譽麵坊

土瓜灣譽麵坊嘅南乳雞球米線，真係要試！湯底夠熱辣，飲一啖，好清，唔會太濃，加埋雪菜恰到好處。米線煮得啱啱好，滑溜又彈牙，吸晒湯汁精華。重點係嗰南乳雞球，外皮炸得脆卜卜，咬落去「索索聲」，裡面嘅雞肉依然嫩滑多汁，南乳味醃得好入味，鹹香惹味，送米線一流！雖然鋪頭細細，但份量十足，45蚊就食到咁高質米線，絕對係街坊抵食之選。下次經過土瓜灣，一定會再encore！仲有炸雞翼同撈粗都好好食。每次黎都可以轉下口味…查看更多

土瓜灣米線老店。招牌名物南乳炸雞球，雞球大大件，整體份量亦好豐富。 雞球上枱辣辣，表面炸得十分香脆。 入面雞肉生熟程度剛好，雖然未至於鮮嫩到流出肉汁，但都可算剛剛熟唔嚡口。 加埋南乳醬汁，十分惹味。 不愧為招牌名物。至於米線，大致上中上水平。 菜肉雲吞幾飽滿，餡料菜肉比例滿意，鮮甜程度亦都中上。 柱侯牛筋煮得相當之淋，而牛筋仍然有足夠彈性。 但柱候味就比較淡。 米線湯底唔算特別濃，有少量雪菜調調味。 作為湯底算稱職，不過唔係特別特出。 整體嚟講，南乳雞球係必食，而米線都叫中上水平還可以啦。…查看更多

📍📍譽麵坊 (土瓜灣)土瓜灣新山道6號地舖黎到土瓜灣支持小店，想食招牌南乳好耐。平民小店，價錢實惠，份量大份。🧊 南乳雞球撈粗$45有五件雞球，外脆肉嫩，即叫即做，熱辣辣，南乳味非常香濃，點埋醬油，好惹味。🧊 椒鹽肉排撈麵 $45肉排都有五大件，上面加上大量椒鹽，香氣撲鼻，肉排都系即叫即做，熱騰騰，配上撈粗，好食…查看更多

聽人哋講過好多次呢一間土瓜灣名物今日終於有機會嚟試啱啱落好大雨一入到去嘅時候終於可以休息一陣叫咗最出名嘅南乳雞球米線真係超級好食同埋係啱啱好炸出嚟所以有啲「辣嘴」嘅感覺後面有一個食客A食唔晒，諗住要個外賣碗跟住店員提議只係俾個紙袋佢裝走啲雞球就可以咁就可以慳返個外賣碗錢啦喺餐廳嗰30分鐘入邊好多人入嚟買外賣仲要都係熟客一嚟到嘅時候店員連對方想要幾多包醋同埋辣椒油都知道果然係做開街坊生意希望呢啲小店繼續能夠支持落去…查看更多

食店要打響名堂，往往只需要一個殺手鐧就夠🥷土瓜灣的譽麵坊就憑著一碟南乳醬，成為街知巷聞的地區食堂✨———————————————————————雞球份量相當驚人，比粗麵還要多🤣表面炸粉不算太厚👌🏻新鮮熱辣十分香脆🔥內裡保持肉汁豐富💦雖然是南乳雞球，但炸雞本體並無經過南乳醃整😮主要的南乳香味來自於旁邊的南乳醬。醬料入口味道非常衝擊🤯南乳味極之香濃🤩但不會死鹹，反而出奇地偏甜😚確是令人會想不斷追吃的味道😋———————————————————————雖然撈粗麵的部分並無特別，但單單是那個香味獨特的南乳醬就經已值回票價😎難怪會如此受街坊歡迎😇…查看更多

土瓜環呢間譽麵坊真係街坊隱世高手，今次試咗佢哋嘅「炸雞球米線」同「炸雞翼撈粗麵」，兩樣都正到爆！ 炸雞球外皮脆卜卜，咬落去仲有肉汁爆出嚟，配米線個湯底清甜得嚟唔會搶味，米線索晒湯又唔會淋晒，食落好舒服。 炸雞翼仲誇張，皮脆到好似食緊薯片咁，但入面啲肉仲keep到嫩滑，醃得夠入味。撈粗麵啲醬汁撈得勻，唔會太鹹，粗麵夠煙韌，同啲炸雞翼一齊食，邪惡得嚟又好滿足！ 呢度啲炸物真係冇得輸，抵食夾大件，街坊價錢但質素拍得住茶餐廳，經過真係要試吓！…查看更多

南乳雞球香脆雞翼撈粗撈面系一餅 雞球似系炸完再炸 肉質系吾滑雞翼都系炸完再炸 吾系新鮮既炸雞翼唔會南乳雞球椒鹽肉排撈粗肉排正常 雞球都系似系炸完再炸整體評價一般 但無下次…查看更多

