譚仔雲南米線 (新都城中心三期)

第一次食佢既雞扒早餐 估唔到有驚喜！雞扒煎到金黃色 配埋千島醬原來係絕配🥰 好味！火腿冇煎過的 正常野佢個通粉都好食 幾香幾滑 唔錯但個出前一到（+$3） 就唔好食 麵質好幼 依家出面嘅出前一丁完全冇以前食嗰個口感 又幼又唔好食 可以唔使轉如果大家未試過嘅，可以試吓佢嘅早餐🤭有驚喜！…查看更多

今日喺寶林試咗間餐廳，點咗蕃茄腩肉豆卜米線，真係好正！🍜蕃茄湯底酸酸甜甜，味道非常開胃，配埋腩肉，肉質嫩滑，咬落去好滿足，仲有豆卜吸咗湯底嘅精華，真係一流！👍🏻米線就煮得剛好，滑溜又有彈性，搭配啲蔬菜，整體口感好豐富，唔會覺得單調。而且碗大分量足，超級抵食！🍜仲有佢哋嘅凍檸茶，飲落去清涼，唔會太甜，正好中和咗湯底嘅味道。😌總括而言，呢間餐廳嘅蕃茄腩肉豆卜米線真係值得一試，特別適合鍾意湯麵嘅朋友！推介指數：⭐️⭐️⭐️⭐️⭐️…查看更多

以前差唔多每個星期都會食一次,但因為轉左工,公司附近無,所以好耐無食啦!今日心掛掛,所以一於再去食可能太耐無去,所以見到都出左D新口味,就連火鍋都有~ 豬軟骨釀豆腐配胡椒鮮番茄湯米線釀豆腐都幾特別豬軟骨都入味湯底味道都OK,係有少少辣~炸醬酸菜米線~蒜泥白肉~四川青椒皮蛋~土匪雞翼…查看更多

米線控嘅我，成日幫襯佢地不同分店，但每間分店對於辣嘅標準都好不一，同一碗 雞肉生菜，重慶酸辣湯底，三小辣，次次都不同，有時好辣，有時無辣😂加配一人份量小食 - 四川青椒皮蛋一杯凍檸茶整體上要求不高，一般快餐廳的水準…查看更多

呢間譚仔，質素越來越差，叫咗確豬潤腩肉5小辣，連小朋友都話唔辣，米線既份量，半隻碗都無，豬潤就只有兩片咁多，同個侍應講，佢竟然話係因為湯少咗所以感覺少啲，不知所謂！…查看更多

10月14日因為朋友唔開心所以就約咗佢食飯傾下計,我哋就去咗食譚仔啦,見到新出川味牛柏葉就一心諗住試下,點知味道普通,口感太煙韌咬唔開,我諗下次都唔會再試！而米線就正正常常！…查看更多

見譚仔又推出新嘢，就想好奇試一下，點知都算幾有驚喜，個豬軟骨寬麵配花椒重慶酸辣湯底，真心咩都唔錯，最少辣度只可以由三小辣開始揀起，我揀咗最低嘅三小辣，食落寬麵口感幾好，整體配搭都滿意，不過就一定要嗌定嘢飲如果唔係就會好頸渴。…查看更多

激死我～第二次下俾12:30-13:00時份叫呢間分店外賣，湯底錯、又漏餸，食餐便飯都要火燒心。 好希望呢間分店正視一下問題，平時都會幫襯，堂食搵唔到人（職員很少），而家買個外賣都食唔到水準…係咪所有舖頭一出名都唔使保持質素架呢？…查看更多

如題，相中有4隻雞翼，滿心歡喜拿回家吃，一打開，原來4隻雞翼是幻覺，佢將2隻雞翼斬開二邊，2變4就咁嚟。一碗米線其實我2隻雞翼，會唔會太過份？你收緊我$43/碗嫁！仲有醉雞亦完全冇……係完全食不到有醉雞味。咁嘅環境，人人都做好自己本份，我唔係要你有好高嘅水準，但至少不用用圖片的掩眼法來編人。…查看更多

