譚仔雲南米線 (富東廣場)

營業中

休息中

食物越大越差、越嚟越難食！服務態度好差⋯⋯個個員工都好似人哋欠左佢＄一樣！以後都唔會嚟這間食現在社會好多人失業！佢利間請人真係太差了！如果改變下員工！就更好了！相信好多人都這樣認為

第一次係呢個東涌買譚仔 外賣個酸菜魚湯底 有單嗌炸醬 唔係過橋黎嘅 翻到屋企打開一睇笑左 d炸醬就咁放係d米線上面 （我諗住整開完全係天荒夜談）依家係諗住炸醬撈米線？？？咁我嗌酸菜魚湯做咩？？？就當有人鍾意就咁撈埋d炸醬入去個湯度食都係個人選擇啊大佬！！分開裝應該係常識啊唔該？？仲要想講 就咁放係少左勁多唔該曬🙂依家係又餓又嬲又好笑 真係好奇一問🙂 係平時我好彩未遇過呢d情況 定係其實大家都已經見慣不怪？？腦係個好東西希望唔好dum左佢！！（btw單純針對將炸醬就咁放係上面嘅廚房 thx）

疫情期間，加上禁夜市，於是用咗外賣平台叫譚仔雲南米線。譚仔係好多人嘅至愛，食物質素和食物種類其實唔使多介紹。但令我意外嘅係外賣水準都維持到，真係要表揚一下。主食嗌咗過橋米線,小食叫左紅油青瓜和木耳，四川青椒皮蛋，雞翼及油菜。過橋米線嘅餸很足料，唔會因為外賣而比少咗。食物質素很好，同堂食冇分別，而米線嘅湯底仲好夠熱，由於米線同湯係分開嘅所以米線都唔會浸到太軟。疫情期間都可以在家食到熱辣辣嘅米線好開心。

等個米線煮好等超過半小時都未上到上錯米線叫極冇人理，掂行掂過處理態度輕浮冇人帶位，自己揀位坐低咗又話一個人冇得坐依度，要調位米線煮得一般般。。。。可能等得太耐了

點餐冬菇米線冬菇加兩份 來的時候冬菇只有七個 跟我之前點一份的數量一樣（有照片為證）冬菇size也明顯縮水 拿著付帳後的帳單詢問店家主任為什麼點了兩份冬菇 只來一份？主任回答態度隨便 回廚房請別人只補了兩顆給我。我甚至把之前用餐點了一份冬菇的照片拿給她看 而且全程態度都很好期望她查清楚 她說已經多給你了 還說冬菇可能在碗底…這麼隨便又差勁的回覆 著實讓消費者不舒服且不解 打到服務專線 沒人接線 只能錄音 等回覆。香港這麼有規模的連鎖店 為什麼sop流程會因店不同差異頗大 而且申訴無門 讓人體驗感受很差。

去完東薈城滿足購物慾，食慾就無咩要求啦，但求醫下肚，所以就去左附近嘅譚仔。其中一碗叫左酸菜雞肉三小辣，雞肉同辣度都正常，但酸菜竟然係甜嘅，一啲都唔酸，呢樣就唔係好arm我口味，因為叫酸菜都係想酸酸地開胃啲。另外菜蜜要走冰，譚仔姐姐話無得走冰，但可以少少冰，咁我哋都話ok, 睇番張單打左少冰X2, 結果黎到都成半杯冰，真係飲到一半就淡到水咁😅結論係如果想留多啲彈藥shopping大出血，咁不妨平平地食一餐😙

週四晚上剛由大澳玩完回東涌揾食，想平平地快食回家休息便選譚仔啦。我們4人晚上8時不用等即入座，地方大座位多，環境簡潔。全部人都覺份量大，價格合理，味道十分濃，但味道因人也有不同評價。番茄湯底，1人覺稍鹹鮮番茄量少，食左半碗便放棄，另1人就覺ok，不太差，清湯底都話過鹹，而我選的酸菜魚湯5小辣，夠辣酸菜不錯，但不覺有魚味。腩肉4人都覺不錯，皮蛋也入口即溶，但醬汁我就覺一般，至於香草雞翼麻麻，較燶及好乾。其他不過不失，其中2人完餐才表示一向不喜歡譚仔，因覺味過濃。唉！一早又唔講，大家是要享受美食，東涌仲有好多選擇噶。

譚仔食咗好多年，因為出咗新嘅撈米綫，所以決定寫一下😂📍辣醬炸雞扒酸菜撈米綫新出嘅撈米綫，至少要五小辣！雖然唔多食得辣(平時食開十小辣only)，不過都要捨命陪君子，食一次先！嚟至好好彩，唔算太辣，不過好在有嗌凍檸茶，先至唔會辣親😂其實有小小似以前去舖頭嗌一包包米線，不過呢到就有炸醬咁解雞要炸得香脆的，係煎香雞扒切開的感覺📍尖椒皮蛋雖然唔係幾食得辣，但我通常加配呢個小食，要佢嘅辣汁，就可以淺嚐辣感，又唔會辣到嗌救命haha📍麻辣豬耳每次見到都好佩服師傅可以切到咁薄，真係好強的刀工😂

