譚仔三哥米線 (黃大仙中心南館)

營業中

休息中

呢間喺黃大仙中心嘅譚仔三哥位置好近地鐵站，真係好方便。同屋企人一共嗌咗兩碗米線，分別係雞肉麻辣10小同埋腩肉魚腐10小。首先佢嘅湯底真係唔錯，個人唔係好食得辣，所以食咗一兩啖個嘴開始已經有啲麻，真係好過癮。不過佢啲米線真係好多，好似食極都仲有咁，所以建議細食嘅可以嗌少米。雞肉就普普通通啦，本身都唔會期望譚仔嘅餸菜超級好食，因為主要都係食湯底同米線，不過雞肉嘅份量都幾多下。可能係非繁忙時候，所以啲譚仔阿姐都掛住傾計，我哋想落單，揮左好耐手佢哋都冇見到，希望啲服務可以改善下啦。

野飲亂擺 倒晒出黎 叫個酸菜炸醬 連酸菜都冇俾🤦🏻‍♀️🤦🏻‍♀️有冇搞錯？錢就照收 菜就俾少 真厲害 真心覺得下次即場打開check清楚好啲 如果唔係俾人呃錢 大家小心啲

今日一個人中午去搵野食，見到譚仔開左好耐，一直未入去試過，想去試吓見到門口日日有好多人排隊以為好好食，叫左碗過橋米線同涼拌豬耳（73蚊）亞姐羅碗米線過黎隻手指插入碗米線裡邊攞過嚟，令我已經冇晒胃口因為趕時間，當時換又唔係唔換又唔係，豆粕芽菜韭菜平價野，肉類又少又冇味，完全同價錢不成正比，我叫左清湯底湯底竟然一啲味都冇，環境又焗又熱食完碗米線周身大汗，絕對冇下次⋯

三哥米線真係幾好味，遇到兩個人去可以叫個大過橋米線，加碟土匪雞亦，認真正大大碗，兩個人食剛剛好，大食既其實一個人都見到有人食哂分量十足，最喜歡係牛肉, 肉不刃，咬口一流，吸入左d麻辣湯底，好味雞肉、豬肉，大大件，有鮮味丸類爽口大粒, 選擇好豐富，至愛牛丸府竹軟林，又滑米線軟硬適中，入口連麻辣湯一起入口，味道更好另外的土匪雞亦，外皮烤得乾身又香口，土匪的味道，好濃郁，滲入左d雞肉內，好喜歡大大碗，食左都幾熱，流汗食都值

今晚男朋友話想食譚仔，咁咪去呢度買外賣同佢食，本來平時買都要等得比較耐，但今日我足足等了25分鐘，仲要店内不是繁忙時段，中間一直都有見到其他人攞外賣，我一直都在門外等候，完全没有離開過，但一直都没有叫我的號碼，之後見比我遲的號碼都有外賣，便問那裏的姐姐，點知佢行到去廚房外的櫃枱上，有一袋擺左一段時間的外賣，原來那是我的外賣，完全無人叫過號碼，亦無人攞過出門口問，就放喺枱面等邊個攞？不知所謂

客觀咁比大家望到個時間。 某天叫左呢個過橋米線，店員態度幾好，入位都快手。$53 咁大碗係掋既，其實無數過係咪真的有齊咁多種材料，只覺得有好多舊豬潤。。。個人麻麻地，之後有食到牛肉，豬肉片， 竹苼？腐皮得一片，豆卜，丸子，牛丸等等，酸菜同那個像碎肉的幾好。。。米線當然是好吃的呢。。。吃完了不過當中望到d野。。。坐對面的客人叫飲品，誰知道送來時倒太滿了，漏了些在桌上。。。店員說啊，滿了些不好意思，就放下走了。接下來完全沒有打算用抹布擦桌子，那客人也沒說什麼，就避免那個位子碰到就算了，之後送米線來的店員也完全沒理過那裡倒在桌上的飲料？另外是坐椅分配，店員有時看見位置時，不會問下對面客人有沒有人坐，直接叫客人坐，待對面開口說有朋友來，更是目定口呆了不知怎麼辦，重點是，一進來她們是會問你多少人的！知道是兩個人才分配對面有位置的人，但是之後又忘了，叫其他人坐。。。我想應該做點什麼標記記住會好點。最後的意見是如果可跟客人喜好去選擇不同的配料就好了。不明廚師為什麼落咁多豬潤？

