譚仔三哥米線 (西洋菜南街)

營業中

休息中

成日聽到嘅就係：又食譚仔？其實我真係好鍾意食譚仔 😍冬天凍冰冰整返個熱辣辣嘅米線水準依然 😆😆麻辣中辣走韭，腩肉炸醬 譚仔姐姐嘅口音 就係最親切嘅感覺 加返杯凍檸茶 咁又一餐

無論咩日子同季節，一個星期總有一兩日會揀譚仔🤣🤣🤣除咗麻辣湯係我嘅最愛之外，最近愛上埋胡辣湯底！非常之濃味，亦唔會太辣，配上小食土匪雞翼、蒜泥白肉，一個豐富晚餐非常圓滿。

✨腩卷黑蒜油味噌湯米線（3小辣）見係新出，又再黎食三哥😂😂今次食嘅限定米線😚裡面有：全隻流心蛋、3塊腩卷、2舊金菇、好多娃娃菜😳流心蛋好正喎…好入味，好流心😍腩卷唔會好肥，唔多脂肪，一樣都係好入味🐷金菇同平時嗰啲有少少唔同，覺得呢個嘅金菇好食啲。湯底比較鹹喇，腩卷都偏重，辣度其實唔算辣，辣嘅愛好者可以向中辣大辣挑戰。米線份量好充足，少少彈牙感，幾掛湯汁。✨飲品：奶茶，檸茶(>^ω^<)

呢個過橋米線係三哥酸辣五小辣，就係類似譚仔嘅重慶酸辣。餸方面就乜都有啲😋😋好適合兩個人食～自己私心最鍾意腩肉、丸子😋另外仲叫咗一個蒜泥白肉，白肉都偏肥 配蒜泥確實好令人口氣變臭😂😂好彩叫咗個可樂😌

【譚仔三哥】📍全香港⭐️黑蒜油味噌湯米線 $48見到三個又出新款未去試囉🤣 小編想試真個味，所以就揀咗佢個黑蒜油味噌湯加10小辣 (絕對唔認自己食唔到辣)。其實聞落都幾香，而食落第一個反應係覺得佢有啲似出前一丁棒丁麵黑蒜油豬骨湯味。覺得其實都OK，但係食到尾有啲鹹。個糖心蛋好食！蛋黃半流心同有啲鹹香味，咬落軟綿綿，有啲想+$9叫多隻蛋食😂一開始上嘅時候我搵咗一陣先見到佢啲腩肉，圖2會補返張圖。唔係好油膩，都幾淋身，呢個價錢我收貨架啦🫡覺得可以試一次，聽朋友講有多少少辣會好食啲。下次食應該會揀返普通湯底再加隻蛋😂

🍜 三哥全新日式餐單 🍥 おいしい😋！三哥又帶嚟新餐單喇😍 今次有三款日式食品飲品，令Jefrrey bb同我都讚不絕口呀🥳🍥🍜 三哥黑蒜油味噌湯米線 |腩卷 •溏心蛋非常推薦大家試呢個新品！呢個湯底真係經過精心調配🤩！ 三哥混合咗豆味濃郁嘅❤️赤味噌同入口甘甜嘅🤍白味噌，再加入經過低溫烘焙後再高溫精煉嘅🖤黑蒜油☺️，做出蒜香撲鼻、濃郁甘甜嘅味噌湯底🥳 建議鍾意黑蒜油、味噌嘅朋友可以揀小辣或以下，咁樣個湯底會比較突出喔，我揀嘅十小辣就啱啱好🧄🌶️！腩卷用咗日式叉燒嘅製作方式，果然係又香又入味🥰 溏心蛋蛋黄好流心，溏心度啱啱好😋🫔🌮 麻香昆布素菜卷（關東煮風味）素菜腐皮卷原來係關東煮風味，裏面有蘿蔔、木耳等多種健康蔬菜，仲每碟都有冬菇😚 關東煮湯用鰹魚昆布汁煉製而成🐠，加入譚仔風味嘅鮮花椒同麻辣油🌶️，麻香四溢😌🌸🥤 櫻花蒟蒻蘋果綠茶最後當然要嘆埋杯香甜嘅蘋果綠茶🍎🍵！

又到牛媽去覓食嘅時間啦！今次牛媽午餐叫左個水煮湯底，加配咗竹笙同埋豬潤，水煮湯底同豬潤非常搭配非常之入味可口！辣味非常香郁，豬潤吸哂水煮湯底，更加入味！必試！湯底非常之濃郁，湯底辣度仲可以自選，Yum!

最近譚仔三哥推出全新下午茶配搭套餐大家先來看看Menu又是難以理解的設計店員已經很耐心地告知，要打直看但依然無法解釋為什麼2餸米線底下有3餸的選擇…有一說一40多塊就能有一個兩餸面，加兩個小食，加一杯飲品其實已經抵食過很多茶餐廳分量也不會太少作為下午茶絕對足夠甚至可勉強當作晚餐但要留意湯底只可以選清湯或者麻辣本身已經要加錢的湯底，竟然不可以選番茄湯或者其他辣作為以辣湯底著名的米線店，這似乎不是一個好決定