相信大家對譚仔都唔陌生早幾日去咗譚仔食☺️見到佢新出左個黑栢葉好吸引即刻試吓-川味黑栢葉入邊除咗黑栢葉之外，重有雲耳，辣辣地幾好食，如果就咁食感覺偏鹹，最好夾埋米線一齊食👍🏼-土匪雞翼:好食🤭食譚仔必叫-番茄過橋米線:過橋份量啱晒兩人，最鍾意就係叫佢再加小食一齊share🥰—(非專業,完全跟據個人口味☺)食物:8/10環境:8/10服務:8/10人均消費:$30。———————————————…查看更多

有時耐唔耐唔知食咩嘅話，都會食譚仔，今日去到寶琳又係唔知有咩揀，於是乎又入咗去譚仔啦😝見到新出嘅泡椒酸菜魚湯鯇魚米線，睇落好吸引，價錢只係$42，鍾意食魚嘅我就決定嗌嚟試吓啦~湯底我叫咗五小辣，個湯冇咩太大特別，只係多咗幾粒泡椒咁，有八成似我食開嘅湖南酸辣湯，比較驚喜嘅就係鯇魚好爽脆，而且冇骨，加上俾得算大方，有6，7舊左右，我覺得試吓都OK，但係對於愛辣之人嚟講，似乎冇咩太大特別，都係建議食返麻辣或者重慶酸辣會好食啲～…查看更多

Lunch食譚仔，本身想食麻辣豬耳，譚仔姐姐即刻推介佢哋嘅新春小食拼盤，話好 “Dai食”架🤪❣️五福臨門小食拼盤$33小食拼盤有麻辣豬耳、蜀香肚絲、紅油木耳、車厘茄同笑口棗，譚仔姐姐話每份材料嘅份量係原本小食嘅一半，咁又真係好“Dai食”😂 麻辣野一貫譚仔嘅味道，最有驚喜嘅反而係車厘茄，食得出有話梅同醋醃過嘅味道，食埋粒笑口棗，全年都笑口常開🧧好味度：8（10分滿分）…查看更多

星期六book咗喺新都城做facial，所以就去咗新都城間譚仔食咗個lunch。去得譚仔一定要點炸醬，因為佢嘅炸醬係好食過三哥嗰個好多，佢係以往一直食開嘅炸醬而三哥嘅炸醬係經過改良。湯底就揀咗麻辣三小辣，呢間分店都幾夠味。食開譚仔嘅人都知道譚仔嘅湯底都係味精比較多食完會口渴，但係譚仔永遠都係我嘅comfort food, 諗唔到食咩就會食佢😌😌…查看更多

前幾日接完囝囝放學，午餐佢提議去譚仔食🍜我地今次叫左碗過橋米線，可以乜都吾使諗又有好多餸食😋過橋米線$56（有魚蛋，墨丸，牛丸，豬膶，牛肉，腩肉，雞肉，酸菜，竹笙，芽菜，腐皮，生菜，豆卜）我地揀左蕃茄湯底要加$2，另外再加底$15，我地兩個人食啱啱好，所以冇再加其他小食魚蛋墨丸牛丸各有一粒,魚蛋好彈牙，墨丸同牛丸就冇乜特別豬膶食落去好‘鞋’,竹笙入晒🍅味，好鬼正😋炸醬甜甜地，我囝囝追住食，撈落米線食一流👍🏻米線就岩岩好，吾會過’林‘，蕃茄湯底好正一啲都吾酸，我同囝囝都覺得好好飲！…查看更多

雞肉湯底好飲， 不過因為我叫咗蕃茄湯底，所以雞肉嘅鮮味畀番茄蓋過了咗少少。 另外嗌咗一個炸醬， 炸醬嘅味道好新鮮， 好容易餸麵。 近排有優惠， 食夠唔知幾多錢會送一張小食券， 我今日就用咗一張小食券嗌咗碟皮蛋， 一人份量同我個朋友share， 都好正…查看更多