一個人食野，咁都冇咩所謂！聽到同事話食呢間，心癢癢又去食！一去到有人等位，攞飛後，去個洗手間就到我了！見到個餐牌，都好吸引！就叫咗個三哥酸辣湯底（小辣）+炸醬同豬肝米線！米線黎到，湯係幾好食，夠味、夠辣！炸醬好味，豬肝唔實，好野！又講講服務，我個人覺得麻麻，因為以下原因：1.掟碗（上任何野都會砰砰聲的）2.我本來叫中辣，佢好好心提我，怕我食唔到！但我覺得可以客氣少少既！3.我剛食飽放低雙筷，講都唔信，2秒內有人問竹要唔要，我收走佢！有效率都唔駛咁呀！環境間間差不多，沒話好說！但要成4x元又好似貴咗d喎！

從前沒有真的很喜歡吃酸辣米線，但隨著賣酸辣米線的餐廳越來越多，吃多了竟然漸漸上了癮。賣酸辣米線的餐廳成行成市，在林林總總的酸辣米線中，我獨愛「譚仔三哥」。喜歡這間餐廳的原因有好幾個：食材、湯底和小食選擇多，價錢相宜，還有分店多，可謂「總有一間在附近」。今天我和朋友又來到位於黃大仙中心的分店吃下午茶。我和朋友各人點了一碗。我點的是墨丸酸菜三哥酸辣湯(4小辣)扭紋薯粉。酸辣湯底：酸味足，帶著濃濃的麻香味，很醒胃。酸菜量多，爽脆，味道偏甜。薯粉被煮至透明，軟硬適中，湯底都能掛在薯粉的扭紋之間，非常可口。朋友點的是墨丸清湯米線。清湯底呈乳白色，清而不膩。每碗共有4粒墨丸，雪白色的墨丸，加了章魚粒，脆口彈牙，沒有一般丸類的肉精味。每碗還加了大量芽菜，韭菜和腐皮，即使沒有點蔬菜食材也可以足夠的纖維，較健康。食酸辣米線沒有飲料實在不行 (大概因為湯底味精較重)，隨每碗米線多加8元便可烹用一杯凍飲，價錢還算相宜。另附菜單給大家參考。要是在繁忙時間想找一些好吃而價錢相宜的外食，「譚仔三哥」也算是其中一個不錯的選擇呢﹗

今天返工做到好攰，吾想煑飯，就和老公去附近商場食晚餐，米線！真的好耐冇食，就選食米線吧！我選了墨丸片頭米線，墨丸片頭都彈牙，湯底因為我不食辣，所以選清湯。老公選了大大碗多樣餸的過橋米線，一碗差不多有齊菜牌上的餸，好底食！

過橋米線 $52大大碗米線夠二人份量，有火腿、豬腩肉、牛肉、雞肉、豬肝、腐皮、墨魚丸、生菜等，配料包羅萬有，係抵食之選蕃茄湯底米線拼生菜、竹苼、腐皮 $44蕃茄味清新，酸酸甜甜夠開胃。大土匪雞翼(5隻) $30土匪雞翼用既香料令人一試上癮，好重孜然粉既味。剁椒皮蛋 $20皮蛋份量好多，超過一隻，可選剁椒(唔辣)/口水汁(小辣)或重慶汁(中辣)。涼拌木耳 $12清新小食，細細隻木朵清涼爽口。

