誠記

營業中

休息中

在香港島跟九龍，還有很多未被「領展」收購的政府街市，跟市政大樓。當中還有很多隱世食店，都藏身於各大街市樓上的熟食市場裡面。那些街市熟食市場食店，很多都會有濃厚的地痞大排檔，而且價錢頗為經濟實惠。繼我以前在香港島南區的「鴨脷洲市政大廈」熟食市場裡面，就曾經光顧過兩間排檔茶餐廳，我無獨有偶地都是光顧，和試食兩間茶餐廳的「西多士」小食。恰巧香港島除了有「鴨脷洲市政大廈」熟食中心之外，在香港島西區的「堅尼地城」市政大廈裡面，又有一個熟食中心，不過我在「堅尼地城」熟食中心食的食品，就不是「西多士」之流的小食。今次我在「堅尼地城」的市政大廈樓上，找到了一間店名叫做「誠記」的排檔食店。「誠記」跟很多市政大廈的排檔食店有但最大的分別，就是「誠記」居然有一大本，印刷釘裝都非常精美，仿如一本書籍的餐牌小冊子。而且「誠記」的餐牌小冊子，裡面所有的食品飲品，都是分門別類，整齊排列在餐牌每一頁之上。「誠記」的餐牌小冊子美觀程度，隨時不遜色於商場裡面的大型食肆。而且「誠記」裡面粲牌列出的食品種類，一般都是以茶餐廳的炒粉麵飯之外，其餘的都是以茶餐廳類的三文治跟小食為主，當中還有以「誠記」自己店舖命名的粉麵菜色。例如

Ordered: 沙嗲牛肉米粉，菜肉餃炸雞扒公仔麵，花生醬煉奶多士1. 之前聽過誠記啲沙嗲牛肉面好好食，佢嘅湯底同一般茶餐廳唔同，係真係香濃嘅沙嗲湯底，普通嘅茶餐廳淨係會放啲沙嗲醬係牛肉上面，所以佢嘅沙嗲牛肉麵真係好出色。2. 個多士就不過不失3. 個菜肉餃唔錯，菜同肉嘅比例係一半一半。

勞蘇食平時都唔傾向寫一個人去食飯個啲食評，一來唔係餐餐都值得寫，我又唔係為湊數寫兩句好味好味個啲人，二來試到既野食唔多，參考價值相對細啲但最後都忍唔住破例一次，寫我好鍾意黎而毫不起眼既誠記誠記係堅尼地城既熟食中心入面，無咩門面或裝修可言架喇，但留意返，通常食街市最驚就係唔衛生同油煙味勁，佢衛生算正常，油煙味係幾乎無，比起好多餐廳做得更好而且由於近港大同港大宿舍，好多港大生會黎食，坐位都係木枱膠/鐵椅，唔好有咩特別期望，不過都唔算迫既餐牌都係一般街市熟食中心或牌檔咁，乜都有，諗到都有得拼，炒到既都做得出主打出名多人食既有：沙爹、濃沙爹牛肉麵、墨魚須頭、牛筋、豬排、椒鹽豬排一般排檔都係食鑊氣，但勞蘇食推介 — 韮菜餃炒蛋粗麵加腩汁，必須加腩汁，佢既牛筋咁多人食其中一個原因就係佢既腩汁好味習慣先食炒蛋，半熟炒蛋，真係蛋有蛋味，好味在蛋既質素食落口就知，加埋加左腩汁既湯底味道就啱啱好之後食韮菜餃，佢用既係似雲呑皮既皮，薄身同冧身好多，餃好足料好好味認真係其中幾間我食過最好味既餃，菜同肉比例好好唔食韮菜既可以揀菜肉餃，都係咁正最後就係麵底，佢既粗麵係薄身個隻，一住挾上黎有少少通透咁既，蛋味好濃，

今日去西環做野，試試好多人讚嘅誠記，叫左個沙嗲牛肉叉燒通，誠記炒飯，凍央凍檸茶。飲品不過不失，沙嗲牛是合格不錯，炒飯就。。。出事了🤦🏼‍♀️一入口已食到生米，我地二人各食一啖確認有生米情況，向店員反映，店員拿回廚房給貌似老闆的人，(貌似老闆)大聲回覆，“我地d炒飯係咁乾”！我回應他是生米問題，他試了一口，怒啤住我，和店員咬耳仔幾句，店員走過嚟問我另點甚麼，我再要一碗沙嗲牛肉麵，之後成餐飯那(貌似走闆)都怒視我，叉起腰企我隔離。完全無食慾再食落去，我只係來食飯，點知係受氣！何況係最基本的出品問題都唔正視，唔通叫個客食生米？佢自己試完都知出了問題，一句道歉都無仲要凶人！自問好聲好氣提出問題，呢d又舊又不可一世嘅老店，香港人都好難去支持😡

