譚仔雲南米線 (新都城中心三期)

營業中

休息中

我諗講起譚仔好多香港人都唔陌生都差不多同便利店一樣緊有一間喺左近因為之前日日食食厭咗嘅原因都有好一段時間無再去幫襯今日行過見咁耐無食就同屋企人心思思走左入去一人一碗 加多個小食我就叫左個腩肉炸醬小辣米線同行人就叫左腩肉中辣米線 就算咁耐無食都好 味道都一樣無變而且小食嘅蒜泥白肉都一樣好食食完個口成晚都有果陣生蒜味久不久食一次都真係幾好新都城中譚仔都的確為一個唔錯嘅選擇 價錢親民不在講 開得夜都係佢嘅一個優點今次用餐美中不足嘅地方係等上餐都用左一段時間不過問題不大 下次肚餓無地方選不妨可以去食下譚仔

前幾日見小朋友係又一城譚仔食2碗過橋米線咁誇張，做媽咪既緊係想佢食多D,食多D,食多D喇！問小朋友食唔食多次，都話好。即刻走去最近間譚仔食。今次係三哥同又一城食果間有D唔同，不過佢近就食呢間。都係食一樣既過橋米線。之前又一城食，一碗夠小朋友同我食，但呢度就夠小朋友自己一個食。米線份量少左，肉都係嫩滑唔老，份量差唔多，湯較濃味，食完要飲多D水。值得一提係小朋友鐘意食既竹笙，今次呢碗得2,3條，小朋友都識話咁快食完😅😅因為咁，另外叫多份土匪雞翼， 味濃， 胡椒味重有啲辣， 小朋友完全食唔到。點前已經問姐姐，唔辣先點。結果冇辦法，爸媽自私食。估唔到大家都係譚仔，分別都大，大家認住自己食開邊間，咪攪錯

今天是假期，一於到譚仔，嘆番個健康又美味的早餐先😄，我點了一個番茄牛肉通粉加凍奶茶少甜。番茄湯夠濃，加上湯面有幾粒新鮮蕃茄，(蕃茄有茄紅素又可以抗衰老)，正👍牛肉夠新鮮，不過有少少靭，都OK，起碼證明冇落鬆肉粉乸過！凍奶茶夠茶味，少少甜健康啲😄

前幾日午餐時段去左食，等左幾個字先有得入。我叫左個魚蛋雞肉重慶酸辣三小辣米線，因為重慶酸辣最起碼要食三小辣而一定要食三小辣。味道好香同濃郁，但同時亦都好辣。個魚蛋比較驚喜地好食，好彈牙，雞肉亦幾滑。整體而言除左太辣之外好食亦抵食。

This is one of the restaurants I always go to, I swear there’s something addictive in these noodles!Typically I would get a bowl of noodles with cuttlefish ball and chicken. I like the sour and spicy soup base but most people get the numb and spicy base. The spiciness is ranked 10, 5, 4, 3, 2, 1 small spicy, with 10 being the least hot. After small spicy there is also medium and big spicy. If you have a strong stomach you can try it but your bowl will be all red. The snacks are great as well. I

食左好多次，都無乜好寫，黎不開無服務同味道次次都唔同，次次都叫小辣，但有時辣到食唔到，有時得少少辣味。但今次令我想寫下，就是因為個新出既小食，烤香辣豬大腸，口感唔錯，有肉地，辣道適中，但如果可以切細少少就更好，同埋份量多返少少就perfect。

話說去食譚仔叫咗碗搞搓擘魚春卷米線，等咗好耐先話畀我知冇晒春卷，啲阿姐一個傳一個咁嗌住問冇春卷揀梨改乜呀，哎呀我心諗咁鬼黑仔冇就算啦，於是話咁唔使喇就咁啦。其實呢間譚仔環境唔錯，又大又C服，左下角仲有兩個自閉位——對住塊鏡，就算係自己一個坐都好似有人陪緊你咁，好貼心喔然後就黎咗呢碗純色池塘米線。酸酸辣辣嘅湯底，再加少少搞菜嘅草青味，與佢嘅池塘主題極為匹配，簡直就好似飲緊the Simsons入面嘅綠色湖水一樣！最後食完啲米線仲剩咗好多搞菜，叫呢個組合以後就唔怕食晒啲餸剩返米線了，超級推介啊！跳起yeah🤗🤗P.S.食完仲要記住嘟返張單上面嘅QR code做會員儲分呀！好似儲儲下儲有嘢送㗎！

畜生、濫藥、都可以炫富？！哈哈😄睇完個標題連我自己都唔知自己up乜呢！就好似我啱啱食完譚仔咁，我叫咗個米線，幫我落單姐姐復述我嘅order時我真係唔知佢講乜。好啦而家我就開估啦⋯⋯畜生(竹笙）腩肉（濫藥）炫富 (魚腐)哈哈唔知大家估唔估得中呢？ ！其實呢幾樣野都好好味，雖然竹笙比平時啲餸係貴一蚊，但係佢嘅爽口度，同埋佢會索晒啲小辣湯汁後帶出嚟嘅口感真係好好味，就算貴一蚊我都會叫竹笙來食。竹笙腩肉魚腐五小辣⋯⋯正

