譽麵坊

營業中

休息中

🥢南乳雞球撈粗($38)南乳雞球係呢度名物，嚟到點到要試吓🐤雞球都幾多，炸得夠香脆，肉質仲好juicy😋南乳醬分開上，醮醬後雞肉更加惹味麵有用醬撈過，略嫌喊咗啲，但仍有好重鹼水味$40都唔使真係好抵食👍🏻

我中學年代已經食開呢間，由十幾年前嘅$15一碗食到而家$38一碗，好有經驗㗎啦🤣曾經有一排佢哋嘅質素真係差咗，啲雞冇以前咁好食又有油益味😢不過我依然會去幫襯，因為可以懷念返以前嗰種味道🥺早幾日又去咗食，又覺得OK返wo🤣➼ 爽滑豬頸肉米線其實平時我都係食開呢度嘅名物南乳雞球米線，但因為前一晚食咗炸雞，所以我揀咗相對地比較清淡嘅豬頸肉米線。呢度嘅豬頸肉唔係炸過或者煎過嘅，而係白烚嘅，鍾意重口味嘅朋友可能會有啲失望，不過對我嚟講就within expectation☺️➼ 南乳雞球米線同行朋友照舊嗌咗呢度嘅名物，我同佢交換咗幾舊🤣呢度嘅雞球係即叫即炸，上枱嘅時候會見到啲雞球仲係熱辣辣岀緊煙，每一件雞球都好大舊🤣外皮脆口，裏面仲Keep到肉汁👍🏻➺ 小分享：我食咗半個鐘，都Keep住有人行入嚟嗌外賣，10個有8個都係嗌雞球米🤣如果係第一次試嘅朋友，我會建議試咗雞球米線先，因為平心而論佢哋其他嘢食係冇咁岀色。

心血來潮想吃炸雞，所以想起之前一直想試的南乳炸雞！去到餐廳門口不需排隊，剛好坐滿我坐了最後一張台，店舖內是舊式，燈光不是太光猛，餐牌也是細細張有點陳舊，我點了最出名的南乳炸雞米線，心想以而家物價$38蚊一碗不包飲品應該唔大碗，落單後大約5分鐘先上米線，嘩，幾大碗，仲要有雪菜喺面，超熱，湯底應該係清湯，唔太味精味所以我飲左好多，再過2分鐘上埋炸雞，嘩起碼有6塊大大塊，仲有個甜甜的醬蘸下，個醬好多，用唔晒，的確個醬帶起雞味，啲南乳雞塊即炸既，好熱，已經醃夠味好夠南乳味而且有南乳少少酒味添，雖然炸到又香又脆但食完又唔覺熱氣，食下米線食下炸雞咁就食完，呢個價錢呢個味道一定會再幫襯啦

山長水遠入到土瓜灣，一定要試試去呢間有懷舊南乳雞球米線食嘅譽麵坊佢係普通一間小店，主打食呢個南乳雞球。💂🏻‍♀️《南乳雞球米線》$38$38來講呢個價錢真係好抵食，餸同麵係分開上，南乳雞球份量好多，啲雞件好大舊，外皮炸到好香脆，入面好juicy好有肉汁！唔會炸到個雞肉好老，南乳味亦都好香！出面有啲餐廳食南乳會係一種死鹹味，但呢度唔會太鹹同雞球好夾一個人食晒成碟都冇問題。另外個米線係雪菜米線，個湯底雖然係清湯，但係已經好濃味，加少少辣椒油辣辣地更加好食😋如果咁岩入到土瓜灣嘅你一定要試吓呢一間。頒獎軍階:上將🎖🎖🎖🎖

🇭🇰譽麵坊·南乳雞球撈麵 l 自制墨魚丸米線$38之後難得嚟到土瓜灣梗係要試下呢間好出名嘅南乳雞球🐤佢啲雞球真係超大舊 而且啲雞肉都好滑 配埋個汁幾惹味 不過我自己就覺得佢個撈麵味道比較單一 唔算話好有驚喜🤔🤔反而佢個墨魚丸米線相當唔錯 佢個紫菜湯係超香 而且佢啲墨魚丸墨魚味好濃 好彈牙🦑米線口感都唔錯 好值得試下😎🤤🤤·📍土瓜灣新山道6號地舖·#rbyeat #rby好去處#rby港式 #rby土瓜灣

