譚仔三哥米線 (威靈頓街)

營業中

休息中

講左咁耐，中西區終於有三哥啦。今日試咗個特色湯底「沙沙湯底」，簡單來講即係喇沙湯底，都算幾香，唔算特別辣。我同朋友同樣點左五小辣，但係佢嗰碗辣油就多我好多，仲辣好多，可能係啊姨落辣失手啩然後試咗個龍蝦丸，普普通通冇乜特別。至於係份量方面，呢個就值得講一講啦。我本身都係三哥忠粉，食勻港九新界。而中環嘅三哥米線嘅份量係偏少的，感覺係平時嘅三分之二，甚至乎我有感覺係少咗一半唔知呢個算唔算係中環店嘅特色。但係環境方面，呢間真係唔錯。啲裝飾真係幾靚，想打卡或者試新野嘅就唔好錯過

LKF三哥🤓終於都試到你啦~~肥牛、豬肚、魚腐 米線 $59🍜(蕃茄湯 🍅)得依間舖先有嘅肥牛errrrrrrrr……無咩事 下次嗌返其他😂豬肚就都係一般般魚腐配蕃茄湯底 唔錯蕃茄湯濃+酸, 但又唔會酸到食唔到嗰隻幾鐘意依個湯底蒜泥白肉 $28一向無得輸咖啦串燒香辣煙腩卷 $14又係中環限定~好味喎🥸燒得夠晒香 仲脆脆哋仲包住塊洋蔥🧅幾夾不過都真係幾辣吓如果有多幾款串燒揀 有更加好嚕香烤芝脆豆腐餅 $15難食到一個點🥲又散又淋 唔香唔脆🥲好似食咗一pat粉入口咁

eat乜米線 | 中環純粹唸住順應潮流，拜訪一下中環三哥，點知食完唔小心由譚仔黨轉咗三哥黨。今次主要想試分店限定嘅食物。先來麻辣串燒：一串辣蒜翠玉瓜、一串椒汁香草肥牛卷。講真，賣相令我本身唔敢抱任何期望，但食落口非常有驚喜。尤其係辣蒜翠玉瓜，蒜蓉嘅份量足夠，鋪滿翠玉瓜表面，連埋麻辣醬嘅味道，成件事好夾，好香口，有一種食過返尋味嘅感覺。至於米線，叫咗肥牛、墨魚仔砂砂湯米線，小辣。不論配料定湯底都係中環店限定。先講肥牛，坦白講一定唔會係靚牛，但係好食過譚仔或者三哥本身嘅牛肉。同埋，我一直都覺得肥牛係好夾麻酸辣米線。另外，墨魚仔冇腥味，口感爽脆，配合湯底嘅香辣，勁惹味。至於砂砂湯底，味道好似馬來西亞喇沙溝埋本身麻辣湯嘅感覺，所以味道好豐富，好好味，令你食唔停口，非常值得一試。

譚仔三哥米線應該無人唔識，係香港嘅普及程度分分鐘勁過7-11。今次蘭桂坊開左分店，一定係試呢度限定嘅串燒同配菜，同埋仲未試嘅新特飲！串燒香辣煙腩卷 $14串燒椒汁香草肥牛卷$16串燒辣蒜脆肉瓜 $9串燒香辣烤菇 $16湯底 -砂砂湯 +$1配菜 - 墨魚仔 +$13葡萄烏龍茶 $15 (加配 $11)蜜桃乳酸 $15 (加配 $11)👍 煙腩卷 同 肥牛卷都包住超甜嘅紅洋葱，中和返肉片嘅咸味同肥膩，配合香料，幾好味，值得一試。雖然佢話係辣，但就唔係好食得出。👍 反而咁多種串燒當中，我覺得最辣、最好食、最值得試嘅係翠肉瓜！估唔到可以咁 juicy，啲蒜多到好似蒜泥白肉咁！翠肉瓜又清甜喎，好好味！！👍 墨魚仔都好脆身，份量又多，食極都仲有👍 砂砂湯係我永遠嘅至愛，但全港得9間分店有，仲要係 hidden menu。佢比普通麻辣湯多左份花生香，惹味同豐富啲，而家又多一間有得食啦，推薦👍 位於老蘭，裝潢都有返少少放工去chill 嘅感覺，仲好易撞到同事添 😂 想平平地 “happy Friday” 都係唔錯嘅選擇👌 但烤菇就無乜特別👌 特飲都唔錯嘅，當然唔可以同幾十蚊杯嘅台式茶比啦，但唔想飲凍

中環三哥終於開張啦！事前已聽聞呢間分店會有特別D嘅菜式，所以今日專程嚟到朝聖！夜晚六點幾到達，無需輪候，直接有位。呢間分店獨有砂砂湯底、四款串燒、同埋有得嗌啤酒。但啤酒只係坊間超市都買得到嘅普通牌子，如果係諗住有特調酒精飲品，恐怕會失望啦～今次試左佢嘅肥牛卷＆煙腩卷。如圖所示，份量比想像中細，肥牛卷入面夾左塊洋蔥，算係有多一種層次感。配上淑汁，味道惹味，但整體嚟講唔算有太大驚喜，試過一次就夠。價錢嚟講，肥牛一串細細串要$16，煙腩卷就$14，唔算抵食。講下個番茄湯底米線，番茄味道濃郁，有淡淡番茄蓉。魚腐麻小，呢間分店嘅小辣比其他分店辣得多！特飲：葡萄烏龍茶，冇咩特別。特飲：紅橙柚子乳酪梳打，有啖啖柚子肉，但覺得有少少藥水味。埋單$152走人。

