譚仔三哥米線 (良景廣場)

營業中

休息中

天氣涼咗真係想食返啲熱辣辣嘅野，所以叫咗譚仔三哥外賣！因為好耐都冇食喇～口痕痕🔺麻辣5小辣魚腐雞肉米太耐冇食三哥，所以唔敢叫太辣驚頂唔順，5小辣真係岩岩好😂湯底冇咩點變都仲係嗰隻味，雞肉都嫩，但每次都必點嘅魚腐真係比之前細粒咗，好似冇之前咁好食😟🔺清湯豆卜牛丸牛肉米果然食三哥真係唔好點清湯，因為心理上會唔滿足😂估唔到啲料又幾多，牛肉嫩，牛丸都彈嘅 。🔺土匪雞翼（大）都係咁惹味！ 皮脆肉嫩，幾入味 。三哥必點 。🔺尖椒皮蛋感覺冇之前咁好食，尖椒冇咁出味，皮蛋口感都還好，普普通通 。

譚仔記分店越開越多，諗住工作疲憊時吃一碗熱辣辣的彈牙米線，但服務劣、食物質素差左、價錢貴左，餐廳嘅酸辣湯底質地較稀，每碗都有滿滿嘅肉碎，辣味唔會過份嗆喉，反而突出左米線同湯底嘅酸甜。夏天唔想食得太油膩但又想過下口癮，呢度嘅酸辣湯就可以滿足到! 譚仔三哥麵湯底5小辣，食到我流晒鼻水！我覺得土匪雞翼較為好味，因為肉質較腍和鬆軟! 腩肉係一定要叫的，腩肉的口感較鬆軟，而且都比較鹹的! 湯底不斷加豬骨熬製，愈熬愈濃!!! 

又黎寫返篇跪玻璃日記📓🖋今日又要諗下同主人👩🏼🐯食咩好啊時間已經嚟到夜晚2100🕘心諗出事啦又冇嘢好食點知經過譚仔見到一個餐勁抵叫四個餸米線🍜加$20就有一碗一餸米線🍲再加$20仲有個大土匪🐔用我精密嘅頭腦去計算🤯🤯不嬲出去食飯都唔會叫嘢飲俾我哋呢一餐$100都唔使🤫🤫當我同主人👩🏼🐯講咗呢個真相之後佢當堂嚇咗一跳，然後就入咗去麻辣二小辣多麻（雞肉、豬肉、炸醬、腩肉）🌟🌟🌟平時食開譚仔嘅呢啲餸唔使多講啦蕃茄湯中辣 （魚腐）🌟🌟🌟🌟個湯又甜又辣幾好味，但唔係次次都咁好彩土匪雞翼🌟🌟🌟🌟今次食個土匪雞翼有啲驚喜，竟然係熱辣辣嘅回頭率： 呢個餐抵食呀，譚仔回頭率你話想啦介都唔係咁易㗎70-80%啦最後呢一餐只係用咗$91, ya ho 精神啊今晚唔使跪玻璃🥳🥳🥳🥳

身為譚仔鐵三粉既我 耐耐又會心癢癢想食返碗米線🍜最近見佢推左個雙重優惠你抵線！！！好抵🥹晚上6時揀4餸米線即享雙重衝擊優惠，抵上加抵！加$20一餸米線，第2擊😳半價士匪雞翼半價！🍜自選米線$53：下醬,豬肉，腩肉，雞肉：麻束湯底：2小辣：多麻,走芽菜呢碗米線偏淋 湯底偏鹹 如果湯底可以小鹹就好🥺🍜＄20一配料米線：魚腐：番茄湯底：小辣;走芽菜🐥土匪雞翼（5隻）$16好抵！！！大土匪先$16 平時細土匪都已經好似要$23😚

好耐都冇食過譚仔三哥，好懷念嗰啲胡辣湯底，晏晝特登黎食佢。過橋米線 $56呢個叫咗麻辣湯底10小辣，其實覺得個湯好清，不過對我黎講麻辣味已經好足夠。 基本上就係好多餸菜都有一小份，最好食就係豆卜呢啲可以索湯汁嘅食物。牛肉米線 $35嗌咗我諗咗好耐嘅胡辣湯底，果種香味同埋辣味真係冇得頂，牛肉係生牛肉烚熟嗰種，我個人就比較鍾意食肥牛，不過唔緊要，我黎食個湯底啫。米線正正常常冇特別。土匪雞翼 $315隻雞翼表皮香脆可口，牧然粉味都重，雞肉夠嫩滑，真係超好食，但係個價錢都唔算平。蒜泥白肉 $38上碟會覺得好多辣油浸住，成碟野都幾高卡，不過我本身鍾意食蒜，蒜泥唔會整到係糊狀，合我心意。重蒜味，帶微辣，唔會太刺激。份量其實都唔算多，純粹過下口癮。

04.05.2021今日試譚仔三哥新口味外賣，之前出鴨血無食過，今次期間限定出「姬松茸/螺片/雞米線」，話係滋補之選！起初打開碗蓋，好空虛呀，眼見得一件雞、一件螺片，兩三條菇仔浮沉喺濃湯中，心諗死喇，咁少，肯定食完唔夠飽...點知當落咗米線後開始食，原來件雞雖然得一件、但咬開分拆可成三、四小件，而且我估係用胡椒醃製過，幾好味呀！👍另外件螺片大大片，有咬口；姬松茸得三條，其實最初唔知係乜，同事話係菇之類。維基話屬於營養保健食品中，並聲稱有活化免疫系統、預防惡性腫瘤的功效⋯⋯但未經證實🤣。但無論成效如何，爽爽地幾好食，如果可以多啲就更好。（唔知係咪好貴，所以得咁少）想講個湯底有菌味、濃濃地，我覺得幾啱自己口味，其他同事都話好味，但預咗加咗味精，可能會口乾。我覺得$59呢個價錢算可以，但屬於女士細食之選，如果正常食量肯定唔夠飽，建議要至少加多一、兩款餸。另外，同事食嘅鴨血、豆卜米線，都係期間限定之選，佢話豆卜吸咗湯底，好好味，本身至少五小辣（除非專登叫清湯），唔食得辣嘅我唔啱食。整體來講，呢次期間限定之選算不錯，如果有興趣，可以試吓。