好耐冇嚟過食。佢竟然keep到差唔多的水準，令我驚訝。南乳雞球米線既南乳汁仍然好味，南乳汁好容易做到死鹹咁嘅味，你呢度有好香嘅南乳味得嚟仲要唔會覺得好鹹。酥炸雞球炸得好好，唔會過火太老，米線配既雪菜仍然不錯，但主角米線就又煮到有d淋，唔係好夠彈牙，不過感覺上都係一次次有時又啱口感，有時又會偏硬，有時偏淋，希望下次岩心水。個人叫咪炸魷魚，酥炸口感配上彈牙魷魚一流（當然膽固醇都一流。。。）難得食一次就冇所謂啦。埋單$100都唔使，咁多年都覺得佢好抵食。

今日去咗土瓜環試咗呢一間譽麵坊。入去見到有咁多人已經知道佢唔簡單😜 好多枱都食緊炸雞，一問之下先知原來係佢嘅招牌南乳雞球撈麵。大大件炸雞加上秘製醬汁撈麵，平時怕肥戒口嘅我都忍唔住食哂！

友人推介下揀咗午餐土瓜灣街坊老店。-餐廳屹立多年，主要賣米線同撈麵，亦有少量飯類同小食，係唔少街坊同學生嘅食堂。假日外賣自取，送到後擺放約十分鐘。-南乳雞球米線 $38冇分湯，餸同麵分開裝，冇湯底揀，一律清湯，唔淡唔香，帶鹹，呈透明濁色，湯有雪菜、蔥。米線味道正常。南乳雞球好大份，有5-6大件，香口，肉厚。另附有南乳醬，鹹，有酒香，唔需要蘸太多，兩者唔夾，淨食雞件都足夠。-整體而言，味道正常，價錢同份量取勝，學生嚟講係抵食。

譽麵坊相信住土瓜灣既朋友一定會識呢間麵店。中學果陣有同學帶過我黎食，之後就變咗我係土瓜灣成日去既飯堂。 餐廳格局都係一般面店咁，座位比較密集，有時可能要對住餐廳既貨食野添，不過呢啲都係街坊小店特色黎既。一打開門就已聞到果浸炸雞同南乳既香味。咁多年我都係叫2味野既姐，一係雞球撈粗，一係雞球米線，因為雞球真係好好食。當然佢都有其他野，例如炸墨魚餅，豬頸肉等等。。。今次我就揀雞球撈粗。雞球份量好大份，一碟有大概5大件。雞球炸得非常香脆，而入面亦非常juicy，食得出係即叫即炸既。大家食既時候一定要小心，因為真係好新熱架。而南乳醬係分開上既，咁大家就可以因應個人喜好點或唔點。雞球配南乳醬多咗份咸香味，令雞球更添風味！粗面既鹼水味都重，但由於粗面都有南乳醬撈過，所以都蓋得住浸味。唯一問題係炸雞同粗面都係同一個味，食到最後會有啲膩。不過40零蚊，有咁既質素同份量，絕對物超所值！

好耐之前已經見到唔少人介紹呢間麵店，佢最出名就係南乳雞球麵，十個有八個都點佢，中意食炸野嘅我，一早已經Mark低左，但由於甚少去土瓜灣，所以一直都無去試。直至最近有朋友搬左入黎，今次入黎探佢，順便試埋😏。星期六1點鐘黎到，見到門口只有兩枱人等緊，見唔多人所以決定等，好快可以入座，但原來真正嘅等待先正式開始….😯落完柯打等左半個鐘先有得食。老實講，佢係續荃灣老闆娘米線後，第二間等咁耐嘅麵店😅。南乳雞球撈粗 $38雞球一共有5大件，每件都係雞脾肉，肉質嫩滑；炸雞幾乎無炸粉，雞皮炸到乾脆唔油膩；炸雞本身無南乳味，要點隔離個南乳醬。南乳雞球湯米線 $38米線彈牙，個湯又唔會太鹹，個人覺得湯麵比撈麵好。當日堂食客唔多，但由於小店除左做堂食外，仲有唔少外賣單，結果炸物全部炸唔切，無論堂食定外賣，炸物都要等半個鐘以上。我覺得味道正正常常，勝在價錢經濟，但唔值得等半個鐘😅。