話說最近知道譚仔係蘭桂城附近開咗分店，呢間譚仔主打嘅特式係有啤酒同伴酒小食。咁特別，作為譚仔三哥粉嘅我一定要出嚟會一會呢間三哥。星期五嘅下午約咗一班三五知己到達食店。一行五人嘅我地，可以叫晒咁多款特式小食。先講餐廳環境，同平時食開譚仔係唔同呢間分店用咗霓虹燈去打造型格風。可以比大家打打卡。串燒係呢間分店至有得食，所以我地都無理咁多。每串串燒都叫一串嚟試下。分別有串燒辣串翠玉瓜，香辣煙腩卷，椒汁香草肥牛卷同埋香辣烤菇。另外亦都有叫香烤芝脆豆腐餅，土匪雞翼，蒜泥白肉同豬耳。米線方面我地試咗新嘅糊麻湯魚爽肚米線。我自己點咗麻辣中辣，而同行朋友點咗蕃茄湯底。朋友亦都有試香橙柚子乳酪梳打。特別值得一提嘅係，米線食材可以加龍蝦丸，肥牛同墨魚仔。呢三個餸係中環店限定，其他分店食唔到嘅。等咗一陣，小食陸續上枱。串燒方面我地一致認為烤菇係最出色。其他串燒就比較失色。唔算難食但亦都唔會話好食。香烤芝脆豆腐餅真心好差。上面個層一夾就散晒，反轉個底嚟睇。燶晒。魚爽肚米線。芥末魚籽鱈魚滑豆卜，我地食辣都仲食得出有芥末味同味道正常，但食蕃茄湯底朋友就表示有陣怪味，可能我地食辣已經掩蓋咗個陣怪味。魚爽肚都夠爽口。最

🏙譚仔三哥既中環旗艦店前身係翠華, 🕰佢開左唔夠一星期就要黎拜訪下, 🤹🏻試試佢中環限定既砂砂湯底同幾款獨有小食!😎🍜豬潤砂砂湯米線 - 10小辣 ($37)🍜🥣呢個砂砂湯底要+$1, 👀係佢地既獨門神秘湯底, 🌶都有得揀唔同辣度. 其實聞上去係馬來西亞喇沙味, 🇲🇾撈起D米線就feel到個湯係比較濃郁既, 食落有少少海鮮味, 🦐都幾惹味, 不過我都係覺得三哥酸辣同番茄湯底好食D🍅🍡串燒辣蒜翠玉瓜 ($9)🍡👍翠玉瓜夠曬淋身, 配埋滿滿既蒜蓉鋪係面, 🧄啖啖都超香口, 但都幾辣下就真既🥵🥩串燒椒汁香草肥牛卷 ($16)🥩🧂肥牛上面灑左孜然粉, 🧅再包住塊脆脆既紫洋蔥片, 外軟內脆, 口感十足!🤗😋總體 (味道, 性價比, 環境, 服務態度) : 8/10——————————————————————————————🏙This is the flagship shop for TamJai SamGor (previously TsuiWah) and is located in LanKwaiFong. 🕰It opened less than one week and 🤹🏻its ti

是咁的，今日我用Panda點左個爽魚米線12：22落單，聲稱自取時間係12：42，咁我12：40落到間鋪頭到等啦。12：45 問下店員拎得未，佢問左我電話號碼幫我睇下，「未到」。我諗住咁多人買外賣，遲少少都正常既。13：00 再問店員，都係未到，我繼續等。13：15 再問多次，都係未到。佢見我等左咁耐，就問另一個同事（唔sure係唔係廚房同事）有冇我張單。之後佢再覆返我話依家同事幫你跟緊。如是者，我又再等多5分鐘，喺13：21終於攞到我嗰一碗米線。我哋呢啲打工仔，得1個鐘既lunch hour，用左1個鐘時間去等個米線，返到office 個個同事食飽，傾下計／開始做野，而我就仲食緊個lunch。所以，真係唔建議喺lunch hour 呢間譚仔三哥，等左成粒鐘，真係好誇張....

今次見佢開咗終於嚟試～本來已經想試 但早兩日都見到好多人排隊 無可能排到😓就走啦今日午飯時間諗住早早地12:15拎下飛試吓排點知四人枱排左半個鐘都冇郁過一個號碼要入去係咁吹佢先至放人入去😑大熱天時喺出邊企喺度等真係好辛苦🥵以為入邊係有兩層好大 返枱時間應該好快 點知等得勁慢 原來入邊得一層 唔怪得排死人！明明有吉枱又唔放人入去 睇得出好似唔夠人手座位安排其實好差 見2人要搭4人台 又無間板 又有4人枱坐得2個人 浪費哂 出邊仲起碼企緊20個人等位整體上依間店員工都係好有禮貌態度都好好😂同樣地 所以姐姐們手腳一定係冇出邊嗰啲咁快咁求其～等嘢食都等咗一段時間 試咗最新嗰個砂砂湯 真係幾好食！有少少花生嘅味道 至於確實即係咩味我都形容唔到😂