早兩星期黎過一次個次係閒日夜晚8點當晚差不多坐滿亦有好多人走入嚟叫外賣可惜人手嚴重不足樓面姐姐根本完全冇時間幫人落單等咗10分鐘都未落到單客人又不斷走入嚟叫外賣有啲人就買單個姐姐根本做唔切當日太肚餓，落極都落唔到單就走咗今次係星期六晚七點到都幾多人叫咗個招牌南乳雞球撈麵$43可以揀lo粗麵/幼麵雞球有六大嚿新鮮炸起熱辣辣炸得非常脆口，最驚喜係雞皮脆卜卜好似食緊雞皮炸薯片咁不過好熱氣😆雞球唔算好多肉汁，但唔嚡口本身雞球都有醃過所以點少少南乳醬就夠唔係會好鹹撈面有配一小碗湯可以中和鹹味老公揀咗湯米線唔算好重味精雪菜米線，正常味豆漿$8一支都係正常豆漿味啦唔係太甜🌸🌸🌸🌸🌸香港小店愈來愈小呢間係土瓜灣多年嘅街坊小店值得支持而且只係$43有咁大碟雞球撈麵真係時光倒流價性價比好高🙌🏻…查看更多

最近在Google Search #雞球米線 看到這家店的米線評價不錯，雖然位置不近MTR，但也特地去試了一下。上菜速度確實很快，讓人第一印象不錯。然而，招牌雞球的表現卻令人失望。雞肉質地非常粗糙，完全沒有預期中的嫩滑口感，反而像是一根根分離的肉絲，咀嚼起來非常乾柴，甚至已經無法用「嫩不嫩」來形容，而是直接影響了整體的食用體驗。炸雞球的外皮也過於乾硬，缺乏應有的酥脆感。食完條脷也有點鞋 ~如果你是想嘗試雞球的話，這家的雞球米線真的不推薦，但去的話要有心理準備。#是次是星期日去…查看更多

土瓜灣俾佢以前真係多咗好多好嘢食加埋而家有埋地鐵站真係好方便呢間米線超級好食聽人講呢一間舖頭已經係有20年以上只不過係佢不停搬舖位個地址今次叫咗南乳炸雞球拼炸雞翼米線一次過可以試晒兩款呢度最出名嘅菜式本身我一般鍾意南乳點知呢一個醬油，真係超級惹味講吓啲雞翼先咬落去嘅時候啲油係會咇出嚟超級香口因為係啱啱好所以真係一咬落去都會有煙噴出嚟雞球我好欣賞佢唔算好肥感覺上佢好似係去咗之後先會咋呢度都有好多唔同嘅嘢飲但感覺上米線真係要配豆漿先最好味我會再嚟幫襯…查看更多

朋友介紹土瓜灣有間麵店超好食所以專誠過嚟一試大力推薦我一定要食南乳雞球，我本身對香口炸嘢，唔係好有興趣既然佢咁大力推薦，我都試一試。貪心少少，嗌咗個雙拼南乳雞球拼柱侯牛筋撈麵，揀咗幼麵。（$49）外皮超香脆，入邊肉質好鬆軟，保持到肉汁同埋油分 冇炸到好乾身！南乳醬另上，唔會過鹹柱侯牛筋好入味，柔軟彈牙，重膠質！醬汁撈埋啲面入口，好滋味！另外，買咗個金橘檸檬紅茶（$18）好清香，茶底濃郁！解油膩好適合！…查看更多

由中學年度食到依家，每一次嚟食都會食南乳雞球迷，除咗係食回憶嘅味道，亦都係因為佢嘅南乳醬做得啱啱好，雞球亦都炸得外脆內軟，份量好多。如果唔鍾意食湯米線，可以選擇撈米線。如果唔鍾意食炸雞，就可以選擇南乳雞絲米，健康啲一樣咁好食。…查看更多

試吓呢間地區小店，見佢出名「南乳」食物，就一於試吓。叫咗個「南乳雞球米線」，米線同雞球係分開上嘅，米線好大碗，已經加咗雪菜，雞球睇住佢喺廚房新鮮炸出嚟，熱辣辣，香噴噴，配上南乳汁，係好味嘅👍🏻。另外叫咗個「雪菜雲吞麵」，雲吞好大粒，皮薄餡靚。我哋仲叫咗個「炸墨魚餅」做小食，味道可以，但質感唔夠實，咬落去比較鬆散，爭咁少少。店舖地方少少，下晝差不多三點幾都不斷有人入嚟食嘢，至於服務員都有禮貌，有笑容。…查看更多

係一間平民嘅麵店🍜 試咗兩碗麵 + 一個小食😋叫咗個菜肉雲吞麵🥟 ($43)雲吞嘅數量都好多😋 裡面嘅餡都好足👍🏻不過略嫌個皮有啲厚🙈另外叫咗個南乳雞球麵🍜 ($43)雞球係炸嘅，好香脆😋而且件件都好大舊👍🏻👍🏻👍🏻小食試咗酥炸墨魚餅🐙 ($52)佢個皮好薄，真係淡淡墨魚肉💛外脆內軟💕 不過如果有泰式辣醬會開心啲🙈整體而言，嘢食係高質而且價錢親民✨不過環境就比較逼😢…查看更多

經過門口係見到裡面係多人👀👀所以就上Openrice睇下食評🥳🥳見到大部分人都叫南乳雞球😋😋😋～ 而且價錢又唔貴🤑🤑🤑，平均都係4x,飲品另叫～ 😃😃坐底左 ，試左佢個咖哩牛腩撈43，無乜咖哩味，不過牛腩都幾冧～味道都蠻可以的，而同行既友人就叫左南乳豬手湯麵，不過就無南乳醬，不停聽到佢話豬手多毛，味道方面就無乜評價了，因為我無試食佢個豬手，再叫左一個沙拉雞球，因為我都喜歡沙拉醬架，另外8蚊，再叫左一支細豆漿，睇個豆漿樽，似乎係自家制，味道都唔錯架…查看更多