我鍾意要熱豆漿，熱力令佢嘅黃豆味大大提升，有時候會加隻蛋不過今次就冇加到，配埋粢飯嘅感覺就係一個完美嘅早上，真係食極都唔厭。

咁岩喺附近做野，中午揀左黎豆漿大王開餐，12點半左右已經full house! 仲好多人等外賣添！ ✨栥飯✨幾乎枱枱都會點既栥飯🤭新鮮包起，飯同餡料比例適中，油炸鬼仲卜卜脆，配搭埋炸菜同肉鬆好快幾啖就食晒半個😆😛✨韮菜餃酸辣湯麵✨酸辣湯好味！😋😋材料又多，酸同辣平衡得好好🍜同埋稀杰適中，唔會搞到個麵一pat pat咁🥟韮菜餃唔算好飽滿，但味道一流🤤✨咸豆漿✨本身未食過咸豆漿😆梗係要試吓啦！咸豆漿入面有好多櫻花蝦同油炸鬼🦐豆漿唔會好咸，都係淡淡地咁，食到櫻花蝦會多d咸香😅不過因為個人口味，試過一次就夠喇🫣

新蒲崗豆漿大王聽就聽得多都係第1次試佢地個粢飯分咸同甜今次叫左個甜粢飯 2人分一半來食真係想食晒成個呀仲叫左佢推介既鹹豆漿 同五香肉骨麵鹹豆漿有d 豆卜 幾好飲唔太甜/鹹肉骨麵都幾有多肉 湯底唔錯呢間好多野都好平 $10-50 就有交易絕對岩晒小資女孩 打工仔佢地午市平時要排隊架如果去建議買外賣或者晚市去 會少d人#新蒲崗 #豆漿大王 #foodie #food #foodphotography #foodporn#食好西 #食評

今晚早左到新蒲崗，就決定食左晚餐先上堂。18:30都未到，店內已經坐滿晒食客，好逼。門口又已經有幾個人等外賣。好在友人早到，幫我地落定單先。😎一黎到坐低就有得食🤩$18一個粢飯唔係平，但係又真係好好食！😋個size啱啱好，而入面嘅油炸鬼脆卜卜絕對係一條充滿生命力嘅油炸鬼！！但係，等粢飯嘅時間，次次都要等三，四個字，如果真係好好好好好肚餓，唔建議只係叫粢飯，叫個麵都快啲，今次就叫埋酸辣牛肉麵同上海排骨麵，差唔多食完個粢飯先上🫠🫠

早餐喺度叫咗份粢飯,粢飯熱辣辣,糯米煮得啱啱好,裏面肉鬆亦都好夠好入味👍🏻價錢相宜另外鹹豆漿都幾好食,好多料,豆漿底好香濃👍🏻👍🏻食完個早餐好滿足😂👍🏻