《譽麵坊》土瓜灣街坊推薦麵店❤店舖空間不大，大約26-30個座位，但在限制下又盡量不搭枱，所以位置不多😶南乳炸雞即叫即整，大家要預留多一點時間，而且中午時段人龍不絕，要有排隊既心理準備😆我今日坐近門口位置，外賣真係做到姐姐手軟😊＜南乳炸雞件配米線／撈粗＞$38真係超值😆$38蚊有四大件雞件，雞肉有淡淡南乳味道，炸得比較乾身，雞皮已經係薯片一樣，零脂肪🤭配有一個好深色既南乳醬，這個醬好濃南乳味道，我覺得輕沾已經足夠😅比較冷既天氣庭下，還是建議點配米線，因為撈粗好快就凍左😆另外單點左個炸魚皮$18，超好食👍👍👍佢係熱辣辣炸起的，推薦😙✅

同朋友去開土瓜灣，聽朋友講佢中學食過呢間南乳雞塊，覺得幾好，所以黎試下。全日都統一價錢。南乳雞塊米線$38，雞塊數量都幾多，大大舊，外皮酥脆，入面都幾juicy，我哋兩個人分，當食下午茶，剛剛好～算係特別嘅菜色

首次造訪叫左豬頸肉撈麵麵可選粗幼，我揀左幼同行友人就叫左南乳雞球撈粗 餐牌上寫「爽滑豬頸肉」其實佢冇錯，豬頸肉質算爽口、亦都叫滑啦但我個人極不建議因為豬頸肉竟然係白烚⋯⋯（或清湯淥熟）我出街成日食豬頸肉我預期係煎一煎今次錯了 因本身豬頸肉屬於較重油脂部位白烚冇味既關係你完全食到果種肥豬肉既油膩味有啲似平時蒸肉餅有太大粒白色肥肉比你食到果陣味結果我食左兩條就頂唔順了 友人比我試一舊南乳炸雞球反而唔錯配南乳醬比你自己點唔會太咸又幾香 麵底正常的汁唔會太咸 叫左杯甘香奶茶亦都唔建議太甜甜到唔知佢本身味道係點了味道令我諗起以前一間叫仙跡岩既餐廳既奶茶😂

南乳炸雞撈粗，配左湯撈下個麵，麵份量其實唔多，但佢有6塊大炸雞塊🐓個包漿唔係落南乳醬，南乳醬係另外跟比我擠落雞度。醃料剛剛好🙆🏻‍♀️唔太咸，就咁食都好味。雞塊偏乾，鍾意食鞋雞/雞胸就好岩，個皮都脆，食雞都好滿足😻

今日就揀食呢間好多年啲譽麵坊我就揀左雙拼 南乳雞球拼椒鹽肉排 米線落左單五分鐘 就送左個米線上嚟啦個價錢就越嚟越貴但係碗米線越嚟越細😅😅😅啲米線越嚟越少碗米線好明顯就煮得唔係好夠耐 有啲硬我唔係太鐘意 我自己另外落左三茶匙嘅辣椒油即刻就好食左 本身真係太淡過多五分鐘就上左個餸上黎係即刻炸嘅 咬落去嗦嗦聲 超好食熱辣辣又脆卜卜 不過有幾舊炸過左少少有啲硬 不過浸落去個湯度浸淋少少就好好多個南乳醬超級咸 其實唔落都可以唔使特登嚟食 諗唔到食咩食呢一間就唔會伏