通常美味子同O先生喺唔想用腦🧠既日子，想行街/睇戲前嚟個快食lunch, 除左茶餐廳，都會去譚仔，食佢嗰碗特大既過橋米線套餐（二人份量只係$53），又唔駛點諗乜料都有齊；唔想太單調既話，會再叫多碟雞翼👅由於O先生感冒😷未好返，所以唔叫辡辣野啦，揀左碟香草雞翼😋都幾香口既過橋米線套餐-實惠美食👍🏻，有5款湯底可供選擇，我地今次揀左蕃茄湯底（如果O先生冇感冒，平時既話美味子會鍾意揀酸辣湯底，口感同米線襯d😛）。美味子同O先生每人都食到3-4小碗，肉醬同酸菜都可以任添。由於係呢間譚仔位於商場入面，附近有超市、果汁店同茶店，所以我地通常都會唔叫飲品，留返食完先出去買😚😋有多d選擇。快樂其實真係好簡單，有時二人一齊食一碗米線，你夾d俾佢，佢夾d俾你，其實已經好開心架😚💑

今朝有時間嘆個早餐，感覺真係爽YY😌 其實唔會太趕我都已經覺得係“嘆“😜可能因為太早關係，好多想試嘅餐廳都未開，索性去譚仔，反正都好少機會嚟呢度食早餐。見到有豬潤就好想食，叫咗豬潤煎蛋一丁加杯咖啡。豬潤好嫩口爽口喎，煮得啱啱好。 煎蛋唔會太油膩。 另外會有包麻油俾你可以加落啲麵嗰度， 個麵我覺得煮得腍咗少少，我鍾意食硬多少少嘅麵，比較有口感。咖啡唔太苦，好似一般茶餐廳嗰啲咁。

自從呢個商場 開左"方向"粉麵我就好較少食譚仔不過因為要去bank所以順利成章叫外賣叫左我好耐無食ge豬潤 雞肉 番茄湯底 少米每次外賣我都好like呢個分開湯同麵 容器就算行多一陣 都唔會索晒湯而米線淋晒 脹晒 而食慾大減可能今日行耐左 d配菜 有d淋同埋個豬潤 開始老 有d鞋口但雞肉個量都keep到米線 一外賣本身都唔多我叫埋少米 就啱啱好 唔洗浪費野食至於番茄湯 大家都知係d 濃縮番茄膏d fd 做 但好在都有d鮮茄墊底 增加新鮮感而且都味道唔錯

譚仔雲南米線就像我的飯堂，最瘋狂的時候，一個星期可以吃兩次，也不會厭倦。每次來到這個地方，必定會叫雞肉炸醬三小辣，凍奶茶。雞肉的份量比以前多了，米線依舊彈牙，軟硬度適中，唔會太稔， 都唔會太硬。本人覺得譚仔的炸醬比較好吃，湯底也比較麻辣。土匪雞翼燒得非常香脆，也能保持雞肉的嫩滑。凍奶茶味道不過不失。譚仔有不少小吃都值得推介，木耳， 皮蛋， 蒜泥白肉，口水雞翼，都非常好吃。我最喜歡的小吃就是口水雞翼，雞翼的份量較少，如果可以多幾隻雞翼就更好了。

辣辣辣， 真係吃到一頭汗 鼻涕都出哂嚟，奉勸大家， 去拍拖化哂靓妝的就要小心男友見到你真面目！譚仔呢間舖，仲有他亞哥那間，我都是分不出的， 今晚要抓緊時間带我小Q出街，所以快快趣，買了一碗高鈉米線回家選了2種主菜， 牛肉+腐皮， 牛肉可能因外賣回家， 時間是放久了，所以有些老了， 但份量是足夠的，米線超多， 吃不了那麼多，下次要減少一些！重慶的辣是多種辣椒調製出來， 沒有湖南的"麻"辣， 這個辣是香濃的， 2级對我嚟講已經足夠， 咀唇也辣痺了， 變了孖潤腸但十分刺激， 人有時就是需要這種"刺激'' 土匪雞翼~ 黑椒味很濃列，貼滿在雞皮上，雞皮炸得香脆，内裡肉質亦保持鮮嫩， 水準之作！

我諗好多人都有食過譚仔雲南米線🍜都唔洗我多作介紹啦🤪好多人都會拎譚仔同三哥做比較，我個人就覺得譚仔個米線粗啲彈牙啲；三哥的米線就相對幼身啲爽啲，湯底就睇你個人口味啦，我就鐘意譚仔個麻辣湯底多啲😋😋今次中午去到，都幾多人位就唔洗點等，但弊在等野食等左十五分鐘，要催單先黎，上菜速度有啲慢。首先黎嘅係小食 — 麻辣豬耳👂🏻個麻辣汁唔會好辣，平時食開十小辣的女朋友都食到，麻度又足夠，加埋配菜好香口同開胃。另外，我地仲叫左碗 — 過橋米線十小辣，兩個人share，雖然大大碗又有晒所有餸，但啲豬潤有啲老，腩肉又切得太厚。

哈～唔好笑我真係第一次食譚仔外賣，多數都堂食，原來外賣湯麵分開放🤭👏🏻拎到番屋企d麵都唔會林哂👍🏻麵既份量都幾多，佔左個碗既一半，相反湯就會少左同埋拎到番屋企變到唔係好夠熱，麵倒左落去浸都仲係好硬餸就好似差不多；我叫左雞肉竹笙酸辣小辣米線🍜酸辣好香唔算太辣，譚仔酸辣係會上癮令人難以忘記既味道黎🙊除左自己加既餸本身湯底都有韭菜、芽菜、腐竹⋯都好豐富竹笙吸哂湯底既酸辣味道，變到超入味雞肉份量唔多同埋粉紅色