譚仔三哥米線 (葵涌廣場)

營業中

休息中

由入門口已經開始受氣，收銀呀姐A用極差語氣叫我入去坐，埋到位枱都未執成枱廚餘，我再問呀姐A坐邊？邊到有位？執枱呀姐B用同樣極差既語氣「執緊喇，等陣喇」，我由頭到尾都冇催過佢，之後無論送餐定收銀都好受氣，送餐黎錯野唔肯換又想迫我要，我無俾佢地迫到態度又變返極差，收銀既時候呀姐A仲要俾面色同說話我聽，佢地既態度令到我無晒食慾，搞到我食咩都無味，香港既服務業真係多得佢地唔少，體驗極差以後唔會再幫襯！！！

好耐之前已經知道三哥有下午茶，但一直未有機會試，今次終於去試！叫咗個少量兩餸米線$4x，兩餸方面揀咗魚腐同魚片，另外一個係蒜泥白肉拌麵$4x，小食方面2個都揀咗土匪雞翼拼香草雞翼（感覺配雞翼係最抵食），配凍檸茶同熱檸蜜。蒜泥白肉拌麵嘅份量確實係比較少，如果係男士嘅話應該唔夠飽，但我覺得呢個拌麵都幾好食，味道濃郁。我覺得三哥嘅下午茶嚟講比較啱女士，或者岩淨係想食多啲餸嘅人，因為我覺得佢嘅主食，即係面類或者米線都係偏小，主要都係食小食，但係有得揀雞翼嚟講，我覺得都幾抵食下，始終本身單點雞翼個價錢都要三十幾，依家淨係40幾蚊就有賣一個面同埋一杯嘢飲，確實係幾划算！

份量偏小，好記得以前食譚仔，啲麵同埋啲料都會好多，唔知係咪依家越嚟越出名嘅關係，個份量真係少咗好多，相對嚟講唔算好抵食雖然見到佢哋成日做好多唔同嘅優惠，但係個份量真係太少啦，所以整體嚟講就算有優惠都唔算太抵食

前排黎食 企喺門口等佢安排位個男員工 望左兩眼企返去收銀檯唔show人最後直接走左 冇食到試問呢啲係做服務業嘅態度？炒左佢啦唔該 做壞曬個招牌以後唔會再去呢間食😅嬲到hihi

今日lunch難得唔使出街可以同同事一齊去食飯，所以我哋揀咗譚仔三哥仲叫咗一個大土匪一齊share嚟食三哥基本上係香港人嘅飯堂諗唔到食咩嘅時候基本上就一定會去三哥或者係譚仔

今日下午三時左右係呢間葵涌廣場譚仔食個素過橋米線。今日唔係星期三，而個餐牌明明寫住免費轉菜底，咁我就問其中一位職員係咪免費轉菜底，職員話冇，仲話就算星期三來都係冇，我好奇怪，咁即係話根本係冇呢個優惠？個餐牌係呃人？但明明寫得好清楚同埋係寫埋一齊的。後來佢交左俾店長答，店長過來回答都係話冇免費轉菜底，就算星期三來都係冇，答案一樣。老實說三蚊雞我唔介意俾，亦都俾左，因為無謂浪費時間爭拗，Post上來係因為是非問題。另外更重要的是，食食下發覺有好大粒石同沙夾雜係個菜底度，粒石仲好硬，真係好污糟。譚仔係葵芳最少都有三間，感覺興芳路個間仲乾淨啲，實在唔建議幫襯呢間葵涌廣場分店。

每個星期例牌都會幫襯一次，其中一個原因係呢度既姐姐態度好親切，同埋都會認得我幾時黎過，有時諗唔到想食咩佢都會介紹呢排有咩新材料新湯底叫我試吓，真係好有親切感，大讚

今日放假，所以去咗食譚仔三哥米線度食晏晝飯。嚟到譚仔三哥米線，一定係食佢哋嘅麻辣米線。今次我就係叫咗一個餸啫，就係叫咗麻辣米線配牛肉。麻辣米線嘅湯底我叫咗二小辣，譚仔三哥米線嘅二小辣味道適中，唔會太辣唔會食到成身汗。不過，呢間譚仔三哥米線嘅牛肉嘅份量，的確真係好少。不過，好在米線都會飽肚，所以如果以一個中午嘅餐嚟計，譚仔三哥米線嘅一餸米線，佢哋嘅份量都可以尚算接受，最後我叫咗杯凍檸茶，味道尚算不錯。

