豆漿大王

營業中

休息中

位於淘大花園的豆漿大王有好美味的粢飯我間中會買它來做早餐他的糯米飯做得好好煮得透軟硬適中、很煙韌、很有咬口中間的油炸鬼十分香脆肉鬆分量也很足熱辣辣食真的好正如果刻意挑剔的話就只是餡料分布不夠平均🤣🤣🤣但真的好好味，實而不華 ❤️是會令我回到家也會想念的美食

在家防疫叫外賣之前都有試過外賣自取鹹菜排骨飯都ok點知這次外賣大失水準食落幾個飯都不過不失但豆漿同豆腐花都好大陣燶味招牌都寫著豆漿的話真係應該打好基本功品質監控需要改善

今次終於唔係自己一個黎食，拉埋男朋友食，又可以食多d野！勁爽！。我地兩個都係愛好食炸物之人，今晚我超想食飯。所以我地各自叫左飯，同埋第一次坐戶外用餐區。原來坐戶外用餐區，下單後要先結帳的。。😋上海排骨飯 $36雖然個樣睇落頹d, 但其實塊炸豬扒幾好食。醃得適中，唔會太咸，食落都香口。係d米煲得一般，不過咁平無咩要求😋煎餃子 $20$20有4件，都好大隻。不過我地都一致認為菜同肉比例可以平均返d, 呢款明顯韭菜太多。陣味太搶，一般般仲叫左個菜同雞飯。呢間算係幾抵食～簡簡單單又一餐其實呢個時勢同到愛既人食一餐飯已好滿足食完又要帶返口罩嚕～希望睇緊我文章既你都要take care💛

今天去九龍灣看醫生，看完醫生到了吃午飯時間在淘大商場徘徊了一會兒思考究竟吃些什麼 ，皆因自己胃口也不是很好走到商場露天的一角，看見這豆漿大王看到餐牌的午市套餐一點也不貴大概都是30-40左右還免費配送熱/凍的豆漿選了 上海餃子麵，才$36元上海麵質地較腍，不算很有咬口但餃子卻做得很大顆，餡料很足，非常多韭菜，口腔整個都是韭菜的香氣，至於湯底是紫菜湯，帶一點鹹味，但略嫌淡了一點，還可以自己加豆瓣醬，立即令個湯生息不少午市都幾多人吃午餐，需要搭檯，但環境可以接受。性價比不俗

下午茶時間食上海嘢，識食一定會叫粢飯加豆漿!個粢飯似係即叫即包，佢用個包色膠袋入住，一望見真係嚇咗我一跳，多數上海店都係用保鮮紙包啫，心諗:應該唔會中伏掛…但食落個味道真係令我好驚喜，好少可食粢飯個油炸鬼係脆㗎!! 啲飯都好鬆軟唔會太硬，再配埋鹹香嘅肉鬆同香口嘅榨菜，感覺飽而滿足。見個menu寫住仲可以加錢加榨菜、肉鬆、油炸鬼，或者加晒所有材料，呢個做法真係幾特別，多數上海店都冇得再追加材料，不過個人認為一個粢飯都已經好飽了!有粢飯又點可以冇豆漿呢?身為紫薯控，就梗係追加杯紫薯豆漿啦! 米睇個豆漿好似幾大碗咁，但佢就冇乜紫薯味，整體嚟講味道比較淡，呢個令我有啲失望

之前睇電視見到有人推介呢間店，話個粢飯好正，即叫即整。黎到當然每人叫左個粢飯先，叫埋滷水蛋同豆腐，仲有咸豆漿同薑汁豆漿。個咸豆漿幾足料，味道ok，薑汁豆漿呢，薑味唔算勁，係無加糖，朋友覺得好淡味，自己加糖。滷水正常，粢飯呢... 腌菜有啲咸，油炸鬼好脆，飯量正常，唔會太厚，如果可以無咁咸就更好。

淨滷水豆腐 $22一碟有6大舊滷水豆腐 食豆腐都食飽左 不過每舊都好入味 飽都要食😋.上海小籠包 $25新鮮出爐既小籠包熱辣辣 啲水分喺外皮好似好晶瑩剔透咁 隱約見到少少裡層既肉餡 但未至於好驚艷.咸豆漿 $18貪得意試左咸豆漿 裡面有油炸鬼、蔥同蝦米 可能我真係飲唔慣咸既豆漿 油條淋左既口感 加埋蔥同蝦米既味道 成碗野好怪

呢間豆漿大王自從上次朋友帶我嚟食過一次我就愛上咗啦！招牌正宗上海粢飯 $15 （多肉鬆+$2 多油炸鬼+$2）好建議大家加料真係好食好多㗎！不過我自己麻麻地炸菜就唔加啦～最鍾意就係呢度嘅糯米係薄薄一層，再配合埋入面超多料！唔係講笑～真係食過咁多間粢飯最好食係呢間！熱豆漿 $9本身以為叫豆漿大王，豆漿一定好好飲啦！結果真係有啲失望～無咩豆味！滷水豆腐 $22好好食啊！勁入味！上面啲蔥又好香！好鐘意啊！一碟有8舊，份量都幾多！不過服務就真係一般般喇！