同朋友去譚仔食米線，都好耐冇食，總括感覺退步咗，用餐體驗唔太好。我叫咗炸醬茄湯，炸醬嘅賣相真係不予置評，食慾立刻降低，三哥嘅好好多。小食有叫細土匪，比以前冇咁香口好多，一般般。用餐1小時內，店舖都有幾次鬧交事件，整體感覺唔好。

最近去譚仔發現有我最愛嘅芫茜啊 😀幾鐘意佢嘅芫茜青檸梳打，飲落有淡淡芫茜味，芫茜控表示很滿意😆味道清新，配埋米線，夏天飲一流😀呢間分店都幾好坐，座位夠多👍

叫外賣自取 等得耐 無問題因為收銀姐姐已經提示 多單要等等左30分鐘 開始叫近手上單號就留意下啦點知叫過左我號碼都無就問下啦 點知負責叫號個位阿姐即刻發惡 話佢叫號係順序 仲好惡死咁話 我地肯定行開左 聽唔到 但係 我想講 我足足坐左係佢鋪頭30分鐘 邊個叫左外賣既唔想早啲拎左返屋企食架？ 佢根本無叫過我嘅號碼

今天實在太寒冷了我決定罷煮午餐一天✖️！那麼冷的天氣真的好想好想好想吃辣🌶，比我見到譚仔雲南米線新推出咗泡椒酸菜脆鯇米線🍜，還有我最鍾意的菠蘿冰🍍🧊，真係諗唔到不吃的理由囉😌！  特飲菠蘿冰🍹$15配米線只需$11便可品嚐得到！喝下去甜度適中加上內有不少爽口的菠蘿粒味道好清新用來解辣一流👍🏻！ 然後來呷一口泡椒酸菜脆鯇米線$42的泡椒酸菜湯底，用上三款辣椒🌶️來炮製包括有泡椒、青剁椒和指天椒而最少要點5少辣！喝下辣勁不弱耶而且湯底很鮮甜層次感很豐富啊😋！   內裡的酸菜🥬則口感爽甜恰好將辣度中和更帶出了鮮香味來！ 而大大件完整幾乎無骨的脆肉鯇片🐟吃下真的十分脆口，而且並沒帶上丁點泥味非常可口🤤！  加上口感恰到好處的索味米線我覺得整個配搭簡直係Perfect Match。 下次我要去挑戰係中辣先得🌶💪🏻，希望譚仔繼續買將它售下去就好了🙏🏻。

很喜歡吃辣，這次來到東涌的譚仔雲南米線。這次我點了：雞肉生菜腐皮麻辣中辣米線。 米線最緊要湯底， 這個湯底略嚴味精重了一點， 但麻辣中辣辣度也上算夠辣， 但未至於吃到會出汗的那一種辣。 雞肉也幾嫩滑， 腐皮生菜配搭湯底吃也不錯。

今日去完迪士尼，出返東涌諗唔到食咩，所以最後決定食譚仔，見到新出左脆肉鯇木瓜魚湯米線，朋友就叫咗嚟試試佢，我就嗌返自己一貫去譚仔會食嘅combination，叫咗生菜炸醬魚片頭米線10小辣，本身想試吓墨魚春卷但係夜晚已經冇晒貨，姐姐話夜晚通常都會賣晒，每一間分店都係，唯有下次晏晝嘅時候再試吓！另外都嗌左一個大土匪同青瓜，試咗佢新出嘅白桃蜜，飲落個味好似平時紙包果然系茶嘅味，冇乜特別。個土匪雞翼好似失去左靈魂咁，啲肉好鬆散，食落唔係好夠味，所以麻麻地，而青瓜就好辣，係好食嘅。唔知係唔係因為夜晚嚟，個米線嚟嗰陣碗炸醬好少又好水，10小辣湯底都係冇三哥咁好食，其他食材都一般正常發揮。朋友feedback 魚湯味道正常，冇乜特別，湯底多木瓜，脆肉鯇都唔錯，係脆嘅，加咗10小辣湯底辣，但建議試過一次就好了，可以另外再叫米線再加脆肉鯇。譚仔感覺始終冇三哥咁好食，三哥啲小食同辣到整體上出色啲，希望譚仔可以繼續改善！

原本諗住打電話叫定個譚仔外賣，可以慳番唔少食飯時間，原來係唔得架囉電話落單既時候已經問咗要等15-20分鐘先落去攞，我已經比原定時間過多5分鐘先到，去到就俾錢啦！俾完就淨係識講多謝哂～我見門口都有幾個人等緊外賣，心諗應該多單啫～等吓啦！結果其他等外賣既都攞哂，然而最後係無員工理會過我！最後15:20終於有一位主任留意到我仲等緊外賣，先問我幾多號，我眼見佢想叫員工幫手，但無一個理會！最後都係要我再等⋯我最嬲既係「原來由我俾錢果陣時，個外賣已經放咗喺門口一眼就見到既圓檯上面」忙到唔得閒攞個外賣俾我唔緊要，你可以話我知等我自己攞，足足要我企喺到等10幾分鐘！！！仲要落錯單，明明係要蕃茄湯，就落咗麻辣湯！咁我不如直接黎買好過啦駛鬼打電話叫外賣落單先咩？譚仔（三哥）好過你哋多多聲呀