影片
更多
2018-10-13
657 瀏覽
勞蘇食平時都唔傾向寫一個人去食飯個啲食評，一來唔係餐餐都值得寫，我又唔係為湊數寫兩句好味好味個啲人，二來試到既野食唔多，參考價值相對細啲但最後都忍唔住破例一次，寫我好鍾意黎而毫不起眼既誠記誠記係堅尼地城既熟食中心入面，無咩門面或裝修可言架喇，但留意返，通常食街市最驚就係唔衛生同油煙味勁，佢衛生算正常，油煙味係幾乎無，比起好多餐廳做得更好而且由於近港大同港大宿舍，好多港大生會黎食，坐位都係木枱膠/鐵椅，唔好有咩特別期望，不過都唔算迫既餐牌都係一般街市熟食中心或牌檔咁，乜都有，諗到都有得拼，炒到既都做得出主打出名多人食既有：沙爹、濃沙爹牛肉麵、墨魚須頭、牛筋、豬排、椒鹽豬排一般排檔都係食鑊氣，但勞蘇食推介 — 韮菜餃炒蛋粗麵加腩汁，必須加腩汁，佢既牛筋咁多人食其中一個原因就係佢既腩汁好味習慣先食炒蛋，半熟炒蛋，真係蛋有蛋味，好味在蛋既質素食落口就知，加埋加左腩汁既湯底味道就啱啱好之後食韮菜餃，佢用既係似雲呑皮既皮，薄身同冧身好多，餃好足料好好味認真係其中幾間我食過最好味既餃，菜同肉比例好好唔食韮菜既可以揀菜肉餃，都係咁正最後就係麵底，佢既粗麵係薄身個隻，一住挾上黎有少少通透咁既，蛋味好濃，
誠記係堅尼地城既熟食中心入面，無咩門面或裝修可言架喇，但留意返，通常食街市最驚就係唔衛生同油煙味勁，佢衛生算正常，油煙味係幾乎無，比起好多餐廳做得更好
而且由於近港大同港大宿舍，好多港大生會黎食，坐位都係木枱膠/鐵椅，唔好有咩特別期望，不過都唔算迫既
餐牌都係一般街市熟食中心或牌檔咁，乜都有，諗到都有得拼，炒到既都做得出主打出名多人食既有：沙爹、濃沙爹牛肉麵、墨魚須頭、牛筋、豬排、椒鹽豬排
一般排檔都係食鑊氣，但勞蘇食推介 — 韮菜餃炒蛋粗麵加腩汁，必須加腩汁，佢既牛筋咁多人食其中一個原因就係佢既腩汁好味
習慣先食炒蛋，半熟炒蛋，真係蛋有蛋味，好味在蛋既質素食落口就知，加埋加左腩汁既湯底味道就啱啱好
之後食韮菜餃，佢用既係似雲呑皮既皮，薄身同冧身好多，餃好足料好好味認真係其中幾間我食過最好味既餃，菜同肉比例好好唔食韮菜既可以揀菜肉餃，都係咁正
最後就係麵底，佢既粗麵係薄身個隻，一住挾上黎有少少通透咁既，蛋味好濃，本身已經好鍾意依隻麵既質地同味道加埋有蛋同腩汁既湯底，完全恰到好處好多到都食唔到依個質素
如果嫌唔夠味可以加少少豆瓣醬，唔建議加潮洲辣椒油，因為太搶味，食唔到頭先講個啲美味
加埋另一賣點，大杯野飲，咩都有大同細，細就平時茶記size，大就升級版，好爽既感覺
茶記食物，好似人人都識整，無咩特別，無咩技術，其實食神話齋，愈簡單既野就愈難整得好而且，要搵好食既野其實唔難，要搵好食又有特式/有風味既野就難，要搵好食又特別又好啱自己口味既野先最難
#講到好似揀男女朋友咁
#一字記之曰 心
#提提你逢星期一休息
張貼