酸辣淨雲吞：酸辣湯配四粒雲吞，味道真是夠酸和夠辣，刺激味蕾十分過癮。而且酸辣湯有很多朱紅和豬皮配料，非常豐富！秘製雞中翼：一碟有四隻，賣相已經知道十分入味，因為每隻雞翼的表皮都有滷水着色，雞翼入口軟淋，連骨都能咬開，非常好吃！煎餃子：即叫即煎，上枱熱辣辣的，餡料有很多韭菜，入口香味四溢，連帶豬肉感覺很飽肚。炸銀絲卷：炸銀絲卷配合酸辣湯吃認真不錯，是很好的配搭，銀絲卷略欠鬆化。凍豆漿：算是很大杯，入口有濃厚的豆香味，而且很滑。二人分享以上食物很飽肚，價錢亦經濟！推薦

前幾日看電視節目，節目上介紹一間在新蒲崗賣粢飯賣到有米芝蓮的食店，網上翻查一下，原來這間食店在九龍灣都有分店，故今日咁啱前來九龍灣，就去買返公司當午飯。這裡的粢飯標榜是正宗上海粢飯，還會即叫即包，保持新鮮，價錢還只是$15一個，很划算。我就當然不會錯過，買了一個咸粢飯，一個甜粢飯，可以食晒兩種不同的味道。滿足我這個貪吃的為食貓。咸粢飯入面有炸菜，油條及肉鬆，糯米飯蒸得好煙靱，入面的炸菜，油條和肉鬆比例剛剛好，不會過多或過少，大家都搶不到大家的味道，油條新鮮脆口，炸菜都不過好咸，肉鬆增加了口感，果然不錯。甜粢飯是油條加砂糖，油條一樣是脆的，加了砂糖甜甜的，原來油條加砂糖是那樣夾得來的，真的沒介紹錯。老實說，我前陣子都來過這店吃過午飯，但他們的午飯我就覺得麻麻地，但今次試過他們的粢飯後，果然名不虛傳，怪不得是米芝蓮推介吧！

入到去坐低，發現張枱冇餐牌，我便搵侍應要求餐牌，有三個阿姐唔睬人，我再出聲，另一個串到爆，話你張枱橙色個本咪係囉😡我張枱根本就冇餐牌，最後，係隔離位好心人拎比我🙏🏻準備落單時，見到有個服務鈴，我按左幾次都冇人來寫單，我聽到出面三個阿姐不停高談闊論，我不停再按鐘，按鐘聲響遍整間舖，但仍然無人來，我最後出去門口位要求落單，才有人絲絲然望一眼，但我已無心情食了，只好走人😤咁嘅服務態度，就算請我食都唔會幫襯😤

之前路經淘大時已經對這家粢飯有印象，無奈每次都是吃飽飽的狀態，無緣一試。今天小倆口又找吃時沒有其他心水，便一於去試一試。兩人都不是太餓，簡單的點了咸粢飯和小吃上海排骨，貪嘴的另一半要多了一份小籠包。首先粢飯絕對沒有令我們失望，有驚喜！咬下去時裡面那油條還是脆脆的，飯也很鬆軟，不像其他有些店的粢飯是全都黏在一起油條也是軟的，而且也不貴才$15大元。上海排骨就普普通通，小籠包也是正常水平。為了粢飯，我們會再來的！

第一次去呢間食，唔清楚坐出面枱同店裏面落單方法分別(見人比咗錢先坐出去食)。之後入去收銀到問：我想問下坐入面食係咪都比咗$先？(好有禮貌咁問)。個收銀個女人就勁串勁唔耐煩仲要一路答一路反白眼：你想坐出面就要比錢先！坐入面就最後比！你想點樣？！咁我第一次黎食，佢間店又冇貼住講明點落單,問一下都有問題？d態度差到咁，真心唔會去第二次！食物方面，我唔覺得有咩吸引。五香牛肉普通到冇得再普通，又簿又少。脆香雞扒就係一塊雞扒去炸咗下。態度差，食物質素又普通，好失望。

今晚唔太肚餓，於是近近地揀左屋劘樓企樓下嘅小店—豆漿大王。揀左個粢飯，每次黎到都會想食，即叫即做，熱辣辣，入面嘅油炸鬼好脆，配埋肉鬆同埋炸菜，都幾夾。仲叫左個熱豆漿，唔錯。

事源一個人入去食,其中一位阿姐指我去其中一張有一個先生既4人枱搭枱啦,甘個位先生食完走,甘就有番個吉位,本來睇緊menu,有個大媽極不禮貌地"你幾多個人",我話一個,一個就坐個邊啦,原來有3位小姐入左黎,其實在場仲有吉枱,我咪同個大媽講,係你地既人帶我入黎,個大媽仲係到講,繁忙時間坐一個人位,二話不說拎野走,其實我又無話唔讓,位又係你指人入去,唔通我轉完又走又要揾第二個位攝,食一餐飯轉幾次位你問你老闆會唔會鬧番黎,仲要甘既語氣,你受左氣就揾人睇人發脾氣,甘悔氣甘叻唔好做囉,攞d客出氣,又唔係特別好坐同好食。