記得中學時經常幫襯譚仔, 因為平夾大碗, 同埋質素唔太差...隔左幾年,我今晚同家人再去食, 果然質素無咩點變, 價錢都唔叫加得好勁啊!【各款自選米線】HK$30起 有20款以上食材選擇, 加HK$1更可食到麻辣/煳辣/酸辣湯底, 而且仲可以自選唔同程度既辣...套餐加HK$7跟冷熱飲品【過橋米線】HK$51 如果有選擇困難症或者大食既朋友就可以食呢個超抵米線, 食材包括豬肉, 牛肉, 雞肉, 腩肉, 火腿, 豬膶, 牛丸, 墨丸, 魚蛋, 乍醬, 腐皮, 豆卜, 生菜, 酸菜, 芽菜, 韭菜, 竹笙! 大大碗,保證係食得飽! 今次我食左2小辣, 食到我流哂鼻水~ (其實我想知係咪真係有人食到特辣呢)【湖南土匪雞翼(5隻)】HK$30 呢款土匪雞翼係譚仔Fans推介我必食, 雖然唔係話好脆, 但外皮既黑椒食落係幾香, 而且內裡都仲有肉汁, 價錢都算合理~ 【蒜泥白肉(細)】HK$24 初初睇佢既色好似好辣, 但食落又唔辣得過我既2小辣米線, 夾住蒜蓉食, 的確係幾惹味【皮蛋(尖椒)】HK$20 唔好諗住我對皮蛋冇咩要求啊, 我係中意食少少流心既皮蛋, 呢度竟然有!!(定係咁岩?!)

話說想食個簡單午餐 (又要平又要飽)，於是走到譚仔三哥米線，平時我一定選煳辣米線/ 薯粉麵搭竹笙同豬潤，我每次都想知道這個湯底的秘方，一食不能忘懷。特別是竹笙吸收了這個湯底。不過今次落單位姐姐可能聽錯，豬潤變豬肉，唔緊要，我都成日聽錯野，更何況姐姐日日做十幾個鐘，明日既，所以都好客气咁同姐姐說佢地落錯單，姐姐都立即為我換走豬肉，豬潤換回來，不過是半生熟的豬潤，明顯見到豬潤中心呈現鮮紅色。我就跟其中一個姐姐反映豬潤未熟的問題，就幫我拿走豬潤再煮熟。不過喜歡食生食的朋友可以考慮這種新食法。

同阿囡唔知晚餐食咩好，行行下黎到譚仔，於是就決定黎呢度食。蒸泥白肉，超多蒜泥，好香，好鍾意，看似好辣，有好多辣油，其實一啲都唔辣。白肉雖然帶有肥肉，但食落唔覺得好肥。叫咗碗加底既米線同阿囡share，墨魚丸彈牙，竹笙好軟好入味凍菜蜜，不過不失不過唯一缺點係唔夠冷氣，食食下會覺得好熱，夏天會辛苦啲。

夜晚吾知食咩, 吾系好想食老麥, 都系買個譚仔算數, 平靚正, 外賣攞走33蚊搞掂.費事等位, 因為D位細, 坐得吾舒服, 返屋企電視送米線仲好.湯底: 十小辣啱啱好, 吾會食到流鼻水餸: 牛丸, 雞肉, 牛丸都算OK, 不過大陸的牛丸仲正, 雞肉吾鞋, 仲有送的韮菜, 負皮, 牙菜, 夠啦了美中不足系自己叫左米線和湯分開, D米線浸極都吾林, 總括來講都系正

夏日炎炎，唔知想食咩既時候，最好就係去食米線。由於6點前已到，冇咩人所以唔洗等枱。我叫咗凍檸蜜，蒜泥白肉及米線（墨魚丸，豬潤及竹笙，配清湯）。我要的是檸蜜少冰，但黎到卻是檸蜜少甜，算啦，唯有硬接受。蒜泥白肉看似好多辣油，但食落一啲都唔辣，仲帶有勁多蒜泥，正！！米線分量足夠，個湯都頗湯，配料都好食。侍應服務態度都可以，上菜速度算快，不過餐廳唔夠冷氣，食食下會覺得幾熱，希望佢地會改善。