以前讀香港大學嘅時候，地鐵未開落堅尼地城就只有搭小巴。其實都好似有聽過吓士美菲路市政大樓3樓有間大排檔幾好食，但係又唔會無啦啦朝早去到食架我無住Hall。而家搬咗去堅尼地城住就好多時候可以去周圍食下野，呢間誠記我就聽過有人食完個面便沙嗲湯底都要飲晒。我心諗誇張咁就一定要試吓啦。咁環境上邊市政大樓來講佢真係算乾淨，座位上都算闊落，冷氣都夠。Open seating 自己隨便坐。冇茶餐乜都冇所有野都係單點。介紹翻沙嗲牛肉，肉片唔算切得太厚亦都唔會太削。食落都幾入沙嗲味，應該有預先醃過，唔算會好似出邊嗰啲茶餐廳沙嗲還沙嗲肉片還肉片。公仔麵就唔係出前一丁亦都冇得俾你加錢揀出前一丁不過都唔係一個好大嘅問題。至與佢嘅湯底，沙嗲味濃，唔會太杰都唔會太咸。唔算超heavy。值得一讚嘅就係佢出碗麵嘅時候，成碗面係好熱辣辣真係好耐冇試過可以所有嘅配料都係辣嘴。如果之前嗰晚飲咗酒，呢碗麵真係戒酒一絕。當然重口味野嘅就一定要搵啲balance 返，我就帶咗一份奶醬多同埋一杯大嘅凍鴛鴦。驚喜嘅係佢嘅鴛鴦茶味好香，同咖啡味好夾。奶醬多嘅多士係厚身麵包，都唔係度度有得食。整體而言，誠記出品比界外一般嘅茶餐廳或者連鎖

今日小編和同事們去左堅尼地城覓食、典解去咁遠？事關同事A話堅尼地城有間食沙爹好好味，咁當然不能過錯過啦呢間舖頭ｏ係堅尼地城士美菲路熟食中心入面，午飯時間雖然人山人海但都有好容易搵到位既。小編當然叫我最愛既沙爹公仔麵啦，一黎到、目測d沙爹好似好濃郁咁、但又唔係杰撻撻既質地，飲左啖湯試下、就覺得沙爹味真心唔錯！好濃厚既口感但又唔會話好漏咁。同事們都話呢度d沙爹好出名、我覺得非常👌🏽OK既但都想搵日試埋元朗ｏ個間X順再黎過終極評分題外話：食完都唔覺得好口渴咁，即係味精應該唔太過份、加分！

鮮油奶多 蛋牛治 沙嗲牛肉炒蛋腸仔公仔麵 沙嗲牛肉火腿奄列公仔麵 🍽全部都好正 鮮油奶多塊牛肉係真係太邪惡了 不過配煉奶太正 沙嗲牛麵個湯依舊夠鹹夠濃 係重口味左d 不過就係咁先好食🍜鮮油奶多出面又脆又熱 入面就有舊冰涼既牛油 煉奶balance翻鮮油嘅油膩感 配埋誠記沙嗲牛肉麵簡直正到爆😗坐街市食野又有feel 🇭🇰 間唔中食下好正呢度嘅服務員唔興寫單 所以買單嗰陣好搞笑 佢會續啲續啲啲慢慢計返條數出嚟 又啱哂架wor 😂😂😂

仲有啲朋友係大學讀緊書，如果想敘舊又要近近地嘅，就要去我哋呢一間大學的回憶，士美菲路街市嘅誠記啦。午飯時間嘅時候，一定坐滿晒人總要啲朋友去霸位先有得食架，今次都唔例外！一如以往每一次落單都係食一樣嘅野，沙嗲雞扒蛋公仔麵配凍奶茶，有時仲會配埋菜添。可能真係大學差唔多每個禮拜都會食所以總係覺得佢呢度嘅沙嗲湯底好出面係唔同嘅，而且真係好足料㗎，雞扒係即叫即炸嘅，全部都係真材實料，唔會好似出面咁加左好多其他額外嘅粉，而且每次食蛋都係會後悔但都係會嗌嘅，真係好厚架。除此之外，咁耐啲侍應都仲係嗰幾個，每次嗌收錢都可以唔洗寫單，用心算就ok，雖然唔係d咩佳餚，總算係一個貼地回憶。

今日有閑情逸致呢到堅尼地城 ，諗起之前上網見過一個關於堅尼地城士美菲路熟食中心的一篇報道：就係講緊呢間誠記。 專誠上嚟探個究竟。報道話呢間茶餐廳係家族生意 ，阿哥同細佬都有份打理呢度嘅業務。 當中佢哋嘅叉燒更加係自己製嘅的， 全因當年唔知阿哥定細佬， 學廚返嚟嘅心得而製成嘅 。一般熟食市場嘅格局，但係位置一啲都唔迫非常闊落。 我揀咗個位坐低，枱上面已經有餐牌。 餐牌設計得好靚 ，上面更加寫住茶餐廳嘅字樣， 睇嚟非常之為作為香港嘅茶餐廳自豪。 餐牌選擇非常多，基本上香港茶餐廳有嘅嘢佢都有 。我望咗一望隔離附近食乜嘢， 大多都係湯麵為主， 於是我就嗌咗一個炒蛋叉燒通粉…侍應態度非常好。 唔使一陣食物已經送上 。炒蛋都夠滑 ，係有少少油。 叉燒都唔錯 ，未至於驚嘆。 29蚊 都算值得， 至少還境闊絡又唔迫人 。可能係上午時段嘅關係。下次都會再幫襯嘅！

