譚仔雲南米線 (牛頭角下邨廣場)

營業中

休息中

香港的交通四通八達，方便的很，某天由香港坐車到九龍在牛頭角轉車，天氣轉冷又下起毛毛雨，正好肚子餓的呱呱叫，於是在巴士站旁的「譚仔」食個米缐。種類不多，但主食、小食、飲品都基本有提供。過橋米線，與正宗食法有所不同，材料充足，不過是整碗呈上，有牛丸、牛肉、魚蛋、豆卜、芽菜、豬肉、火腿、腐皮、豬潤、腩肉、竹苼......酸菜及肉醬另上，總體感覺就是酸不足辣不夠。傳統的食法是：用砂鍋單獨盛裝雞湯或豬骨頭湯，米線及其它配料另裝在其它容器中。吃的時候，將二者混合，就成為一碗熱氣騰騰營養豐富的米線。這樣的分裝有兩個好處：1. 湯料表面形成的油膜阻斷了熱氣，起到了保溫的效果；2. 湯料和主食分裝可以避免長時間不吃，主食被泡爛的情況。如今為了方便，沒有跟隨傳統，感覺失去當中意義，只是有名而不實罷了。麻辣雞翼，給人第一感覺是皮不夠脆，然後發現麻辣味也不夠，但雞肉仍有保持鮮嫩和肉汁尚算豐富。作為小食，咸度剛好，單獨食雞翼也不會顯得偏咸。食完外面仍然下著雨，但感覺身體飽暖了起來，我撐起傘子緩步走向巴士站繼續等車…...

係牛頭角返工咁耐，都係第一次食，皆因實在太多人等位，午餐長期門口逼滿人。今日遲咗食，見無咩人終於可以試下，例牌墨丸腩肉酸辣。由於唔記得呢間唔係三哥，所以就出事了，呢間啲酸辣係唔多酸，但就好夠辣，食到眼水都標埋，下次都係清湯好啲。墨丸都算大粒，腩肉份量多，配菜又係好多，所以食一碗係好飽飽，幸好無叫小食，如果唔係就浪費了

我一向都食開米線，米線個麻辣湯底超正，不過次次食完都好口渴.....但今日嘗試食早餐，叫左個豬潤出前一丁麵，黎到時候碗麵已經發脹哂，見到已經唔想食，食第1啖時發覺唔係出前一丁囉，平時食開都唔係咁既味，連湯底都唔係，都唔知比左咩麵當出前一丁，但豬潤依然好味，經過今次我唔會再食佢d早餐，都係食返米線算數。

夜晚自己一個食譚仔，別有一番風味「雞肉，三小麻辣」辣味適中，雞肉食落又唔會太少⋯本人尤其鐘情於麻辣湯底，又香又麻，令人欲罷不能而過橋米線亦份量十足，一個人食夠曬飽，兩個人share又經濟實惠至於環境方面，桌同桌之間太少空位有啲逼⋯希望可以改善下

譚仔雲南米線就食得多……佢嘅早餐就真係第一次食😋好似唔係間間有 咁啱屋企附近嘅牛頭角分店就有一打開餐牌 選擇都ok夠嘅 餐嘅種類分別有粉麵 有多士 有三文治我叫左個豬膶麵+杯熱奶茶 當野食送到黎枱面 諗住嘆完個靚早餐就去開工 惡夢就開始喇首先D公仔麵好明顯煮過龍 完全無咬口 豬膶都還可以 但落多幾條薑絲會無咁腥 唉~最唔掂係杯奶茶 一D都唔滑 仲要勁苦 最後飲左半杯就賣單走人~下次去譚仔 都係食番米線算數~

今日黎到emax睇輝耀姬首映，現場大會消費滿指定金額就有紀念品送，落左地鐵，係德福廣場就有shuttle bus過emax，架車仲係電動車黎，真係方便又環保。睇完戲諗住食埋晚飯先走，但好多人，都係出返去先食喇。點知唔止emax，德福，淘大一樣超長人龍，行左去牛頭角個邊間譚仔。人唔算太多，一去到有位，不過譚仔你去預左左撘右撘，門口第二張枱，啲熱氣迫入黎，真係坐到身水身汗。落單啲阿姐又係ok串咀，大熱天時燥底吖。細土匪雞翼，整得剛好肉嫩，味道正常唔覺一口粉，比上次尖沙咀分店好食多了。紅油豬耳，份量依舊滿滿，味道無變，仲係咁好味，辣椒油少少麻又香口，豬耳爽脆，好食。竹笙清湯，竹笙份量好少喎，爽口吸湯一流，清湯湯底少少鹹。炸醬清湯，炸醬都幾大碗，味道少少辣又帶少少甜，碎豬肉大部分瘦肉多，食落有少少咬口，撈米線好味。簡簡單單又一餐，不過夏天食米線真係幾熱，食到一身汗。未起身已叫定客企隔離等位，使唔使咁心急。

譚仔的米線真的是百吃不厭論環境 譚仔不算寬敞 但也至於銅鑼灣某些逼逼的茶餐廳不過我覺得佢都叫多餸'揀 有時食細細間既車仔麵有D餸話會買晒 好無癮而且佢湯底多 有清湯 酸辣 麻辣仲分好多種照顧晒唔同口味的客人我獨愛清湯 覺得清得黎又有味道係唔係味精我就唔知 我又唔會飲D湯也試過唔叫野飲都無問題咁多種餸我鐘意豬肉夠薄唔會"鞋"炸醬都好夠味道 墨丸都好好味少米線都好夠飽