其實呢你哋外賣個蓋可唔可以冚實啲？個結打好佢？我頭先搭車，跟住啲湯全部流晒出嚟個膠袋度，後來發現個蓋根本就冇冚實到！個膠袋結又打得唔好成袋歪左一邊d湯流晒出嚟，甚至d湯係個膠袋d好細嘅個d窿窿罅罅流出來，好彩流得唔多，如果唔係我成腳都係，然後我馬上攞紙巾抹返乾淨張凳，搞到我要喺個巴士度抹凳，搭lift人地同我講話“哇流晒出嚟喎”我真係多謝你全家

Tamjai Samjor is a popular rice noodle restaurant known for its customizable bowls of noodles. The concept is simple yet brilliant - you get to choose your favorite ingredients to create a personalized dish. Among the options, my go-to choices are beef and meatballs, which add a delightful combination of flavors to the noodles.The restaurant offers a range of soup choices, each with its own distinct characteristics. My personal preference is the tomato soup, which has a mild level of spiciness.

垃圾 係 app 叫左外賣自取 等勁耐先黎取消我張單 明明唔多堂食客 我問點解 就話太多訂單 唔想做一開始取消啦 仲要等左勁耐先黎取消 正一垃圾 👎👎👎一肚氣 😤😤😤

又到左每逢母親節都一定會出嘅滋補養生湯 ‘ 最滋你心 ’ ，同🤴🏻順便試埋個新酸菜湯底 ‘ 一戰酸鯛‘ 先！😁😁～～～滋補螺片滑雞白木耳米線🍜～～～母親節限定，有螺片鮮甜及少少酒香嘅湯底，螺片有兩大塊，滑雞亦都唔 ‘ 鞋 ’ ，飲完個湯會幾舒服！☺️☺️～～～三哥酸菜脆鯛魚米線🍜～～～另一款三哥新菜式，呢款係酸菜嘅酸味唔同佢其他普通嘅酸味，我就一般但一試無妨😃😃，鯛魚都幾新鮮建議可以納入可選菜式😊😊～～～椰香奶蓋咖啡～～～呢杯係帶酸味嘅咖啡，撈勻之後都淨係飲到酸咖啡味，完全冇椰奶香味！😕😕～～～香烤火辣辣豬柳～～～之前好似食過唔辣嗰款，今次加辣款我就覺得麻麻乾咗啲！😗😗

心算來潮好想食米線自己一條友通常唔洗等位食埋拿拿林去開工🏃🏻🏃🏻🏃🏻🛎 $35 炸醬酸辣一直食開譚仔炸醬，但食過一次三哥既炸醬之後返唔到轉頭😳🙏🏻真係好食好多真係食到有肉色水都有光澤好多🤤酸辣湯底就冇咩特色～～～🛎 +$10 凍奶茶叫左少冰少甜，真係有少到👍🏻合格～🌐 環境/服務我矮🤣坐高台位唔太就手不過好易有位，唔係坐好耐所以冇問題！

又嚟到食三哥既moment 身為米線之鬼既我，食米線又點可以唔食三哥，三哥已經成為我既飯堂之一，晚飯嚟到葵涌廣場三哥分店，呢間分店較大，座位上都幾寬敞，今次叫左雞肉麻辣2小辣米線，再加多左份尖椒皮蛋。雞肉麻辣2小辣米線 （少米）個人覺得呢間2小辣辣啲，係其他分店食開2小辣都無咁辣，麻辣湯唔會好油，同佢既米線煮埋一齊，簡直係prefect match ，米線煙煙韌韌，超級好味😋。尖椒皮蛋再配埋尖椒皮蛋既尖椒，又係另一番風味。

今日又嚟到葵涌廣場，本來打算掃街。但又好唔爭氣地行左入三哥😂😂😂呢間三哥地方比較大。即使係午市嘅時候都可以唔洗坐得咁迫。仲可以拎多張椅放個袋。咁就唔洗攬住大包細包去食野啦。今日點左魚腐竹笙麻辣大辣。再加個蒜泥白肉。本來叫左走芽菜，但落單個姐姐漏左🥲我一路都覺得食米線係食佢嘅淋pat pat。無啦啦有啲爽口嘅芽菜係非常之唔夾。蒜泥白肉勁多蒜。岩晒我呢個好蒜之人。食飽之後又可以繼續shopping喇😂