譚仔和譚仔三哥首度同步推出「Me More下午茶餐」今次下午茶套餐亦有唔少新嘅產品！「烘肉桂焦糖三文治」面層有脆口焦糖 配上玉桂味 嚐甜者會鐘意「烘土匪芝士三文治」中間夾層是半融芝士 加上秘製炸醬 外脆內流心呢個配搭好有驚喜！「炸醬飯」喺譚仔入面竟然可以食到一碗飯！講真係好surprise不過酸菜炸醬飯配搭感覺一般 還是食米線好啲...「十三香辣小食三寶」有齊冬菇、豬皮、魚蛋不過略嫌鹹辣味不足下午茶將於每日2:30pm至5:30pm供應全線譚仔及三哥分店有售

譚仔雲南米線係一間位於旺角嘅麻辣米線餐廳，我試咗佢地嘅水煮軟殼蟹米線、避風塘豬扒件同蘆薈特飲，係既惹味！水煮軟殼蟹米線嘅蟹肉鮮嫩多汁，配上辣椒同香料，味道麻辣香辣，令人回味無窮。米線本身口感彈牙，好好吸收湯汁，令整體味道更加豐富。避風塘豬扒件亦係一絕！豬扒煎得香脆，外脆內嫩，肉質鮮美，加埋避風塘醬汁，鹹香味十足，令人食得停唔到口。蘆薈特飲清涼解渴，飲落口感滑順，帶有淡淡嘅蘆薈香氣，非常開胃。整體而言，譚仔雲南米線嘅食物質素高，份量十足，價錢亦相宜，係一個值得推薦嘅麻辣米線餐廳。

真水煮湯軟殼蟹米線我下次應該問一問軟殼蟹是怎樣處理，估唔到係真係用水煮湯黎煮佢。好難幻想水煮湯煮過吧軟殼蟹會有幾好食。結果黎到一食係靭皮嘅軟殼蟹，咬落去係水煮湯，口感比水蟹更水蟹，少少蟹肉口感都冇。水煮湯嘅緣故都唔奢望有幾多蟹味，所以似食緊韌皮嘅蟹柳 ？！ 可能蟹柳啲假肉都比佢好口感。平時都係食譚仔，譚仔3哥幾乎只食個幾次因為湯底同米線質感都好似譚仔比較好唔要魚腐加了豬肝。豬肝咬開雖然熟但係紅色嘅，原因可能係未放好血，或者係人造色素可能？！口感好老，過熟。

自從三哥出咗少少茄子之後，我就好少叫土匪雞翼做小食，雖然孫燒茄子都真係幾油膩，但真心推介，勁多蒜泥鋪面，茄子燒完之後好軟稔，孫儷用嚟撈米線，簡直係一流，真係超級惹味！

🍜 #譚仔三哥雲南米線譚仔三哥又出新嘢喇‼️ 鍾意食辣嘅三哥fans要即刻去食喇🥳 今次同男朋友黎到食依個集香麻辛辣於一身既水煮湯底😗 事不宜遲一於就黎挑戰依個「大佬」 究竟會將我地推去辣味既天堂定天獄啦！🦀 三哥水煮湯軟殼蟹米線三哥既米線不嬲都係好好食！而今次個湯係進一步更好食啊😜點解？！因為今次軟殼蟹幫到曬手啊 除左啖啖湯都好足水煮既麻辛味之外🥳🤩 今次比起以往既係多左陣鮮味🤪 最重要係仲有如假包換既蟹肉比你去食😙 鮮甜冇骨之餘亦都索埋個湯 個外殼亦唔會話太熱氣 撈埋個湯勁惹味啊😍🐷 我是你的避風塘豬扒件依個豬扒咬落去既質感超級軟嫩😙 但係係出面一層層沾左好似金莎既避風塘香蒜脆脆同辣椒絲係會令你狂風四起😆💨味道香得黎唔會話太辣😎🧃 羅漢果然好解辣蘆薈特飲果然真係好解辣吓🤣 羅漢果出面飲得多 不過譚仔依個配搭真係幾天作之合😄岩岩食完啲重口味既野 羅漢果加埋蘆薈粒真係十分解辣😁而且唔會係死甜😙而係有清甜既感覺😎🍢 新米線食材：炸魚皮及豬紅依兩樣餸可能都係三哥迷引頸以待嘅配料之一😙 個炸魚皮🐟浸落湯係會有滋滋聲架😙 咬落仲勁脆😙！ 三哥嘅豬紅都好彈實😄 鍾意食緊實豬紅嘅你絕對唔好放過啦🤪

今日我食咗一碗過橋米線，真係好正啊！🥰首先，佢嘅湯底好鮮甜，🩷有非常濃郁嘅香味，令人一食就覺得好舒服。佢嘅橋桁米線都煮得剛剛好，唔會太腍或者太硬，🥳🥳口感好彈牙。仲有，佢嘅配料都好豐富，有雞牛豬肉、墨丸魚蛋等等，每啖都有不同嘅口感同埋滋味，好開胃‼️🫶🏻

不知幾時開始，便❤️上酸🌶️🌶️辣。由酸辣湯底改吃麻辣湯底。也由十小辣吃到現在可吃中辣了。不過好多間分店的味道都大落差，有時上到枱個碗米線係暖的，有時個湯無味，好差。今日去呢間，再比多一次機會佢………🙏點幾去到，不用排隊。我哋上2/F雅座。去到時只有一枱外國人客人及我們。雖然譚仔阿姐同鬼佬🐔同🦆講，但阿姐都能應付自如，成功落單。✌️今日我叫了中辣麻辣湯（🐔肉+酸菜)，個湯好濃味及堅辣，超ok。老公叫了個套餐及土匪🐔翼。他：個湯濃味，好吃。感覺這間分店的環境，員工態度及食物质量都👍👍👍。