士美菲路市政大廈，除了來打羽毛球外，還可以來試一試堅尼地成的地道美食。誠記位於市政大廈3樓，座位很多，環境則是一般市政吧，都尚算整潔的。餐牌要讚一。下，很精美，中英對照，不似是一般茶仔餐牌，你說是一間中菜廳的餐牌也不為過。其實也不用看餐牌，來這裏只有一個目的，就是沙嗲湯底。叫了餐蛋麵，及牛肉腸仔麵，份量比出面茶仔多很多，不怕不夠吃。沙嗲湯底味濃，但不算辣，不似其他店的只有牛肉有沙嗲，配公仔麵絕對不錯吃。此外，熱奶茶其實也很有茶味，不錯。這裏絕對適合喜歡地道風味的人。

Went here because of the satay broth.The prices were reasonable and I was impressed with the hardback cover menu and there was English and Chinese.There were so many different combinations that it was hard to decide on what to eat.I got the satay broth with noodles and octopus.It was very tasty because the broth was not too sweet and it was not oily but slightly spicy.The lemon tea is good and if you order the large size, it is good for two people to share.

當晏就起身，又懶得出去其他地方搵嘢食，就唯有頹頹地係西環食啦。住hall既大學生落到嚟既選擇不外乎都係嗰幾樣，今次就揀左誠記啲啊姨十級好記性，成枱人落單，有時自己都唔記得，但啲啊姨唔使寫低都會記得晒嚟誠記既其中一個樂趣就係睇啲啊姨表演下超強記憶力嗌粉麵既話，基本上唔使點理餐牌個配搭，因為餐牌有既配料都係任配任搭既。今次我就揀左沙嗲豬頸肉午餐肉炒蛋米粉($32)一擺上枱都嚇一嚇，好足料好大份午餐肉煎過嚟都幾香口，仲有兩大塊豬頸肉都好多塊，起碼有5/6塊，唔會太薄炒蛋就算係最普通既一樣，滑溜得嚟，配埋沙嗲湯都唔錯本身自己就鐘意食米線多啲，但可惜誠記無但米粉配沙嗲湯都係唔錯既選擇沙嗲湯夠濃郁，好味高估左自己食量之餘都低估左誠記既足料程度，最後食唔晒真心建議正常食量既人，嗌兩個餸就夠啦另外，佢既誠記炒飯，避風塘炒飯都係好食之選不過份量都係比較多，平時見啲女仔兩個share嗌一個都夠飽美中不足既係，依到既嘢飲都係散嗌多。但佢啲嘢飲有份正常同大杯，大杯既真係好多時都飲唔晒，食誠記真係要量力而為，唔好嘥嘢三十幾蚊，咁足料又好食既粉麵，真係極力推介

星期日下午想去食，又唔知開唔開，有冇電話，於是去搏一搏，去到見到坐滿人，開心晒即刻叫咗沙嗲紅腸雞扒米粉，熱檸蜜：沙嗲湯底非常濃，比打邊爐嘅沙嗲湯底味更濃，紅腸好味，雞扒用五香粉醃過，再炸，就咁食都好好味。熱檸蜜味道不錯，大大杯好飲。在叫咗一碟沙嗲牛肉乾炒米，熱檸檳： 又係大大碟，牛肉都幾淋，米粉炒得好野味。熱檸檳大大杯，有平時兩杯凍檸茶嘅份量，真係好抵飲。沙嗲湯底食食吓有啲囗喝，全部野整體來講都係好味嘅。

第一次寫食評，睇Openrice食評，本土茶餐廳食物，食完方便返屋企。星期六放下午，輕鬆由北角搭港鐵到堅尼地城站附近，士美菲路街市2樓，搵下就搵到誠記，都9成滿。點左個秘製叉燒湯粗麵+熱檸茶$32。叉燒偏甜，反而粗麵軟硬適中😀,熱檸茶正常。叫多個碎牛肉蛋治，碎牛肉少咸，蛋煎得剛好，有d蛋汁，覺得好滿足😂。店員好親切，效率快👍，有時間再幫親。輕輕鬆鬆週末

黎到士美菲道一定要試下依到嘅牛麵，地鑯站行出去過一條馬路就到啦。大約兩點幾到達，因為同行有好多人，所以等左一段時間先有位。今次叫左碗沙嗲牛肉豬頸肉火腿奄列麵，牛肉同豬頸肉份量都好多、第一次試牛肉，好新鮮好入味，而豬頸肉都好爽好好味。而秘制沙嗲汁更加係重頭戲，同豬頸肉、牛肉都好夾，咸度都岩岩好。再加左杯大檸蜜只係＄50，價錢合理，下次會再食。