譚仔三哥係學生必食之選平時唔知食咩就一定諗去食譚仔三哥啦雖然佢有好多唔同辣味但係 我自己最鍾意都係清湯同蕃茄湯因為平時唔食得辣啲魚蛋係好好食魚腐都好食其實差唔多好多餸都好食最重要嘅係一定要食土匪雞翼超好味招牌

每次同朋友嚟親依到都係嚟三哥食過橋，唔好睇兩個女仔咁細粒 。其實都可以每人食到一碗過橋。唔係講笑，三哥嘅茄湯的確好好飲 每次嚟親都嗌茄湯5小。啲姨姨都就嚟認得我（怕醜ing） 姨姨態度親切，效率高

譚仔三哥的米線真是吃到令人懷念的~男朋友自己一個很少到譚仔，因為不會叫....基本上譚仔三哥的米線無論清湯酸辣我都很喜歡，所以東西都嚐遍了!今次試了煳辣豬肚米線，三小辣，湯的味道十分特別，帶點糊麻的胡椒香，湯底香辣濃郁最重要的真是很多配菜好好吃，我通常都叫很多配料，因為配料浸了湯以後，真的好吃得不能形容!再叫多了一個特價的小食，口水汁雲耳，爽爽脆脆易入口，十分適合麵線還沒有到的時候先吃吃頂肚!!! 才$12元!

今日見好耐冇食過譚仔三哥米線,係良景商場就食左個晏,個餐牌都同以前唔同左,可能太耐冇黎了.我以前就成日食麻辣湯底既,不過今次就想試啲未試過既湯底,所以叫左普通酸辣,餸就係雞肉同豆卜.我解釋一下點解我咁中意食呢兩個餸!雞肉浸係呢個湯到係口感正之餘個湯又好味,另外豆卜既特點就係會索晒啲湯,一口咬落去係口感勁正加上湯汁必晒係口,係十分之正,加上呢個普通酸辣湯都真係好正,清清場唔會太辣,少少酸,易入口,食唔到麻辣湯底既可以試下呢個.之後叫野飲既時候,譚仔姐姐叫我可以唔一定飲平時個啲野飲,有特飲的,我見都係加差唔多錢,就試左呢個荔枝特飲,最得意係佢真係有粒荔枝係上面,幾好飲甜度適中,有荔枝肉咬下!

This is probably my favourite Chinese noodle restaurant in Hong Kong as you can't find anything like this in Europe, but my girlfriend always laughs at my taste.I have also heard Hong Kong people are so into Japanese food but getting half cooked liver in a noodle restaurant was out of my expectations. My girlfriend was joking this was a sashimi version of liver. But still, any meat should be cooked well done, because raw meat can cause stomach diseases, especially raw liver.

份量少左，價錢貴左！差！不停加價！加到離哂譜！雞肉得5塊！5塊！得5塊！好過分！加好多芽菜..充當米線嗎？！三哥係多左個煳辣湯底，中意食胡椒既人可能中意，但個人覺得一般，除左胡椒味，吃不出什麼特別！清湯落了味精嗎？飲左勁口喝！服務水平一般！可能較忙吧⋯⋯但常常杯野飲都好耐先有，要催幾次！野杯要加$9蚊，嘩！去搶嗎？！熱飲都一樣加甘多！之前加$7蚊都已經貴，加下$9蚊堅堅堅堅堅貴到離哂大譜！貴價CP低！下次唔再幫襯！

好耐無食譚仔三哥了始終都係三哥好食d今日天陰陰落大雨突然想食米線就諗起三哥了好在屋企附近有一間土匪雞翼簡直無得輸一定一定要食今次仲加左「辛蒜燒茄子」我唔食得辣其實呢條茄子我都覺得辣了老公就覺得辣度剛剛好見仁見智啦除左有辣味最出色就係d蒜蓉味超正🤤我平時食三哥必叫就係「豬肉炸醬十小辣走九芽」十小辣對我黎講岩岩好我以前食得辣d試過食到小辣嬸嬸年紀大唔食得太辣了🤣🤣🤣今次見到佢有新野飲—凍蘋果醋（左）凍檸蜜（右）蘋果醋超好飲解辣一流👍🏻推介推介！

自從龜丸併購咗譚仔後，我都無食過譚仔。有時太耐無食，又心思思想食下……一入門口有幾位譚仔阿姐大嗌歡迎光臨，同時會問幾多位。我見到有其他客人直接行入去坐，係唔ｗｏｒｋ既。有阿姐會帶返佢出去，問返佢幾多位再作安排。今次照舊食雞肉韭菜米線（麻辣10小辣）坦白講，不過不失，至少味道同以前食既係一樣。2個餸+飲品埋單$46，同區有好多選擇性價比高過佢，不過偶然食下就無所謂。

食三哥米線係有舖癮，差唔多時候又會想去食而乍醬更加係我每次去嘅目的，乍醬豬潤煳辣米線（$37）配凍檸茶少甜（$7），已經係我嘅常餐，乍醬味濃，豬潤爽滑，米線唔會太淋，仲有黃豆味香嘅腐竹，煳辣湯底更係無庸置疑咁有水準